ཟིན་བྲིས་པའི་འདྲ་པར།

ཕ་སྐད་གཙང་མའི་གླུ་གར།

30.06.2018 03:58:36
མཁར་སྒང་བསོད་ནམས་དབང་ལྡན།

 

མདོ་ཁམས་སྨད་ཕྱོགས་ཀྱི་ཚད་མའི་འཇང་དགུན་ཆོས་ཐེངས་བདུན་པ་བཀྲིས་དར་རྒྱས་དགོན་དུ་ཉིན་བཅུ་རིང་ཚོགས་པའི་སྐབས་ས་ཕྱོགས་སྟོད་སྨད་ནས་ཆོས་བརྒྱུད་རིས་མེད་ཀྱི་དགོན་ཁག་ཞེ་དགུའི་དཔེ་ཁྲིད་དགེ་རྒན་དགེ་བཤེས་བརྒྱ་ལྷག་གཙོས་སློབ་གཉེར་བ་ཉིས་སྟོང་གཅིག་བརྒྱས་ཉིན་བཅུ་རིང་ཞོགས་པའི་ཚོགས་དང་ཆོས་རྭ་སོགས་འཚོགས།

ཉིན་དང་པོའི་ཚོགས་སུ་རྒྱལ་བསྟན་རིན་པོ་ཆེ་དང་མཁན་རིན་པོ་ཆེས་གྲྭ་མང་ལ་བསླབ་བྱ།ཉིན་གཉིས་པ་ལ་བཞག་པ་སྤྲུལ་སྐུས་གྲྭ་མང་ལ་བསླབ་བྱ།ཉིན་གུང་ཚོགས་དང་བགྲོ་གླེང་།དགོང་མོར་ཚོགས་དང་མཐོང་ཆེན་དམ་བཅའ།མཚན་མོར་རྩོད་ཟླ་དང་འཛིན་གྲྭའི་དམ་བཅའ།དེ་ནས་རྩོད་སྤུངས་སོགས་ཀྱི་རྨོངས་མུན་སེལ་བའི་དགེ་བ་ཇི་སྙེད་བསགས་པ་དང་།

ནང་ཆོས་ངོ་སྤྲོད་སྐོར།

དེ་བཞིན་ཉིན་བཅུ་ལས་ཉིན་དགུའི་རིང་ཉིན་གུང་ཆུ་ཚོད་གཉིས་པའི་ཐོག་ཡུལ་ལུང་འདིའི་མི་མང་ལ་སློབ་གསོ་དང་ནང་ཆོས་ངོ་སྤྲོད།

  • ཉིན་དང་པོ་ལ་དར་དགོན་མཁན་རིན་པོ་ཆེ་པདྨ་བསམ་གཏན།
  • ཉིན་གཉིས་པ་བཞག་པ་སྤྲུལ་སྐུ།
  • ཉིན་གསུམ་པ་ལ་ས་སྐྱའི་དགོང་སྤྲས་སྤྲུལ་སྐུ།
  • ཉིན་བཞི་པ་ལ་སེར་བྱེས་ལྷ་རམས་པ་བློ་བཟང་ཡར་རྒྱས།
  • ཉིན་ལྔ་པ་ལ་དར་དགོན་ཁྲི་སྤྲུལ་ནམ་མཁའ་འཇིགས་མེད།
  • དྲུག་པ་ལ་དར་དགོན་མཁན་རིན་པོ་ཆེ་པདྨ་བསམ་གཏན།
  • བདུན་པ་ལ་དར་དགོན་དགོན་བདག་རྒྱལ་བསྟན་མཆོག་སྤྲུལ།
  • ཉིན་བརྒྱད་པ་ལ་སེར་ཤུལ་ཁྲི་བ་རིན་པོ་ཆེ།
  • ཉིན་དགུ་པ་ལ་སེར་བྱེར་ལྷ་རམས་པ་དཀར་མཛེས་ཡ་མ་བསོད་ནམས་བཅས་ཀྱིས་མི་མང་ལ་སློབ་གསོ་དང་ནང་ཆོས་ངོ་སྤྲོད་གནང་བའི་དགེ་བའི་ཇི་ཡོད་དང་།

རང་དགོན་གྱི་གྲ་སྒྲིག་སྐོར།

རྒྱལ་བསྟན་མཆོག་སྤྲུལ་རིན་པོ་ཆེ་དང་མཁན་རིན་པོ་ཆེ་གཙོས་བླ་སྤྲུལ་དགེ་བཤེས་ཕྱག་མཛོད་རྣམ་པ་དགེ་འདུན་དམངས་བཅས་གྲྭ་སྒྲིག་ཚོགས་ཆུང་སྡེ་ཚན་ལྔ་སྟེ།

  • ཚོང་ཁང་དང་ཟ་ཁང་སོགས་གོ་སྒྲིག་ཚོགས་ཆུང་འགན་འཛིན་དགེ་བཤེས་ལྷ་རམས་པ་ནམ་མཁའ་ནོར་བུ་དང་།དགེ་བཤེས་དབང་འདུས།དགེ་བཤེས་པདྨ་མ་དབང་ཆེན་གསུམ་གྲྭ་བ་བཅུ་གྲངས་ལྷག་དང་གྲོང་སྡེ་ཁ་ཤས།
  • ཞལ་ལག་སོགས་གོ་སྒྲིག་ཚོགས་ཆུང་ལ་འགན་འཛིན་དགེ་བཤེས་ལྷ་རམས་པ་རྡོ་པད།དགེ་བཤེས་འཇམ་འབྱངས་རྣམ་རྒྱལ།དགེ་བཤེས་བློ་བཟང་བྱང་ཆུབ།གྲ་བ་བཅུ་གྲངས་ལྷག་དང་གྲོང་སྡེ་ཁ་ཤས།སྡེ་ཚན་འདི་ལ་ལས་དོན་ཧ་ཅང་མང་བས་བཙུན་དགོན་ཁག་གཉིས་ཀྱི་བཙུན་མ་རྣམས་དང་།
  • དེ་བཞིན་བདེ་འཇགས་གོ་སྒྲིག་ཚོགས་ཆུང་ལ་འགན་འཛིན་དགེ་བཤེས་བྱམས་པ་ལྷུན་གྲུབ།དགེ་བཤེས་བསྟན་འཛིན་དར་རྒྱས།གྲྭ་བ་བཅུ་གྲངས་ལྷག་དང་།གྲོང་སྡེ་ཁ་ཤས།
  • འཕྲོད་བརྟེན་གོ་སྒྲིག་ཚོགས་ཆུང་ལ་འགན་འཛིན་དགེ་བཤེས་ཀུན་དགའ་དང་།དགེ་བཤེས་བློ་བཟང་དར་རྒྱས།གྲྭ་བ་བཅུ་གྲངས་ལྷག་དང་གྲོང་སྡེ་ཁ་ཤས།
  • སློབ་གཉེར་དང་རྒྱུགས་སྤྲོད་གོ་སྒྲིག་ཚོགས་ཆུང་ལ་འགན་འཛིན་དགེ་བཤེས་བུ་ཏོག་དང་།དགེ་བཤེས་དགེ་བརྩེ།དགེ་བཤེས་བརྩོན་འགྲུས།དགེ་བཤེས་བསོད་ནམས་དབང་རྒྱལ།དགེན་བློང་རྡོར།གྲྭ་བ་བཅུ་གྲངས་ལྷག་དང་།གྲོང་སྡེ་ཁ་ཤས་བཅས་ཀྱིས་རང་འཕྲོས་ཀྱི་ལས་དོན་ལ་ཧུར་ཐག་བྱས་པའི་དགེ་བ་ཇི་ཡོད་དང་།

བསྟན་པའི་སྦྱིན་བདག་ཁག

ཉིན་བཅུ་རིང་བསྟན་པའི་སྦྱིན་བདག

  • ཉིན་དང་པོ་དཀར་མཛེས་གནས་བཞུགས་རོང་པ་ཚྭའི་སྐྱིད་སྡུག
  • ཉིན་གཉིས་པ་ལ་ལྷ་ས་གནས་བཞུགས་སྦྱིན་བདག་ཁག་དང་རླངས་འཁོར་ཁ་ལོ་ཚོགས་པ།
  • ཉིན་གསུམ་པ་ལ་དར་དགོན་མཁན་རིན་པོ་ཆེ་པདྨ་བསམ་གཏན་དང་ལྷ་སར་གནས་བཞུགས་ཆོས་རྒྱལ།
  • ཉིན་བཞི་པ་ལ་མཁར་སྒང་ཤང་གི་གྲོང་སྡེ་ཁག
  • ཉིན་ལྔ་པ་ལ་སྤྲུལ་སྐུ་འཇམ་དངོས་དང་བྱེ་སེར་ཤང་གི་གྲོང་སྡེ་ཁག
  • ཉིན་དྲུག་པ་ལ་རི་འགོ་ཤང་གི་གྲོང་སྡེ་ཁག་དང་ལྷ་སར་གནས་བཞུགས་གུར་ཐང་འགྱུར་དགའ།
  • ཉིན་བདུན་པ་ལ་གོ་ལོང་ཤང་གི་གྲོང་སྡེ་ཁག
  • ཉིན་བརྒྱད་པ་ལ་འདན་མ་ཤང་གི་གྲོང་སྡེ་ཁག
  • ཉིན་དགུ་པ་ལ་ཕྱི་རྒྱལ་གནས་བཞུགས་དར་དགོན་འབྲེལ་ཡོད་ཁག
  • ཉིན་བཅུ་པ་ལ་བཀྲིས་དར་རྒྱས་དགོན་གཞུང་བཅས་ཀྱིས་བསྟན་པའི་སྦྱིན་བདག་གནང་བའི་དགེ་བའི་རྩ་བ་ཇི་སྙེད་བསགས་པ་དང་།

ཚད་མའི་དམ་བཅའ་སྐོར།

དེ་བཞིན་ཉིན་བཅུ་རིང་ཚད་མའི་དམ་བཅའ་ཁག་གཉིས་ལས་མཐོང་ཆེན་དམ་བཅའ་ནི།

  • ཉིན་དང་པོ་ལ་གཞུང་ཚན།མཆོད་བརྗོད་དང་ཕྱོགས་སྒྲ།དམ་བཅའ་བ་ལྷ་མོ་རྩེ་དགོན་པ་དང་རྟགས་གསལ་བ་མུ་ལི་དགོན་ཆེན།
  • ཉིན་གཉིས་པ་ལ་གཞུང་ཚན་འབྲས་རང་གཉིས།དམ་བཅའ་བ་ཉག་ཆུ་མགོ་ལོག་དགོན་དང་།རྟགས་གསལ་བ།འབའ་འཛིན་མཛོད་དགོན།
  • ཉིན་གསུམ་པ་ལ་གཞུང་ཚན།མ་དམིགས་པ་ཆ་ཚང་དང་།དམ་བཅའ་བ།གདུགས་དཀར་དགོན་དང་།རྟགས་གསལ་བ།རྟུའུ་ཉི་མཚོ་དགོན།
  • ཉིན་བཞི་པ་ལ་གཞུང་ཚན།རྟགས་གཞན་བཞི་པ་དང་།དམ་བཅའ་བ།བེ་རིན་དགོན་དང་།རྟགས་གསལ་བ།ཉག་ཆུ་ཨོ་ཐོག་དགོན།
  • ཉིན་ལྔ་པ་ལ་གཞུང་ཚན།འབྲེལ་བ།དམ་བཅའ་བ།རྫ་གླིང་རི་དགོན་དང་།རྟགས་གསལ་བ།འབའ་ཆོས་ལྡན་དགོན།
  • ཉིན་དྲུག་པ་ལ་གཞུང་ཚན།ལུང་འགལ་དང་ཚད་མ་ཕྲུགས་གསུམ་དང་།དམ་བཅའ་བ།ལྕོག་རི་དགོན།རྟགས་གསལ་བ།བཀྲིས་དར་རྒྱས་དགོན་པ།
  • ཉིན་བདུན་པ་ལ་གཞུང་ཚན།གཞན་སེལ་སྟོད་དང་།དམ་བཅའ་བ།མི་ལུ་ལྷ་སྟེང་དར་རྒྱས་གླིང་།རྟགས་གསལ་བ།ཉི་དར་རྒྱས་དགོན།
  • ཉིན་བརྒྱད་པ་ལ་གཞུང་ཚན།གཞན་སེལ་སྨད།དམ་བཅའ་བ།སྟོང་སྐོར་དགོན།རྟགས་གསལ་བ།འདན་ཉི་རྫོང་དགོན།
  • ཉིན་དགུ་པ་ལ་གཞུང་ཚན།ཤིང་འཛིན་རྟོག་པ།དམ་བཅའ་བ།ལི་ཐང་དགོན་ཆེན།རྟགས་གསལ་བ།མགར་ཐར་དགོན།
  • ཉིན་བཅུ་པ་ལ་གཞུང་ཚན།བརྡ་ཡུལ།དམ་བཅའ་བ།བྲག་མགོ་དགོན།རྟགས་གསལ་བ།དཀར་མཛེས་དགོན།

མཚན་ཕུད་དམ་བཅའ་སྐོར།

ཉིན་བརྒྱད་པ་ལ་མཚན་ཕུད་དམ་བཅའ་ནི།

  • གཞུང་ཚན་དང་པོ་མཆོད་བརྗོད་རྟགས་གཞན་བཞི་པའི་བར།དམ་བཅའ་བ།རྩིས་ཚང་དགོན།རྟགས་གསལ་བ།མཁའ་ཉམས་དགོན།
  • གཞུང་ཚན་གཉིས་པ་འབྲེལ་བ་ནས་ཚད་མ་ཕྲུག་གསུམ་བར།དམ་བཅའ་བ།རྟའུ་ཀ་བཞི་དགོན།རྟགས་གསལ་བ།མགར་ཐར་དགོན།
  • གཞུང་ཚན་གསུམ་པ་གཞན་སེལ་ཆ་ཚང་།དམ་བཅའ་བ།བཀྲིས་དར་རྒྱས་དགོན་པ།རྟགས་གསལ་བ།བྲག་མགོ་དགོན།

དེ་བཞིན་བསྡུས་རྟགས་ཀྱི་དམ་བཅའ་སོགས་ཀྱང་ཉིན་བཅུ་རིང་དགོང་མོ་ལ་དམ་བཅའ་སོགས་དགོན་ཁག་སོ་སོའི་རིགས་སྨྲ་བ་རྣམ་པས་དམ་བཅའ་དང་རྟགས་གསལ་གཏོང་བ་སོགས་ཧ་ཅང་ཡིད་སྨོན་ཤོར་བ་གནང་བའི་དགེ་བའི་རྩ་བ་ཇི་སྙེད་བསགས་པ་དང་།

ཉིན་བརྒྱད་པ་ལ་དགོན་པ་གཞུང་ནས་ས་ཕྱོགས་གང་ས་ནས་ཕེབས་པའི་ལྷག་བསམ་རབ་ཏུ་དཀར་བའི་བསྟན་པའི་སྦྱིན་བདག་རྣམ་པ་ལ་ཐུགས་རྗེ་ལེགས་གསོལ་ཞུ་བའི་གསོལ་ཚིགས་འབུལ་བའི་དགེ་བ་བསགས་པ།

རྒྱུགས་སྤྲོད་བྱ་དགའི་སྐོར།

ཉིན་བཅུ་པ་ལ་རྒྱགས་སྤྲོད་ཨང་རིམ་སོན་པ་རྣམས་ལ་གཟེངས་བསྟོད་བྱ་དགའ་འབུལ་བའི་སྐབས་དགོན་ཁག་སོ་སོའི་སློབ་གཉེར་བཟང་གྲས་རྣམས་ལ་བྱ་དགའ་འབུལ་བ་དང་།རང་དགོན་བཀྲིས་དར་རྒྱས་དགོན་པ་ལ་མཚོན་ན་རྩོད་རྒྱུགས་བྱ་དགའ་རག་མཁན་གྲྭ་སློབ་གཉེར་བ་བཅུ་འདུགདེར་བརྟེན་དགོན་ཁག་སོ་སོའི་སློབ་གཉེར་བ་བྱ་དགའ་ཐོབ་པ་རྣམས་ནི་ངོ་མ་སྤྱིར་འཇང་དགུན་ཆོས་ཀྱི་གཟི་བརྗིད་དང་ཁྱད་པར་དགོན་ཁག་སོ་སོའི་སློབ་གཉེར་གྱི་གྲུབ་འབྲས་རེད།

སྐབས་དེར་དར་དགོན་ཁྲིམས་བདག་དགེ་སྐོས་མཆོག་གིས་དགུན་ཆོས་འདིའི་སྐབས་སུ་བྱུང་སོང་ཡོངས་རྫོགས་གསལ་བོ་གྲྭ་མང་དང་མི་མང་ཡོངས་ལ་གསལ་བསྒྲགས་གནང་བ་སོགས་དང་།

དེ་བཞིན་ཉིན་འདི་ལ་བསྟན་པའི་སྦྱིན་བདག་ཁག་དང་གྲོང་སྡེ་ཁག་ལ་བཀའ་དྲིན་ལེགས་གསོལ་ཞུ་ཆེད་གྲོང་པའི་འགོ་ཁྲིད་རྣམ་པ་ལ་བྱ་དགའི་གཟེངས་བསྟོད་ཕུལ་བ་སོགས་ཀྱི་དགེ་བ་བསགས་པ།

ཕྱི་ཚེས་༢༩ཉིན་དགོན་པ་གཞུང་ནས་དགུན་ཆོས་འདིའི་རིང་རང་དགོན་གྱི་གྲྭ་མང་རྣམ་པ་དང་ཡུལ་ལུང་འདིའི་སྡེ་མི་ཡོངས་ལ་བཀའ་དྲིན་ཆེ་ཞུའི་གསོལ་ཚིགས་དང་ཁྱིམ་ཚང་རེ་ལ་སྟོན་པ་བཀའ་དྲིན་ཅན་སྐུ་པར་དང་དར་དཀར་སོགས་ཕུལ་བའི་དགེ་བ་ཇི་སྙེད་བསགས་པ་སོགས།

དགེ་བ་བསྔོ་བ།

མདོར་ན་རང་དགོན་བཀྲིས་དར་རྒྱས་དགོན་པའི་བླ་མ་ལས་སྣེ་རྣམ་པ་ནས་ཡུལ་སྡེ་མི་མང་གི་བར་ཡོད་ཚད་ཀྱིས་ལས་དོན་ཧུར་ཐག་བྱས་པའི་དགེ་བའི་རྩ་བ་དང་།དེ་བཞིན་ས་ཕྱོགས་གང་ས་ནས་ཕེབས་པའི་དགེ་བའི་བཤེས་རྣམ་པ་ནས་སློབ་གཉེར་བ་ཡོད་ཚད་ཀྱིས་ཞོགས་པ་མང་ཇ་ཚོགས་པ་ནས་དགོང་མོའི་ཆོས་རྭར་རྩོད་པ་གནང་བའི་དགེ་རྩ་ཇི་སྙེད་བསགས་པ་དང་།དེ་བཞིན་ཆོས་ཚོགས་ཆེན་པོ་འདི་འདྲ་ཚོགས་པ་ལ་མཐུན་རྐྱེན་སྦྱར་བའི་ས་ཕྱོགས་གང་ས་ལ་བཞུགས་པའི་བསྟན་པའི་སྦྱིན་བདག་རྣམ་པས་ལྷག་བསམ་རྣམ་དག་གིས་མཆོད་འབུལ་གནང་བའི་དགེ་བའི་རྩ་བ་ཇི་སྙེད་བསགས་པའི་དགེ་རྩ་རྣམས་ཕྱོགས་གཅིག་ཏུ་སྡོམ་པའི་མཐུ་ལས་སྤྱིར་རིས་མེད་ཀྱི་བསྟན་པ་རྒྱས་པ་དང་ཁྱད་པར་དུ་འཇམ་མགོན་བླ་མའི་གསེར་སྦྱོང་གཙང་མའི་བསྟན་པ་དར་ཞིང་རྒྱས་པ་དང་།འགྲོ་ཀུན་བདེ་བ་སོགས་དང་།ཁྱད་པར་དུ་བླ་མ་བདག་ཉིད་ཆེན་པོ་སོགས་རིས་མེད་ཀྱི་བསྟན་འཛིན་གྱི་སྐྱེས་ཆེན་དམ་པ་སྐུ་ཚེ་བསྐལ་བརྒྱར་བརྟན་པ།སྤྱི་སེམས་ལྡན་ཡོངས་ཀྱི་བསམ་དོན་འགྲུབ་པ་དང་ཁྱད་པར་ཁ་བ་གངས་ཅན་པའི་བསམ་དོན་ཆོས་བཞིན་དུ་འགྲུབ་པ་སོགས་ལ་བསྔོ་བ།ཡང་སྒེར་དགོན་སྡེ་འདིའི་བསྟན་པའི་མངའ་བདག་རྒྱལ་བསྟན་མཆོག་སྤྲུལ་རིན་པོ་ཆེ་དང་མཁན་རིན་པོ་ཆེ་རྗེ་བཙུན་པདྨ་བསམ་གཏན་གཙོས་བླ་སྤྲུལ་དགེ་བཤེས་ཕྱག་མཛོད་རྣམ་པའི་ཐུགས་ཀྱི་བཞེད་དགོངས་དགོན་འདི་ལ་བཤད་སྒྲུབ་ཀྱི་འཆད་ཉན་དབྱར་མཚོ་ལྟར་རྒྱས་པ་དང་།དགོན་སྡེ་ཟུང་གི་སེར་སྐྱ་ཡོངས་ཀྱི་འཕྲལ་ཕུགས་ཀྱི་བསམ་དོན་ཡིད་བཞིན་དུ་འགྲུབ་པའི་རྒྱུ་རུ་འགྱུར་བའི་གསོལ་བ་སྨོན་ལམ་འདེབས་རྒྱུ་ཡིན།

ཏྲེ་ཧོར་བུ་ཏོག་པ་སྒེར་གྱིས་༢༠༡༨//༣༠ཉིན་ཐད་ཀར་དྲན་བྲིས་དགེ་བསྔོའོ།


  བྱུང་བ།
བསམ་ཚུལ། 2 བཀླཌ་ཐེངས།: 94384  

20.06.2018 01:05:35
གངས་དཀར་སེམས།

 images/stories/253.jpg

རྟོགས་སླ་བའི་ཨོ་གླིང་སྤྱི་བཤད།

(Commonwealth of Australia)

 澳大利亚联邦國

 

དང་པོ། སྲིད་གཞུང་གི་ལམ་ལུགས།

རྒྱལ་ཁབ་ཀྱི་སྒྲོམ་གཞི།


  གངས་དཀར་སེམས།
བསམ་ཚུལ། 0 བཀླཌ་ཐེངས།: 69506  

13.06.2018 22:55:28
གངས་དཀར་སེམས།

images/stories/6666jpg.jpgཨ་ཅེ།Sister 姐姐 ད་ངས་ཁྱེད་ལ་ངོ་མ་ཅི་ཞིག་མོལ་དགོས་མི་ཤེས། ངའི་ཡ་ཆུང་སུན་གྱིས་ཁེངས་པ་དེ་ཁྱེད་ཀྱིས་མི་གཟིགས། ཡུལ་འཁྱམ་ཚེ་ཕྱེད་ལ་ཉེ་བའི་དུས་འདིར། ངས་ཁྱེད་རང་ལྷག་ཏུ་དྲན། དྲན་སྟངས་དེ་ཡི་གེས་འབྲི་མི་ཐུབ། མཚོན་ཁྲའི་སྨྱུ་གུ་ཡིས་ཀྱང་བཀོད་མི་ནུས། ཁ་ནས་འགྲེལ་བརྗོད་བྱེད་མི་ཤེས་པ་དེ་ཁྱེད་ཀྱིས་མཁྱེན་ནམ།


  གངས་དཀར་སེམས།
བསམ་ཚུལ། 0 བཀླཌ་ཐེངས།: 44043  

02.06.2018 05:22:37
གངས་དཀར་སེམས།

images/stories/45/durer_-_bildnis_der_mutter.jpgལྟ་སྐྱོང་བ། Care worker 護理員

དེང་གུས་མོ་གཞན་ལ་ལྟ་སྐྱོང་བྱེད་མཁན་གྱི་ལས་ཀ་འདིར་ཧ་ཅང་དགའ་པོ་ཆག་འགྲོ་གི་འདུག་སྙམ། འདི་ནི་ལས་ཀའི་རང་གི་ངོ་བོ་ཙམ་མ་ཟད། ལྟ་སྐྱོང་བ་རང་དང་ལྟ་སྐྱོང་བྱེད་ཡུལ་གཞན་གཉིས་ཀས་ཁ་ཡོད་ལག་ཡོད་ཀྱི་མི་ཚེ་བསྐྱེལ་སྟངས་ཤིག་ཀྱང་རེད་འདུག


  གངས་དཀར་སེམས།
བསམ་ཚུལ། 0 བཀླཌ་ཐེངས།: 39987  

31.05.2018 00:36:59
མྱི་རྡོ།

 

ཨོཾ་རྗེ་བཙུན་མ།

སྐྱ་རེངས་དང་པོ་དང་པོའི་དུས།།

བསིལ་རླུང་ཞིམ་པོ་ཞིམ་པོ་ལྡང་།།

དགུན་ཁ་དགུན་ཁའི་ནམ་དུས་ལ།།

དབྱར་ཁ་དབྱར་གྱི་ཆར་ཟིམ་འཇོ།།

སྣང་བ་སྣང་བའི་མེ་ལོང་ངོགས།།

སྒྲོལ་མ་དཀར་མོ་དཀར་མོའི་སྐུར།།

དྭངས་ལ་དྭངས་བའི་དད་པ་འཕྱོ།།

རེ་འདོད་མེད་པའི་རེ་འདོད་ནི།།

དད་པ་ནང་གི་དད་པ་ཡིན།།

དམ་ཚིག་ནང་གི་དམ་ཚིག་ཡིན།།


  
བསམ་ཚུལ། 1 བཀླཌ་ཐེངས།: 37901  

19.05.2018 06:29:52
ལི་ཐང་ངག་དབང་དབྱིག་གཉེན།

འགྲོ་བ་མི་ལ་གཅིག་མཚུངས་ཀྱི་བདེ་སྐྱིད་སྐྲུན་ཐབས་སྐོར་ལ་དཔྱད་པ།

                                                                          

[ནང་དོན་གནད་བསྡུས།]

        ཐུབ་པའི་དགོངས་པ་བཀའ་འགྱུར་དང་བསྟན་འགྱུར་ལས་འགྲོ་བ་མི་ལ་གཅིག་མཚུངས་ཀྱི་བདེ་སྐྱིད་བསྐྲུན་ཐབས་ཇི་ལྟར་བྱ་བ་དང་། དེང་རབས་དང་མཐུན་པའི་ཐོག་ནས་༸ རྒྱལ་བ་རིན་པོ་ཆེའི་དགོངས་པ་ལྷན་ཐབས་བྱས་ཏེ་ཁ་གསལ་བྲིས་ཡོད།

[བརྡ་ཆད་གཙོ་བོ།]

          བདག་གཞན་མཉམ་པ། བདག་བས་གཞན་གཅེས། གཅིག་མཚུངས། འདྲ་མཉམ།


  བྱེས་འབྱོར་བོད་ཀྱི་རྩོམ་རིག
བསམ་ཚུལ། 1 བཀླཌ་ཐེངས།: 33262  

19.05.2018 06:14:04
ལི་ཐང་ངག་དབང་དབྱིག་གཉེན།

  ༈ སྐྱོ་གཞས་ཀྱི་ལེའུ།

 

སྐུ་ཉིད་རྒྱང་མ་གནས་ཞེས་མ་སྨྲ་དང་།།

ཁོ་བོ་གཅིག་པུའི་ཡུལ་འདིར་ཅི་ཞིག་བྱ།།

ད་ལྟའི་དྲན་འཆར་ཕལ་ཆེར་བཏུས་པའི་ཚེ།།

ཕྱིར་མི་ལྡོག་པའི་རྟགས་ཀྱང་ཡང་ཡང་བྱུང་།།


  བྱེས་འབྱོར་བོད་ཀྱི་རྩོམ་རིག
བསམ་ཚུལ། 3 བཀླཌ་ཐེངས།: 29367  

17.05.2018 06:36:54
གངས་དཀར་སེམས།

images/stories/pink-heart-love-art.jpgངའི་ལས་ཀའི་ངོ་བོ་ཟུར་ཙམ།

Some of the feature of my work

我的工種的一些性質

སློབ་གྲྭ་ནས་དབང་པོ་སྐྱོན་ཅན་ལ་རོགས་སྐྱོར་གྱི་ཆེད་ལས་ཤིག་སྦྱངས་ཟིན་ཞིང་། དེའང་རིམ་པ་གསུམ་པའི་ལག་འཁྱེར་ཞིག་རེད། འདི་ནི་ཧ་ཅང་དགའ་འོས་པ་ཞིག་གང་ཡང་མིན་ལ་འདིར་འབྱོར་བོད་པ་མང་པོས་ཆེན་པོ་འཇོན་ཡོད་མེད་ལ་མ་ལྟོས་པར་སྒྲུབ་བཞིན་པའི་སྤྱི་མཚུངས་ཀྱི་བྱ་བ་ཞིག་ཀྱང་རེད་འདོད།


  གངས་དཀར་སེམས།
བསམ་ཚུལ། 0 བཀླཌ་ཐེངས།: 21356  

11.05.2018 20:14:21
གངས་དཀར་སེམས།

images/stories/Connoisseur-white-wine-glass_44491.gifབུ་ཁ་རུ་ཁ་ཐུག

(བརྩམས་སྒྲུང་།)

straightforward boy

直性子男孩

མི་འབོར་སུམ་བརྒྱ་ཡས་ཟིན་པའི་ཡུལ་མ་འབྲོག་གཡག་སྒང་ཁ་ཟེར་ས་ཞིག་ཡོད། དེའི་གྲོང་མཐའི་ཁྱིམ་ཚང་ཕུ་གྲོང་ཚང་ལ་བུ་ཞིག་ཡོད་པའི་མིང་ལ་རྒྱལ་མཚན་ཟེར། རྒྱལ་མཚན་ནི་ཁྱིམ་འདིའི་ཕ་མ་གཉིས་ལ་བུ་རྒྱུད་གཅེན་གཅུང་བཞིའི་ནང་གི་ཐ་ཆུང་དེ་ཡིན་ལ་ཕུ་གྲོང་ཚང་གི་བུ་ཁོ་ན་དེའང་ཡིན་པས་ཁྱིམ་འདིའི་ཕ་མ་སྤུན་མཆེད་གཙོས་ཚང་མའི་བྱམས་སྐྱོང་འོག་ཏུ་འཚོ་བཞིན་དཀའ་སྡུག་དེ་ཙམ་མྱངས་མ་མྱོང་མཁན་ཞིག་ཡིན་སྟབས་ཆུང་དུས་ནས་ཕ་མ་སྤུན་མཆེད་ཚང་མར་ཆེ་ཆུང་ལ་མ་ལྟོས་པར་རྙོག་དྲ་བཟོ་རྒྱུ་ལ་རྫོགས་མཐའ་མེད་མཁན་ལྟ་བུ་ཞིག་རེད།


  གངས་དཀར་སེམས།
བསམ་ཚུལ། 0 བཀླཌ་ཐེངས།: 19198  

24.04.2018 04:54:56
གངས་དཀར་སེམས།

images/stories/22.gif

རིགས་འདི་ལྔ་སྤྱི་ཚོགས་ཀྱིས་གནས་དབྱུང་གཏོང་གི་རེད།

These 5 will be eliminated by the society!

這5種人,將被社會淘汰!

ཁྱོད་རང་མི་འདི་འདྲའི་རིགས་མི་ཆག་པའི་རེ་བ་ཡོད།

 

 ༡། སློབ་སྦྱོང་མི་བྱེད་མཁན།

མི་དང་དུད་འགྲོ་དབར་གྱི་ཁྱད་པ་མང་ཆེར་ནི་མིས་རང་འགུལ་གྱིས་སློབ་སྦྱོང་བྱེད་དེ་ལག་ཤེས་གསར་པ་རྙེད་ཐུབ་པ་དེ་ཡིན། གནའ་བོའི་མིས་སློབ་སྦྱོང་དགོས་སྐོར་ལ་ནན་བཤད་དགོས་དོན་དེའང་ཉིན་རེར་གསར་བརྗེ་དང་། ཉིན་ལྟར་གསར་བརྗེ། སླར་ཡང་ཉིན་གསར་པ་བསུ་བ། ཞེས་པ་ནི་མི་རྣམས་འཚོ་བཞིན་པའི་སྐབས་མུ་མཐུད་སློབ་སྦྱོང་བྱེད་དེ་སོ་སོས་ནུས་ཤུགས་གསར་པ་སྤེལ་ཐུབ་དགོས་པའི་དོན་ཡིན།


  གངས་དཀར་སེམས།
བསམ་ཚུལ། 0 བཀླཌ་ཐེངས།: 19256  

17.04.2018 04:28:56
གངས་དཀར་སེམས།

images/stories/Gangkarsem/20_n.jpgརྟ་ཐོག་གི་བུད་མེད།

The lady on horseback

馬背上的夫人

ཁྱོད་ཀྱིས་པར་ནང་གི་རྟར་བཞོན་སྡོད་པའི་བུད་མེད་དེ་ཁོ་ན་མཐོང་བ་ལས་དེའི་རྒྱབ་ཀྱི་ལོ་རྒྱུས་མི་ཤེས། ( རྟ་ཐོག་གི་ལྕམ་སྐུ་གྷོ་ཊི་ཝ།)


  གངས་དཀར་སེམས།
བསམ་ཚུལ། 0 བཀླཌ་ཐེངས།: 17887  

12.04.2018 19:47:59
གངས་དཀར་སེམས།

images/stories/222_bezh_s.jpgThe old man

這老頭子

རྒས་པོ་འདིའི་ཕ་ཡུལ་ཨུ་རུ་སུ་ནས་ཡིན་རུང་ད་ལྟའི་ཆར་ཨོ་གླིང་རྒྱལ་ཁབ་སྲུང་སྐྱོར་བྱེད་སར་སོང་བའི་དམག་ཟུར་ཞིག་རེད་འདུག་ལ། ལོ་ཆུང་དུས་དམག་སྦྱོང་ཡང་གང་མཚམས་བྱས་པའི་སྟབས་ཀྱིས་མིན་འགྲོ ད་ལྟའི་ཆར་ཁོའི་གཟུགས་པོའང་དེ་མཚུངས་བདེ་པོ་འདྲ་མཐོང་སྣང་ཡོང་གི་ཡོད། འོན་ཀྱང་དོན་དངོས་ཐོག་ཁོ་ལ་སྙིང་ནད་ཚབ་ཆེན་ཕོག་ཡོད་པར་ཉིན་ལྟར་དུས་གསུམ་ལ་སྨན་ཟ་དགོས་ཤིང་། རྒས་པོ་འདི་ནི་གཞན་དང་མི་འདྲ་བ་རླུང་ཚ་པོ་ཧ་ལས་པ་ཞིག་ཡིན།


  གངས་དཀར་སེམས།
བསམ་ཚུལ། 0 བཀླཌ་ཐེངས།: 16453  

31.03.2018 18:08:45
གངས་དཀར་སེམས།

images/stories/45/durer_-_bildnis_der_mutter.jpgརྒས་མོ་འདི།

the old women

老婦人

ང་ཁོང་མོ་སར་འགྲོ་ཐེངས་རེར་མོའི་ཤེས་རྒྱ་དང་ཁོག་རྒྱ་དང་ཞི་འཇམ་གྱིས་ངའི་ཡིད་དབང་འཕྲོག་གི་འདུག ཁོང་མ་ནི་ངའི་ལས་ཁུངས་ཨ་མ་ནས་ཉེ་དུས་ང་ལ་འབྲེལ་མཐུད་བཟོས་པའི་ཞབས་ཞུ་སྒྲུབ་ཡུལ་རྐང་ལག་ཅུང་བདེ་མིན་གྱི་སྦྱིན་བདག་མ་གཞན་ཞིག་རེད།

རྒྱ་མཚོའི་འགྲམ་དུ་ཆགས་པའི་མོའི་སྒེར་བདག་གི་ཐོག་བརྩེགས་དེ་ནི་ཕྱི་ནས་བལྟས་ན་གྲོང་ཁྱེར་དུ་ཆགས་ལུགས་གཞན་དང་སྤྱི་མཚུངས་ལྟར་གྱི་ཐོག་བརྩེགས་བཞི་ཅན་ཞིག་ལ་དམིགས་བསལ་ཅིའང་མེད་ཀྱང་ནང་དུ་ཁོང་མོའི་སེམས་ཁོངས་སུ་མཛེས་སྡུག་ལྡན་པའི་འཇིག་རྟེན་ཆུང་ཆུང་ཞིག་བསྐྲུན་ཡོད་པ་སུ་ཡིས་ཤེས།


  གངས་དཀར་སེམས།
བསམ་ཚུལ། 0 བཀླཌ་ཐེངས།: 16549  

24.03.2018 20:40:20
གངས་དཀར་སེམས།

images/stories/diem-4.jpgཁྱིམ་ཚང་གི་བདག་མོ།

The housewife

家庭主婦

འདི་ནི་ང་ལས་ཀ་བྱེད་ཡུལ་བུ་མོ་ལོ་ཆུང་དབང་པོ་སྐྱོན་ཅན་དེའི་ཨ་མ་ལགས་རེད། མོ་རང་ཨོ་གླིང་རྒྱལ་ཁབ་ཀྱི་ཟུར་དུ་ཆགས་པའི་གྲོང་ཁྱེར་མཐའ་འཁོབ་དུ་འཚར་ལོང་བྱུང་བ་ཞིག་རེད་འདུག ངས་རྒྱུན་དུ་མཐོང་བསྡད་པ་ནི་ཁྱིམ་ཚང་འདིར་ཕ་མ་གཉིས་གཙོས་བུ་མོ་བཞི་དང་བུ་གཅིག་འདུག ངའི་ཞབས་ཞུ་བྱེད་ཡུལ་བུ་མོ་དེ་ནི་ཐ་ཆུང་ཡིན་ལ། མོ་ལ་གཅེན་མོ་གསུམ་དང་གཅེན་པོ་གཅིག་བཅས་འདུག བུ་མོ་ཆེ་བ་གཉིས་ནི་དུས་ཚོད་མང་ཆེར་ཕྱི་ལ་སོ་སོའི་བཟའ་ཟླ་མཉམ་དུ་སྡོད་ཀྱི་ཡོད་ཚོད། བུ་མོ་ཆེ་བ་དེའི་བུ་ཆུང་གོམ་བགྲོད་ཐུབ་ཙམ་ཞིག་ཡོད་པ་དེ་སྤོ་རྨོ་གཉིས་སར་བཅོལ་ནས་བཞག་གི་འདུག


  གངས་དཀར་སེམས།
བསམ་ཚུལ། 0 བཀླཌ་ཐེངས།: 16401  

06.03.2018 23:55:54
ཁྲོ་གཏུམ།

ལམ་ཁ་ནས་མེ་ཏོག་གི་ཁ་ཏོག་ལ་ཧད
གནའ་བོའི་དཔེ་ལེགས་ཅན་གྱི་སྤུས་ཚད་ལ་སྐྱ་ཐིག་ཕབ
རི་རྒྱུད་ནས་གངས་འགྱེང་བའི་སྣེ་རུ
ཤོག་བུ་ཤོམ་ཅན་འགའི་སྣང་བ་མཐོན་པོར་སྤུར
ཤོག་སྟེང་ན་ཚིག་གི་གད་སྙིགས་ལས་མེད་པ་ནི་གཏམ་རྒྱུད་དུ་གྱུར


  
བསམ་ཚུལ། 0 བཀླཌ་ཐེངས།: 14934  

22.02.2018 20:32:36
གངས་དཀར་སེམས།

images/stories/45/000/Resized/2222.jpg ཀླད་རྩའི་ནད་པ་ཞིག་གི་བསམ་ཚུལ།

Michael Lee's opinion

麥克李的意見

འདི་ནི་ང་ལས་ཀ་བྱེད་སའི་དབང་པོ་སྐྱོན་ཅན་རོགས་སྐྱོར་ཚོགས་པ་ཞིག་གི་ནང་ཡོད་པའི་ནད་པ་ཞིག་གི་སེམས་འགུལ་ཐེབས་ཐུབ་པའི་དངོས་བྱུང་གནས་ཚུལ་ཞིག་ཡིན་པས་ངས་བོད་བསྒྱུར་ཞུས་པ་ཡིན།
This is (Hierup) company's one client's true story, very touched me, so I'm trying to translate to the Tibetan language


  གངས་དཀར་སེམས།
བསམ་ཚུལ། 0 བཀླཌ་ཐེངས།: 15487  

20.02.2018 04:19:17
ཁྲོ་གཏུམ།

Tibet-booklunched-2018དེབ་ཀྱི་དབུ་འབྱེད་མཛད་སྒོར་ཆེད་ཕེབས་གནང་བའི་དཔལ་ལྡན་བོད་མི་མིང་སྤྱི་འཐུས་ཚོགས་གཞོན་ཨ་ཅ་རྱ་ཡེ་ཤེས་ཕུན་ཚོགས་མཆོག་དང་རྒྱལ་སྤྱིའི་བོད་ཀྱི་ཆ་འཕྲིན་གསར་ཁང་གི་སྤྱི་ཁྱབ་རྩོམ་སྒྲིག་པ་རྒན་ཡེ་ཤེས་ཆོས་བཟང་ལགས། དེབ་ཀྱི་རྩོམ་སྒྲིག་པ་ཆོས་ཉིད་བཟང་པོ། དེ་མིན་གསར་འགོད་པ་དང་དོ་སྣང་ཅན། ཕྱག་སྦྲེལ་ལས་རོགས་རྣམས་བཅས་ཀྱིས་ཉིན་བཟང་སྐར་བཟང་༧རྒྱལ་བའི་བླ་བཟའ་ལྷག་སྐར་ཉིན་མོ་དང་། ཕྱི་ཟླ་ ༢ པའི་ཚེས་ ༡༤ འཛམ་གླིང་གི་དགའ་རོགས་དུས་ཆེན་ཉིན་མོ། བོད་ཀྱི་གནམ་ལོ་གསར་བའི་དགུ་ཟློགས་དང་དགུ་ཐུག་གི་ཉིན་མོ་སུམ་འཛོམས་ཐོག བཙན་བྱོལ་བོད་ཀྱི་བུད་མེད་བོད་ཡིག་ཐོག་རྩོམ་འབྲི་གནང་མཁན་དང་ཀློག་པ་པོ་རྣམས་སུ་ཁྱབ་མཉམ་འཅར་འདྲི་ཞུས་པའི་དེབ་གསར་གྱི་མཛད་སྒོ་སྟབས་བདེ་ཞིག་བཞུགས་སྒར་ངྷ་སར་འཚོགས་པ།


  
བསམ་ཚུལ། 1 བཀླཌ་ཐེངས།: 14174  

02.02.2018 16:54:01
གངས་དཀར་སེམས།

images/stories/45/durer_-_bildnis_der_mutter.jpg༤།མགོ་སེར་རྒན་རྒོན་འདི་ཚོ།

Those aged foreigners

這些老洋人

 

རྒས་པོ་འདི་ནི་དེ་སྔོན་དམག་དཔོན་ཞིག་ཡིན་འདུག ཁོང་གི་སྒེར་ཁང་དེ་ནི་བྱས་རྗེས་ཅན་གྱི་དམག་མི་གཙོས་རྒས་འཁོག་རྣམས་ལ་ཞབས་ཞུ་སྒྲུབ་སའི་རྒས་གསོ་ཁང་ཆེན་པོ་ཞིག་ཏུ་ཡོད། ཁོང་གི་སྒེར་ཁང་དེ་ཁང་མིག་ཆེ་ཆུང་བཞི་ཡིས་གྲུབ་པའི་ཁམས་གཙང་གི་སྡོད་ཁང་ཞིག་རེད། དེའང་ཁོང་ནི་རྒྱུན་དུ་གཙང་སྦྲ་ལ་ཧ་ཅང་དང་དོད་གནང་མཁན་ཞིག་ཡིན་པའི་སྟབས་ཀྱིས་རེད།


  གངས་དཀར་སེམས།
བསམ་ཚུལ། 0 བཀླཌ་ཐེངས།: 12663  

16.01.2018 01:14:55
གངས་དཀར་སེམས།

images/stories/45/durer_-_bildnis_der_mutter.jpg༣། མགོ་སེར་རྒན་རྒོན་འདི་ཚོ།

Those aged foreigners 

這些老洋人

 

འདི་ནི་ངའི་ལས་ཀ་བྱེད་ཡུལ་ལམ་ཆུ་ཚོད་རེར་དངུལ་མང་ཙམ་ལེན་སའི་རྒས་མོ་ཞིག་རེད་ལ། ཁོང་མོ་ནི་སེམས་ཁམས་ལའང་བདེ་ཐང་དེ་ཙམ་མེད་པའི་རང་ལོ་དྲུག་ཅུ་བརྒལ་ཟིན་པའི་ཀླད་སྐྱོན་ཏོག་ཙམ་ཡོད་མཁན་ཞིག་ཡིན་པ་དང་། སོ་སོར་ཐོག་རྩེགས་སུ་སྒེར་ཁང་ཁང་མིག་ཆེ་ཆུང་ལྔ་དང་ཉི་ར་བཅས་ཡོད་པ་ཞིག་རེད།


  གངས་དཀར་སེམས།
བསམ་ཚུལ། 0 བཀླཌ་ཐེངས།: 12208  

10.01.2018 20:37:12
གངས་དཀར་སེམས།

images/stories/45/durer_-_bildnis_der_mutter.jpg༢། རྒན་རྒོན་འདི་གཉིས།

These two old people

這兩個老人

 རྒས་མོ་འདི་ནི་སྐུ་ཤ་རྒྱགས་ཅིང་མགོའི་སྐྱ་ཕྱེད་སྔོ་ཕྱེད་ཀྱི་སྐྲ་ལོ་དེ་སྐྱེས་པ་ཕོ་ནང་བཞིན་རྣ་བའི་ཐོག་ཙམ་ལས་མེད་པར་བྲེགས་བཞག་པའི་ཨ་མ་རྒས་མོ་ཞིག་རེད་ལ། ངའི་ཞབས་ཕྱི་ཞུ་ཡུལ་དབང་པོ་སྐྱོན་ཅན་བུའི་ཨ་མ་ལགས་རེད། མོ་ལ་ཐོག་རྩེགས་ཉིས་ཅན་གྱི་སྒེར་ཁང་ཞིག་ས་འབུར་ཐོག་གནས་པ་ཞིག་ཡོད་ལ། རྒྱ་མཚོའི་ཕྱོགས་ཀྱི་མཛེས་ལྗོངས་ལ་གཤམ་ལ་རྒྱང་ལྟ་བྱེད་ས་ས་ཡག་མོ་མ་ཞིག་སར་ཆགས། ང་རང་རྒས་མོ་འདི་ཐུག་ཉིན་མོ་ནས་བཟུང་ཁོང་མོས་ང་ལ་བག་ཆགས་ཧ་ཅང་ལེགས་པོོ་བཞག་བྱུང་།


  གངས་དཀར་སེམས།
བསམ་ཚུལ། 0 བཀླཌ་ཐེངས།: 9497  

ཤོག་ངོས། 2 ནས། 161
| -