དཔལ་ལྡན་སྲིད་སྐྱོང་མཆོག་བལ་ཡུལ་རྣམ་རྒྱལ་སློབ་གྲྭར་བསྐྱོད་པ།

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

༢༠༡༦།༡༠།༡༡ཉིན་སྤེལ། དཔལ་ལྡན་སྲིད་སྐྱོང་བློ་བཟང་སེངྒེ་མཆོག་གིས་བལ་ཡུལ་རྣམ་རྒྱལ་སློབ་གྲྭའི་སློབ་མ་རྣམས་ལ་བོད་མིའི་སྒྲིག་འཛུགས་ཀྱིས་ཤེས་ཡོན་ཐོག་དམིགས་བསལ་འབད་བརྩོན་གནང་བཞིན་ཡོད་ཅེས་གསུངས་འདུག

2009-11-24ད་རེས་ཕྱི་ཚེས་ ༡༠ཉིན། བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་བློ་བཟང་སེངྒེ་མཆོག་གིས་བལ་ཡུལ་རྣམ་རྒྱལ་སློབ་གྲྭའི་སློབ་མ་རྣམས་ལ་བོད་མིའི་སྒྲིག་འཛུགས་ཀྱིས་ཤེས་ཡོན་ཐོག་དམིགས་བསལ་འབད་བརྩོན་གནང་བཞིན་ཡོད་སྐོར་དང་། ལྷག་པར་དེང་རབས་བོད་ཕྲུག་ཚོས་གནའ་དེང་ཟུང་འབྲེལ་ཐོག་ནས་བོད་མིའི་ཐུན་མིན་ཆོས་དང་རིག་གཞུང་འཛིན་སྐྱོང་སྤེལ་གསུམ་བྱ་རྒྱུ་གལ་ཆེ་ཡིན་སྐོར།   འཛིན་སྐྱོང་བཀའ་ཤག་ངོས་ནས་ཤེས་ཡོན་གལ་ཆེ་ཤོས་སུ་འཛིན་རྒྱུའི་སྲིད་བྱུས་རྒྱུན་སྐྱོང་གནང་བཞིན་ཡོད་སྟབས། སློབ་ཡོན་སྔར་ལས་ཇེ་མང་དུ་བཏང་བ་དང་། ཤེས་ཡོན་རྩེ་ཕུད་ཀྱི་གྲུབ་འབྲས་ལ་གཟེངས་བསྟོད་བྱ་དགའ་གསོལ་རས་གནང་རྒྱུས་མཚོན་ལས་དོན་སྣ་མང་ཐོག་ནས་སྲིད་སྐྱོང་གི་བོད་མིའི་ཤེས་ཡོན་གྲུབ་འབྲས་ལ་འཛིན་པའི་འཆར་སྣང་མངོན་གྱུར་ཡོང་སླད་ལས་འགུལ་འདྲ་མིན་སྤེལ་མུས་ཡིན་སྐོར་སོགས་ཀྱི་གསུང་བཤད་གནང་གྲུབ་བསྟུན་དཔལ་ལྡན་སྲིད་སྐྱོང་མཆོག་གིས་སློབ་མ་རྣམས་ཀྱི་དྲི་བ་ཁག་ལ་ལན་འདེབས་གསལ་བཤད་གནང་འདུག

རྣམ་རྒྱལ་མཐོ་རིམ་སློབ་གྲྭ་ནི། སློབ་གྲྭ་འདི་ཐོག་མ་ཕྱི་ལོ་༡༩༨༨ ལོར་འཛིན་རིམ་དྲུག་པ་ནས་བརྒྱད་པ་བར་ལས་མེད་ཀྱང༌། ཕྱི་ལོ་༡༩༨༩ ལོར་འཛིན་རིམ་དགུ་པ་དང༌། ཡང་ཕྱི་ལོ་༡༩༩༠ ལོ་འཛིན་རིམ་བཅུ་པ་བཅས་ལོ་རེ་འཛིན་རིམ་རེ་སྤར་ཐུབ་བྱུང་ཡོད། ་ལོ་༡༩༩༥ ཟླ་༤ ཚེས་༢༧ ཉིན་རྒྱལ་སྤྱིའི་ཨེ་སེ་ཨོ་ཨེ་སེ་(SOS)ཚོགས་པའི་ཚོགས་གཙོ་སྐུ་ཞབས་(Mr. Helmut Kutin)ལགས་ནས་འཛིན་རིམ་༡༢ བར་གནས་སྤར་བྱས་པའི་གཞུང་འབྲེལ་གསལ་བསྒྲགས་སྤེལ་ཞིང༌། འཛིན་རིམ་བཅུ་གཅིག་དང་བཅུ་གཉིས་ཀྱི་ཚོང་འབྲེལ་དང་སྒྱུ་རྩལ་སྡེ་ཚན་ཁོངས་གཏོགས་ཀྱི་སློབ་ཕྲུག་རྣམས་སློབ་གྲྭ་འདིར་མུ་མཐུད་དེ་སློབ་སྦྱོང་བྱ་རྒྱུའི་གོ་སྐབས་ཡོད་པ་དང༌།
ཕྱི་ལོ་༢༠༠༧ ལོའི་བལ་ཡུལ་རྒྱལ་ཡོངས་འཛིན་རིམ་བཅུ་གཅིག་གི་ཡིག་རྒྱུགས་ནང་འཛུལ་ཞུགས་གནང་མཁན་སློབ་ཕྲུག་ཁྱོན་བསྡོམས་གྲངས་༩༩ བྱུང་ཡོད་འདུག

བོད་གཞུང་ཤེས་རིག་ལས་ཁུངས་ནས་ཐོག་མ་སློབ་གྲྭ་རྒྱག་ཡུལ་གྱི་ས་ཆ་སྤུས་གཟིགས་གནང་བ་དང༌། རྒྱལ་སྤྱིའི་ཨེ་སེ་ཨོ་ཨེ་སེ་(SOS)རོགས་ཚོགས་ནས་སློབ་ཁང་འཛིན་ཆས་དང་བཅས་པ་གསར་སྐྲུན་རོགས་རམ་གནང་སྟེ། ཕྱི་ལོ་༡༩༨༨ཟླ་༤ ཚེས་༢ ཉིན་བལ་ཡུལ་རྣམ་རྒྱལ་མཐོ་སློབ་གསར་དུ་དབུ་བརྙེས་ཤིང༌། སྐབས་དེར་འཛིན་རིམ་དྲུག་པ་ནས་བརྒྱད་པ་བར་དང༌། སློབ་ཕྲུག་ཁྱོན་བསྡོམས་གྲངས་༢༠༠ དང་དགེ་ལས་ཁྱོན་བསྡོམས་གྲངས་༡༠ བཅས་ཡོད།

སློབ་གྲྭའི་དམིགས་ཡུལ་གཙོ་བོ་ནི། སློབ་ཕྲུག་རྣམས་ལ་བོད་ཀྱི་སྐད་ཡིག་དང༌། ཆོས་དང་རིག་གཞུང་གི་སློབ་སྦྱོང་ཚད་ལྡན་སྤྲོད་རྒྱུའི་ཐོག དེང་རབས་ཀྱི་ཤེས་ཡོན་སློབ་སྦྱོང་ཆ་ལག་ཚང་ཞིང་སྤུས་ཚད་ལྡན་པ་ཞིག་སྦྱོར་སྤྲོད་ཡོང་ཐབས་སོགས་མདོར་ན་བོད་མི་མཚན་ཉིད་ཚང་བ་ཞིག་ཡོང་ཐབས་སུ་འབད་བརྩོན་ཞུ་རྒྱུ་ཡིན།

གསར་འགོད་པ། ཆོས་ཉིད།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།