དབུས་ས་གཉིས་ཀྱི་བུད་མེད་ཀྱི་འབྲེལ་བ་ཧ་ཅང་བཟང་པོ་ཡོད།

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

༢༠༡༦།༠༨།༠༨ཉིན་སྤེལ། དབུས་ས་གཉིས་ཀྱི་བུད་མེད་དབར་འབྲེལ་བ་ཅི་འདྲ་བྱེད་དགོས་མེད་དབུས་ནས་རྒྱུན་ལས་མི་འདྲ་བ་རེ་ལ་ལས་ཀ་མི་འདྲ་བ་རེ་བགོས་ཏེ་ད་ལྟའི་ཆར་བུད་མེད་ལྷན་ཚོགས་ཀྱི་གནས་སྟངས་ཡག་ཐག་ཆོད་ཡོད་ཅེས་ཞུ་རྒྱུ་ཡིན།

དེའི་སྐོར་དབུས་བོད་ཀྱི་བུད་མེད་ལྷན་ཚོགས་ཀྱི་ཚོགས་གཙོ་སྒྲོལ་མ་དབྱངས་ཅན་ལགས་སུ་བཅར་འདྲི་བྱས་པ་གཤམ་གསལ།

༡། ཚོགས་ལ་ཉེ་བའི་དབུས་བོད་ཀྱི་བུད་མེད་ལྷན་ཚོགས་ཀྱི་འགན་འཛིན་ལྷན་ཚོགས་སྐོར་ལ་ངོ་སྤྲོད་ཅིག་གནང་རོགས།

ལན། རེད། འགན་འཛིན་ལྷན་ཚོགས་དེ་ཟླ་བ་༡༨ནང་ཐེངས་མ་རེ་ཚོགས་ཀྱི་ཡོད་རེད། དེ་ཡང་ག་པར་ཚོགས་ཀྱི་ཡོད་མེད་ཚོགས་ཆེན་དེའི་སྐབས་ལ་ཐག་གཅོད་གནང་གི་རེད། ད་ལོའི་རྩིས་གཞི་དེ་ཧོན་སུར་གཞིས་ཆགས་ངོས་ནས་འཚོགས་གནང་གི་ཡོད་རེད། འོན་ཀྱང་ད་ལྟའི་འགན་འཛིན་ལྷན་ཚོགས་དེ་ཟླ་བ་བཅོ་བརྒྱད་ཕྱིན་ཡོད་མ་རེད། ང་ཚོས་ཕར་ཚུར་གཏོགས་ཙམ་བསྟུན་དགོས་ཀྱི་འདུག ཕྱི་ཟླ་༩པའི་ནང་གཞིས་ཆགས་ས་གནས་ཁག་གི་བོད་མི་མང་ཆེ་བ་དགུན་ཚོང་གཉེར་དུ་ཕེབས་ཀྱི་ཡོད་པ་རེད། དེ་བཞིན་བུད་མེད་ལྷན་ཚོགས་ཀྱི་ནང་ནས་ཚོང་ལ་ཕེབས་མཁན་མང་པོ་ཡོད་རེད། དེར་བརྟེན་ང་ཚོས་དུས་ཚོད་གཏོགས་ཙམ་ཡར་སྐུམ་དགོས་ཀྱི་འདུག དེར་བརྟེན་ད་ལྟའི་འཆར་གཞི་དེ་ཕྱི་ཟླ་༨པའི་ཚེས་༨ནས་༡༣བར་ས་གནས་གཞིས་ཆགས་ཧོན་སུར་རབ་རྒྱས་གླིང་གཞིས་ཆགས་ནང་ཚོགས་གཏན་འཁེལ་ཡོད་པ་རེད། ད་ལྟ་ས་གནས་༥༨ཡོད་པ་རེད། ས་ཆ་ཁ་ཤས་ལ་དཀའ་ངལ་ཧ་ཅང་ཆེན་པོ་ཡོད་པ་རེད། ད་ལོར་ལ་དྭགས་ནས་ཕེབས་ཐུབ་ཀྱི་མེད་པ་རེད། གང་ཡིན་ཟེར་ན་༧གོང་ས་མཆོག་ལ་དྭགས་ལ་ཆིབས་བསྒྱུར་གནང་ཡོད་པ་རེད། གཞན་ས་གནས་ཚང་མ་ནས་ཚོགས་གཙོ་དང་དྲུང་ཆེ་དང་། དྲུང་གཞོན་ཚང་མ་ཕེབས་ཀྱི་ཡོད་པ་རེད།alt

༢། ཚོགས་ཆེན་དེའི་ནང་ས་གནས་ག་ཚོད་དང་། ཚོགས་མི་ག་ཚོད་ཙམ་མཉམ་ཞུགས་གནང་གི་ཡོད་དམ།

ལན། ས་གནས་དེ་ངས་གོང་དུ་བཤད་ཟིན་པ་ལྟར་༥༧ཡོད་པ་རེད། གོ་མཐོས་ལྟར་ན་ས་གནས་གསུམ་བཞི་ཞིག་ཕེབས་ཐུབ་ཀྱི་མེད་པ་རེད་འདུག ཚོགས་མི་༡༢༥ཕེབས་ཀྱི་ཡོད་པ་རེད།

༣། གོང་གི་དྲི་བ་དང་མ་འབྲེལ་བར་བོད་ཀྱི་བུད་མེད་ལྷན་ཚོགས་ཀྱི་ཚོགས་པའི་གནས་སྟངས་སྐོར་ལ་གལ་གནད་ཆེ་བའི་དགོངས་འཆར་ཞིག་གསུངས་རོགས་གནང་།

ལན། སྤྱིར་བོད་ཀྱི་བུད་མེད་ལྷན་ཚོགས་ཀྱི་གནས་སྟངས་དེ་སྤྱི་ཡོངས་ནས་ཡག་ཐག་ཆོད་ཡོད་པ་རེད། ས་གནས་ལ་ཆ་བཞག་ན་ཚང་མ་དང་བླངས་རེད། གླ་ཆ་གང་ཡང་ཡོད་མ་རེད། ལས་འགུལ་སྤེལ་སྐབས་འགྲོ་སོང་མང་པོ་འགྲོ་ཡི་ཡོད་རེད། དེ་དག་སྦྱིན་བདག་བརྒྱུད་ནས་ལེན་གྱི་ཡོད་མ་རེད། ཚོགས་ཆུང་རང་ངོས་ནས་དཔལ་འབྱོར་བཟོ་རྒྱུའི་ལས་འགུལ་སྤེལ། དེའི་དངུལ་དེ་ལས་འགུལ་སླེབས་སྐབས་ལས་འགུལ་ལ་བསྐོར་བ་རྒྱབ་ནས་འགྲོ་ཡི་ཡོད་རེད། ཁོང་ཚོའི་ལས་འགུལ་དེ་དག་དབུས་ནས་བཀའ་བརྒྱ་བཏང་བ་གཞིར་བཟུང་འགྲོ་ཡི་ཡོད་རེད།  སྐབས་རེ་རྒྱ་གར་གྱི་མི་སྣ་མང་པོ་ཞིག་ལ་སྣེ་ལེན་ཞུ་དགོས་པ་དེ་འདྲ་ཡོད་རེད། དེ་དག་ས་གནས་སོ་སོའི་དཔལ་འབྱོར་ལ་ལྟ་ནས་འགྲོ་ཡི་ཡོད་རེད། དབུས་ལ་རྒྱུན་ལས་བདུན་འདེམས་ཡོད་རེད། དེའི་ནང་ལྔ་ལས་ཁུངས་རང་ལ་ལས་འགན་ཁུར་ནས་བཞུགས་ཀྱི་ཡོད་རེད། གཉིས་ཕྱོགས་སྐྱོད་རྒྱུན་ལས་རེད། རྒྱུན་ལས་བདུན་པོ་དེས་ཚོགས་པའི་ལས་འཆར་ཐད་ཐག་གཅོད་གང་གནང་གི་ཡོད་རེད།

ལས་བྱེད་ལ་ཆ་བཞག་ན། དེང་དུས་ཀྱི་ལས་ཀ་བྱེད་ཤེས་མཁན་བུད་མེད་ལྔ་ཡོད་པ་དེ་དག་རྩིས་པ་དང་། གསར་འཕྲིན་འགོད་མཁན། འཆར་འགོད་འགན་འཛིན། ཁོར་ཡུག་འགན་འཛིན། ལས་ཁུངས་ཀྱི་དོ་དམ་པ་བཅས་ལྔ་ཡོད་པ་རེད།  ས་གནས་ལ་ཆ་བཞག་ན་རྒྱུན་ལས་ཡོད་པ་རེད། དེའི་འོག་རུ་ཁག་གི་རུ་དཔོན་ཚོ་ལ་འཆར་འགོད་བྱས་པ་ཡིན་ན་ཁོང་ཚོས་ལས་ཀ་བྱེད་ཀྱི་ཡོད་པ་རེད། དབུས་ས་གཉིས་ཀྱི་སྐོར། ད་ལྟའི་འཆར་དབུས་ས་གཉིས་ཀྱི་བར་འབྲེལ་མཐུད་ཧ་ཅང་བཟང་པོ་ཡོད།  ན་ནིང་༧གོང་ས་མཆོག་གི་བརྟན་ཞུགས་ཕུལ་རྗེས་ཉིན་གཉིས་རིང་ཟབ་སྦྱོང་ཞིག་གོ་སྒྲིག་བྱས་པ་ཡིན། ཟབ་སྦྱོང་སྐབས་མང་གཙོ་དེ་གལ་ཆེན་པོ་ཡིན་པ་དང་། དབུས་ས་གཉིས་ཀྱི་བུད་མེད་དབར་འབྲེལ་བ་ཅི་འདྲ་བྱེད་དགོས་མེད་དབུས་ནས་རྒྱུན་ལས་མི་འདྲ་བ་རེ་ལ་ལས་ཀ་མི་འདྲ་བ་རེ་བགོས་ཏེ་ད་ལྟའི་ཆར་བུད་མེད་ལྷན་ཚོགས་ཀྱི་སྟངས་ཡག་ཐག་ཆོད་ཡོད་ཅེས་ཞུ་རྒྱུ་ཡིན།

གསར་འགོད་པ། ཟླ་བ་ཕུར་བུ།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།