བོད་མི་མང་སྤྱི་འཐུས་གྲོས་ཚོགས་ཐེངས་༩པ་དབུ་འཛུགས།

ཤམ་བྷ་ལའི་ཕོ་ཉ། ཕྱི་ལོ་༢༠༡༠ཟླ་༣ཚེས་༨ཉིན། དེ་རིང་ཞོགས་པར་བོད་མི་མང་སྤྱི་འཐུས་སྐབས་༡༤པའི་གྲོས་ཚོགས་ཚོགས་དུས་༩པ་དེ་དབུ་འཛུགས་གནང་ཡོད་པ་རེད། དེ་ཡང་ཐོགས་མར་བོད་རྒྱལ་ཁབ་ཆེན་མོའི་རྒྱལ་གླུ་ཕུལ་བ་དང༌། བོད་མི་རིགས་དང་རྒྱལ་ཁབ་ཆེད་སྐུ་ལས་བསྐྱོན་མཁན་ཁག་ཅིག་འདས་གྲོངས་སུ་ཕྱིན་པ་དེ་ཚོའི་ཆེད་བོད་མི་མང་སྤྱི་འཐུས་ལྷན་ཚོགས་ཀྱི་ངོས་ནས་མྱ་ངན་གུས་བཏུད་བྱས་སོང༌ལ། དེ་རྗེས་ཚོགས་གཙོ་སྤེན་པ་ཚེ་རིང་མཆོག་ནས་གྲོས་ཚོགས་དབུ་འཛུགས་ཀྱི་གསུང་བཤད་སོགས་རིམ་པར་གནང་སོང་།

བོད་ཀྱི་གཞོན་ནུ་ལྷན་ཚོགས་ཀྱིས་རྒྱ་ནག་གཞུང་ཚབ་མདུན་དུ་ངོ་རྒོལ།

༧གོང་ས་མཆོག་ནས་གསུམ་བཅུའི་དུས་དྲན་ཐེངས་༥༡པའི་ཐོག་གསུང་འཕྲིན།

ཤམ་བྷ་ལའི་ཕོ་ཉ། ཕྱི་ལོ་༢༠༡༠ཟླ་༣ཚེས་༡༠ཉིན། དེ་རིང་གི་ཉིན་མོ་འདི་ནི་ཕྱི་ལོ་༡༩༥༩ལོར་བོད་ཀྱི་རྒྱལ་ས་ལྷ་སར་རྒྱ་དམར་གྱི་བཙན་གནོན་ལ་བོད་མིས་ཞི་རྒོལ་བྱས་ནས་མི་ལོ་ལྔ་བཅུ་ང་གཅིག་འཁོར་བ་དང༌། ཕྱི་ལོ་༢༠༠༨ཟླ་༣པ་ནས་བཟུང་ཆོལ་གསུམ་བོད་ཀྱི་ས་ཁུལ་ཡོངས་སུ་འཚེ་མེད་ཞི་བའི་གྱེན་ལངས་བྱུང་ནས་ལོ་གཉིས་འཁོར་བ་བཅས་ཀྱི་དུས་ཚིགས་ལ་བོད་མི་རིགས་དང། རྒྱལ་བསྟན་ཆབ་སྲིད་ཀྱི་དོན་དུ་ལུས་སྲོག་དོར་བའི་དཔའ་བོ་དཔའ་མོ་རྣམས་དང༌། སྡུག་སྦྱོང་མནར་གཅོད་མྱོང་བཞིན་པ་བཅས་ཚང་མར་རྗེས་དྲན་དང༌། མཆོག་གསུམ་རྒྱལ་བ་རྒྱ་མཚོར་གསོལ་འདེབས་ཞུ་རྒྱུ་ཡིན།

གཞུང་འབྲེལ་མིན་པའི་ཚོགས་པ་ལྔས་མར་མེ་ཁྲོམ་སྐོར་གྱི་ལས་འགུལ།

ཤམ་བྷ་ལའི་ཕོ་ཉ། ཕྱི་ལོ་༢༠༡༠ཟླ་༣ཚེས་༥ཉིན། དེ་རིང་དགོང་མོར་བོད་ཀྱི་གཞོན་ནུ་ལྷན་ཚོགས་དང༌། བོད་ཀྱི་བུད་མེད་ལྷན་ཚོགས། བོད་རྒྱལ་ཡོངས་མང་གཙོ་ཚོགས་པ། དེ་བཞིན་བོད་ཀྱི་དགུ་བཅུ་གསུམ་ལས་འགུལ་ཚོགས་པ་དང་བོད་རང་བཙན་སློབ་ཕྲུག་ཚོགས་པ་བཅས་ཀྱི་གོ་སྒྲིག་འོག་བཞུགས་སྒར་དྷ་རམ་ས་ལར་མར་མེ་ཁྲོམ་སྐོར་དང་། གསར་འགོད་གསལ་བསྒྲགས་ཀྱི་ལས་འགུལ་ཞིག་ཀྱང་སྤེལ་སོང༌།