ཟིན་བྲིས་པའི་འདྲ་པར།

ཕ་སྐད་གཙང་མའི་གླུ་གར།

02.01.2012 03:21:20
འཆམ་ར་དྲི་མེད་རྒྱལ་མཚན།

བོད་མི་ནང་འཁྲུག་ལ་ལམ་སྟོན་གྱི་ཐབས་ལམ། བང་ཆེན་ཚགས་ཤོག་ནང་སྤེལ་ཟིན། ང་ཚོ་བོད་ཀྱི་སྤྱི་ཚོགས་ནང་ད་དུང་ཡང་དཔའ་བློ་ཁོག་ཟེར་བ་དེ་ནི་འཁྲུག་འཛིང་ཙམ་ལ་ངོས་འཛིན་བྱེད་ཀྱི་ཡོད། ད་དུང་སྟབས་ཉེས་པ་ཞིག་ལ་འཁྲུག་འཛིང་དེའང་བོད་པ་ནང་ཁུལ་ལ་བསྐོར་ནས། ང་ཚོའི་སྤུན་ཟླ་མང་པོ་ཞིག་འཆི་ལམ་དུ་བཏང་དང་གཏོང་བཞིན་པའི་གནས་སྟངས་སྡུག་ཆགས་ཤིག་རེད།
“མེ་འབར་ཁར་ཤིང་ཆག་”ཞེས་པའི་དཔེ་ལྟར། དེང་སང་རྒྱ་གཞུང་གིས་ཀྱང་བོད་མི་ནང་ཁུལ་དུ་འགལ་ཟླའི་རྣམ་པ་གང་ལ་འདུག་ན། ས་ཕྱོགས་དེའི་རྩྭ་ས་ཁག་བགོས་སོགས་ཀྱི་ལམ་ནས་འཁྲུག་རྐྱེན་སློང་གི་ཡོད་ལ། བོད་པ་ནང་ཁུལ་དུ་གཡུལ་གཤོམ་རེས་བྱས་ནས་རྩོད་རྙོག་གི་མེ་ལྕེ་འཕྱུར་དུས། རྒྱ་ནག་གཞུང་གིས་དེའི་གྱོད་གཞིའི་སྐོར་ལ་ལྟ་རྟོག་གཏན་ནས་མེད་པས་མ་ཚད། གོ་མདོག་ཤེས་མདོག་ཙམ་ཡང་མེད་པ་དང། ས་ཁུལ་དེའི་ཕྱོགས་སུ་མེ་མདའ་ལྐོག་ཚོང་སོགས་ཀྱིས་མཚོན་ཆས་ཇུས་ངན་གཤོམ་གྱི་ཡོད།
གནས་སྟངས་འདི་འདྲ་ཞིག་གི་འོག་ནས་ང་ཚོའི་སྤུན་ཟླ་མང་པོ་ཞིག་བཙན་རྒྱལ་རིང་ལུགས་འོག་ཤོར་བའི་ཁར་ནང་ཁུལ་ནས་ཀྱང་གསོད་རེས་ཀྱིས་རྐྱེན་ལམ་དུ་ཤོར་གྱི་ཡོད་པ་རེད། གནས་སྟངས་འདི་དག་གི་ཐད་ལ་བོད་ནང་ནས་བོད་ཀྱི་བླ་ཆེན་འགའ་རེས་དོན་ཕན་ལྡན་པའི་མཛད་ཕྲིན་སྐྱོང་གི་ཡོད་མོད། དེ་དག་ལམ་སློང་ཡོང་བར་འགལ་རྐྱེན་མང་པོ་ཞིག་ཡོད་པ་ལྟར། ཁོང་རྣམ་པས་ནུས་ཤུགས་ཇི་ཙམ་སྒྲིམ་ནའང་ད་དུང་རང་འཇག་གི་ཟོལ་དུ་ལུས་ཡོད།

རྒྱུ་མཚན་འདི་དག་གིས་འདི་ནས་ཤོད་འདོད་པ་ཞིག་ལ་ད་ལོའི་རྡོར་གདན་དུས་དབང་སྐབས་སུ་བོད་ནས་ཡར་བོད་མི་མང་པོ་ཞིག་འབྱོར་ཡོད་པ་ལྟར། དུས་དབང་ཚར་རྗེས་རང་ཡུལ་དུ་ལོག་མཁན་ཡང་མང་པོ་ཞིག་ཡོང་ངེས་པར་བརྟེན། ང་ཚོས་གོ་སྐབས་བཟང་པོ་འདི་དམ་འཛིན་གྱིས། ད་ལོའི་དུས་དབང་གནང་སྐབས། སྒྲིག་འཛུགས་ཀྱི་བདེ་སྲུང་ལས་ཁུངས་དང། དེ་བཞིན་རྩོད་རྙོག་འདུམ་སྒྲིག་ཁང་སོགས་སྤྱི་སྒེར་གྱི་ཚོགས་པ་ཁག་གིས་དེ་ཚོའི་སྐོར་ལ་གསུང་བཤད་ལམ་སྟོན་དང་། གོ་རྟོགས་སྤེལ་ཐབས་ཤིག་ཡོང་ན་ཧ་ཅང་རིན་ཐང་ཅན་ཞིག་ཡོང་ངེས་རེད། དེ་མིན་ང་ཚོས་རྩོད་རྙོག་སྡུག་ས་དང་། མི་མང་གི་བདེ་འཇག་ཉེན་ཁ་ཆེ་ཤོས་རྣམས་ཟུར་དུ་བཞག་ནས། ཉེན་ཁ་དང་རྩོད་རྙོག་ཉུང་ས་ནས་འུར་སྒྲོག་གནང་ན་དེ་ཙམ་གནས་ལུགས་ཡོད་པ་ཞིག་ཀྱང་མ་རེད་དྲན།

(འདིས་གོང་གི་ཚོགས་སྡེ་གཉིས་ལ་རེ་བ་བྱས་པ་ལས་ཟུར་ཟ་བྱས་པ་མིན།) སྤྱིར་བཏང་བོད་མིའི་སེམས་དང་བསམ་པའི་གཏིང་གི་༸རྒྱལ་བ་དོན་གྱི་བདག་པོས་ཀྱང་འདི་ལོར་བཀའ་སློབ་ཕེབས་ངེས་ཡིན་སྲིད་ལ། འདི་ནི་ཁོང་གི་དུས་ལས་མ་ཡོལ་བའི་མཛད་པའི་ཕྲིན་ལས་ཀྱི་ཆ་ཤས་ཤིག་ལའང་བགྲང་གི་ཡོད། རེད་དེ། གལ་པོ་ཆེ་ལ་ནན་ཏན་གྱི་ཚུལ་དུ་ང་ཚོས་ཀྱང་གནད་དོན་འདིའི་ཐད་ལ་དུས་ཚོད་གཏོང་འོས་ལ། ཡ་མེད་དང་། མ་གོ་མདོག་མདོག་གིས་ཟུར་འདུག་མི་བྱེད་པར་གནས་སྟངས་སྡུག་ས་ནས་གདོང་ལེན་གནང་འོས་པ་ཞིག་རེད།

དེ་བཞིན་ད་ལོའི་རྡོར་གདན་དུ་དུས་དེབ་དང་ཚགས་ཤོག་བཅས་ཆར་རྗེས་ཀྱི་ཤ་མོང་བཞིན་འགྲེམས་སྤེལ་བྱེད་ཚོད་འདུག་ལ། དེ་དག་གིས་ཀྱང་མང་ཚོགས་དང་། མི་རིགས་ཀྱི་དཀའ་སྡུག་ཟབ་ས་ནས་གླེང་བ་དང་། དེ་དག་གི་ཆེད་དུ་རྩོམ་ཡིག་འབྲི་སྤེལ་དང་། གོ་རྟོགས་སྤེལ་ཐབས་ཤིག་གི་གོ་སྐབས་དམ་འཛིན་གནང་དགོས། དེ་མིན་ཤོག་བུ་གནམ་ལ་ཁྱེར་བ་ལྟ་བུའི་རྩོམ་ཡིག་དང་ལས་འགུལ་རྣམས་ནི་ད་དུང་ང་ཚོ་མང་ཚོགས་དང་ཁ་ཐག་རིང་པོ་ཞིག་ལ་གནས་ཡོད་ཅེས་པ་ལྟ་བུ་ཞིག་རེད་ལ། ད་དུང་གཅིག་བཤད་ན། ང་ཚོས་མང་ཚོགས་ལ་དོན་དམ་པའི་འགན་ཁུར་ཞིག་བྱེད་ཀྱི་མེད་ཅེས་པ་ལྟ་བུའང་རེད། །


  རྡོག་རྩ་ཆིག་སྒྲིལ
 

02.01.2012 06:42:31

སློབ་དཔོན་དྲི་མེད་་་་་་་ངའི་བསམ་ཚུལ་འདི་་་་སྐུ་སྒེར་དང་བཀའ་ཤག་གཉིས་ཀ་ལ་དྲ་འཕྲིན་བཏང་ཡོད། བདག་པོ་རྒྱབ་མིན་མི་ཤེས། རེ་བ་ཞུས་ཡོད། ང་རང་གཉིས་ཚུལ་མཐུན་སོང་བས་དགའ་པོ་བྱུང་།
མ་ཐུབ་དགྲ་ལ་ཞི་བདེ་བཤད་པ་ལས་ཕུ་ནུ་ནང་གསོད་བཏང་མཚམས་ཆད་ན་བསམ། ༧གོང་ས་མཆོག་ཞི་བདེའི་དེད་དཔོན་ཆེན་པོ་ཞིག་ཡིན་པར་འཛམ་གླིང་གི་ཐོག་ཏུ་ཡོངས་གྲགས་རེད། གཞན་ཕན་དང་སྙིང་རྗེ། འཚེ་མེད་དང་ཞི་བདེ་ཡི་ལྟ་གྲུབ་དུས་དང་རྣམ་པ་ཀུན་དུ་གསུངས་ཀྱི་ཡོད།
ཕུ་ནུ་ནང་ཁུལ་དུ་ཆ་བཞག་ན་བསད་རེས་དང་རྡུང་རེས་བྱས་དང་བྱེད་བཞིན་པ་རེད། བོད་མི་རིགས་ནང་ཁུལ་དུ་སྙིང་ལ་གྲི་རྒྱབ་དགོས་ན་དཔའ་པོ་སྟག་འདྲ་གཟིག་འདྲ་མང་པོ་རེད། མ་ཟད་ལོ་ཤས་གོང་ནས་མེ་མདའ་ཉོ་ཡི་ཡོད། དེ་ཡང་རིང་མདའ་དང་ཐུང་མདའ་བཅས་ཉོ་ཡི་ཡོད།
ཁམས་དང་ཨ་མདོའི་ས་ཁུལ་མང་ཆེ་བ་ལ་བོད་མི་ཚོས་ཡོད་ཚོད་སྤྲད་ནས་མེ་མདའ་ཉོ་གི་ཡོད། དེ་ཡང་བོད་རིགས་སྤུན་ཟླའི་ཐོག་ཏུ་རྒྱབ་ཀྱིས་ཆ་གཞི་དང་དམིགས་ཡུལ་རེད། མེ་དམའ་བརྒྱབས་ནས་ཕུ་ནུ་ནང་བསད་བཏང་བར་ཉུང་ཉུང་རྩ་བ་ནས་མིན། དངོས་ཡོད་གནས་ཚུལ་རེད།

རི་བོ་སྒང་དྲུག་ཡུལ་གྱི་བོད་མི་རྣམས་སུ་དམ་པའི་ལྷ་ཆོས་དང་བྱམས་སྙིང་རྗེ་བཤད་ཀྱང་མ་ཕན། རྒྱ་ཁྲིམས་མགོ་ཐོག་ཏུ་བཞག་ཀྱང་མ་སྐྲག་པར་ཕུ་ནུ་ནང་བསད་བཏང་བསྡད་པ་རེད། ད་ག་དུས་མཚམས་ཆད་ཀྱི་རེད་དམ། ༧གོང་ས་མཆོག་ཞལ་བཞུགས་པའི་སྐབས་སུ་འདི་འདྲ་ཡིན་ན་མ་བཞུགས་པའི་སྐབས་སུ་གནས་ཚུལ་སྡུག་རེར་འགྲོ་གི་རེད།

ད་རིང་དུས་འཁོར་དབང་ཆེན་གྱི་ཆེད་དུ་བོད་ནས་བོད་མི་མང་པོ་ཞིག་ཕེབས་ཀྱི་ཡོད་ཚོད་འདུག་པས་གཙོ་བོར་༧གོང་ས་མཆོག་དང་བཀའ་ཁྲི་བློ་བཟང་སེང་གེ་རྣམ་གཉིས་ཀྱིས་མ་འོང་ཕུ་ནུ་ནང་གསོད་གཏོང་རེས་མི་བྱེད་པའི་བསླབ་བྱ་ཟབ་མོ་ཞིག་རྒྱབ་དགོས་ཀྱི་འདུག་ཞེས་ཞུ་རྒྱུ་ཡིན།

ཁྱེད་རྣམ་པ་གཉིས་ཀྱིས་བོད་མི་རིགས་ཀྱི་བློ་ཁ་སྒྱུར་མ་ཐུབ་ན་ཕུ་ནུ་ནང་གསོད་ཀྱི་ལུགས་སྲོལ་ངན་པ་འདི་མཚམས་ཆད་ས་མ་རེད། བོད་མི་རིགས་ནང་ཁུལ་དུ་སྙིང་ལ་གྲི་བརྒྱབས་རེས་བྱས་བསྡད་ཀྱི་ཡོད་པའི་གནས་སྟངས་ཀྱི་འོག་ཏུ་འཛམ་གླིང་ཞི་བདེ་ཞེས་གཞན་ལ་བཤད་དུས་སུ་ངོ་ཚ་དགོས་པའི་གནས་སྟངས་དང་མ་ཐུབ་གོང་ཁྲན་ཏང་ལ་འཚེ་མེད་ཞི་བདེ་བཤད་དུས་ཀྱང་ཁོ་ཚོས་ཅི་བསམ་གྱི་རེད་དམ།

༧གོང་ས་མཆོག་དང་བཀའ་ཁྲི་གཉིས་ཀྱིས་བོད་མི་རིགས་ཀྱི་ཕུ་ནུ་ནང་བསད་ཀྱི་ལུགས་སྲོལ་ངན་པ་འདི་མཚམས་གཅོད་རོགས་བྱོས་ཞེས་ཆེད་དུ་བྱ་བའི་གདུལ་བྱ་ཅོ་རིས་སྙིང་ནས་རེ་སྐུལ་ཞུ་བཞིན་ཡོད་ལགས། གལ་སྲིད་ད་རིང་དུས་དབང་གི་སྐབས་སུ་བོད་ནས་ཕེབས་པའི་བོད་མི་རྣམས་སུ་ཕུ་ནུ་ནང་གསོད་མི་ཡོང་བའི་ཆེད་དུ་བསླབ་བྱ་གོ་ཐོས་ཡོད་པ་ཞིག་མ་རྒྱབ་ན་དེ་ནས་བཟུང་འཚེ་མེད་ཞི་བདེ་དང་འཛམ་གླིང་ཞི་བདེ་ཞེས་བཤད་ཀྱི་མཚམས་བཞག་དགོས་ཡོད། མ་བཞག་ནའང་ངོ་ལེན་བྱ་རྒྱུ་མིན།

 
 
02.01.2012 11:07:09

ཅོ་རི་ཚང་ངར་སྟངས་འདི་སྟག་མོ་ངར་ངར། ཐོག་སེར་འབབ་འབབ་རེད། ཁ་དྲོ།

 
 
རྩོམ་ཡིག་འདིར་ལན་འདེབས།
མྱུག་མིང༌།:

E-mail:

  གཡོན་དུ་གསལ་བའི་ཚིག་འབྲུ་བྲིས།:
 



| -