དགོངས་ཚུལ།

རྩོམ་སྒྲིག་པ་༤༥མཉམ་དུ་བརྡ་ཆད་གཏན་འབེབ་བགྲོ་གླེང་།

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

༢༠༡༧།༠༣།༢༠ཉིན་སྤེལ། ད་ལོ་དམིགས་གསལ་གྱིས་བརྡ་ཆད་སྐོར་གྱི་སྒྲིག་སྟངས་སུ་བརྡ་ཆད་ཀྱི་རྩ་བའི་དབྱེ་བ་༡༦ལས་ནང་སྲས་༡༡༠ལྷག་ཅིག་བགར་བའི་སྐོར་ལ་ཟབ་སྦྱོང་དང་བགྲོ་གླེང་། བསམ་ཚུལ་བསྡུ་ལེན་བྱས་ཡོད་འདུག

Tibet-monlsmdct-2017དེ་རིང་ཕྱི་དྲོའི་ཆུ་ཚོད་ ༤།༣༠ སྟེང་།  བཞུགས་སྒར་ངྷ་སའི་གངས་སྐྱིད་དཔེ་མཛོད་ཁང་གི་ཚོགས་ཁང་དུ། སྨོན་ལམ་ཚིག་མཛོད་ཆེན་མོའི་ཆོས་ལུགས་དང་འབྲེལ་བའི་ཐ་སྙད་རྩོམ་སྒྲིག་བྱེད་ཕྱོགས་ཐད་ཆོས་བརྒྱུད་གྲུབ་མཐའ་ཁག་གི་རྩོམ་སྒྲིག་མི་སྣའི་ཚོགས་འདུ་ཐེངས་༥པ་ཉིན་གཉིས་རིང་བསྐོང་པ་མཇུག་ལེགས་གྲུབ་ཅིང་། རྒྱ་བལ་གཉིས་ཀྱི་ཕྱོགས་མཐའ་ཁག་ནས་ཕེབས་པའི་རྩོམ་སྒྲིག་པ་༤༥ལྷག་འབྱོར་ཡོད་པ་དང་།  

འདི་ག་གསར་འགོད་པས་དགེ་བཤེས་སྨོན་ལམ་ལགས་སུ།  ཉིན་གཉིས་རིང་ཚོགས་འདུར་གྲུབ་འབྲས་ཇི་འདྲ་བྱུང་བ་དང་ལས་འཆར་གྱི་ངོ་བོར་ཕན་པའི་ལག་སོན་ཅི་ཞིག་བྱུང་ཡོད་མེད་སྐོར་ལ་བཅར་འདྲི་བྱས་དོན།  དགེ་བཤེས་ལགས་ཀྱིས་བརྗོད་དོན། གཅིག ད་རེས་ཚོགས་ཞུགས་རྩོམ་སྒྲིག་པ་༤༥ཞིག་མཉམ་འདུས་ཀྱིས་རྩོམ་སྒྲིག་ཚོགས་ཆུང་སོ་སོས་ལོ་གཅིག་རིང་ལས་ཀ་བྱས་པའི་གྲུབ་འབྲས་རྩིས་ལེན་བྱས་པ་དང་ཚོགས་ཆུང་ཁ་ཤས་ཀྱིས་དུས་ལྟར་ཕུལ་མ་ཐུབ་བྱུང་ཡོད།  གཉིས་ནི་ང་ཚོས་ཚིག་མཛོད་རྩོམ་སྒྲིག་བྱེད་སྟངས་ཀྱི་རིམ་པ་ཞིག་འདས་པའི་ལོ་ངོ་རྣམས་ཀྱི་རིང་ནས་ལས་ཀྱི་ཡོད་ལ། ད་ལོ་དམིགས་གསལ་གྱིས་བརྡ་ཆད་སྐོར་གྱི་སྒྲིག་སྟངས་སུ་སྔོན་མའི་སྤྱི་ཡོངས་ཀྱི་སྒང་ལ་ཞིབ་ཚགས་སུ་བཏང་སྟེ། བརྡ་ཆད་ཀྱི་རྩ་བའི་དབྱེ་བ་༡༦ལས་ནང་སྲས་༡༡༠ལྷག་ཅིག་བགར་བའི་སྐོར་ལ་ཟབ་སྦྱོང་དང་བགྲོ་གླེང་། བསམ་ཚུལ་བསྡུ་ལེན་བྱས་པ་ཡིན། གསུམ་པ་ནི་ཚིག་མཛོད་རྩོམ་སྒྲིག་གི་མཉེན་ཆས་བེད་སྤྱོད་གཏོང་སྟངས། ལས་ཀའི་ཉམ་མྱོང་དང་སྦྲགས་མ་འོངས་པའི་ལས་འཆར་སྐོར་ལ་བསམ་ཚུལ་དང་ང་ཚོས་ག་རེ་བྱེད་ཐུབ་མིན་སོགས་ཀྱི་སྐོར་ནས་ཧ་ཅང་གིས་བགྲོ་གླེང་འཁྲུགས་པོ་དང་ཡག་པོ་བྱུང་སོང་།

གལ་ཆེ་ཤོས་ཤིག་ལ་རྩོམ་སྒྲིག་པ་རྣམས་ཆོས་བརྒྱུད་གྲུབ་མཐའ་ཡོངས་སུ་རྫོགས་པ་ནས་གྲྭ་དྲག་གྲོས་རྣམས་ཕེབས་པ་ཡིན་ཙང་། ཕན་ཚུན་ངོ་ཤེས་དང་མཐུན་ལམ་སྒྲིག་པ་ནི་སོ་སོའི་ངོས་ནས་ཀྱང་ཧ་ཅང་གིས་རྩ་ཆེན་པོ་ཞིག་ཏུ་བརྩི་ཡི་ཡོད། རྩ་བའི་ཚོགས་འདུའི་དམིགས་ཡུལ་ནི་ལོ་རྟག་པར་ཚོགས་བཞིན་པ་དང་གཅིག་ཡིན་པ་དང་། མ་འོངས་པར་ག་རེ་བྱེད་དགོས་མིན་སྐོར་ལ་གྲོས་བསྡུར་གཙོ་བོ་བྱས་པ་ཡིན། ཞེས་དང་།

གཞན་ཡང་སྐབས་འདིའི་ཚོགས་འདུའི་བརྗོད་གཞི་ཆོས་བརྒྱུད་གྲུབ་མཐའ་ཁག་གི་ཐ་སྙད་བརྡ་ཆད་གཏན་འབེབས་སུ་ཐ་སྙད་ག་ཚོད་ཀྱི་སྔོན་དཔག་ཚོད་རྩིས་ཡོད་དམ། ཁོང་གིས་བརྗོད་དོན། འདས་པའི་ལོ་གསུམ་གྱི་རིང་ལ་ངྷ་སའི་རྩོམ་སྒྲིག་ཆུང་གི་ངོས་ནས་ཐ་སྙད་ཁྲི༩དང་ཆོས་བརྒྱུད་ཁག་ནས་ཐ་སྙད་ཁྲི་༢བཅས་སྤྱི་ཚོགས་སུ་བཀྲམས་ཚར་ཡོད་པ་དང་། དེ་ལ་ཞུ་དག་ཐེངས་དགུ་བྱས་ཡོད། རྗེས་མའི་ལོ་དྲུག་པར་ཐོན་དུས་ཆོས་བརྒྱུད་གྲུབ་མཐའ་ཁག་གི་མི་སྣ་དང་ལོ་རྒྱུས་ཀྱི་ཐ་སྙད་ཁྲི་༥ནས་༦བར་རག་པའི་འབད་བརྩོན་བྱེད་ཀྱི་ཡོད། ཅེས་དང་།

དེ་མིན་ད་རེས་ཀྱི་ཚོགས་འདུའི་ཆོས་བརྒྱུད་གྲུབ་མཐའ་ཁག་གི་ཐ་སྙད་བརྡ་ཆད་གཏན་འབེབས་བརྗོད་གཞིར་བགྲོ་གླེང་བྱས་ཏེ་རྩ་བའི་ལས་གཞིར་དགོས་མཁོ་ཆེ་བཞིག་བྱུང་སོང་ངམ། ཁོང་གིས་བརྗོད་དོན། Tibet-Moniam-2017འདིར་ཕྱོགས་མཐའ་ཁག་གི་རྩོམ་སྒྲིག་ཚོགས་ཆུང་༣༣ཞིག་ཡོད་པ་ལས་༥ནས་༦མ་གཏོགས་ཆ་ཚང་ཕེབས་ཐུབ་ཡོད་པ་དང་། ཕེབས་པའི་རྩོམ་སྒྲིག་པ་ཚང་མ་རྣམ་དཔྱོད་ཅན་རྐྱང་རྐྱང་ཡིན་པས་ན། བསམ་ཚུལ་དང་བགྲོ་གླེང་ཕྱོགས་ནས་ང་ཚོར་ཕན་ཆེན་པོ་ཐོགས་སོང་བ་དང་། དེ་བཞིན་རིམ་པས་ང་ཚོས་ཐག་གཅོད་བྱུང་སོང་བ་ཡིན་ན། བཙན་བྱོལ་ནང་གི་མཁས་པ་དག་མཉམ་དུ་སྐོང་བའི་འཆར་གཞི་ཡོད། རྒྱལ་སྤྱིའི་སྒང་ནས་ཀྱང་བརྡ་ཆད་གཏན་འབབས་འདི་ཡིན་ཟེར་བ་ཞིག་མེད་པ་དང་། རིམ་པ་བཞིན་ག་ལེར་མ་སོང་ན་ལམ་སང་གཏན་འབེབས་བྱས་ཆོག་ཆོག་མིན་པ་དང་། བརྡ་ཆད་འདིའི་རྩ་བའི་དབྱེ་བ་༡༦ནི་སྔོན་ནས་གཏན་འབེབས་བྱས་ཡོད་པ་དང་ནང་སྲས་ཀྱི་དབྱེ་བར་ལོ་གཅིག་མ་གཏོགས་འགྲོ་མེད། ཅེས་འགྲེལ་བརྗོད་གནང་སོང་བ་བཅས།།

གསར་འགོད་པ་ཆོས་ཉིད།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།