ཛ་དྲག་ངལ་སེལ་ཆེད་གཅིག་བུར་ཧིན་སྒོར་འབུམ་ ༡༥ གནང་རྒྱུ།

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

༢༠༡༦།༡༡།༠༨ཉིན་སྤེལ། བཀའ་ཤག་ནས་མེ་སྐྱོན་ཕོག་པའི་བོད་མི་སུད་ཚོང་བ་རྣམས་ལ་ཛ་དྲག་ངལ་སེལ་ཆེད་གཅིག་བུར་ཧིན་སྒོར་འབུམ་ ༡༥ གནང་གཏན་འཁེལ་བ་ཡོད་འདུག

འདི་ག་ནས་གནས་ཚུལ་ལོན་པ་ལྟར་ན། རྒྱ་གར་རྒྱལ་ས་ལྡི་ལིར་ལལ་ཀི་ལ་  Lal Qila ཞེས་པའི་ས་ཁུལ་དུ་བོད་མི་སུད་ཚོང་བའི་ཁྲོམ་སར་གློག་གི་རྐྱེན་བྱས་ནས་མེ་སྐྱོན་ཚབས་ཆེ་ཕོག་པར་བརྟེན། ཁུལ་དེར་བོད་མིའི་ཁྲོམ་ས་ ༡༣༨ ཙམ་ཡོད་པ་རྣམས་ཤུལ་མེད་དུ་སོང་ཡོད། དེར་བརྟེན་བོད་མིའི་སྒྲིག་འཛུགས་བཀའ་ཤག་གིས་ནང་སྲིད་ལས་ཁུངས་བརྒྱུད་ཛ་དྲག་ངལ་སེལ་ཆེད་གཅིག་བུར་རོགས་དངུལ་ཧིན་སྒོར་འབུམ་ ༡༥ གསོལ་རས་གནང་ཡོད་པའི་གནས་ཚུལ་འདུག
 དེ་ཡང་ནང་སྲིད་བཀའ་བློན་འཁོར་ལྷ་ཚང་བསོད་ནམས་སྟོབས་རྒྱལ་མཆོག་གིས་གནས་ཚུལ་དེ་དང་འབྲེལ་ནས་སྐོར་དབུས་བོད་མིའི་སྒྲིག་འཛུགས་དྲ་བར་འཁོད་དོན་ལ་གཞིགས་ན།
བོད་མིའི་སྒྲིག་འཛུགས་ངོས་ནས་ཛ་དྲག་ངལ་སེལ་ཆེད་གཅིག་བུར་བཀའ་ཤག་ནས་ཧིན་སྒོར་འབུམ་ ༡༥ གཏང་རྒྱུ་ཡིན། དེའི་ཐོག་ནས་ཁྲོམ་ས་སླར་གསོ་ཇི་ཙམ་སྤུས་དག་པོ་ཞིག་ཡོང་མིན་ད་ལྟའི་ཆར་ཚོད་དཔག་བྱེད་ཁག་པོ་རེད། འཕྲལ་སེལ་ཆར་ཆུ་འགོག་ཐུབ་ཙམ་ཞིག་དང་ཉི་དྲོད་ལས་སྐྱོབ་ཐུབ་ཙམ་ཞིག་གི་ཚོང་ཁང་ཞིག་རྒྱག་ཐབས་བྱེད་བཞིན་ཡོད། གང་ཡིན་བརྗོད་ན་ད་ལྟ་ཚོང་གི་དུས་ཚོད་དེ་གཞི་ནས་འགོ་འཛུགས་བཞིན་ཡོད་སྟབས་བོད་མི་དེ་དག་དུས་ཐོག་ཚོང་བརྒྱབ་ཐུབ་པ་དང་། ལུ་དི་ཨ་ནའི་ Ludhiana རྒྱ་གར་གྱི་ཚོང་པ་ཡིན་ནའང་འདྲ། དེ་ཚོར་ལྡི་ལི་བསམ་ཡས་གླིང་བོད་མིའི་གཞི་སྒར་གྱི་ས་གནས་འགོ་འཛིན་གྱིས་ཚོགས་ཆུང་བཙུགས་ནས་འབྲེལ་བ་གང་འདྲ་བྱེད་དགོས་མིན་ཐད་ལས་འགུལ་སྤེལ་དགོས་པའི་ལམ་སྟོན་ཞུས་ཡོད། ལམ་སྟོན་ལྟར་ཁོང་ཚོས་ལས་གཞི་ཞིག་འགོ་བཙུགས་འདུག་ཅེས་དང་།

དེ་མིན་སྤྱིར་སྟངས་གློ་བུར་གོད་ཆག་རིགས་ཕོག་པའི་སྐབས་ལ་ནང་སྲིད་ལས་ཁུངས་ཀྱི་གུན་གསབ་སྤྲོད་རྒྱུའི་སྒྲིག་གཞི་གཏན་འབེབས་ཡོད། སྒྲིག་གཞི་དེ་དག་གི་ནང་གསལ་ལྟར་ན། འབུམ་དྲུག་བརྒལ་བའི་གོད་ཆག་རིགས་ཕོག་པའི་ཛ་དྲག་གནས་ཚུལ་བྱུང་བ་ཡིན་ན། མང་མཐར་འབྲེལ་ཡོད་དོ་དག་སོ་སོར་སྒོར་ཁྲི་གསུམ་གནང་རྒྱུ་དང་། དེའི་ཐོག་ནས་སྐབས་སུ་བབ་པའི་ལྡི་ལིར་མེ་སྐྱོན་ཕོག་པའི་ཁྲོམ་ས་ ༡༣༨ ཆ་ཚང་ཁྲི་གསུམ་ཐོབ་མཁན་གྱི་ཁོངས་ལ་བཏང་བ་ཡིན་ན་འབུམ་ ༤༠།༥༠ གུན་གསབ་ཐོབ་དགོས་ངེས་ལྟ་བུ་ཆགས་འདུག དེ་ཚོའི་ཐོག་ལ་འདི་ག་ནང་སྲིད་ལས་ཁུངས་ནས་འཆར་གཞི་བང་རིམ་སྒྲིག་བཞིན་ཡོད། ས་གནས་ནས་གནས་ཚུལ་བྱུང་བ་ལྟར་ན། ས་གནས་རང་ནས་ཀྱང་ཚོགས་ཆུང་བཙུགས་ནས་གདུང་སེམས་མཉམ་སྐྱེའི་ལས་འགུལ་དང་འབྲེལ་ཞལ་འདེབས་བསྡུ་རུབ་གནང་བཞིན་ཡོད་སྟབས། བོད་མི་དེ་དག་ལ་གྱོན་གུན་ཕོག་པ་རྣམས་བརྒྱ་ཆ་བརྒྱ་ནས་བརྒྱ་ཕྱིར་སློག་མ་ཐུབ་པ་ཡིན་ནའང་གང་ཐུབ་ཅི་ཐུབ་ཀྱི་གུན་གསབ་ཐུབ་པ་ཞིག་ཡོང་ཐབས་ཞུ་བཞིན་ཡོད་པར་བརྗོད་འདུག

གསར་འགོད་པ་ཆོས་ཉིད།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།