ཟིན་བྲིས་པའི་འདྲ་པར།

ཕ་སྐད་གཙང་མའི་གླུ་གར།

མྱི་རྡོ།



28.01.2019 01:35:17

ཁྱུང་རིག་འཛིན། ༢༠༡༨། ༡༡། ༠༧། 

 

དེ་ཡང་བོད་མདོ་ཁམས་ཡུལ་དུ་སྨད་ཀྱི་ཏྲེ་ཤོད་དང་སྨར་ཤོད། བར་གྱི་དཔའ་ཤོད་དང་ལྗང་ཤོད། སྟོད་ཀྱི་དངུལ་ཤོད་དང་ནག་ཤོད་སོགས་ཀྱིས་མཚོན་པས་ཤོད་ཆེན་བཅོ་བརྒྱད་སོགས་བརྩི་སྲོལ་ཡོད་པ་ལྟར་འདིར་ཁམས་སྟོད་ཁྱུང་པོའི་ལུང་ཚན་“རྟ་ཤོད་”ཅེས་པའི་ཡུལ་མིང་འདིར་ཅུང་ཟད་དཔྱད་ན། ཐ་སྙད་འདི་ཆེས་མ་འཐའ་ཡང་འདི་ནས་ཡར་བརྩིས་པའི་ལོ་ངོ་ཆིག་སྟོང་ཙམ་གྱི་སྔོན་ཡོད་པ་སྟེ།
དེ་ཡང་ཐོག་མར་དུས་རབས་ ༡༠ དང་ ༡༡ པའི་བར་བྱོན་པའི་ཨ་མྱེས་བྱང་ཆུབ་འདྲེ་བཀོལ་ (968–1076) གྱིས་བརྩམས་པར་གྲགས་པའི་«རླངས་ཀྱི་པོ་ཏི་བསེ་རུ་»ལས། “རླངས་ཀྱི་གྲུབ་ཐོབ་ཆེན་པོ་རྩ་རྔུ་ལྷ་ཡི་རྡོ་རྗེས། རྟ་ཤོད་ལྷ་ཁང་ཐང་དུ་མཐའ་འདུལ་གྱི་གཙུག་ལག་ཁང་བཞེངས།” ཅེས་“རྟ་ཤོད་”ཙམ་མིན་པར་རྟ་ཤོད་དུ་ཡོད་པའི་ས་གནས་བྱེ་བྲག་པ་“ལྷ་ཁང་ཐང་”དང་བཅས་པ་གསལ་ཡོད།

དེ་ནས་དུས་རབས་ ༡༢ པའི་ནང་འབྲི་གུང་སྐྱོབ་པ་འཇིག་རྟེན་མགོན་པོས་མཛད་པའི་ (1143–1217) «ཕྱག་རྒྱ་ཆེན་པོ་གཞི་ལམ་འབྲས་གསུམ་གྱི་ཞལ་གདམས་རིན་པོ་ཆེ་ཕྲེང་བ་»ལས། “གཡག་རུ་དཔལ་གྲགས། རྟ་ཤོད་ཨ་ཙ། རི་སྟོན།” ཞེས་གསུངས་ཡོད་པ་ལས་དཔོགས་ཐུབ། “རྟ་ཤོད་ཨ་ཙ་རའི་”ཕ་ཡུལ་ཁམས་ཁྱུང་པོ་ནས་ཡིན་མིན་གང་ལྟར་ཡང་རྟ་ཤོད་ཀྱི་ཐ་སྙད་དང་དག་བརྡ་དག་འབྲི་ཚུལ་དེ་ག་རང་ཡིན་པ་འདིས་མཚོན་ཐུབ།
དེ་བཞིན་དུ་དུས་རབས་ ༡༣ དང་ ༡༤ (1284–1339) བར་བྱོན་པའི་ཀརྨ་པ་རང་བྱུང་རྗེས་མཛད་པའི་«འགྲོ་མགོན་རས་པ་ཆེན་པོའི་རྣམ་པར་ཐར་»ལས། “དབུས་སུ་བཞུད་པས་རྟ་ཤོད་རྣ་རྒྱང་(རྨེ་རུའི་གནམ་ལ་ཡིན་ནམ་སྙམ།)དུ་བསྐྱལ་ནས། ས་སྨད་དུ་བཞུད་པར་གདའ།” ཞེས་གསལ།
ཡང་དེ་རྗེས་དུས་རབས་ ༡༦ (1527–1592) པར་བྱོན་པའི་འབྲུག་པ་པདྨ་དཀར་པོས་བརྩམས་པའི་«ཆོས་འབྱུང་བསྟན་པའི་པདྨོ་རྒྱས་པའི་ཉིན་བྱེད་»ལས། “ཁྱུང་ཚང་པ། འབྲོག་སྒོམ། བུར་སྒོམ། རྟ་ཤོད་རས་པ་ལ་བྱང་གི་བུ་ཆེན་བཞི།”ཞེས་དང་།
དེ་ནས་དུས་རབས་ ༡༧ ནས་ ༡༨ (1694–1738) བར་བྱོན་པའི་གནམ་ལྕགས་རྩ་གསུམ་གཏེར་བདག་གླིང་པས་གསལ་བར་བྱས་པའི་«ཟབ་མོའི་གཏེར་དང་གཏེར་སྟོན་གྲུབ་ཐོབ་ཇི་ལྟར་བྱོན་པའི་ལོ་རྒྱུས་མདོར་བསྡུས་བཀོད་པ་རིན་ཆེན་བཻཌཱུརྻའི་ཕྲེང་བ་»ལས། “ན་བུན་རྫོང༌། རྟ་ཤོད་དཀྱིལ་འཁོར་ཐང་སོགས་ནས་སྔ་ཕྱིར་ཟབ་གཏེར་མང་དུ་སྤྱན་དྲངས་པ་གཏེར་འབྱུང་ལས་གསལ།”ཞེས་དང་།
དེས་རྗེས་དུས་རབས་ ༡༩ ནས་ ༢༠(1880–1923/1925) བར་བྱོན་པའི་ཀཿཐོག་སི་ཏུའི་ཆོས་ཀྱི་རྒྱ་མཚོས་མཛད་པའི་«དབུས་གཙང་གནས་ཡིག་»གྲགས་ཅན་མ་ལས། “ལྷོ་རྟ་ཤོད་ཀྱི་བུ་མོ་པདྨ་མཚོས་རྫུ་འཕྲུལ་གྱིས་ཉིན་གཅིག་གིས་འཐག་པའི་སྒ་སློས་རྟ་འཇག་མ་ཞེས་ངོ་མཚར་ཅན།”ཞེས་པདྨ་མཚོའི་རྣམ་ཐར་ཀྱི་ཆ་ཤས་དང་བཅས་པ་འཁོད་ཡོད།
དེ་བཞིན་དུ་ཀུན་བཟང་ཉི་མས་བརྩམས་པའི་ (1904–1958) «ཀོང་ཐེའུ་རང་གི་ར་རྫོང་ཕབ་པ་འཛམ་གླིང་ཆོས་ཀྱི་རྒྱལ་པོའི་རྟོགས་བརྗོད་དཔལ་གྱི་བེའུ༔»ལས། “དེ་ནས་འཇང་ཕྲུག་གཡུ་ལྷ་ཐོག་འགྱུར་ཤར་ལྷོ་མཐོན་པོ་རི་དྲུག་ནས་བརྒལ་ཏེ་རྟ་ཤོད་རྡོ་རྗེའི་ཁྲ་སྒོ་མཐོན་པོ་ནས་གཟིགས་ཙ་ན་མཐོན་པོ་རྟ་རྣ་ཅན་གྱི་དམག་རྩི་ཤིང་ལས་ལྷུན་འཐུག་”ཞེས་དང་།
ཁྱད་པར་དུ་སྤྱི་ཚོགས་གསར་རྙིང་གཉིས་ཀ་བརྒྱུད་མྱོང་ཞིང་མཁྱེན་དཔྱོད་ཡངས་པའི་སྐུ་ངོ་ང་ཕོད་ངག་དབང་འཇིགས་མེད་ཀྱིས་བརྩམས་པའི་ (འདས་ལོ་ 2009) «བོད་ཀྱི་རིག་གནས་ལོ་རྒྱུས་དཔྱད་གཞིའི་རྒྱུ་ཆ་བདམས་བསྒྲིགས་»ལས། “སྐུ་ཕྲེང་དང་པོ། རྒྱ་ར་སངས་རྒྱས་ཡེ་ཤེས་ཀྱི་རྣམ་སྤྲུལ་དུ་གྲགས་པ་གྲུབ་ཆེན་ཤེས་རབ་ཕུན་ཚོགས། ཁྱུང་པོ་རྟ་ཤོད་དུ་འཁྲུངས། དགུང་གྲངས་རེ་དྲུག་ཆུ་སྤྲེལ་ལོ་གཤེགས།”ཞེས་རྟ་ཤོད་ཅེས་གསལ་བར་འཁོད། དཔེ་དེབ་འདི་ནི་ཆབ་མདོ་དགོན་པའི་བླ་ཆེན་རྣམས་ཀྱི་ལོ་རྒྱུས་འཁོད་པ་ཞེ་གཅིག་ཡིན།
དེ་མིན་མཁན་པོ་དམ་ཆོས་ཟླ་བས་དུས་རབས་ ༢༠ པར་བརྩམས་པའི་གསོ་བ་རིག་པའི་ཡིག་ཆ་«འཚོ་བྱེད་ལས་དང་པོ་ལ་ཉེར་བར་མཁོ་བའི་ཟིན་ཏིག་གཅེས་པར་བཏུས་པ་བདུད་རྩིའི་ཐིགས་པ་»ལས། “མུ་མེད་[SIC]ནི་རྡོ་ལས་འབྱུང་བའི་སྔོ་ནག་གསེར་ཐིག་ཅན་མཆོག [་་་] འདི་རིགས་འབྲུམ་པ་ཡོད་མེད་སོགས་ཡུལ་ཁྱད་པར་གྱིས་སྣ་ཚོགས་འདུག་ཀྱང་ལྷོ་རྟ་ཤོད་ནས་འབྱུང་བ་བཟང་།” ཞེས་གསལ།
མདོར་བསྡུས་ནས་བཤད་ན་དུས་རབས་བཅུ་པ་ཡན་མན་ནས་བཟུང་ད་ལྟའི་བར་དུ་ “རྟ་ཤོད་”ཅེས་པའི་ཐ་སྙད་དང་བརྡ་དག་འབྲི་ཚུལ་འདི་ག་རང་ཡིན་པ་ཁུངས་ལྡན་གྱི་ལོ་རྒྱུས་ཁག་ཏུ་གསལ་ཡོད་པས། ད་ལྟ་གློ་བུར་དུ་རང་གི་ཚོར་སྣང་དང་དགའ་ཕྱོགས་ལ་བསྟུན་ནས་“ལྟག་ཤོད་”དང་། “སྟག་ཤོད།” “ཏག་ཤོད་”སོགས་གང་བྱུང་གིས་བཟོ་བཅོས་མ་བྱས་ན་བཟང་། ལོ་རྒྱུས་ནི་ལོ་རྒྱུས་ཏེ་བཟང་ངན་བར་གསུམ་གང་བྱུང་བ་ཐམས་ཅད་ཇི་བཞིན་འཁོད་དགོས་པ་ལས། དགའ་དང་མི་དགའི་འདེམས་སྒྲུག་བྱེད་པ་ནི་ལོ་རྒྱུས་རིག་པ་དང་བརྡ་སྤྲོད་རིག་པ་སོགས་གང་ལ་ཡང་མི་རུང་བ་ངེས་པར་དུ་མཁྱེན་དགོས།
ཞོར་དུ་ཤོད་ཆེན་བཅོ་བརྒྱད་ཀྱི་གྲངས་འདྲེན་ནི།
དེང་དུས་བསྟན་འཛིན་ཆོས་དབྱིངས་ཀྱིས་བྱས་པའི་«མེས་པོའི་བྱུང་བ་»ལས། “ད་ལྟ་ས་ཆ་དང་དངོས་སུ་ར་འཕྲོད་བྱུང་བ་ནི།
༡ ནགས་ཤོད། འབྲི་རུ་རྫོང་ཁོངས་ཀྱི་ས་ཆ་ཕལ་ཆེ་བ།
༢ སོག་ཤོད། སོག་གཡག་ལའི་ཁུལ།
༢ དཀར་ཤོད། སོག་རྫོང་ཁོངས།
༤ རེ་ཤོད། སོག་རྫོང་ཁོངས།
༥ རྒྱ་ཤོད། སྟོད་འབྲི་རུ་དང་སྨད་དཔལ་འབར།
༦ ས་ཤོད། དཔལ་འབར་རྫོང་ཁོངས།
༧ དཔའ་ཤོད། དཔལ་འབར་རྫོང་ཁོངས།
༨ རྒྱང་ཤོད། སྟེང་ཆེན་རྫོང་ཁོངས།
༩ གྱིམ་ཤོད། སྟེང་ཆེན་རྫོང་ཁོངས།
༡༠ རྟ་ཤོད །སྟེང་ཆེན་རྫོང་ཁོངས།
༡༡ གཡི་ཤོད་དམ་གཡང་ཤོད་ནི་རི་བོ་ཆེ་རྫོང་ཁོངས།
༡༢ དངུལ་ཤོད། ལྷོ་རོང་རྫོང་ཁོངས།
༡༢ རྔོད་ཤོད། མཛོ་སྒང་རྫོང་ཁོངས།
༡༤ ཟླ་ཤོད། ཆབ་མདོ་རྫོང་ཁོངས།
༡༥ ངོམས་ཤོད། ཆབ་མདོ་རྫོང་ཁོངས།
༡༦ མེ་ཤོད། སྡེ་དགེ་རྫོང་ཁོངས།
༡༧ སྨར་ཤོད། གོ་འཇོ་རྫོང་ཁོངས།
༡༨ ཀྲེ་ཤོད། དཀར་མཛེས་རྫོང་ཁོངས་ཞེས། དེ་ལྟར་ཁམས་མདོ་སྟོད་ནགས་ཤོད་ནས་སྨད་དཀར་མཛེས་བར་དུ་སྐབས་ཤིག་གཅིག་འགྱུར་གྱི་ས་བབས་དང་ཆུ་རྒྱུད་རིག་གནས་གཅིག་གི་སྒྲིག་གཞིའི་ཁོངས་སུ་གཏོགས་པ་ཞིག་ཡིན།”

 

 


  དཔྱད་རྩོམ།
བསམ་ཚུལ། 0 བཀླཌ་ཐེངས།: 110834  

31.05.2018 00:36:59

 

ཨོཾ་རྗེ་བཙུན་མ།

སྐྱ་རེངས་དང་པོ་དང་པོའི་དུས།།

བསིལ་རླུང་ཞིམ་པོ་ཞིམ་པོ་ལྡང་།།

དགུན་ཁ་དགུན་ཁའི་ནམ་དུས་ལ།།

དབྱར་ཁ་དབྱར་གྱི་ཆར་ཟིམ་འཇོ།།

སྣང་བ་སྣང་བའི་མེ་ལོང་ངོགས།།

སྒྲོལ་མ་དཀར་མོ་དཀར་མོའི་སྐུར།།

དྭངས་ལ་དྭངས་བའི་དད་པ་འཕྱོ།།

རེ་འདོད་མེད་པའི་རེ་འདོད་ནི།།

དད་པ་ནང་གི་དད་པ་ཡིན།།

དམ་ཚིག་ནང་གི་དམ་ཚིག་ཡིན།།


  
བསམ་ཚུལ། 1 བཀླཌ་ཐེངས།: 37908  

28.03.2015 00:44:00

༡ བལ་ཡུལ་བཙུན་དགོན།
ལོ་ཤས་སྔོན་བལ་ཡུལ་ཡང་ལེ་ཤོད་དུ་ཕྱི་རྒྱལ་སྦྱིན་བདག་གིས་བཞེངས་པའི་བཙུན་དགོན་ཞིག་ཏུ་ཚོགས་གྲོལ་ནས་བཙུན་མ་རྣམས་གླིང་ཀ་དང་སྒོ་ཁེབ་འོག་སོགས་སུ་སོ་སོའི་མཐུན་ཕྱོགས་གཉིས་གསུམ་རེ་འཛོམས་ནས་སྐད་ཆ་བཤད་པ་དང་རྩེ་མོ་རྩེ་བ་སོགས་བྱེད་བཞིན་མཆིས། དགོན་འདབས་གྱི་ལྗོན་ཤིང་ཆེན་པོ་དེའི་བསིལ་གྲིབ་འོག་ཏུ་ཇོ་རྒན་མ་ཚོན་པོ་ཞིག་གིས་རང་གི་དགེ་ཕྲུག་བཙུན་ཆུང་མ་ཡིད་དུ་འོང་བ་དེར་དགའ་འཛུམ་དམུལ་དམུལ་ངང་ཅི་ཞིག་བཤད་མི་ཚར་བར་བསྡད་འདུག

  
བསམ་ཚུལ། 2 བཀླཌ་ཐེངས།: 4057  

11.03.2014 03:21:35

༄༅། སྐད་ཡིག་ཤུགས་འབྱུང་དང་སྐད་ཡིག་འབད་སྦྱོང་གི་མཐུན་རྐྱེན་སྐྲུན་ཐབས། མཁན་པོ་ཨོ་རྒྱན་རིག་འཛིན་ནམ། རིག་འཛིན་ཁྱུང་པོ།

སྔོན་གླེང་། དགོངས་མངའ་ལྟར་དེང་གི་དུས་སུ་རང་རེའི་བོད་ཀྱི་སྐད་ཡིག་དང་། མི་རིགས། རིག་གནས་དང་བཅས་པ་འཇིག་ཉེན་གྱི་གནས་སུ་གྱར་བཞིན་པ་འདིའི་ཐོག་བོད་ཕྱི་ནང་གང་ས་ནས་ལྷག་བསམ་དང་ཤེས་འཇོན་ལྡན་པའི་མི་སྣ་མི་ཉུང་བ་ཞིག་གིས་སྒེར་དང་ཚོགས་པའི་རྣམ་པ་གང་འོས་ཀྱི་ལམ་ནས་སྐད་རིགས་སྲུང་སྐྱོབས་ཀྱི་ལས་ལ་འབད་བཞིན་པ་སྟེ།  དཔེར་ན་བོད་དུ་མཁན་ཆེན་ཚུལ་ཁྲིམས་བློ་གྲོས་མཆོག་གིས་རང་མི་རིགས་ཀྱི་སྐད་རིགས་སྲུང་སྐྱོབས་ཐད་ཀྱི་ཆེད་རྩོམ་<ལུག་རྫི་རྒན་པོའི་ཀི་སྒྲ>དང་། སྐད་ཡིག་སློབ་གསོའི་འཆད་ཁྲིད་<དུས་རབས་ཀྱི་རྔ་སྒྲ།> ཚིག་མཛོད་<རྒྱ་བོད་དབྱིན་གསུམ་གསར་བྱུང་རྒྱུན་བཀོལ་མིང་མཛོད>འདྲ་བའི་རིན་ཐང་གཞལ་དུ་མེད་པའི་བརྩམ་བྱ་དང་འཆད་ཁྲིད་རེ་རེས་ཀྱང་སྐམ་རྙིད་ལ་ཕྱོགས་པའི་བོད་ཀྱི་སྐད་ཡིག་ལ་གསོན་ཤུགས་གསར་པ་ཞིག་སྦྱིན་བཞིན་པ་ལྟ་བུ་རེད།  
  དཔྱད་བརྗོད།

བསམ་ཚུལ། 0 བཀླཌ་ཐེངས།: 3576  

09.08.2013 01:50:53

རིག་བཞུང་།

རྨོངས་དད་ན་བུན་འཁྲིགས་པའི་མུན་ཀློང་ན། །
དཀར་པོ་ལྷ་ཞིག་དགོས་པའི་རྨི་ལམ་རྨི། །
ནག་པོ་འདྲེ་ཞིག་ཡོད་པའི་དོགས་སྐྲག་སྐྱེ། །
མི་ཡུལ་བདེ་སྐྱིད་འཚོ་བ་ངོ་མ་ཤེས། །


  
བསམ་ཚུལ། 3 བཀླཌ་ཐེངས།: 1593  

30.01.2012 23:17:17

ཁུ་མར་ཡིག་གེ་ཀློགས་རོགས། གསུམ་པ། ཁམ་བྷོ་ཌི་ཡར་ནང་ཆོས་དར་ཚུལ་བཤད་པ་ལ་རྒྱལ་ཁབ་ངོ་སྤྲོད་མདོ་ཙམ་དང་ཆོས་འབྱུང་ དངོས་གཉིས་ལས་དང་པོ་ནི། ཁམ་བྷོ་ཌི་ཡ་ནི་བོད་རྒན་ཚོས་༼ཀམ་པོ་ཛ་༽ཞེས་འབོད་ལ་མགོ་སེར་ཚོས་༼ཁམ་བྷོ་ཌི་ ཡ་༽ཞེས་ཟེར་ཡང་དོན་དུ་སྒྲ་ངོ་མར་༼Combuja ཁམ་བྷུ་རྗ་༽ཟེར་བའི་ཡུལ་འདི་ནི་ལྷོ་ཤར་ཨེ་ཤ་ཡའི་མངའ་ཁུལ་རྒྱ་གར་རྒྱ་མཚོའི་ མཚོ་ཁུག་ཏུ་ཆགས་པའི་རྒྱལ་ཁབ་ཆུང་ངུ་ཞིག་ཡིན།


  
བསམ་ཚུལ། 2 བཀླཌ་ཐེངས།: 1969  

25.10.2011 05:00:20

བརྙན་ཐག་འདིར་གཟིགས་དང་། ཀྲུང་གོའི་མི་དམངས་ཀྱི་མིག་སྔར་འགྲོ་བ་མི་ནི་སྲང་ལམ་གྱི་སྤྲང་ཁྱི་ཞིག་དང་ཁྱད་པར་མེད་པ་བརྙན་ཕབ་འདིས་ར་སྤྲོད་བྱས་འདུག ཁ་ལོ་བ་ཁྲམ་པ་འདིས་མི་བརྫིས་པར་གད་སྙིག་བརྫིས་པའི་མཐོང་ཡང་མི་འདུག་ལ། དེ་བས་ཡར་མར་གྱི་ལམ་འགྲོ་བ་དག་གི་མིག་ལམ་དུ་ཕྱི་རྒྱལ་བའི་སྲང་ལམ་ལ་ཤོག་འཛར་ཞིག་ལྷུང་བའི་མཐོང་ཡང་མི་འདུག

  
བསམ་ཚུལ། 2 བཀླཌ་ཐེངས།: 2558  

15.08.2011 10:23:40

ང་ནི་བསིལ་ལྷམ་གྱི་སོ་པ་ཞིག
ང་ནི་བསིལ་ལྷམ་གྱི་རྫི་བོ་ཞིག
མེ་ཏོག་ལས་མཛེས་པའི་བསིལ་ལྷམ་དམར་པོ།
མུ་ཏིག་ལས་འཚེར་བའི་བསིམ་ལྷམ་སྔོན་པོ།
གལ་ཏེ་བསུ་མ་དང་འདྲ་བའི་བསིལ་ལྷམ་ཆུང་ངུ་དག་གིས་
འཛུམ་དམུལ་དམུལ་གྱིས་སྒོ་དྲུང་ནས་ང་བསྒུགས་མེད་ཚེ།


  
བསམ་ཚུལ། 0 བཀླཌ་ཐེངས།: 2333  

07.08.2011 14:33:08

སྐུ་དྲག་དཔོན་རྒྱུད་མིང་སྐམ་མ་ཁྱེར་ཞིང་། །
རྒྱུ་དང་འབྱོར་བའི་ལྐོག་ནས་མ་བསླུས་པར། །
ངལ་བརྒྱས་བཀྲུན་བའི་ཤེས་རིག་འོད་སྣང་འདིས། །
ཆེས་མཐོའི་སྲིད་སྐྱོང་བཞུགས་ཁྲི་མཛེས་པར་བྱས། །

  
བསམ་ཚུལ། 2 བཀླཌ་ཐེངས།: 2773  

04.08.2011 14:02:09

དེ་རིང་ནི་བོད་ཟླ་དྲུག་པའི་ཚེས་ལྔ་དང་སྤྱི་ལོ་༢༠༡༡་ཟླ་༨་པའི་ཚེས་༤་ཉིན་མོ་འདིར། ས་གནས་ཀུ་ལུ་མ་ན་ལིའི་མངའ་ཁོངས་སུ་ཡོད་པའི་སྤང་སྒང་རི་ཁྲོད་དུ་ཡང་སྲིད་ཁྲི་འདོན་གྱི་མཛད་སྒོ་ཟབ་རྒྱས་ཤིག་འཚོགས་ཀྱིན་འདུག སྤྱིར་རི་ཁྲོད་འདི་ཉིད་སྔ་འགྱུར་རྙིང་མའི་ཆོས་རྒྱུད་འཛིན་པ་(རྨེ་བ་མཁན་ཆེན་ཐུབ་བསྟན་འོད་ཟེར་དཔའ་བཟང་པོ་མཆོག་)གིས་ཕྱག་བཏབ་ཅིང་སློབ་རྒྱུན་གཙོ་བོ་བཙུན་མ་དང་ཐོས་བསམ་སྒོམ་གསུམ་ལས་སྒོམ་པ་གཙོ་ཆེར་གནང་སའི་རི་ཁྲོད་མཐོང་ན་སྤྲོ་བ་ཞིག་རེད།

  
བསམ་ཚུལ། 4 བཀླཌ་ཐེངས།: 2986  

15.07.2011 01:28:52

དེ་རིང་ནི་ལྷ་འདྲེའི་རྐྱལ་སྟོང་འགེངས་བའི་ཉིན་མོ་སྟེ། བཤད་སྲོལ་ལྟར་ན། མཁན་སློབ་ཆོས་གསུམ་ཞལ་འཛོམས་ཏེ་དཔལ་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་བཞེངས་སྐབས་༼ཉིན་མོ་མིས་བརྩིགས་པ་ལས་མཚན་མོ་ལྷ་འདྲེས་བརྩིགས་པ་མཐོ་༽ཟེར་བ་ལྟར།  གཙུག་ལག་ཁང་རྟེན་དང་བརྟེན་པ་ཡོངས་སུ་གྲུབ་པའི་དགའ་སྟོན་དུ་ལྷ་འདྲེ་དག་ལ་ ༼བསང་གསོལ་༽གྱི་ལེགས་བསྭོའི་མཆོད་


  
བསམ་ཚུལ། 0 བཀླཌ་ཐེངས།: 2669  

06.07.2011 00:08:20

སྟོན་པའི་འདས་ལོ་༢༥༥༥་དང་བོད་རྒྱལ་ལོ་༢༡༣༨་སྣྲོན་ཟླ་བའི་ཚེས་པ་ལྔ།  ཕྱི་ལོ་༢༠༡༡། ༧། ༦་ཉིན་མོ་འདི་ནི་འཛམ་གླིང་ཞི་བདེའི་དེད་དཔོན་རང་ཅག་གངས་ཅན་པ་རྣམས་ཀྱི་ཁོག་པའི་སྙིང་དང་དཔྲལ་བའི་མིག་ལྟར་དུ་གཅེས་པར་འོས་པའི་དབུ་ཁྲིད་དམ་པ་དོན་གྱི་སླད་དུ་མཚན་ནས་སྨོས་ན།  ༸གོང་ས་སྐྱབས་མགོན་རྒྱལ་བའི་དབང་པོ་བསྟན་འཛིན་རྒྱ་མཚོ་གང་ཉིད་དགུང་གྲངས་༧༦་ཧྲིལ་པོར་ཕེབས་པའི་སྐུ་ཡི་འཁྲུངས་སྐར་གྱི་དུས་ཆེན་ཁྱད་པར་ཅན་གྱི་ཉིན་མོ་འདིར་མགོན་པོ་གང་ཉིད་ཀྱི་མཛད་རྣམ་མདོར་བསྡུས་ཤིག་ངོ་སྤྲོད་ཞུ་ན།


  
བསམ་ཚུལ། 2 བཀླཌ་ཐེངས།: 3035  

25.06.2011 15:26:57

འཛམ་གླིང་ནང་པའི་འབོར།


  
བསམ་ཚུལ། 0 བཀླཌ་ཐེངས།: 7507  

17.06.2011 14:01:14

༄༅། །བོད་ཀྱི་ཁྱིམ་མཚེས་རྒྱལ་ཁབ་བཙན་པོའི་སྐབས་སུ་༼འཇང་ཡུལ་༽ལམ་དེང་སང་ཡོངས་གྲགས་སུ་
༼བྷར་མ་༽འམ་༼མ་ཡན་མའི་༽རྒྱལ་ཁབ་ཏུ་ནང་ཆོས་དར་ཁྱབ་བྱུང་ཚུལ་རོབ་ཙམ་ཞུ་ན། 
སྤྱིར་ལོ་རྒྱུས་སྨྲ་བ་དག་གིས་རྡོ་བརྐོས་བྲག་རིས་དང་ཏ་ལའི་ལོ་མར་བྲིས་པའི་ཡིག་རིགས་རྙིང་པ་སོགས་སུ་
གསལ་བ་ལྟར་ན་བྷར་མར་ནང་ཆོས་སྔ་ཕྱི་ལན་མང་བྱུང་ཡོད་པར་འདོད་པ་སྟེ།


  ཆོས་འབྱུང་།
བསམ་ཚུལ། 2 བཀླཌ་ཐེངས།: 3968  

14.06.2011 08:57:22

དེང་སང་སྤྱིར་ན་བོད་བླ་ཆེ་མ་ཆུང་གསུམ་ཕལ་མོ་ཆེ་ཕྱི་རྒྱལ་ཡུལ་གྲུ་གང་སར་དཀོར་སྡུད་དུ་ཕེབས་རྒྱུར་བྲེལ་བཞིན་པ་ལྟར། ཡུན་རིང་མ་སོང་བའི་ལོ་ཤས་སྔོན་རྒྱ་གར་གྱི་དགོན་སྡེ་ག་གེ་མོ་ཞིག་ནས་ནང་པའི་གཞུང་ལུགས་ཁག་ལ་སྦྱང་བ་མ་སོང་བའི་བླ་མ་ཆེ་གེ་མོ་ཞིག་མ་ལེ་ཞི་ཡ་དང་། སིན་གྷ་པུར། ཧོང་ཀོང་སོགས་སུ་དཀོར་གདུལ་བྱའི་དོན་དུ་ཕེབས་

  མཚར་གཏམ།
བསམ་ཚུལ། 6 བཀླཌ་ཐེངས།: 3591  

07.06.2011 04:33:24

ཉིན་ཞིག་གི་དགོང་མོར་དོན་འགྲུབ་ཆང་གིས་བཟི་སྟེ་ངུ་སྐད་སྒྲོག་ཀྱིན་ཆང་ཁང་ནང་དུ་འཛུལ་ཡོང་།
སྐབས་དེར་བཀྲ་ཤིས་དང་ཚེ་རིང་གཉིས་ཆང་ཁང་ནང་དུ་ཆང་འཐུང་བཞིན་ཡོད་པའི་དུས་དང་ཏག་ཏག་ཁེལ་བས་
བཀྲ་ཤིས་ལམ་སང་ཡར་ལངས་ཏེ་
《ཡ་་གྲོགས་པོ་དོན་གྲུབ་གང་བྱུང་སོང་ངམ་》ཞེས་དྲིས་པར་


  མཚར་གཏམ།
བསམ་ཚུལ། 4 བཀླཌ་ཐེངས།: 3455  

02.06.2011 16:15:28

ཉིན་ཞིག་གི་ཕྱི་དྲོར་སྒེར་བདག་གནམ་གྲུ་ཆུང་བ་ཞིག་གི་ནང་དུ། 
སྐུ་ཞབས་སྨན་རམས་པ་མཁས་ཅན་ཞིག་དང་ཁྲིམས་རྩོད་པ་གྲགས་ཅན་གཉིས་པོ།
འཁོས་མེད་ཉམ་ཆུང་གི་གྲྭ་རྐྱང་གཅིག་དང་བུ་ཚ་ཆུང་ངུ་ཞིག་དང་འགྲོགས་ཏེ་བར་སྣང་ལ་
སྤྲོ་འཁྱམ་དུ་སྐྱོད་བཞིན་པའི་སྐབས།


  མཚར་གཏམ།
བསམ་ཚུལ། 2 བཀླཌ་ཐེངས།: 3624  

29.05.2011 12:05:19

དང་པོ།
གངས་ལྗོང་གི་རྩ་ཐང་ནས་བརྡོལ་བའི་གསེར་རྡོག
དབུ་ནག་བོད་ལ་རང་བྱུང་ཁམས་ཆེན་མོས་གནང་བའི་ཁྱད་ནོར།
རྒྱ་ནག་པོའི་ལུས་ཁམས་གསོ་བའི་བཟང་དྲུག་གི་སྨན།
ཁམ་སྨུག་གི་རྭ་རྩེ་རྩ་གསེང་ནས་མངོན་དུས།
བོད་ཕྲུག་གི་བླ་ཡིད་རི་རྩེ་ན་འཕུར་སོང་།

  
བསམ་ཚུལ། 8 བཀླཌ་ཐེངས།: 3153  

14.05.2011 23:29:39

གྲོགས་པོ་ལགས།
ངའི་ཆེས་ཐོག་མའི་་་་་་་་་།
གདུང་ཤུགས་ཀྱི་འབོད་པ།
སེམས་ཁོང་ན་མེ་ཏོག་བཞིན་རྙིད་གྲབས་འདུག

  
བསམ་ཚུལ། 5 བཀླཌ་ཐེངས།: 4711  

07.05.2011 00:29:01

ཨ་མའི་དད་པ་དང་ཙ་རིའི་ཀྲད་པ།དང་པོ། ཁོ་བོ་ཆུང་ཆུང་བྱིས་དུས་ཤིག་ནས་ངེད་ཚང་གི་མཛོད་ཀྱི་དཀྱིལ་ཀའི་ངོས་སུ་མི་རབས་མང་པོ་ཞིག་གི་རིང་ལ་བླ་ཆེན་སྤྲུལ་སྐུ་ཚོས་བྱིན་རླབས་བསྟིམས་ཡོད་པའི་དར་མདུད་རྙིང་པ་ཁྱི་རྟུག་འདྲ་བ་དག   དུད་པས་ཟོས་ནས་ཁ་དོག་ཀྱང་མངོན་མི་ཐུབ་པའི་གསེབ་དུ་ཀྲད་པ་ཞིག་བཏགས་ནས་འདུག

 


  དད་འདུན།
བསམ་ཚུལ། 10 བཀླཌ་ཐེངས།: 5469  

ཤོག་ངོས། 1 ནས། 2
| -