རྒྱ་ནག་གཞུང་གི་སྲིད་བྱུས།

སྐད་ཡིག་གཏུག་བཤེར་ལ་ཁྲིམས་ཀྱི་གཞི་བཅོལ་ས་ཟེར་བ།

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

གྲངས་ཉུང་མི་རིགས་ཀྱིས་རང་གི་སྐད་ཡིག་གིས་གཏུག་བཤེར་བྱེད་པའི་ཁྲིམས་ཀྱི་གཞི་བཅོལ་ས་གང་ཡིན། ཟེར་བའི་རྩོམ་རིག་ཅིག་ཐོན་འདུག་གཤམ་དུ་བཀོད་ཡོད་པས་གཟིགས་ཞིབ་ཞིབ་འཚལ།

《རྩ་ཁྲིམས》ཀྱི་ཚན་པ ༡༣༤ བར་གཏན་ཁེལ་བྱས་ཡོད་དེ།"རིགས་སོ་སོའི་མི་དམངས་ཚང་མར་རང་མི་རིགས་ཀྱི་སྐད་ཡིག་སྤྱད་ནས་གཏུག་བཤེར་བྱེད་པའི་དབང་ཆ་ཡོད། མི་དམངས་ཁྲིམས་ཁང་དང་མི་དམངས་ཞིབ་དཔྱོད་ཁང་གིས་ས་གནས་དེ་གའི་སྤྱི་སྤྱོད་ཀྱི་སྐད་ཆ་མི་ཤེས་པའི་མི་གཏུག་བཤེར་ལ་ཞུགས་ན་དེར་ལོ་ཙཱ་བྱེད་འོས། གྲངས་ཉུང་མི་རིགས་འདུས་སྡོད་དང་མི་རིགས་མང་པོ་མཉམ་དུ་འཚོ་སྡོད་ཡོད་པའི་ས་ཆ་རུ། ས་གནས་དེ་གའི་སྤྱི་སྤྱོད་ཀྱི་སྐད་ཆ་སྤྱད་ནས་གྱོད་གཞི་གཅོད་བྱེད་འོས། གཏུག་བཤེར་ཡི་གེ་དང་ཐག་བཅད་ཡི་གེ བསྒྲགས་ཡིག་སོགས་བྲིས་ཡིག་དག་དོན་དངོས་ཀྱི་དགོས་མཁོར་དམིགས་ནས་ས་གནས་དེ་གར་ཀུན་གྱིས་སྤྱོད་བཞིན་པའི་ཡིག་རིགས་གཅིག་གམ་ཡིག་རིགས་དུ་མས་འབྲི་འོས།"

《མི་རིགས་མངའ་ཁོངས་རང་སྐྱོང་བཅའ་ཁྲིམས》ཀྱི་ཚན་པ ༤༧ པའི་ནང་གཏན་ཁེལ་བྱས་ཡོད་དེ།"མི་རིགས་མངའ་ཁོངས་རང་སྐྱོང་ས་ཁུལ་གྱི་མི་དམངས་ཁྲིམས་ཁང་དང་མི་དམངས་ཞིབ་དཔྱོད་ཁང་གིས་ས་གནས་དེ་གའི་སྤྱི་སྤྱོད་ཀྱི་སྐད་ཡིག་སྤྱད་ནས་གྱོད་གཞི་ཞིབ་དཔྱོད་དང་ཞིབ་གཅོད་བྱེད་འོས་ཤིང༌། ས་གནས་དེ་གའི་སྤྱི་སྤྱོད་ཀྱི་སྐད་ཆ་མི་ཤེས་པ་གཏུག་བཤེར་ལ་ཞུགས་ན་དེར་ལོ་ཙཱ་བྱེད་འོས། བཅའ་ཁྲིམས་ཀྱི་ཡི་གེ་དོན་དངོས་ཀྱི་དགོས་མཁོ་གཞིར་བཟུང་ནས་ས་གནས་དེ་གའི་ཡིག་རིགས་གཅིག་གམ་དུ་མས་འབྲི་འོས། རིགས་སོ་སོའི་མི་དམངས་ཚང་མར་རང་མི་རིགས་སྐད་ཡིག་སྤྱད་ནས་གཏུར་བཤེར་བྱེད་པའི་དབང་ཆ་ལྡན་པར་ཁེག་ཐག་བྱ་དགོས།"

《མི་དམངས་ཁྲིམས་ཁང་གི་རྩ་འཛུགས་ཁྲིམས》ཀྱི་ཚན་པ ༦ པར་གཏན་ཁེལ་བྱས་ཡོད་དེ།"རིགས་སོ་སོའི་མི་དམངས་ཚང་མར་རང་མི་རིགས་ཀྱི་སྐད་ཡིག་སྤྱད་ནས་གཏུག་བཤེར་བྱེད་པའི་དབང་ཆ་ཡོད། མི་དམངས་ཁྲིམས་ཁང་གིས་ས་གནས་དེ་གའི་སྤྱི་སྤྱོད་ཀྱི་སྐད་ཆ་མི་ཤེས་པའི་མི་གཏུག་བཤེར་ལ་ཞུགས་ན་དེར་ལོ་ཙཱ་བྱེད་འོས། གྲངས་ཉུང་མི་རིགས་འདུས་སྡོད་དང་མི་རིགས་མང་པོ་མཉམ་དུ་འཚོ་སྡོད་ཡོད་པའི་ས་གནས་སུ། ས་གནས་དེ་གའི་སྤྱི་སྤྱོད་ཀྱི་སྐད་ཆ་སྤྱད་ནས་འདྲི་གཅོད་བྱེད་འོས་ཤིང༌། ཐག་གཅོད་ཡི་གེ་དང་བསྒྲགས་ཡིག གཞན་པའི་ཡིག་ཆ་སོགས་ས་གནས་དེ་གའི་སྤྱི་སྤྱོད་ཀྱི་ཡི་གེ་སྤྱད་ནས་འབྲི་འོས།"

《ཉེས་དོན་གཏུག་བཤེར་ཁྲིམས》ཀྱི་ཚན་པ ༩ པར་གཏན་ཁེལ་བྱས་ཡོད་དེ།"རིགས་སོ་སོའི་མི་དམངས་ཚང་མར་རང་མི་རིགས་ཀྱི་སྐད་ཡིག་སྤྱད་ནས་གཏུག་བཤེར་བྱེད་པའི་དབང་ཆ་ཡོད། མི་དམངས་ཁྲིམས་ཁང་གིས་ས་གནས་དེ་གའི་སྤྱི་སྤྱོད་ཀྱི་སྐད་ཆ་མི་ཤེས་པའི་མི་གཏུག་བཤེར་ལ་ཞུགས་ན་དེར་ལོ་ཙཱ་བྱེད་འོས། གྲངས་ཉུང་མི་རིགས་འདུས་སྡོད་དང་མི་རིགས་མང་པོ་མཉམ་དུ་འཚོ་སྡོད་ཡོད་པའི་ས་གནས་སུ། ས་གནས་དེ་གའི་སྤྱི་སྤྱོད་ཀྱི་སྐད་ཆ་སྤྱད་ནས་འདྲི་གཅོད་བྱེད་འོས་ཤིང༌། ཐག་གཅོད་ཡི་གེ་དང་བསྒྲགས་ཡིག གཞན་པའི་ཡིག་ཆ་སོགས་ས་གནས་དེ་གའི་སྤྱི་སྤྱོད་ཀྱི་ཡི་གེ་སྤྱད་ནས་འབྲི་འོས།"

《དམངས་དོན་གཏུར་བཤེར་ཁྲིམས》ཀྱི་ཚན་པ ༡༡ པར་གཏན་ཁེལ་བྱས་ཡོད་དེ།"རིགས་སོ་སོའི་མི་དམངས་ཚང་མར་རང་མི་རིགས་ཀྱི་སྐད་ཆ་དང་ཡི་གེ་སྤྱད་ནས་དམངས་དོན་གཏུག་བཤེར་བྱེད་པའི་དབང་ཆ་ཡོད། གྲངས་ཉུང་མི་རིགས་འདུས་སྡོད་དང་མི་རིགས་མང་པོ་མཉམ་གཅིག་ཏུ་འཚོ་སྡོད་ཡོད་པའི་ས་ཁུལ་དུ། མི་དམངས་ཁྲིམས་ཁང་གིས་ས་གནས་དེ་གའི་མི་རིགས་ཀྱིས་ཐུན་མོང་དུ་བཀོལ་སྤྱོད་བྱེད་པའི་སྐད་ཆ་དང་ཡི་གེ་སྤྱད་ནས་ཞིབ་གཅོད་དང་ཁྲིམས་ཡིག་སྒྲོག་འོས། མི་དམངས་ཁྲིམས་ཁང་གིས་ས་གནས་དེ་གའི་མི་རིགས་ཀྱིས་ཐུན་མོང་གིས་བཀོལ་སྤྱོད་བྱེད་པའི་སྐད་ཆ་དང་ཡི་གེ་མི་ཤེས་མཁན་གཏུག་བཤེར་ལ་ཞུགས་པར་ལོ་ཙཱ་བྱེད་འོས།"

《སྲིད་འཛིན་གཏུག་བཤེར་ཁྲིམས》ཀྱི་ཚན་པ ༨ པར་གཏན་ཁེལ་བྱས་ཡོད་དེ།"རིགས་སོའི་མི་དམངས་ཚང་མར་རང་མི་རིགས་ཀྱི་སྐད་ཆ་དང་ཡི་གེ་སྤྱད་ནས་སྲིད་འཛིན་གཏུག་བཤེར་བྱེད་པའི་དབང་ཆ་ཡོད། གྲངས་ཉུང་མི་རིགས་འདུས་སྡོད་དང་མི་རིགས་མང་པོ་མཉམ་གཅིག་ཏུ་འཚོ་སྡོད་ཡོད་པའི་ས་ཁུལ་དུ། མི་དམངས་ཁྲིམས་ཁང་གིས་ས་གནས་དེ་གའི་མི་རིགས་ཀྱིས་ཐུན་མོང་དུ་སྤྱོད་པའི་སྐད་ཆ་དང་ཡི་གེ་སྤྱད་ནས་ཞིབ་གཅོད་དང་ཁྲིམས་ཡིག་སྒྲོག་འོས། མི་དམངས་ཁྲིམས་ཁང་གིས་ས་གནས་དེ་གའི་མི་རིགས་ཀྱིས་ཐུན་མོང་དུ་སྤྱོད་པའི་སྐད་ཆ་དང་ཡི་གེ་མི་ཤེས་མཁན་གཏུར་བཤར་ལ་ཞུགས་པར་ལ་ལོ་ཙཱ་བྱེད་འོས།"  ཏ་ལེན་གྲོང་ཁྱེར་མི་རིགས་ཨུ་ལྷན་གྱིས།

ཡོང་ཁུངས། ཀྲུང་གོའི་བོད་ལྗོངས་དྲ་བ། རྩོམ་པ་པོ།  ཨ་གུར་གྱིས་བསྒྱུར།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།