ཟིན་བྲིས་པའི་འདྲ་པར།

ཕ་སྐད་གཙང་མའི་གླུ་གར།

གངས་རིན་ཆེན།



རྟ་རྒྱུག་སྒྱུ་རྩལ་ལ་དཔྱད་པའི་གཏམ།
09.08.2018 02:34:51

  རྟ་རྒྱུག་སྒྱུ་རྩལ་ལ་དཔྱད་པའི་གཏམ།


          རྩོམ་པ་པོ། ___________གངས་རིན་ཆེན།

སྤྱིར་རྟ་རྒྱུག་དུས་ཆེན་ནི།མིའི་རིགས་ཀྱི་ལྟད་མོའི་དུས་ཆེན་ཞིག་དང་།ལྷག་པར་བོད་མི་ཚོས་ལོ་ངོ་སྟོང་ཕྲག་སྔོན་ནས་ཧ་ཅང་དགའ་པོ་བྱེད་སའི་དུས་ཆེན་ཞིག་ཡིན།  རྒྱུ་མཚན་ནི།སྐབས་དེར་བོད་མིའི་འགྲིམ་འགྲུལ་ཡོ་ཆས་གཙོ་བོ་ནི་རྟ་ཡིན་ཅིང་ཚང་མས་རྟ་ལ་དགའ་ཞེན་ཆེན་པོ་བྱེད་ཀྱི་ཡོད་ལ་རྟ་ནི་བོད་མི་ཚོའི་མཐུན་རྐྱེན་འཚོ་བའི་ནང་ལ་མེད་དུ་མི་རུང་བའི་དངོས་པོ་ཞིག་ཏུ་གྱུར་པ་རེད།

སྔར་བཙན་པོའི་དུས་ནས་རྟ་ཐོག་སྤོ་ལོ་རྒྱག་སྲོལ་ཡོད་པ་བཅས་ཀྱི་ཐོག་ནས་བོད་ཡུལ་དུ་རྟ་རྒྱུག་དུས་ཆེན་གྱི་སྲོལ་དེ་དར་ནས་དུས་ཡུན་ལོ་ངོ་སྟོང་ལྷག་ཕྱིན་ཡོད་པར་སྣང་།    

སྔོན་བྱོན་མཁས་དབང་ཚོས་རྟ་ལ་དཔྱད་རྩོམ་མང་པོ་འབྲི་གནང་ཡོད་པ་ནི།དཔེར་ན་རྟ་དཔྱད་མཐོང་བ་ཀུན་གསལ་མེ་ལོང་ལས་དེ་བཞིན་ཕྱོགས་རེར་ཡུལ་ལྔ་ནས།རྟ་མཁན་མཁས་པ་མི་དགུ་བསྡུས།དགུ་བོ་འདོད་ལུགས་སོ་སོར་བྱུང་།དགྱེ་བོ་འཇག་རྟ་རུ་རྔུ་གཉིས།སྒུར་པོ་གྱམ་ཤིང་མུ་ཆེན་གཉིས།དྲང་པོ་འདོ་བ་གྱི་ལིང་གཉིས།ཞེས་འཁོད་པར་གཞིགས་ན།ཁྲི་སྲོང་གི་དུས་ནས་རྟའི་དབྱེ་བ་ཆེན་པོ་དྲུག་འབྱེད་སྲོལ་ཡོད་འདུག

ཡིན་ནའང་རྒྱུན་དུས་རྩེད་རིགས་དང་ལྟད་མོ་གང་ཡིན་ཀྱང་།མཐའ་མར་མི་ཡི་སེམས་ཁམས་ཀྱི་བག་ཆགས་བཟང་མིན་དང་འཇུག་འབྲས་ལ་བལྟ་རྒྱུ་གལ་ཆེ་བ་སྟེ།

  དེ་ལྟར་མ་བྱུང་ཚེ།ལྟད་མོ་དེས་སེམས་ཁམས་ལ་ཞི་བདེ་འཕོངས་ཤིང་འགྲན་སེམས་ཆེ་བས།རྟ་མཆོག་ལ་རང་དབང་མེད་པའི་ལྕག་ཚན་གྱི་འོག་ཏུ་འགྲན་རྩོད་བྱེད་པ་ནི།ཞི་བདེ་བག་ཡངས་དང་བདེ་སྐྱིད་ཀྱིས་ཚོར་བ་བཅོམ་སྟེ།  ལོ་རེར་རྟ་རྒྱུག་གི་དུས་ཆེ་དེ་ཕྲག་དོག་དང་འགྲན་རྩོད།ད་དུང་རྟ་ལ་རིན་གོང་མཐོ་པོ་སྤྲད་པའི་གྱོང་གུད་སོགས་ལ་གཞིག་ན་སྐྱོ་སྣང་གི་དུས་ཆེ་ཞིག་ཏུ་འགྱུར་བར་ཡང་སྲིད།

མ་ཚད།   དཀའ་ངལ་མྱོང་ཤེས་ཀྱང་བརྗོད་མི་ཤེས་པའི་དུད་འགྲོ་དེར་རྟ་དང་ཅང་ཤེས།རྟ་མཆོག་རིན་པོ་ཆེ་སོགས་གང་ཟེར་ནའང་།དབང་ཆེ་མི་ཡིས་གང་བསྐོས་ལས།རྟ་ལ་རང་འདོད་ཀྱི་རང་དབང་ཏིལ་འབྲུ་ཙམ་ཡང་མེད་པ་ཡིན།

བོད་མདོ་དབུས་ཁམས་གསུམ་ནས་རྟ་རྒྱུག་གི་སྒྱུ་རྩལ་རྣམ་པ་མི་འདྲ་བར་མང་པོ་ཡོད་ཀྱང་།

དེའི་ནང་ནས།ས་ཐག་ཧ་ཅང་རིང་པོ་ནས་རྒྱུག་སྟེ་དབུགས་ཐག་མ་ཆད་བར་ལྕག་ཚན་རྡུང་རྡུང་གིས་མི་རྟ་གཉིས་ཀར་ཁྲོ་དགྱེལ་བ་ནི།གཤིན་རྗེས་དམྱལ་ཁམས་དེད་པ་བཞིན་རྟ་ལ་རང་དབང་འཕྲོག་པ་དང་།རང་ལ་སྙིང་རྗེ་མེད་པ་བཅས་ཀྱི་རང་མཚང་སྟོན་པས་འདི་ནི་ངོ་མ་རང་གཞན་གཉིས་ཕུང་ཞིག་ཏུ་སྣང་།  

      གལ་ཏེ།སྒྱུ་རྩལ་རང་བཞིན་ལྡན་པའི་རྩེད་མོ་ཞིག་ལ་འཇུག་འདོད་ཚེ།དབང་ཤེད་བཙན་གནོན་གྱིས་རྟ་ལྕག་འོག་ཏུ་མགྱོགས་ཚད་འགྲན་བསྡུར་མ་ཡིན་པར།

དགའ་སྤྲོ་འཁོལ་བའི་རྟ་པ་ཚོས།མི་རིགས་ཀྱི་ཁྱད་ཆོས་ལྡན་པའི་གོས་རྒྱན་གང་ལེགས་གྱོན་པ་དང་།རྟ་ལའང་རྟ་ཆས་དང་མཛེས་རྒྱན་སྤྲས་པ།རྟའི་བཟང་ངན་དང་།མིའི་སྐྱ་རྩལ།གཙན་གནོན་མིན་པའི་རྟ་ལ་རང་བཞིན་དུ་ཡོད་པའི་འགྲོས་བསྡུར་བ།རྟས་གོམ་པ་རྒྱག་དུས་ལག་པ་མཐོ་དམའ་དང་འགྲོས་བདེ་མིན།  རྟ་ཐོག་ནས་འབེན་ལ་མདའ་དང་མེ་མདའ་འཕེན་པ།ཁ་བཏགས་མང་པོ་ས་ལ་བཀྲམ་ཏེ་རྟ་རྒྱུག་བཞིན་པའི་ངང་།རྟ་ཐོག་ནས་ཁ་བཏགས་ཡར་བསྒྲུབ་པ་སོགས།སྒྱུ་རྩལ་གྱི་ལྟད་མོ་ལ་འཇུག་ན་འཛམ་གླིང་གི་རྩེད་རིགས་དང་མཐུན་པ།གཟུར་གནས་བ་དག་ལ་ལྟད་མོ་ཆེ་བ་དང་།རྩེད་འགྲན་པ་དག་ལ་སྒྱུ་རྩལ་གྱི་ཉམས་སྟོན་སའི་ཁོར་ཡུག་ལེགས་པར་སོགས་རང་གཞན་ཀུན་ལ་དགེ་མཚན་ཆེ་བར་ཞིག་ཏུ་སྣང་ངོ་།

__________2018/8/9ཉིན།



བརྗོད་གཞིའི་རིགས་བཀར་བ།: གངས་དཀར་སེམས། | བོད་མིའི་སྐྱིད་སྡུག་མཉམ་མྱོང་།

བསམ་ཚུལ་ཁག 1 | བཀླཌ་ཐེངས།: 64951 | དེ་ལས་མང༌།...


 
འགྱུར་ཟིན་པའི་ལོ་ཟླ།
17.09.2016 22:56:54

དཔྱིད་དཔལ་ལྷ་མོའི་འཛུམ་དཀར་གྱི་མདངས་ལས།།
ས་འཛིན་བུ་མོའི་འཇོ་སྒེག་གི་མགུར་རྒྱན།།
དུང་སེམས་ལང་ཚོའི་འཛུམ་ཞལ་གྱི་འོད་སྣང༌།།
ཁྱེད་དང་ང་ཡི་ཤོར་ཟིན་པའི་ལོ་ཟླ།།



བརྗོད་གཞིའི་རིགས་བཀར་བ།: གངས་དཀར་སེམས། | རྡོག་རྩ་ཆིག་སྒྲིལ།

བཀླཌ་ཐེངས།: 5498 | དེ་ལས་མང༌།...


 
རྒྱང་དུ་བཞུད་པ།
27.03.2016 07:09:16

སྦྲུལ་གཟུགས་ཀྱི་མེ་འཁོར་བཞོན་དེ། རྒྱང་རིང་ནས་རྒྱང་རིང་གི་སར། འགྲོ་དགོས་པ་ནི་སྔོན་གྱི་ལས་དང་། ཕྲད་ཀྱི་རྐྱེན། མདོར་ན། ཡོད་ཚེ་ཡིས་ང་དེད་དེ། སྐྱེས་པ་ནས་ངས་ཕ་ཡུལ་དང་ཕ་མ་རྒྱང་དུ་བཞུད།

མི་ཡུལ་གྱི་ས་མཐའ་མདུན་དུ་བསུ།རང་ཡུལ་དུ་བསྡོད་མཁན་མ་གཏོག་མ་བསམ་ཀྱང་།མི་ཡུལ་དུ། འགྲོ་མཁན་མ་གཏོག་མ་བསྐོས་འདུག
གངས་རིན་ཆེན་གྱིས་མེ་འཁོར་ནང་ཤར་མར་བྲིས།

བརྗོད་གཞིའི་རིགས་བཀར་བ།: གངས་དཀར་སེམས།

བཀླཌ་ཐེངས།: 2292 | དེ་ལས་མང༌།...


 
བཀའ་དྲིན་ཉི་མའི་སྣང་བ།
05.02.2016 11:36:54

གཞོན་ནུ་ལང་ཚོ་འདབ་བཟང་ཞི་བའི་སྐུ།།

སྙན་འཇེབས་དྲུག་ཅུ་དབྱངས་ལྡན་འགལ་མེད་གསུང།།

ཇི་བཞིན་ཆོས་ཀུན་གཟིགས་པའི་ཐུགས་མངའ་བ།།

འཇམ་དཔལ་ངག་གི་དབང་པོ་བདག་སྐྱོངས་ཤིག།།

རབ་མཛེས་ཆུ་དཀྱིལ་པད་མའི་གདན་སྟེང་ན།།

བརྗོད་གཞིའི་རིགས་བཀར་བ།: བོད་མིའི་སྐྱིད་སྡུག་མཉམ་མྱོང་། | གངས་དཀར་སེམས།

བཀླཌ་ཐེངས།: 1540 | དེ་ལས་མང༌།...


 
ལྷག་བསམ་སྤྲིན་དཀར་འདབ་མ།
21.01.2016 01:48:07

ཤ་རུས་པ་འབྲེལ་བའི་སྤུན་ཟླ་ཚོ།།

ས་ངེས་མེད་འཁྱམ་པའི་གངས་ཕྲུག་ངས།།

སེམས་དྲི་མེད་ལྷག་བསམ་དར་དཀར་བསྒྱུར།།

རང་ཆོལ་གསུམ་བོད་ལ་ཚིག་གསུམ་ཞུ།།

བརྗོད་གཞིའི་རིགས་བཀར་བ།: གངས་དཀར་སེམས། | བོད་མིའི་སྐྱིད་སྡུག་མཉམ་མྱོང་། | རྡོག་རྩ་ཆིག་སྒྲིལ།

བསམ་ཚུལ་ཁག 1 | བཀླཌ་ཐེངས།: 1844 | དེ་ལས་མང༌།...


 
ཆུང་གྲོགས་རྗེས་དྲན།
05.01.2016 08:50:19

རྩོམ་པ་པོ། མཁས་དབང་དགེ་འདུན་ཆོས་འཕེལ།

སྲིད་པའི་འབྱོར་པ་ལ་ཁའི་ན་བུན།།
འདུས་པའི་སྙིང་གྲོགས་ཚོང་དུས་མགྲོན་པོ།།
མ་ངེས་སྐྱིད་སྡུག་མདང་གི་རྨི་ལམ།།
བསམ་ཞིང་བསམ་ན་སྙིང་པོ་མི་འདུག།

བརྗོད་གཞིའི་རིགས་བཀར་བ།: གངས་དཀར་སེམས། | བོད་མིའི་སྐྱིད་སྡུག་མཉམ་མྱོང་།

བཀླཌ་ཐེངས།: 2170 | དེ་ལས་མང༌།...


 
པེ་ཅིང་ཡོད་པའི་རྒྱ་རིགས་སྣེ་ཤན་པ་ཞིག་གི་མིག་ནང་གི་བོད་རིགས།
30.11.2015 04:22:23

ང་ནི་པེ་ཅིང་དུ་སྡོད་མཁན་ཡུལ་སྐོར་སྤྲོ་འཆམ་གྱི་སྣེ་ཤན་པ་དཀྱུས་མ་ཞིག་ཡིན།
ཉིན་ཤས་སྔོན་ངས་བོད་ནས་ཡིན་པའི་བོད་རིགས་ཁེ་གཙང་གི་ཡུལ་སྐོར་སྤྲོ་འཆམ་ཚོགས་པ་ཞིག་ལ་སྣེ་ཤན་བྱེད་རྒྱུའི་གོ་སྐབས་བྱུང༌།
པེ་ཅིང་དུ་ཡུལ་སྐོར་སྤྲོ་འཆམ་བྱེད་རིང་ཁོང་ཚོས་ང་ལ་གཡོ་འགུལ་ཐེབས་པའི་བག་ཆགས་ཆེན་པོ་བཞག
ངས་ཁོང་ཚོར་སྣེ་ཤན་མ་བྱས་གོང༌།
བོད་རིགས་མི་དམངས་ལ་མཐོང་ཚུལ་གང་ཡོད་པ་རྣམས་མང་ཆེ་བ་ནི། གློག་བརྙན་དང༌།
བརྙན་འཕྲིན་ནམ་ཡང་ན་མི་གཞན་གྱིས་ལབ་པའི་གནས་ཚུལ་ཐར་ཐོར་ལས་བྱུང་ཞིང༌།


བརྗོད་གཞིའི་རིགས་བཀར་བ།: གངས་དཀར་སེམས། | བོད་མིའི་སྐྱིད་སྡུག་མཉམ་མྱོང་། | བོད་ཀྱི་གནད་དོན་སྐོར་གླེང་བ།

བསམ་ཚུལ་ཁག 3 | བཀླཌ་ཐེངས།: 3613 | དེ་ལས་མང༌།...


 
དམར་ཆུང་སྙིང་གི་གདུང་བ།
25.07.2015 22:39:05

གསེར་མདོག་ཉི་མ་ནུབ་པའི་ཤུལ་ལམ་དུ།།
ཆུ་འཛིན་འདབ་མ་སྟོང་གི་བར་མཚམས་སུ།།
ལྷ་ལམ་ངུ་བརྒྱ་འདུས་པའི་མིག་ཆུ་ཡོད།།
ས་འཛིན་གནམ་ཆུ་སྒུག་པའི་གདུང་བ་ཡོད།།



བརྗོད་གཞིའི་རིགས་བཀར་བ།: གངས་དཀར་སེམས། | སྙན་ངག་མིག་ཆུས་ཁྱེད་ལ་འབོད།

བཀླཌ་ཐེངས།: 1810 | དེ་ལས་མང༌།...


 
དད་པའི་ཡིད་ཀྱི་མིག་ཆུ།
14.07.2015 23:00:58

___སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་ལ་ཕུལ།

རིན་པོ་ཆེ།་་་་ཁྱེད་ནི་ང་ཚོའི་གངས་ཅན་ཁ་བའི་ལྗོངས་སུ་མ་རིག་གི་མུན་པ་སེལ་བའི་ཉིན་བྱེད་དེ། མུན་ནག་སྤྲིན་ཚོགས་ཀྱི་སྒྲིབ་པའི་མཐོ་སྒང་དུ།  གང་གིས་སྙིང་རྗེའི་འོད་སྣང་སྦྱིན་པའི་མ་ལུས་གངས་ཅན་གྱི་འགྲོ་བ་ལ་ཤེས་རིག་གི་སློབ་གྲྭ་འཛུག། ནང་ཆོས་ཀྱི་སྒྲོན་མེ་སྤར། དགེ་བསྒྲུབ་སྤང་བླངས། བཟང་པོའི་ཆོས་མཐུན་གྱི་བྱ་བཞག་སོགས་སྒོ་ཀུན་ནས་གདོང་དམར་སྐྱེ་འགྲོ་རྣམས་ལ་གདམས་པའི་བསླབ་བྱ་ནི་སྟོང་གསུམ་ནོར་གྱི་ཟླ་དང་བྲལ། ད་དུང་མི་རིགས་འདི་ལ་མ་འོང་གི་གཟིགས་རྒྱང་རིང་ཞིང༌། མི་རིགས་འདི་ཡི་དཀའ་སྡུག་ཡོད་ཚེ་ཁུར་དུ་བཞེས་ཤིང༌། འགྱུར་མེད་ཀྱི་ལྷག་བསམ་དང༌། གཡོ་མེད་ཀྱི་ལ་རྒྱལ་ནི་རི་རབ་བཞིན་དུ་བརྟན།



བརྗོད་གཞིའི་རིགས་བཀར་བ།: བོད་མིའི་སྐྱིད་སྡུག་མཉམ་མྱོང་། | གངས་དཀར་སེམས། | རྡོག་རྩ་ཆིག་སྒྲིལ། | ཆོལ་གསུམ་བོད་ཀྱི་ན་གཞོན་དཔུང་སྡེ།

བཀླཌ་ཐེངས།: 1715 | དེ་ལས་མང༌།...


 
ཉི་ཟླ་སྐར་གསུམ།
11.07.2015 23:48:12


གངས་རི་རྩེ་ནས་ཤར་བའི།། གསེར་གྱི་ཉི་མ་གསེར་པོ།།
གངས་ཅན་བོད་ལ་ཤར་ནས།། སྡུག་གི་མུན་པ་སེལ་རོགས།།



མཐོ་རེག་ནམ་མཁའི་ངོག་ནས།།འཛུམ་ཆུང་དུང་ཟླ་དཀར་པོ།།
བོད་འབངས་དྲོད་ཀྱིས་འཚོལ་ནས།། སྡུག་གི་མུན་པ་སེལ་རོགས།།


ལྷོ་ཡི་ནམ་མཁའི་སྐར་ཆེན།།ཟེར་འོད་ཕྱོགས་བརྒྱ་འཕྲོ་ནས།།
མ་རིག་འགྲོ་བ་ཡོངས་ཀྱི།།རྨོངས་མུན་ལོག་ཚོགས་སེལ་རོགས།།



བརྗོད་གཞིའི་རིགས་བཀར་བ།: བོད་མིའི་སྐྱིད་སྡུག་མཉམ་མྱོང་། | གངས་དཀར་སེམས། | རྡོག་རྩ་ཆིག་སྒྲིལ།

བཀླཌ་ཐེངས།: 1478 | དེ་ལས་མང༌།...


 
བརྩེ་ལྡན་གྱི་ཨ་མ་ལགས།
04.06.2015 05:03:15

བརྩེ་ལྡན་གྱི་ཨ་མ་ལགས།
བདག་འཇིག་རྟེན་འདི་ན་མིག་ཁ་འབྱེད་པ་ནས་བཟུང་ཁྱོད་ཀྱིས་བདག་ལ། ཟས་ཀྱི་ཕུད་བྱིན། གོས་ཀྱིརྩེས་གཡོག བརྩེ་བས་ནུ་ཞོ་བླུད། བྱམས་པའི་ཤ་དྲོད་བཅར། སྣབས་ལུད་ཁ་ཡིས་གཞིབ། མི་གཙང་ལག་པས་ཕྱིས། གཞོན་ནུ་རང་མགོ་ཐོན་པའི་དུས་སུ་ཡང་ཁྱོད་ཀྱི་མིག་ཟུང་བདག་ལ་འཕངས་ཤིང༌། མ་འོང་གི་མདུན་ལམ་བཟང་པོ་ལ་ཐུགས་ཁུར་དང༌། ལམ་སྟོན་སོགས་ཡོད་ཚེ་བདག་ལ་སྦྱིན་པས་ངོ་མ་ཁྱོད་ལ་ཆེས་བཀའ་དྲིན་གསོ་ཐབས་བྲལ།


 



བརྗོད་གཞིའི་རིགས་བཀར་བ།: བོད་མིའི་སྐྱིད་སྡུག་མཉམ་མྱོང་། | གངས་དཀར་སེམས།

བཀླཌ་ཐེངས།: 5724 | དེ་ལས་མང༌།...


 
ཁྱོད་དང་ང་ཚོའི་མིག་ཆུ་འདྲེས་ཡོད།
20.05.2015 00:33:46

ཁྱོད་དང་ང་ཚོའི་མིག་ཆུ་འདྲེས་ཡོད། བལ་ཡུལ་བ་སེམས་པ་མ་སྐྱོ།
ང་ཚོ་ཁྱོད་དང་གནས་སའི་གོ་ལ་གཅིག་ལ། འཚོ་སའི་ཁྱིམ་གཞི་གཅིག །  བདེ་སྡུག་གི་མྱོང་ཚོར་ཀྱང་གཅིག །སྐྱིད་ན་ངག་གི་དབྱངས་གཅིག་ལ། སྡུག་ན་མིག་གི་མཆི་མ་གཅིག ། རང་བྱུང་གི་གོད་ཁ་ཕོག་པའི་སྤུན་ཟླ་ཚོ། གནམ་སྔོན་པོ་འདི་ཡི་འོག་ཏུ་གདོད་མ་ནས་འཚོ་གནས་བྱེད་པའི་རིགས་རུས་དང་ཤ་མདོག་གཅིག་ཡིན་མིན་ལ་མ་ལྟོས་པ་རྒྱལ་ཁབ་དང༌། མི་དམངས།  གཞུང་དང༌། ཚོགས་པ། སྒེར་པ་དང༌། ཆོས་པ། དད་སྟོབས་ཅན་དང༌། འབྱོར་ལྡན་ཅན། ད་དུང་ལྷག་བསམ་ཅན།མདོར་ན། ཡོད་ཚད་ནས་ཡོད་ཚད་དང༌།

བརྗོད་གཞིའི་རིགས་བཀར་བ།: རྡོག་རྩ་ཆིག་སྒྲིལ | བོད་མིའི་སྐྱིད་སྡུག་མཉམ་མྱོང་། | ཆོལ་གསུམ་བོད་ཀྱི་ན་གཞོན་དཔུང་སྡེ།

བཀླཌ་ཐེངས།: 5959 | དེ་ལས་མང༌།...


 
ཤམ་བྷ་ལའི་ཞིང་ཁམས་སུ།
09.05.2015 23:46:04

བན་ཆུང་ང་ཁེར་རྐྱང་ལྷག་འདུག



བརྗོད་གཞིའི་རིགས་བཀར་བ།: བོད་མིའི་སྐྱིད་སྡུག་མཉམ་མྱོང་།

བཀླཌ་ཐེངས།: 5664 | དེ་ལས་མང༌།...


 
བན་ཆུང་གི་ཁ་ཕྱོགས།
05.05.2015 23:43:00

བན་ཆུང་གི་ཁ་ཕྱོགས།
སེར་ཉི་མ་ནུབ་པའི་ཡུལ་ཕྱོགས་སུ།། མགོན་བླ་མ་བཞུགས་པའི་གདན་ས་རེད །
ཆོས་གདམ་ངག་ཟབ་མོ་འཕེལ་ལེ་རེད །། ང་བན་ཆུང་འགྲོ་སའི་ཁ་ཕྱོགས་རེད །


བརྗོད་གཞིའི་རིགས་བཀར་བ།: གྲྭ་རྐྱང་གི་སེམས་ཁམས། | གངས་དཀར་སེམས།

བཀླཌ་ཐེངས།: 5937 | དེ་ལས་མང༌།...


 
ཨ་མའི་བཀའ་དྲིན།
11.04.2015 00:12:09

-----------ཨ་མའི་བཀའ་དྲིན།
བརྩེ་བའི་དྲོད་ཀྱི་རུམ་ཁ་ནང་དུ་ནུ་ཞོ་མངར་མོས་ལུས་ཁམས་གསོ །།
བགོད་པའི་མཛུམ་མདངས་ང་ལ་སྟོན་གྱི་འཇམ་པའི་གོས་ཀྱིས་ལུས་ཁམས་དྲོད །
བྱམས་པའི་བརྩེ་སེམས་བདག་ལ་བཅངས་ཏེ་ལུས་ཀྱིས་དཀའ་སྡུག་ཁུར་དུ་བླངས །།
རང་ལུས་གྲོད་ཁོག་སྟོང་པ་གྱུར་ཀྱང་བཅུད་ལྡན་ཟས་རྣམས་བུ་ལ་སྦྱིན།།



བརྗོད་གཞིའི་རིགས་བཀར་བ།: ཆོལ་གསུམ་བོད་ཀྱི་ན་གཞོན་དཔུང་སྡེ། | གངས་དཀར་སེམས།

བསམ་ཚུལ་ཁག 2 | བཀླཌ་ཐེངས།: 6887 | དེ་ལས་མང༌།...


 
བརྡ་འཕྲིན་གྱི་དུས་རབས།
03.04.2015 22:35:39
བརྡ་འཕྲིན་གྱི་དུས་རབས།
ལག་གཉིས་ཐལ་མོ་སྙིང་གི་དཀྱིལ་དུ་སྦྱར།།
ཡིད་ཀྱི་རེ་འདུན་མཆོག་གསུམ་སྐྱབས་དང་འགྲོག།
བཟང་ངན་ཅི་ཡང་ལྷ་ཡི་དངོས་གྲུབ་ཅེས།།

བརྗོད་གཞིའི་རིགས་བཀར་བ།: གངས་དཀར་སེམས། | བོད་མིའི་སྐྱིད་སྡུག་མཉམ་མྱོང་། | ཆོལ་གསུམ་བོད་ཀྱི་ན་གཞོན་དཔུང་སྡེ།

བཀླཌ་ཐེངས།: 5386 | དེ་ལས་མང༌།...


 
ཡིད་སྐྱོ་བའི་གནས་ཚུལ།
07.03.2015 22:36:49

ཡིད་སྐྱོ་བའི་གནས་ཚུལ། འདི་ཟླ་སྟེ།  ཕྱི་ལོ་༢༠༡༥ལོའི་ཟླ་བ་༣་ཚེས༧ཉིན་གྱི་སྔ་དྲོའི་ཆུ་ཚོད་དགུ་པ་ཙམ་ལ་སྨར་ཁམས་འོད་ཟེར་དགོན་པའི་ཁྲི་པ་རྗེ་བཙུན་ངག་མཆོག་ལྡན་མཆོག་གདུལ་བྱ་རྟག་འཛིན་ཅན་རྣམས་ཆོས་ལ་བསྐུལ་བའི་ཆེད་དུ་དགོངས་པ་ཆོས་དབྱིངས་སུ་འཐིམས་ཡོད་པའི་གནས་ཚུལ་ཐོན་འདུག


བརྗོད་གཞིའི་རིགས་བཀར་བ།: གངས་དཀར་སེམས། | བོད་མིའི་སྐྱིད་སྡུག་མཉམ་མྱོང་།

བསམ་ཚུལ་ཁག 1 | བཀླཌ་ཐེངས།: 3918 | དེ་ལས་མང༌།...


 
དད་པའི་མིག་ཆུའི་ཐིགས་པ།
30.10.2014 11:58:20

འགྲོ་བ་སྡུག་གི་མུན་པས་སྒྲིབ་པའི་དུས།།
གང་སྐུ་རྟ་བདུན་ནུབ་རིར་དལ་གྱིས་བརྒལ།།
མིག་མེད་ལོང་བའི་ཚོགས་ཀྱི་འགྲོ་བ་རྣམས།།
དྭ་ཕྲུག་ལྟར་གྱུར་མགོན་སྐྱབས་སུ་ལ་བརྟེན།།



བརྗོད་གཞིའི་རིགས་བཀར་བ།: བོད་མིའི་སྐྱིད་སྡུག་མཉམ་མྱོང་། | ཆོལ་གསུམ་བོད་ཀྱི་ན་གཞོན་དཔུང་སྡེ།

བཀླཌ་ཐེངས།: 1598 | དེ་ལས་མང༌།...


 
བདེན་ཚིག་རིག་པའི་སྒྲ་དབྱངས་བཞུགས་སོ།།
21.10.2014 06:14:55

བདེན་ཚིག་རིག་པའི་སྒྲ་དབྱངས་བཞུགས་སོ།།
རབ་འབྱམས་རྒྱལ་ཀུན་བསོད་ནམས་མཚོ་མོ་ལས།།
དགེ་ལེགས་པད་མའི་འདབ་བཟང་རྣམ་པར་བཀྲ།།
ཉེས་སྐྱོན་འདམ་གྱིས་མ་གོས་བཤེས་གཉེན་ལ།།
ལན་བརྒྱར་འདུད་དེ་གུས་པས་ཕྱག་འཚལ་ལོ།།


བརྗོད་གཞིའི་རིགས་བཀར་བ།: གངས་དཀར་སེམས། | བོད་མིའི་སྐྱིད་སྡུག་མཉམ་མྱོང་། | ཆོལ་གསུམ་བོད་ཀྱི་ན་གཞོན་དཔུང་སྡེ།

བཀླཌ་ཐེངས།: 1467 | དེ་ལས་མང༌།...


 
རེ་དྭོགས་ཀྱིས་སྟོང་བའི་གྲྭ་རྐྱང་།
27.09.2014 09:09:45

རེ་དྭོགས་ཀྱིས་སྟོང་བའི་གྲྭ་རྐྱང༌།
༡༽
ཡངས་པའི་ས་ཆེན་གོ་ལ་འདི་ཡི་ནང༌།།
འབྱོར་ལྡན་མི་ཡི་གསེར་གྱི་ཁང་པ་དང༌།།
རིས་མེད་མྱི་ལ་དངུལ་ཆར་འབབ་ན་ཡང༌།།
གྲྭ་རྐྱང་ང་རང་རེ་དྭོགས་གཉིས་ཀྱིས་སྟོང༌།།


བརྗོད་གཞིའི་རིགས་བཀར་བ།: ཆོལ་གསུམ་བོད་ཀྱི་ན་གཞོན་དཔུང་སྡེ། | རྡོག་རྩ་ཆིག་སྒྲིལ། | གངས་དཀར་སེམས།

བསམ་ཚུལ་ཁག 2 | བཀླཌ་ཐེངས།: 1594 | དེ་ལས་མང༌།...


  ཤོག་ངོས། 1 ནས། 4
| -