རྒྱ་ནག་གཞུང་གི་སྲིད་བྱུས།

གྲངས་ཉུང་མི་རིགས་སྐད་ཡིག་ཐད་ཀྱི་རྩ་བའི་སྲིད་བྱུས་ཟེར་བ།

Attention, open in a new window. ཕི་ཌི་ཨེཧཕ། པར་འདེབས།གློག་འཕྲིན།

རྒྱ་ནག་རྒྱལ་ཁབ་ཀྱི་གྲངས་ཉུང་མི་རིགས་སྐད་ཡིག་ཐད་ཀྱི་རྩ་བའི་སྲིད་བྱུས་ཟེར་བ་གཤམ་དུ་བཀོད་ཡོད་པས་གཟིགས་རོགས།

༼ཀྲུང་གོ་ནི་མི་རིགས་དང༌།  སྐད་རིགས།  ཡིག་རིགས་མང་བའི་རྒྱལ་ཁབ་ཅིག་ཡིན་ལ།  གྲངས་ཉུང་མི་རིགས་༥༥ཁྲོད་དུ་ཁ་ཆེའི་རིགས་ཀྱིས་སྔར་ནས་རྒྱའི་སྐད་ཡིག་སྤྱོད་པ་ཕུད།  མི་རིགས་གཞན་པ༥༤ལ་ཚང་མར་རང་གི་སྐད་རིགས་ཡོད།  བཅིངས་འགྲོལ་མ་བཏང་བའི་སྔོན་ལ་མི་རིགས༢༡ལ་རང་གི་ཡི་གེ་ཡོད།

ཀྲུང་གོ་གསར་བ་དབུ་བརྙེས་རྗེས།  ཀྲུང་གོ་སྲིད་གཞུང་གིས་མི་སྟོང་ལྷག་ལ་ཉེ་བའི་སྐད་བརྡའི་བརྟག་དཔྱད་ཚོགས་པ་ཞིག་བཙུགས་ཏེ་རྒྱལ་ཡོངས་ཀྱི་ཞིང་ཆེན་དང་རང་སྐྱོང་ལྗོངས་༡༦ལ་གཞི་རྒྱ་ཆེ་བའི་གྲངས་ཉུང་མི་རིགས་སྐད་ཡིག་ལ་བརྟག་དཔྱད་བྱེད་པའི་ལས་ཀ་སྤེལ་ཞིང༌།  གྲངས་ཉུང་མི་རིགས་སོ་སོའི་སྐད་ཡིག་གི་རྩ་བའི་གནས་ཚུལ་ལ་རྒྱས་ལོན་ཐུབ་པ་བྱུང༌།  རྨང་གཞི་འདིའི་སྟེང་དུ།  དངོས་ཡོད་གནས་ཚུལ་དང་བསྟུན་ཏེ་མི་རིགས་འདྲ་མཉམ་དངོས་མཚོན་ཐུབ་པའི་གྲངས་ཉུང་མི་རིགས་སྐད་ཡིག་གི་སྲིད་ཇུས་གཏན་ལ་ཕབ་ཡོད་དེ།  གཙོ་བོ་གཤམ་གྱི་ཕྱོགས་འདི་དག་ཡིན།

༡། གྲངས་ཉུང་མི་རིགས་ཀྱིས་རང་གི་སྐད་ཡིག་བཀོལ་སྤྱོད་དང་དར་སྤེལ་བྱེད་པའི་དབང་ཆར་ཁག་ཐེག་བྱེད་པ།  《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས》ཀྱི་ཚན་པ༤བའི་ནང་དུ།  "མི་རིགས་ཚང་མར་རང་གི་སྐད་ཡིག་བཀོལ་སྤྱོད་དང་དར་སྤེལ་གཏོང་བའི་དབང་ཆ་ཡོད"ཅེས་གཏན་ལ་ཕབ་ཡོད་ཅིང༌།  ཚན་པ༡༠པར།  "མི་རིགས་རང་སྐྱོང་ས་ཁུལ་གྱི་རང་སྐྱོང་སྡེ་ཁག་གིས་རང་གི་ས་གནས་ཀྱི་གྲངས་ཉུང་མི་རིགས་ཚང་མས་རང་གི་སྐད་ཡིག་བཀོལ་སྤྱོད་དང་དར་སྤེལ་བྱེད་པའི་དབར་ཆར་ཁག་ཐེག་བྱེད་དགོས་"ཞེས་གཏན་ལ་ཕབ་ཡོད།  མི་རིགས་རང་སྐྱོང་ས་ཁུལ་གྱི་རང་སྐྱོང་སྡེ་ཁག་ཁ་ཤས་ཀྱིས་ཀྱང་དེ་འབྲེལ་གྱི་གྲངས་ཉུང་མི་རིགས་སྐད་ཡིག་གི་ས་གནས་རང་བཞིན་གྱི་ཆེད་བཞག་སྒྲིག་སྲོལ་གཏན་ལ་ཕབ།  དཔེར་ན་བོད་རང་སྐྱོང་ལྗོངས་ཀྱིས༡༩༨༨ལོར《བོད་རང་སྐྱོང་ལྗོངས་ཀྱི་བོད་སྐད་ཡིག་སློབ་སྦྱོང་དང་བཀོལ་སྤྱོད།  དར་སྤེལ་གཏོང་བའི་གཏན་སྲོལ་དགའ།(ཚོད་ལྟ)》དཔར་འགྲེམ་བྱས་པ་དང༌།  ཤིན་ཅང་ཡུ་གུར་རིགས་རང་སྐྱོང་ལྗོངས་ཀྱིས་༡༩༩༣ལོར《ཤིན་ཅང་ཡུ་གུར་རང་སྐྱོང་ལྗོངས་ཀྱི་སྐད་ཡིག་བྱ་བའི་སྒྲིག་སྲོལ》གཏན་ལ་ཕབ།  ནང་སོག་དང་ཡུན་ནན་སོགས་ཞིང་ཆེན་དང་ཁུལ་གྱིས་ཀྱང་འདིའི་རིགས་ཀྱི་སྒྲིག་སྲོལ་གཏན་ལ་ཕབ།  མིག་སྔར།  རྒྱལ་ཡོངས་དམངས་འཐུས་ཚོགས་ཆེན་དང༌།  རྒྱལ་ཡོངས་སྲིད་གྲོས་ཚོགས་ཆེན་སོགས་རྒྱལ་ཁབ་ཀྱི་ཚོགས་འདུ་གལ་ཆེན་ཚང་མས་གྲངས་ཉུང་མི་རིགས་ཀྱི་སྐད་ཡིག་ཚོགས་འདུའི་སྤྱོད་ཡིག་ཏུ་བཞག་ཡོད།  འབྲེལ་ཡོད་གཏན་སྲོལ་ལྟར་དུ།  གྲངས་ཉུང་མི་རིགས་རང་སྐྱོང་ས་ཁུལ་དུ་གྲངས་ཉུང་མི་རིགས་སྐད་ཡིག་དང་རྒྱའི་སྐད་ཡིག་གཉིས་མཉམ་སྤྱོད་ཐུབ་པ་དང༌།  རིགས་སོ་སོའི་མི་དམངས་ཀྱིས་ཉིན་རྒྱུན་གྱི་འཚོ་བ་དང་ངལ་རྩོལ་ཐོན་སྐྱེད།  འཕྲིན་གྱི་འབྲེལ་འདྲིས་སོགས་སྤྱི་ཚོགས་ཀྱི་འབྲེལ་བའི་ནང་དུ།  རང་མི་རིགས་ཀྱི་སྐད་ཡིག་བཀོལ་སྤྱོད་བྱེད་པར་བརྩི་བཀུར་དང་ཁྲིམས་ལུགས་ཀྱི་ཁག་ཐེག་ཡོད།

༢།  མི་རིགས་རང་སྐྱོང་སྡེ་ཁག་གིས་ལས་འགན་ལག་བསྟར་བྱེད་དུས་ཁྲིམས་ལྟར་མི་རིགས་ཀྱི་སྐད་ཡིག་བཀོལ་སྤྱོད་བྱེད་པ།  མི་རིགས་ས་ཁུལ་གྱི་རང་སྐྱོང་སྡེ་ཁག་གིས་ལས་འགན་ལག་བསྟར་བྱེད་དུས་རང་གི་མི་རིགས་རང་སྐྱོང་ས་ཁུལ་གྱི་རང་སྐྱོང་སྒྲིག་སྲོལ་གྱི་གཏན་འབེབས་ལྟར་དུ་ས་གནས་དེའི་སྤྱི་སྤྱོད་ཀྱི་སྐད་རིགས་གཅིག་གམ་སྐད་རིགས་འགའ་བཀོལ་སྤྱོད་བྱེད་པ།  མི་རིགས་རང་སྐྱོང་སྡེ་ཁག་གིས་སྐད་རིགས་གཅིག་གམ་འགའ་བཀོལ་སྤྱོད་བྱེད་དུས་མངའ་ཁོངས་རང་སྐྱོང་བྱེད་བཞིན་པའི་མི་རིགས་ཀྱི་སྐད་ཡིག་གཙོ་བོ་བྱས་ཆོག

རང་སྐྱོང་ལྗོངས་དང༌།  རང་སྐྱོང་ཁུལ།  རང་སྐྱོང་རྫོང་གིས་འདེམ་བསྐོའི་ཡིག་ཆ་དང༌།  འདེམ་མིའི་མིང་ཐོ།  འདེམ་མིའི་དཔང་རྟགས།  གདམ་སྒུག་འཐུས་མིའི་མིང་ཐོ།  འཐུས་མིའི་བདམས་དཔང༌།  འདེམ་བསྐོ་ཨུ་ཡོན་ལྷན་ཚོགས་ཀྱི་ཐམ་ཀ་སོགས་གཏན་འབེབས་དང་སྤྱི་སྒྲོག་བྱེད་དུས་ས་གནས་མི་རིགས་ཀྱི་སྐད་ཡིག་བཀོལ་སྤྱོད་བྱེད་པ།  མི་རིགས་རང་སྐྱོང་ས་ཁུལ་གྱི་རྒྱལ་ཁབ་སྡེ་ཁག་སོ་སོ་དང༌།  མི་དམངས་ཚོགས་པ།  ཁེ་ལས་ལས་ཁུངས།  ལས་རིགས་ལས་ཁུངས་ཀྱིས་ཡིག་ཆ་དང་ཐམ་ཀ།  དཔང་རྟགས།  བྱང་བུ།  ཚོང་རྟགས་སོགས་ཀྱི་སྟེང་དུ་ས་གནས་སུ་སྤྱི་སྤྱོད་བྱེད་པའི་མི་རིགས་སྐད་ཡིག་དང་རྒྱའི་སྐད་ཡིག་བཀོལ་སྤྱོད་བྱེད་པ།

༣། འབྲེལ་ཡོད་སློབ་གྲྭས་གྲངས་ཉུང་མི་རིགས་ཀྱི་སྐད་ཡིག་སྤྱད་ནས་སློབ་ཁྲིད་བྱེད་པའམ་སྐད་གཉིས་སློབ་ཁྲིད་བྱེད་པ།  གྲང་ཉུང་མི་རིགས་ཀྱི་སློབ་མ་གཙོ་བོ་བསྡུ་ལེན་བྱེད་པའི་སློབ་གྲྭ་ཆ་རྐྱེན་འཛོམས་པ་དག་གིས་གྲངས་ཉུང་མི་རིགས་སྐད་ཡིག་གི་བསླབ་གཞི་སྤྱོད་འོས་པ་དང་གྲངས་ཉུང་མི་རིགས་ཀྱི་སྐད་ཀྱིས་སློབ་ཁྲིད་བྱེད་པ།  སློབ་ཆུང་གི་ལོ་རིམ་མཐོན་པོའམ་སློབ་འབྲིང་དུ་རྒྱའི་སྐད་ཡིག་གི་སློབ་ཐུན་བཀོལ་སྒྲིག་བྱས་ཏེ་རྒྱལ་ཡོངས་སྤྱི་སྤྱོད་ཀྱི་གཅིག་གྱུར་སྐད་ཁྱབ་བརྡལ་ལ་གཏོང་བ།

༤།  མི་རིགས་སོ་སོས་ཕན་ཚུན་གྱི་སྐད་ལ་སློབ་སྦྱོང་བྱེད་པར་སྐུལ་མ་བྱེད་པ།  མི་རིགས་ས་ཁུལ་གྱི་རང་སྐྱོང་སྡེ་ཁག་གིས་རིགས་སོ་སོའི་ལས་བྱེད་པས་ཕན་ཚུན་གྱི་སྐད་ལ་སློབ་སྦྱོང་བྱེད་པར་སྐུལ་མ་དང་སློབ་གསོ་གཏོང་བ།  རྒྱ་རིགས་ལས་བྱེད་པས་ས་གནས་དེའི་གྲངས་ཉུང་མི་རིགས་ཀྱི་སྐད་ཡིག་སློབ་སྦྱོང་བྱེད་དགོས་ལ།  གྲངས་ཉུང་མི་རིགས་ཀྱི་ལས་བྱེད་པས་རང་མི་རིགས་ཀྱི་སྐད་ཡིག་སློབ་སྦྱོང་དང་བཀོལ་སྤྱོད་བྱེད་པ་དང་མཉམ་དུ་རྒྱང་ཡོངས་སྤྱི་སྤྱོད་ཀྱི་སྐད་ཡིག་དང་རྒྱའི་སྐད་ཡིག་ལ་སློབ་སྦྱོབ་བྱེད་དགོས།  མི་རིགས་རང་སྐྱོང་ས་ཁུལ་གྱི་རྒྱལ་ཁབ་ལས་བྱེད་མི་སྣ་ས་གནས་སྤྱི་སྤྱོད་ཀྱི་སྐད་ཡིག་རིགས་གཉིས་ཡན་ལ་བྱང་ཆ་ཡོད་པ་ལ་བྱ་དགའ་སྟེར་བ།

༥།  གྲངས་ཉུང་མི་རིགས་ཀྱི་སྐད་ཡིག་བཀོལ་སྤྱོད་དང་དར་སྤེལ་གཏོང་བར་རོགས་རམ་དང་ཆ་རྐྱེན་སྐྲུན་པ།

༦།  ཤུགས་ཆེན་པོས་མི་རིགས་སྐད་ཡིག་གི་ལས་བྱེད་མི་སྣ་གསོ་སྐྱོང་བྱེད་པ།  སྲིད་གཞུང་གིས་སྔ་གཞུག་ཏུ་ཀྲུང་དབྱང་དང་མི་རིགས་ས་ཁུལ་དུ་གྲངས་ཉུང་མི་རིགས་སྐད་ཡིག་གི་བྱ་བའི་ལས་ཁུངས་དང་ཞིབ་འཇུག་ལས་ཁུངས་བཙུགས།  ཀྲུང་དབྱང་མི་རིགས་སློབ་ཆེན་དང་མི་རིགས་སློབ་གླིང་འགའ།  འབྲེལ་ཡོད་སྐད་ཚན་མཐོ་རིམ་སློབ་གྲྭ་རུ་གྲངས་ཉུང་མི་རིགས་སྐད་ཡིག་གི་སྡེ་ཁག་བཙུགས་པའམ།  གྲང་ཉུང་མི་རིགས་སྐད་ཡིག་མང་པོའི་ཆེད་ལས་བཙུགས་ཏེ་གྲངས་ཉུང་མི་རིགས་སྐད་ཡིག་གི་བྱ་བ་སྒྲུབ་པའི་ལས་བྱེད་མི་སྣ་དང་ཞིབ་འཇུག་པ་མང་པོ་གསོ་སྐྱོང་བྱས།༽

ཡོང་ཁུངས། ཀྲུང་གོའི་བོད་ལྗོངས་དྲ་བ།   རྩོམ་པ་པོ།  ཨ་གུར་གྱིས་བསྒྱུར།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།