ཟིན་བྲིས་པའི་འདྲ་པར།

ཕ་སྐད་གཙང་མའི་གླུ་གར།

དྲང་སྲོང་དཀར་པོ།



07.09.2015 10:54:28

དབྱར་གྱི་དྲོ་སྐྱིད་དགུང་དུ་ཡལ་ཀྱང་སྟོན་ཀའི་མཛེས་ཆོས་ལྷག་པར་མངོན།།
ནམ་ཟླའི་ལྷག་རླུང་བསིལ་བུ་དང་འགྲོགས་སྡོང་ལོ་སེར་པོ་ས་ལ་བྲུལ།།
ཉི་འོད་མི་གསལ་ཆར་སྤྲིན་དག་གིས་ས་དང་གནམ་གཉིས་ཐུག་སྙམ་བགྱིད།།
ཁྱིམ་དུ་བསྡད་ཀྱང་ཕ་ཡུལ་དྲན་པས་ཡིད་སེམས་འཐིབས་ཏེ་མུག་པར་གྱུར།།

  
བསམ་ཚུལ། 0 བཀླཌ་ཐེངས།: 1684  

13.05.2015 02:37:48

སྔོན་མ་ཞིག་ལ་སྙན་ངག་གི་དཔེ་བརྗོད་དང་མཉམ་དུ་བརྗེད་ཐོ་ཟིན་བྲིས་ཀྱང་འགའ་བྲིས། འདི་ནི་དཔེ་མཚོན་ཙམ་ཡིན།
དང་པོ། རིགས་རང་བཞིན་བརྗོད་པ།
དམར་སེར་མཚམས་སྤྲིན་གསར་པའི་གོས་ཀྱིས་མཛེས།།
ངོ་མཚར་རྨད་བྱུང་ཕན་བདེ་ཀུན་གྱི་གཞི།།
ཉོན་མོངས་སྐྱོན་བྲལ་བསླབ་གསུམ་མཛོད་འཛིན་པ།།
མཛའ་བཤེས་དགེ་འདུན་སྡེ་རྣམས་གཙུག་གི་རྒྱན།།

  
བསམ་ཚུལ། 0 བཀླཌ་ཐེངས།: 11912  

11.05.2015 15:20:49

༄༅། དཔག་མེད་རབ་འབྱམས་རྒྱལ་བ་ཇི་སྙེད་ཀྱི། །

མ་ལུས་ཡོན་ཏན་འབྱུང་བའི་གཟི་གྱུར་པ། །

སྟོན་མཆོག་མཚུངས་མེད་ཐུབ་པའི་དབང་པོ་ཡིས། །

འབྲལ་མེད་ཐུགས་བརྩེས་རྟག་ཏུ་སྐྱོངས་མཛོད་ཅིག །

མཆོད་པར་བརྗོད་པའི་མེ་ཏོག་གི་ཆུན་པོས་མདུན་བསུས་ཏེ་འདིར་གང་གླེང་བར་བྱ་བ་ནིབོད་ཆེན་པོ་ནོར་འཛིན་གྱི་ཞིང་མཆོག་ཏུ་མཉམ་མེད་ཐུབ་པའི་དབང་པོའི་ལུང་རྟོགས་ཀྱི་བསྟན་པ་རིན་པོ་ཆེ་ལམ་བསླབ་པ་གསུམ་དང་ལུང་སྡེ་སྣོད་གསུམ་ལ་འཆད་ཉན་སྒོམ་སྒྲུབ་ཇི་བཞིན་བྱེད་པའི་སྒྲུབ་རྒྱུད་ཤིང་རྟ་ཆེན་པོ་བརྒྱད་ཅེས་གྲགས་པའི་རྩ་བ་འམ་ཕྱི་མོ་ལྟ་བུར་གྱུར་པ་ནི་དཔལ་གསང་ཆེན་སྔ་འགྱུར་པ་ཞེས་པ་དེ་ཉིད་ཡིན་ལ། དེ་ལས་ཀྱང་སྲིད་ན་གྲགས་པའི་བ་དན་ཆེས་ཆེར་བསྒྲེངས་པའི་དགོན་སྡེ་ཆེན་པོ་དྲུག་ཏུ་མཆིས་པའི་ཡ་གྱལམདོ་ཁམས་གྲུབ་པའི་དབང་ཕྱུག་རྒྱལ་བ་རྫོགས་ཆེན་པའི་བསྟན་པ་འཛིན་སྐྱོང་སྤེལ་བའི་སྐྱེས་བུ་བསམ་གྱིས་མི་ཁྱབ་པ་དུ་མ་བྱོན་ཡོད་པ་ལསར་ཉག་དཔལ་སྤྲུལ་བསྟན་འཛིན་ཉི་མ་རིན་པོ་ཆེ་འདི་ཉིད་ཀྱི་རྣམ་པར་ཐར་པ་བཀོད་པ་ལ་གཉིས་ཏེ། སྐུ་ཕྲེང་རིམ་བྱོན་གྱི་བྱུང་བ་མདོ་ཙམ་བཤད་པ་དང་། འདི་ཉིད་ཀྱི་ལོ་རྒྱུས་ཆེ་ལོང་ཙམ་བརྗོད་པའོ།།


དེ་ཡང་སྐུ་ཕྲེང་དང་པོ་མདོ་ཁམས་ཀྱི་ཕྱོགས་སུ་ནང་ཆེན་རཀ་ཤུལ་ཡུལ་དུ་ར་ཉག་ཞེས་པའི་དམ་པའི་སྐྱེས་བུ་མང་པོ་རྒྱུན་མ་ཆད་པའི་རིགས་རུས་སུ་སྐྱེད་ཡབ་ར་ཉག་གྲུབ་ཆེན་རིན་པོ་ཆེ་ཞེས་ཉམས་རྟོགས་བླ་ན་མེད་པ་གྲུབ་སྨྱོན་གྱི་སྤྱོད་པ་འབའ་ཞིག་གནང་མཁན་ཞིག་དང་། སྐྱེད་ཡུམ་ཀླུ་མོ་ཞེས་ཡུལ་མི་ཀུན་གྱིས་བསྔགས་འོས་སུ་གྱུར་པ་ཞིག་ཡོད་པ་ཁོང་རྣམ་གཉིས་ལ་སྲས་གཉིས་དང་སྲས་མོ་གཅིག་སྟེ་གསུམ་ཡོད། སྲས་ཆུང་བ་དེ་ཕྱི་ལོ་༡༨༣༢ བོད་རབ་བྱུང་བཅུ་བཞི་པའི་ཆུ་འབྲུག་ལོའི་ས་ག་ཟླ་བའི་ཚེས་བཅུའི་ཉིན་འཁྲུངས། དེ་མ་ཐག་ཡབ་ཀྱིས་འདི་ང་ཉིད་ནང་བཞིན་སྨྱོན་པའི་ངང་ཚུལ་ཅན་ཞིག་སྐྱེ་ཡང་འདི་ང་དང་མི་འདྲ་བ་འདིའི་སེམས་ཅན་གཞན་ལ་ཕན་ཐོག་རྒྱ་ཆེན་འོང་བས་བཙོག་མ་བཅུག་ཅེས་པ་སོགས་ཡུམ་ལ་མང་པོ་གསུངས། སྲས་འདི་པའི་མཚན་ལ་ར་ཉག་རྒྱལ་སྲས་སམ་ར་ཉག་གྲུབ་སྨྱོན་དུ་འབོད། རྗེས་སུ་རྫོགས་ཆེན་དང་ཁང་དམར་དགོན་སོགས་ཀྱིས་ཁོང་ལ་ར་ཉག་གྲུབ་ཆེན་རིན་པོ་ཆེ་ཞེས་འདི་ཕྱི་གཏན་གྱི་སྐྱབས་གནས་ཉག་གཅིག་ཏུ་བཀུར། རྗེ་འདི་ཉིད་ར་ཉག་དཔལ་སྤྲུལ་གྱི་ཕ་ཡབ་ཡིན། ཁོང་གི་རྣམ་ཐར་གྱི་ཡང་རྩེར་སོན་པའི་ལོ་རྒྱུས་ནི། སྐུ་ན་ཆུང་བའི་སྐབས་ཡབ་ལས་འབྲི་ཀློག་ཅུང་ཟད་གསན་ཀྱང་གྲུབ་སྨྱོན་གྱི་སྤྱོད་པ་ལས་སྦྱང་བརྩོན་ལ་མ་ཕྱོགས་ཏེལོ་འགའི་རིང་སྦས་པའི་རྣལ་འབྱོར་གྱི་ཚུལ་གནང་བ་སོགས་མདོ་མཁྱེན་བརྩེ་སྐྱེས་བུ་ཡེ་ཤེས་རྡོ་རྗེའི་རྣམ་ཐར་ལས་ཉིན་གཅིག་རྫ་རྒྱལ་འཕེན་ཕྱུགས་ངོས་ལ། རི་དྭགས་བཤོལ་ཚུལ་གྱིས་བསྐོར་བར་ཕྱིན་པས། སྒང་ཐོག་ཞིག་ན། ངོ་མ་ཤེས་པའི་སྐྱེས་བུ་དྲག་རྩལ་ཅན་ཞིག་དང་འཕྲད། སློང་རྐྱེན་གང་ཡང་མེད་པར་ངེད་རང་གཉིས་གཅིག་གིས་གཅིག་ལ་ཞེ་སྡང་དྲག་པོ་མེ་ལྟར་འབར་བས། མཚོན་ཆ་སྣ་ཚོགས་བརྡེག་རེས་དང་། འཐབ་འཛིང་སྣ་ཚོགས་བྱས་ཀྱང་ཕན་ཚུན་གླགས་མ་རྙེད་པར། རིའི་རྩེར་ཕྱིན་ཏེ་བྲོ་གར་སྣ་ཚོགས་བྱས་ཤིང་། སླར་སྔོན་གྱི་བག་ཆགས་སྐྱེ་བ་དྲན་པས་ཐུགས་ཡིད་གཅིག་ཏུ་འདྲེས་ཤིང་། ཞག་གཅིག་བར་ཉམས་རྟོགས་བསྡུར་ཞིང་སང་སྔ་བར་བརྩེ་གདུང་འབྲལ་མི་ཕོད་བའི་ངང་ནས་སོ་སོར་གྱེས་དགོས་པ་ནི་ཡུལ་དེའི་ཟོ་དོར་ཡུལ་ཕུད་ཅིང་། གསར་སྐྱེས་རྒྱལ་བསེན་འབྱུང་པོས་བཟུང་འདུག་པ། གནས་དབྱུངས་ཏེ་ཟོ་དོར་རང་གནས་སུ་བཀོད་པ་དེ་ཡང་གསང་ཚུལ་ཙམ་ལས་ཁྱབ་གདལ་དུ་མ་སྤེལ། རི་དེའི་རྩེར་ཞབས་རྗེས་མི་འདྲ་བ་གསུམ་ཙམ་ཡོད་ཀྱང་། སུ་ཞིག་གིས་མཐོང་ཐོས་སུ་མ་གྱུར། སྐྱེས་བུ་དེ་ནི་ར་ཉག་གྲུབ་པའི་དབང་ཕྱུག་གི་སྲས་ཆུང་སྦས་པའི་གྲུབ་ཐོབ་ཆེན་པོ་ཡིན་པར་གདའ། དེ་རྗེས་དགུང་གྲངས་ ༣༠ ཙམ་ལ་གདུལ་བྱའི་ལྷག་མ་དབུས་གཙང་ཕྱོགས་སུ་ཡོད་པར་མཁའ་འགྲོའི་བརྡ་ལུང་ལ་བརྟེན་ནསདེ་མ་ཐག་ཞོགས་པའི་ཉི་རྩེ་དང་ལྷན་དུ་ཨ་ཅོའི་ཚུལ་མཛད་དེ་ཁམས་ཀྱི་རི་བོ་ཆེ་བརྒྱུད་ནས་དབུས་གཙང་ཕྱོགས་ལ་ཕེབས་སྐབསལམ་བར་ནས་རྟེན་འབྲེལ་བརྡ་ཡི་མཚན་མ་མི་འཆུག་པའི་ཆེད་དུ་གསང་ཡུམ་པདྨ་བདེ་མཚོ་དང་ཡེ་ཤེས་མཚོ་གཉིས་འཁོར་དུ་ཁྲིད་དེ་ཕེབས། དབུས་གཙང་གི་གནས་ཆེན་མཐའ་དག་བསྐོར་ཅིང་སྒྲུབ་གནས་རྣམས་སུ་སྒྲུབ་པ་ཉམས་བཞེས་མཛད་སྐབས། ཉེ་ལོགས་ཀྱི་དགོན་སྡེ་དེའི་གྲྭ་ཚང་གིས་སྔགས་པའི་མཛད་སྤྱོད་ལ་མ་དགའ་བར་རྡུང་རྡེག་བྱས་ཤིང་དབུ་སྐྲ་གཅོད་པ་སོགས་ཚོད་མེད་ཀྱི་ལས་བརྩམས་སྐབས། དེ་དག་ལས་གྲྭ་པ་ཁ་ཤས་ཀྱི་ཁ་ནས་ཁྲག་བཏོན་པ་དང་། ཁ་ཤས་ཀྱིས་སྨྲ་བརྗོད་མི་ནུས་པར་ཅེར་གྱིས་འདྲ་འབག་ནང་བཞིན་འདུག་དགོས་བྱུང་བ་སོགསསྔགས་ནུས་ཕྱི་རུ་བཏོན་པའི་སྟབས་ཀྱིས་ཡུལ་དེའི་སྐྱ་སེར་དགོན་སྡེ་ཀུན་གྱིས་མགོ་འབུལ་ཞུ་ཕྱག་བྱས་ཤིང་བཤགས་པར་དགོན་དེར་གུ་རུ་རིན་པོ་ཆེའི་འདྲ་སྐུ་ཞིག་བཞེངས་དགོས་བྱུང་བ་དང། དེ་དང་ཆབས་ཅིག་ལོ་བསྟུད་མར་གུ་རུའི་དུང་སྒྲུབ་རེ་འཚོགས་རྒྱུའི་དམ་བཅའ་བྱེད་དགོས་བྱུང་། དེ་ནས་གནས་སྤར་ཏེ་དགའ་ལྡན་གྱི་ཉེ་ཕྱོགས་ཤིག་ན་བསྙེན་སྒྲུབ་ལ་གཞོལ་ཏེ་བཞུགས་སྐབས། སེམས་ཅན་ཁ་ཤས་ཀྱི་སྡུག་བསྔལ་མཐའ་ཅན་དུ་བྱེད་པའི་ལས་སྨོན་དུས་སུ་སྨིན་པ་ལ་དགོངས་ཏེ། དེ་གར་སེམས་ལྡན་དུད་འགྲོ་བ་གླང་སོགས་བསད་དེ་ནང་ཆས་ཕྱི་རུ་བཏོན་ཅིང་སླར་ཡང་དུ་ཚག་གིས་མགོ་ལ་རྡེབ་རྡེབ་དང་སེ་གོལ་རེ་དང་མཉམ་དུ་ཡར་སོས་པར་བྱས་ཏེ་སོ་སོའི་རང་གནས་སུ་བཏང་བ་དང་། གཞན་ཡང་སྐུ་ཉིད་གང་དུ་བཞུགས་པའི་ཉེ་འཁོར་དུ་རྩི་ཤིང་ནགས་ཚལ་སོགས་ལས་བཛྲ་གུ་རུའི་རང་སྒྲ་སྒྲོག་བཞིན་ཡོད་པ་མཆོག་དམན་ཀུན་གྱིས་ཚོར་ཐུབ་པ་བྱུང་སྐབས་གསར་རྙིང་གི་ཕྱོགས་རིས་ཅན་གྱི་གྲྭ་གཞོན་འགས་འཛིན་བཟུང་བྱེད་པར་བརྩམས་པ་ན། དེ་མ་ཐག་གསང་ཡུམ་གཉིས་མཆན་ཁུང་གཡས་གཡོན་དུ་བཅུག་སྟེ་གཙང་པོའི་ཆུ་འཕྲེད་གཅོད་དུ་ཕེབས་སྐབས་ཞབས་གཉིས་ཆུ་ལ་མ་རེག་པར་ཕེབས་པ་ཀུན་གྱི་མཐོང་སྣང་དུ་གྱུར་པ་སོགས་གྲུབ་པའི་མཛད་སྤྱོད་མཐའ་ཡས་པས་གདུལ་བྱ་གདུག་པ་ཅན་གྱི་བློ་ཁ་ཆོས་ཕྱོགས་སུ་བསྒྱུར། དེ་ནས་དགོང་གྲངས་ ༤༠ ཙམ་ལ་གངས་རིན་པོ་ཆེའི་ཕྱོགས་སུ་གནས་མཇལ་ཕེབས་ཏེ་ཡུན་རིང་བཞུགས་ཤིང་། ཉིན་གཅིག་གསང་ཡུམ་ཡེ་ཤེས་མཚོས་ད་ང་འགྲོ་བའི་དུས་ལ་བབ་སོང་ཉིད་ཀྱིས་ཚོགས་འཁོར་ཞིག་བསྐོར་བར་ཞུ་ཞུས་པས། ཡབ་ཀྱིས་དེ་བཞིན་གནང་འཕྲལ་ཚོགས་འཁོར་གྱི་སྐབས་སུ་ཞི་དབྱིངས་སུ་གཤེགས། གསང་ཡུམ་པདྨ་བདེ་མཚོ་ལ་བུ་མོ་གངས་མཚོ་ཞེས་པ་གཅིག་དང་བུ་གངས་ཕྲུག་ཞེས་པ་གཅིག་སྟེ་གཉིས་འཁྲུངས། དེ་གཉིས་ཅུང་ནར་སོན་པ་དང་མཉམ་དུ་བྱང་ཁ་རྒྱུད་ནས་བྱང་འབྲོག་ཨ་མདོ་ཙོང་ཁ་སྡེ་གསུམ་གྱི་སའི་ཆར་གཏོགས་པམཚོ་ཆེན་ཁྲི་ཤོར་རྒྱལ་མོའི་ཕྱོགས་སུ་རྐང་ཚ་ཚོ་སྒོ་བཅུ་གཉིས་ཀྱི་དཔོན་པོའི་མཆོད་གནས་སུ་གྱུར་ཏེ་དེ་གར་ས་ཐོབ་དགོན་དང་མཚོ་སྙིང་སོགས་སུ་བསྙེན་སྒྲུབ་ལོ་ཤས་རིང་མཛད། སླར་ཡང་གསང་ཡུམ་ལ་སྲས་མོ་སངས་རྒྱས་མཚོ་ཞེས་པ་ཞིག་འཁྲུངས། ལོ་གཅིག་ཙམ་གྱི་རྗེས་སུ་གསང་ཡུམ་སྦྲུམ་མའི་རྣམ་པར་སྟོན་པ་ནཡབ་ཀྱིས་ཡུམ་ལ་རྣལ་འབྱོར་པ་ལ་ཕྲུ་གུ་མང་བ་མི་ལེགས་ཀྱང་ད་འདི་དག་རྣམས་ཀྱིས་སེམས་ཅན་ལ་ཕན་རེ་ཨེ་ཐོག གང་ལྟར་ཡིན་ཡང་ད་ལྟ་ཁྱེད་ཀྱི་ལུས་ལ་ཡོད་པ་དེ་ང་རང་གཉིས་ཀྱི་ཕྲུ་གུ་ཐ་མ་ཡིན། འདི་ཉིད་ངས་ཉམས་དང་རྨི་ལམ་རྟགས་མཚན་གང་ལ་བརྟགས་ན་ཏན་ཏན་སྐྱེས་བུ་དམ་པ་ཞིག་གི་སྐྱེ་སྲིད་ཡིན། ཁོང་སྐུ་ཚེ་མཐར་ཕྱིན་ན་བསྟན་པ་དང་སེམས་ཅན་ལ་ཕན་ངེས། ཡིན་ཡང་བར་ཆད་མང་བས་རིམ་གྲོ་དགོས་གསུངས་ནས་ཙིའུ་དམར་དང་གྲི་བཙན་སོགས་ལ་ཕྲིན་ལས་བཅོལ་ཏེ་ཡི་དམ་རྟ་མགྲིན་གྱི་བསྙེན་མཚམས་ལ་གཞོལ། ཡུམ་ལ་ཡོད་པའི་སྲས་དེ་ཕྱི་ལོ་ ༡༨༩༢ བོད་རབ་བྱུང་བཅོ་ལྔ་པའི་ཆུ་འབྲུག་ལོའི་ས་ག་ཟླ་བའི་ཚེས་བདུན་ཉིན། ནམ་མཁའ་འཇའ་དང་བར་སྣང་དུ་བཛྲ་གུ་རུའི་རང་སྒྲ་བྱུང་བ་སོགས་ངོ་མཚར་བའི་རྟགས་དུ་མ་དང་བཅས་ཏེ་འཁྲུངས། ཡབ་ཀྱིས་ཡུམ་ལ་ཕྲུ་གུ་འདི་ལ་བར་ཆད་མང་གསུངས་ཏེ་སླར་ཡང་བསྙེན་མཚམས་ལ་གཞོལ། བསྙེན་མཚམས་སུསྲས་དང་བཅས་ཁམས་རྫོགས་ཆེན་དུ་ཕེབས་ན་བཟང་ཟེར་བའི་ཉམས་སྣང་ཞིག་བྱུང་བ་ལ་བརྟེནབློ་བུར་དུ་མཚམས་ལས་ལངས་ཏེ་ཁམས་ཕྱོགས་སུ་ཆིབས་ཀྱི་ཁ་ལོ་བསྒྱུར་ནས་གྲུབ་དབང་རྫོགས་ཆེན་དགོན་དུ་འབྱོར། རྫོགས་ཆེན་དགོན་གྱིས་ཀྱང་གྲ་སྒྲིག་དང་བསུ་མ་སོགས་ཟབ་རྒྱས་བྱས། དེ་མ་ཐག་རྫོགས་ཆེན་རིན་པོ་ཆེའི་སྐུ་ཕྲེང་ལྔ་པའི་མདུན་དུ་ཡབ་ཡུམ་སྲས་བཅས་མཇལ་འཕྲད་གནང་། རྫོགས་སྤྲུལ་ལྔ་པ་ ༧ཐུབ་བསྟན་ཆོས་ཀྱི་རྡོ་རྗེ་ནས་གྲུབ་ཆེན་རིན་པོ་ཆེ་ཁྱེད་ཀྱི་སྲས་སྲས་མོ་རྣམས་ལས། སྲས་མོ་ཆེ་བ་འདིས་གདུང་རྒྱུད་གཟུང་ན་ལེགས། སྲས་མོ་ཆུང་ཤོས་འདི་ཤ་ཟ་ལས་ཀྱི་མཁའ་འགྲོ་མའི་སྤྲུལ་པ་ཡིན་པས་ཨ་ནེ་བྱས་ན་བཟང་། སྲས་ཆེ་བ་འདི་ཉིད་ཤ་སྐོར་སྤྲུལ་སྐུ་ཡིན་པས་འདི་ལ་བདག་ཉར་བ་བསླེབ་ཡོང་། གདུང་སྲས་ཆུང་བ་འདི་ཉིད་རྫ་དཔལ་དགེའམ་རྫོགས་ཆེན་དཔལ་སྤྲུལ་རིན་པོ་ཆེའི་ཡང་སྲིད་འཁྲུལ་མེད་ཡིན་པས། འདི་ང་ལ་དགོས་གསུངས་ཏེ་ངོས་འཛིན་མཛད་ཅིང་མི་འཇིགས་གདོང་ལྔས་བཏེགས་པའི་ཁྲི་ལ་བཀོད། དེ་སྐབས་རྫོགས་ཆེན་དགོན་གྱི་ཆིབས་རྟ་ཡོངས་ལ་རྟ་ནད་ཟློག་དཀའ་བ་ཞིག་བྱུང་བས་རྫོགས་ཆེན་རིན་པོ་ཆེས་ར་ཉག་གྲུབ་ཆེན་ལ་ཞུས་གསུངས། རྫོགས་གྲྭ་རྣམས་ནས་ཁྲེལ་རྒོད་བཏང་སྟེ་རྫོགས་ཆེན་རིན་པོ་ཆེས་ཅི་གསུངས་འདི་གསུངས་མི་འདུག །གནས་འདིར་སངས་རྒྱས་མི་གཟུགས་སུ་གྲུབ་པ་ཤ་སྟག་བཞུགས་པ་ལ་ཞུས་མི་གསུངས་པར་སྔགས་རྒན་རལ་པ་ཅནབུད་མེད་དང་ཕྲུ་གུས་བསྐོར་ཡོད་མཁན་ཞིག་ལ་ཞུས་གསུངས་པ་དེ་མཚར་བ་ལ་ཟེར། གཉེར་ཕྱག་རྣམས་ནས་ཞུས་པས་གྲུབ་ཆེན་གྱིས་རྟ་ཀུན་འཆམ་རར་དེད་ཤོག་གསུངས། རྟ་ཀུན་འཆམ་རར་བསླེབས་མ་ཐག་གྲུབ་ཆེན་གྱིས་མེ་མདའ་བརྒྱབ་སྟེ་རྫོགས་ཆེན་རིན་པོ་ཆེའི་ཆིབས་རྟ་གཙོས་རྟ་གལ་ཆེན་ཁ་ཤས་ས་ལ་བསྒྱེལ་གཞན་ཡུལ་ཕུད་པས། དེར་གནས་ཀུན་གྱིས་འདིས་བྱས་སོང་ད་མ་ལེགས་ཟེར་བ་དང་། གྲུབ་ཆེན་གྱིས་སྔགས་ལ་ཞུགས་པའི་སྐྱེས་བུ་དེས་འཚོ་བ་གསོད་ཀྱང་ནུས་ལ། བསད་པ་གསོ་ཡང་ནུས་ཞེས་གསུངས་ཏེ་རྐེད་ནས་དུ་ཚག་ཚུར་བླངས་ནས་རྟ་རྣམས་ཀྱི་མགོ་ལ་རྡེབ་རྡེབ་མཛད་ཅིང་སེ་གོལ་རེ་བྱས་པ་དང་མཉམ་དུ་རྟ་ཀུན་སྔར་བཞིན་སོས་པར་གྱུར་པས། དེར་གནས་ཀུན་ངོ་མཚར་ཏེ་གྲུབ་ཆེན་ནི་གྲུབ་ཆེན་ཟེར། འབྲོག་རུ་ཡུལ་དགོན་རྣམས་ཀྱིས་ཕྱག་བྱ་བའི་ཡུལ་དུ་གྱུར། དེ་ནས་ལོ་ཤས་རྗེས་སུ་རྫོགས་ཆེན་རིན་པོ་ཆེས་ར་ཉག་གྲུབ་ཆེན་ལགས་ད་ཁྱེད་ཉིད་ཁང་དམར་དགོན་དུ་བྱོན་དགོས། དེང་སང་ཁང་དམར་དགོན་བློ་བུར་འཕྲལ་རྐྱེན་ཞིག་གིས་བསྟན་པ་ལ་ཉམས་རྒུད་དང་གྲྭ་ཚང་ཁ་མ་འཆམས་པ་སོགས་ཡོད་པས་ཁྱེད་ཕེབས་ན་འགྲོ་དོན་འབྱུང་གསུངས་ནས་ཁང་དམར་དགོན་དུ་བཏང་། ཁང་དམར་དཔོན་སློབ་ཀྱི་ལོ་རྒྱུས་ནང་འཁོད་ལྟར་ན། རྫོགས་ཆེན་རིན་པོ་ཆེ་ནས་ར་ཉག་གྲུབ་ཆེན་ཞེས་མཁས་གྲུབ་གཉིས་ལྡན་གྱི་བླ་མ་གྲུབ་ཐོབ་ཀྱི་སྤྱོད་པ་ལྟར་མཛད་པ་ཞིག་དགོན་འདིར་གནང་། དམ་པ་འདི་ཉིད་ཁང་དམར་དགོན་དུ་ལོ་བདུན་བརྒྱད་ཙམ་བཞུགས་ཤིང་བསྟན་པའི་བྱ་བ་ཡང་རྒྱ་ཆེར་སྤེལ། དེ་ནས་རེ་ཞིག་གདུལ་བྱ་གཞན་ལ་ཞལ་གཟིགས་པའི་ཚུལ་བསྟན། འདའ་ཁའི་ཞལ་ཆེམས་ལ་ཁང་དམར་དགོན་འདིར་རྫོགས་ཆེན་དཔོན་སློབ་ཀྱི་སྤྲུལ་སྐུ་ཞིག་གནང་སྩོལ་ཞུས་ནཕྱིས་སུ་ཁང་དམར་དགོན་གྱི་བསྟན་པ་ལ་ཕན་ཐོག་ཆེན་པོ་ཡོང་རྒྱུའི་ལུང་བསྟན་པ་སོགས་མཁས་ཚུལ་གྲུབ་པའི་རྟགས་ཀྱི་ཡོན་ཏན་མངའ་བའི་དམ་པ་གང་ཉིད་དགུང་གྲངས་དོན་བདུན་ཕྱི་ལོ་ ༡༩༠༩ བོད་རབ་བྱུང་བཅོ་ལྔ་པའི་ཞི་བ་ཞེས་མཚོན་པའི་ས་བྱའི་ལོ་དབོ་ཟླ་བའི་ཚེས་ཉེར་ལྔའི་ཉིན་གཟུགས་སྐུའི་བཀོད་པ་ཆོས་དབྱིངས་སུ་རེ་ཞིག་བསྡུ་ཚུལ་བསྟན། དུས་མཚུངས་སུ་ཡུམ་ཡང་གཤེགས།

དེ་ནས་སྲས་མོ་ཆེ་བ་གངས་མཚོ་ཞེས་པ་རྫོགས་སྤྲུལ་ལྔ་པའི་སྐུ་ཚ་ཤིག་དང་གཉེན་བསྒྲིགས། སྲས་མོ་ཆུང་བ་སངས་རྒྱས་མཚོ་རྫོགས་སྤྲུལ་ལྔ་པའི་ལུང་བཞིན་ཨ་ནེ་བྱས་ཏེ་རབ་ཏུ་བྱུང་། རིས་མེད་ཀྱི་བླ་མ་དུ་མར་བརྟེན་ནས་ཨ་མདོ་བྲག་དཀར་སྤྲེལ་རྫོང་དུ་ལོ་མང་བསྙེན་སྒྲུབ་ལ་བཞུགས། ཉེར་གནས་ཀུན་གྱི་ར་ཉག་ཨ་ནེ་ཞེས་སྙན་པ་འབར། སློབ་མ་ཡང་ཁ་ཤས་ཡོད་ཉིན་ཞིག་ཨ་ནེ་ཁ་ཤས་དང་མཉམ་དུ། ཧང་ངི་རི་རྒན་གྱི་རྩེར་འགྲོ་གསུངས་ཏེ་ཕྱིན། རི་རྩེར་སླེབ་མ་ཐག་ལུས་རྣམ་སྣང་ཆོས་བདུན་དང་བཅས་ཏེ་གཤེགས། ཨ་ནེ་གཞན་རྣམས་ཀྱིས་ཅི་ཆ་མེད་པར་ཉིན་ཁ་ཤས་ལུས། ཉིན་ཤས་རྗེས་ཨ་ནེའི་སྐུ་ལུས་ཆུང་རུ་ཕྱིན། ཉིན་བདུན་གྱི་རྗེས་སུ་སྐྲ་སེན་མ་གཏོགས་ལུས་རྡུལ་ཕྲན་དུ་དེངསནམ་མཁའ་གཡའ་དག་འཇའ་འོད་ཀྱི་གུར་ཁྱིམ་སོགས་ངོ་མཚར་བའི་རྟགས་སུ་གྱུར། དེར་གནས་ཨ་ནེ་ཀུན་གྱིས་མི་འབྲལ་བའི་སྨོན་པ་དང་སྐྲ་སེན་ཁུར་ནས་སླར་བྲག་དཀར་སྤྲེལ་རྫོང་དགོན་དུ་ལོག །ད་ལྟའི་དུས་སུ་ཡང་མཇལ་རྒྱུ་ཡོད་པར་གྲགས།

གདུང་སྲས་ཆེ་བ་ཤ་སྐོར་མཆོག་སྤྲུལ་ཟླ་རྒྱུད་ཕྱོགས་སུ་ཕེབས། གདུང་སྲས་ཆུང་བ་ར་ཉག་དཔལ་སྤྲུལ་རིན་པོ་ཆེ་མཆོག་ནི་མཁས་པའི་ཚུལ། གྲུབ་པའི་རྟགས། བཙུན་པའི་ཚུགས་སོགས་བསམ་གྱིས་མི་ཁྱབ་པའི་ཡོན་ཏན་མཐའ་ཡས་པ་ལ་མངའ་དབང་འབྱོར་བའི་སྐྱེས་བུ་ཆེན་པོ་དེ་ཉིད་དགུང་གྲངས་ཉེར་ལྔའི་སྐབས་སུ་བློ་བུར་གྱི་འཕྲལ་རྐྱེན་འགའ་ཤས་ལ་བརྟེན་ཏེ་སྐྲ་དང་སེན་མོ་ཙམ་ལས་མ་ལུས་པར་དགུང་གྲངས་ཉེར་ལྔ་ཕྱི་ལོ་ ༡༩༡༧ བོད་རབ་བྱུང་བཅོ་ལྔ་པའི་མེ་སྦྲུལ་ལོའི་ས་ག་ཟླ་བའི་ཚེས་ཉེར་ལྔ་ལ་དགོངས་པ་ཆོས་དབྱིངས་སུ་གཤེགས་ཤིང་དགོངས་རྫོགས་ཀྱི་བྱ་བ་རྣམས་སྐུ་ཚ་ཐུབ་བསྟན་དང་ཤ་སྐོར་སྤྲུལ་སྐུ་སོགས་ཀྱིས་ལེགས་པར་བགྱིས་པའོ། །

སྐུ་ཕྲེང་གཉིས་པ་རྫོགས་སྤྲུལ་ལྔ་པ་ཐུབ་བསྟན་ཆོས་ཀྱི་རྡོ་རྗེའི་སྐུ་ཚ་དང་ཡུམ་པདྨ་མཚོ་སྐྱིད་གཉིས་ཀྱི་སྲས་སུ་ཕྱི་ལོ་ ༡༩༣༨ བོད་རབ་བྱུང་བཅུ་དྲུག་པའི་ས་སྟག་ལོའི་ཆུ་སྟོད་ཟླ་བའི་ཚེས་བཅུ་ལ་སྐུ་འཁྲུངས། འཇིགས་བྲལ་བྱང་ཆུབ་རྡོ་རྗེས་སྒྲིབ་མེད་མངོན་སུམ་གྱིས་གཟིགས་ཏེ་གོང་མའི་སྐྱེ་སྤྲུལ་དུ་ཁྲིར་བཀོད། སྐུ་ན་ཆུང་ངུའི་དུས་ནས་མཁས་བཙུན་བཟང་པོས་ཐུགས་རྒྱུད་ཡོངས་སུ་ཕྱུག་པའི་སྐྱེས་བུ་བསམ་གྱིས་མི་ཁྱབ་པ་ཞིག་ཡོད་ཀྱང་དུས་ཀྱི་འགྱུར་ལྡོག་སོགས་ཀྱིས་དགུང་གྲངས་ཉེར་གཅིག །ཕྱི་ལོ་ ༡༩༥༩ ལོར་དགོངས་པ་གཞན་དབང་དུ་གྱུར་ཏེ་སྙུན་གཞི་ཕྲ་མོ་ཙམ་གྱིས་ཀྱང་མ་གོས་པར་གཟུགས་སྐུའི་བཀོད་པ་བསྡུས་སོ། །

གཉིས་པ་རྗེ་འདི་ཉིད་བོད་དང་བོད་ཆེན་པོའི་ཤར་ཕྱོགས་མདོ་ཁམས་ས་ཡི་ལྟེ་བ་རུ་དམ་ཨོ་རྒྱན་བསམ་གཏན་ཆོས་གླིང་གི་ཉེ་འདབས་སུཡབ་གྲུབ་པ་དང་རྗེ་གོང་མའི་གཞིས་མི་རང་ལས་མཆེད་པའི་སྐྱེད་ཡུམ་ཚེ་སྒྲོན་གཉིས་ཀྱི་རིགས་སྲས་ཉི་མ་དར་རྒྱས་མཆོག་ཕྱི་ལོ་ ༡༩༦༣ ལོར་སྐུ་བལྟམས། ཆུང་ནས་དད་པ་དང་མོས་གུས་བྱམས་དང་སྙིང་རྗེ་ཞི་ཞིང་དུལ་བ་སོགས་རྣམ་པར་དཀར་པོའི་ཡོན་ཏན་མཐའ་ཡས་པ་ལྷན་སྐྱེས་སུ་མཆིས་ཤིང་མི་རིང་བར་ཡབ་ལས་ཡི་གེ་འབྲི་ཀློག་སོགས་སློབ་སྐབས་ངལ་དུབ་ཀྱིས་བརྩོན་པ་དྲག་པོ་བསྐྱེད་མ་དགོས་པབརྡ་དང་ཐབས་ཙམ་གྱིས་མཁྱེན་ཏེ་ཁྱིམ་དང་ཡུལ་མི་རྣམས་ལ་ངོ་མཚར་བའི་ཐུགས་བློ་འཁྲུངས། ༧རྗེ་གོང་མ་དགོངས་པ་ཞི་དབྱིངས་སུ་གཤེགས་སྐབས་འདི་ཉིད་ཀྱི་མ་ཡུམ་ལ་ཁྱེད་རྣམས་ཀྱིས་མྱ་ངན་མ་བྱེད་དང་མི་རིང་བར་བདག་ཅག་མཇལ་འཕྲད་འབྱུང་ཡོང་ཞེས་འདའ་ཁས་ཞལ་ཆེམས་བཞག་པ་རྗེ་འདི་ཉིད་ཡིན་པར་ངེས་ཀྱང་། སྐུ་ཕྲེང་རིམ་བྱོན་གྱི་སྐུ་ཚེ་ལ་བར་ཆད་ཆེ་བས་འདི་ཉིད་ལ་ཡང་རྐྱེན་ངན་ཕྲད་པར་དོགས་ཏེ་སྦས་པའི་ཚུལ་དུ་བཞག །དེ་ནས་གང་མཚམས་སུ་རུ་དམ་ཨོ་རྒྱན་བསམ་གཏན་ཆོས་གླིང་དུ་ཆོས་སྒོར་ཞུགས་ཏེ། གདན་ས་ཆེན་པོ་དེ་ཉིད་ཀྱི་གནའ་བོའི་དག་གཙང་གི་ཕྱག་བཞེས་བླ་ན་མེད་པགསང་སྔགས་ཀྱི་རྒྱུད་སྡེ་དག་ལས་བྱུང་བ་བཞིན་འབྲེལ་བ་བཞི་ལྡན་གྱི་ཕྲིན་སྒྲུབ་དཀྱིལ་ཆོག་དག་ལ་གསན་བཞེས་གནང་སྐབས། དམར་སེར་འདུས་པའི་སྡེ་ཆེན་པོ་ནམ་མཁའི་སྐར་ཚོགས་བཞིན་མཆིས་པ་ལས། ཉི་ཟླ་ལྟར་མངོན་པ་མཐོ་བར་མཁྱེན་རབ་དང་རྣམ་དཔྱོད་ཕུལ་དུ་བྱུང་བས་གདངས་དབྱངས་འདོན་སྟངས་བཅའ་ཕྱག་ལག་ལེན་སོགས། དགོན་སྡེ་དེ་ཉིད་ཀྱི་བསླབ་པའི་གནས་ཀུན་ལ་མ་མཁྱེན་པ་མ་བྱུང་ཞིང་ཐ་ན་འབག་བཅའ་བ་དང་རི་མོ་འབྲི་བ་སོགས་ལ་ཡང་མངའ་དབང་བརྙེས་ཏེ། བསྟན་དགོན་སླར་གསོས་སྐབས་སུ་གྱང་ལྷ་བྲིས་པ་དང་འབག་སྐུ་བཞེངས་པ་སོགས་རང་བསྟན་ལ་སྲི་ཞུ་བླ་ན་མེད་པ་བསྒྲུབས་ཤིང་། དགོན་སྡེ་དེ་ཉིད་ཀྱི་དབུ་མཆོད་དཀྱུས་མ་རེ་དང་གཞན་གྱི་དགོན་སྡེ་རེ་མི་བརྗེ་བའི་ལོ་རྒྱུས་ཁུངས་ལྡན་ཡོད་ན། ཁོང་ཉིད་སྐུ་ན་ཕྲ་མོའི་དུས་ནས་མཆོད་ཆེན་གྱི་མཚན་གྱི་གོ་གནས་བཞེས་ཏེ་ཇི་བཞིན་ཕྱག་ལས་གནང་ཞིང་རང་དང་མཚུངས་པའི་ཞལ་སློབ་དུ་མ་ཡང་སློབ་སྐྱོང་གནང་བ་སོགས། གཞན་ཕན་ལྷག་བསམ་དཀར་པོའི་མཛད་པ་འདི་ཉིད་སྤྲུལ་པའི་སྐུའི་མཚན་གྱི་ཅོད་པན་མ་ཕུལ་སྔོན་ནས་ཡུལ་དགོན་ཀུན་གྱིས་ཡར་དཔེ་འདྲེན་སའི་གནས་སུ་བསྔགས། རྒན་ཁོག་ཕོ་མོ་རྣམས་ཀྱིས་ཁོང་ཉིད་ལམ་དུ་ཕེབས་སྐབས་ཞྭ་ཕུད་དེ་ཕྱག་རྒྱ་བྱ་བ་དང་མཇལ་བ་ཙམ་གྱིས་དད་པའི་སྤུ་ལོང་གཡོ་ཞིང་བློ་སྣ་ཆོས་སུ་བསྒྱུར་བ་སོགས་ཀྱིས་ཀྱང་དམ་པའི་སྐྱེས་བུའི་རིགས་ཅན་ཡིན་པར་དཔོག་ཐུབ་ལ། དེ་རྗེས་ཁོང་ཉིད་གངས་ལྗོངས་མཁས་པའི་འབྱུང་གནས་རྫོགས་ཆེན་ཤྲཱི་སེང་ཆོས་གྲྭ་ཆེན་མོར་ཞུགས་ཏེ། དམ་ཆོས་འདུལ་བ་གཞི་གསུམ་ཆོ་གའི་ཕྱག་བཞེས་ནས་བཟུང་བླ་མེད་རྒྱུད་སྡེའི་བར་དུ། རང་སྐལ་གང་འདོད་ཀྱི་འཛད་མེད་ཆོས་སྦྱིན་སྟེར་བའི་གདན་ས་ཁྱད་པར་ཅན་དེ་ཉིད་དུ་ལོ་ཤས་རིང་རྒྱ་གཞུང་ཆེན་པོ་དག་་ཐོས་བསམ་གྱིས་སྒྲོ་འདོགས་བཅད། གྲུབ་ཐོབ་ཐང་སྟོང་རྒྱལ་པོའི་རྣམ་རོལ་མཁན་ཆེན་བདེ་ཆེན་རྣམ་གྲོལ། མཁན་ཆེན་ཟླ་བའི་འོད་ཟེར། མཁན་ཆེན་བྱང་ཆུབ་སེམས་དཔའ་པདྨ་ཚེ་དབང་ལྷུན་གྲུབ། སྐྱབས་མཆོག་པདྨ་སྐལ་བཟང་རིན་པོ་ཆེ། མཆོག་སྤྲུལ་འབྲུག་པ་སྐུ་ཆུང་རིན་པོ་ཆེ་སོགས་དགེ་བའི་བཤེས་གཉེན་བསམ་གྱིས་མི་ཁྱབ་པ་དུ་མའི་ཞབས་ལ་བཏུད་དེ་བཞུགས་ཤིང་། རང་གཞན་གྱི་གྲུབ་མཐའ་རྒྱ་མཚོའི་གནས་ལ་སྦྱང་སྟེ་སྐུ་ཡོན་གསན་བཞེས་གནང་བའི་སྐབས་སུ་ཡང་། ཡིད་དཔྱོད་ཀྱི་རྩོལ་བ་ཆེ་ཐང་དུ་བསྐྱེད་པ་མ་མཐོང་ཡང་སྐྱེས་ཐོབ་ཀྱི་ཤེས་རབ་ཕུན་སུམ་ཚོགས་པ་མངའ་བ་དང་། དེ་མཚུངས་སུ་བསྟན་ལ་ཕན་པའི་སྲི་ཞུ་ཞུས་པ་ཡང་། ཆོས་གྲྭ་གསར་གཞེངས་སྐབས་སུ་དུས་བཞིའི་ཚ་གྲང་གི་ངལ་དུབ་ལ་མི་འཛེམ་པར་བཀྲེས་པས་བཟའ་བཅའ་མཐོང་བ་བཞིན། ཉིན་མཚན་གོ་བལྡབས་ཏེ་ཕྱག་ལས་བགྱིས་པ་སོགས་དོན་གཉིས་བསྒྲུབས་པའི་རྒྱལ་སྲས་ཀྱི་སྤྱོད་པ་ལ་འགྲན་བཟོད་པ་མངའ་བ་ལགས་སོ། །

དེ་ནས་ཕྲིན་ལས་ཀྱི་འཇུག་པ་གཞན་དང་གཞན་དུ་གནང་དགོས་པ་ནི་རྒྱལ་བ་རྣམས་ཀྱི་ཆོས་ཉིད་ཡིན་པས། ཁོང་ཉིད་འཕགས་ཡུལ་དུ་ཆིབས་བསྒྱུར་གནང་སྟེ་གྲུབ་དབང་རྫོགས་ཆེན་པའི་བྱེས་ཀྱི་གདན་སར་མི་ལོ་བཞིའི་རིང་དུ། ལས་ཐོག་མཁན་པོའི་ཕྱག་ལས་གནང་སྟེ་སེར་སྐྱ་ཕོ་མོ་སློབ་ཚོགས་སྟོང་ཕྲག་དུ་མ་ལ་ཐེག་གསུམ་ཆོས་ཀྱི་བདུད་རྩི་འཛད་མེད་བསྩལ་ཅིང་སྙིང་ཐིག་རྡོ་རྗེ་ཐེག་པའི་ཆོས་ཚོགས་ཤིག་ཀྱང་གསར་བསྐྲུན་གནང་། དེ་སྐབས་མཆོག་སྤྲུལ་བསོད་རྒྱལ་རིན་པོ་ཆེས་ཁོང་ཉིད་ལ་མཆོག་གི་རྡོ་རྗེ་སློབ་དཔོན་གྱི་མཚན་གསོལ། རྫོགས་ཆེན་བྱེས་དགོན་གྱི་གདན་སར་ཡུན་དུ་བཞུགས་རོགས་གནང་ཞེས་རེ་བསྐུལ་ཡང་ཡང་ཞུས་པ་དང་། དུས་མཚུངས་སུ་སྔ་འགྱུར་བསྟན་པ་རྒྱ་མཚོའི་དོན་གྱི་མངའ་བདག་ཆེན་པོ་རྡོ་རྗེ་འཆང་དང་ཞལ་མི་དབྱེ་བ་བདག་ཅག་གི་རིགས་ཀྱི་བདག་པོ་མཚན་སྨོས་པ་དཀའ་ཡང་། དོན་གྱི་ཕྱིར་དུ་མཚན་ནས་གསོལ་ན་ ༧སྨིན་གླིང་ཁྲི་ཆེན་འགྱུར་མེད་ཀུན་བཟང་དབང་རྒྱལ་དཔལ་བཟང་པོའི་སྡེས་བསླུ་མེད་རྡོ་རྗེའི་བཀའ་ལུང་ཕེབས་ཏེའཁྲུལ་བྲལ་སྤྲུལ་པའི་ཟླ་གཞོན་བདག་ཅག་སློབ་ཚོགས་རྣམས་ཀྱི་མགོན་དུ་རྙེད་པ་དང་ཆབས་ཅིག ༧སྤྱན་རས་གཟིགས་མིའི་གཟུགས་སུ་བྱོན་པ་གོང་ས༧སྐུ་ཕྲེང་བཅུ་བཞི་པས་ཀྱང་གང་གི་རྡོ་རྗེའི་བཀའ་ལུང་ལ་བསླུ་མེད་ཡིན་པར་གསུང་གི་རྡོ་རྗེའི་རྒྱས་བཏབ། ༧སྐྱབས་རྗེ་རྫོགས་ཆེན་པདྨ་སྐལ་བཟང་རིན་པོ་ཆེས་ཀྱང་སྐུ་གོང་མའི་ཡང་སྲིད་འཁྲུལ་མེད་ཡིན་པའི་བཀའ་ལུང་ཕེབས་ཤིང་། གྲུབ་པའི་དབང་ཕྱུག་རྒྱལ་བ་རྫོགས་ཆེན་པའི་བསྟན་འཛིན་སྐྱེས་བུའི་མཚན་གྱི་ཅོད་པན་པདྨ་ཕྲིན་ལས་བཤད་སྒྲུབ་ཉི་མ་ཞེས་མངའ་གསོལ་ཏེ། སྐུ་ཚེ་བརྟན་ཅིང་མཛད་ཕྲིན་རྒྱས་པའི་སྨོན་འདུན་དུ་ཞབས་བརྟན་སྨོན་ལམ་སོགས་བགྱིས་ཡོད་པ་དང་། དུས་མཚུངས་སུ་ཁང་གདུང་གཏེར་ཆེན་འཆི་མེད་རིག་འཛིན་རིན་པོ་ཆེས་ཞལ་པར་ཐོགས་ནས་བཀྲ་ཤིས་ཕུན་སུམ་ཚོགས་པའི་ཉིན་མོ་དེར། རྫ་དཔལ་སྤྲུལ་འཇིགས་མེད་ཆོས་ཀྱི་དབང་པོའི་ཡང་སྤྲུལ་ཆེ་བའི་ཁྲི་ལ་མངའ་གསོལ་མཛད་པར་དགྱེས་པའི་བསྟོད་སྨོན་དང་། ཡང་སྲིད་འཁྲུལ་མེད་ཡིན་པ་གསུངས་པ་སོགས་དེ་ལྟ་བུའི་སླད་མེད་རྣམ་ཐར་བཟང་པོའི་བདག་ཉིད་ཅན་མཆོག་གི་སྤྲུལ་པའི་སྐུ་རིན་པོ་ཆེ་འདི་ཉིད། དེང་གི་དུས་སུ་འཛམ་གླིང་ཉི་མ་ཤར་ནུབ་ཀྱི་མི་རིགས་དང་སྐད་རིགས་མི་གཅིག་པའི་སྐལ་བ་མཆོག་ལྡན་གྱི་སྐྱེ་བོ་བགྲངས་ལས་འདས་པརཟབ་ཡངས་ཆོས་ཀྱི་བདུད་རྩི་རང་སྐལ་གང་འདོད་དུ་གནང་སྟེ་སྐུ་ཚེ་ཚེ་ལྷའི་ངོ་བོར་འཚོ་ཞིང་བཞུགས་པ་ལགས་སོ། །

འདིར་སྨྲས་པ། ཕུན་ཚོགས་གངས་ར༷་མཛེས་པའི་ཞིང་མཆོག་གི །ཉ༷ག་ཤར་སྐྱེ་བོའི་མཚན་པས་མ་ལུས་འགྲོའི།དཔ༷ལ་མགོན་དམ་པར་སྤྲུ༷ལ་བའི་སྐུ་མཆོག་ཉིད།ཞབས་ཟུང་རྡོ་རྗེའི་ཁམས་སུ་རྟག་བཞུགས་གསོལ།ཕྲིན་ལས་རྒྱ་ཆེར་འཇུག་པར་མི་བཟོད་པའི། །གནོད་སྦྱིན་སྐྱེ་བོའི་ཚོགས་ཀུན་ཉེར་ཞི་སྟེ། །ཟླ་མེད་ཐུགས་ཀྱི་བཞེད་པ་ཅི་མཆིས་པར། །མ་འབད་རང་མཆིས་འགྲུབ་པའི་རེ་སྨོན་ཞུ། །ཕྱོགས་བཅུའི་རྒྱལ་རྣམས་འབྱུང་བའི་གནས་གཅིག་པུ། །ཟླ་བྲལ་བཀའ་དྲིན་ལྕི་བའི་བླ་མ་ངེས། དེ་ཡི་ཕྲིན་ལས་རྣམ་ཐར་མདོ་བསྡུས་འདི། །བདེ་ཆེན་སྐྱེལ་བའི་རྒྱུ་ཡི་ཆ་ཤས་ཙམ། །

ཞེས་ཟོལ་མེད་དྲང་བདེན་གྱི་རྣམ་པར་ཐར་པ་འདི་ཉིད་ ༧དཔལ་འོག་མིན་ཨྱོན་སྨིན་གྲོལ་གླིང་ཞེས་པའི་ཆོས་སྡེ་ཆེན་པོ་དེ་ཉིད་ཀྱི་སློབ་ཁོངས་སུ་གཏོགས་པའི་གྱི་ན་བའགྱུར་མེད་དངོས་གྲུབ་དར་རྒྱས་སམ་རྒྱུན་འབོད་དུ་རྫོགས་ཆེན་གྲགས་པ་རྒྱལ་མཚན་ཞེས་པ་དེས་རབ་རྒྱན་ས་ཡོས་ཧོར་ཟླ་ ༣ པའི་ཚེས་ ༡༤ ལ་གུས་པའི་བློས་ཀུན་ནས་བསླངས་ཏེ་སྦྱར་བར་དགེའོ།། དགེའོ།། །།

 

 


  1. གངས་དཀར་སེམས།
བསམ་ཚུལ། 2 བཀླཌ་ཐེངས།: 7978  

27.03.2013 05:18:06

ངས་ཁྱེད་ལ་ནམ་ཡང་བྲལ་དུ་མེད་པའི་སེམས་ཁོངས་ཀྱི་བརྩེ་དུང་དེ་བཤད་ན་འདོད་ཅིང་། ཁོང་ཁྲོ་དང་། ཁེར་རྐྱང་། ཐ་ན་ང་གཉིས་བར་གྱི་འཁྲུག་རྩོད་ཀྱང་འཇིག་རྟེན་ཁམས་ཀྱི་བདེ་སྐྱིད་གཅིག་པུ་དེ་ཡིན་པ་ཐེ་ཚོམ་མེད།

ངས་ཁྱེད་ལ་ནམ་ཡང་བསླུ་བ་མེད་པའི་བརྩེ་དུང་གི་སྐད་ཆ་དེ་བཤད་ན་འདོད། དེ་ནི་མི་ཚེ་མཉམ་བསྐྱེལ་དང་། ལུགས་མཐུན་གྱི་གཉེན་སྒྲིག གཅེས་པའི་བུ་ཕྲུག་སྐྱེས་ཀྱང། ངས་ཁྱེད་ལ་དམ་དུ་འཁྲིལ་ཞིང་འཐམ་འཁྱུད་ཀྱིས་ཞིམ་པོའི་འོ་ལ་རོལ་བཞིན། སྐྱིད་པའི་གཉིད་ཀྱི་ཞིང་ཁམས་སུ་འགྲིམ་པར་འདོད།


  དུང་ཞེན།
བསམ་ཚུལ། 4 བཀླཌ་ཐེངས།: 2013  

26.03.2012 22:54:26

རྒྱལ་ཁབ་ཅིག་དང་མི་རིགས་ཤིག འཛམ་གླིང་ཧྲིལ་པོ་ཞི་བདེ་བསྒྱུར་བའི་ནུས་པ་ཅན་གྱི་རིག་གཞུང་ཞིག་གི་ཆེད་དུ་གཅེས་ཤིང་ཕངས་པའི་རང་གི་སྲོག་ཀྱང་འདོར་ཏེ་རང་ལུས་མེར་བསྲེགས་བཏང་མཁན་གྱི་བོད་ཀྱི་རྒྱལ་གཅེས་དཔའ་བོ་དཔའ་མོ་རྣམས་ཀྱི་ཆེད་བོད་ཀྱི་གཞོན་ནུ་ལྷན་ཚོགས་ཀྱིས་སྣེ་ཁྲིད་དེ་རྒྱ་ཆེ་གྲ་སྒྲིག་འོག་༸གོང་ས་སྐྱབས་མགོན་ཆེན་པོ་དང་། གཞན་ཡང་ཆོས་རྒྱུད་འཛིན་པའི་བླ་ཆེན་ཁག་དབུ་བཞུགས་ཀྱིས་སྔོན་སྨོན་གང་རྒྱས་ཤིག་འཚོགས་དགོས་པ་གལ་ཆེན་མཐོང་ཞིང།


  
བསམ་ཚུལ། 3 བཀླཌ་ཐེངས།: 1643  

22.11.2011 02:58:23

དྲྭ་གྲོགས་རྣམ་པ་ཚོས་གཤམ་གྱི་ཁ་ཆེ་ཕ་ལུའི་བསླབ་བྱའི་དུམ་བུ་དེར་འགྲེལ་བཤད་གཅིག་གནང་དང༌།
ཁ་བསུར་སྡོང་པོ་སྐམ་པོའི་རྡོ་ལ་སྐྱེས། །ཡལ་ག་ལོ་འདབ་དེ་མ་ཐག་ཏུ་རྒྱས། །འདབ་ལོ་རེ་རེའི་ཐོག་ཏུ་མཚན་རེ་འཁྲུངས། །མཁས་པ་ཡོངས་ཀྱི་རིག་པ་མི་སྙམས་པ།། ལྟེ་བའི་སྙན་ཞུ་ལྟེ་བའི་དྲུང་དུ་ཕུལ།
  
བསམ་ཚུལ། 0 བཀླཌ་ཐེངས།: 2402  

23.09.2011 02:36:05

གསུམ། དབྱིན་བོད་བར་གྱི་འབྲེལ་བ། སྐབས་དེ་དུས་རྒྱ་གར་དུ་དབྱིན་ཇིའི་ཚོང་གི་སྡེ་ཚན་ཨིའི་སི་ཊི་ཨན་ཌི་ཡ་ཀམ་པ་ནི་ཚོང་ཁང་གི་བྱེད་སྒོ་ཚང་མར་སྤེལ་ཟིན་བཞིན་ཡོད། ཁི་ལའོ་ཌི་ཨ་རི་པས་(cloud Aripi) བྲིས་པའི་དེབ་(the fate of Tibet page 103)ནང་“འཛམ་གླིང་གི་ལོ་རྒྱུས་ཐོག་ཕྱི་ལོ་ ༡༦༠༠ ཟླ་༡༢ ཚེ་༣༡ ཉིན་ནི་དབྱིན་ཇིའི་དབང་བསྒྱུར་འཕེལ་རྒྱས་ནང་གི་དུས་ཚོད་གལ་ཆེན་ཞིག་ཡིན།


  
བསམ་ཚུལ། 0 བཀླཌ་ཐེངས།: 2784  

20.09.2011 13:31:03

གཉིས། སྐབས་དེའི་བོད་ཀྱི་གནས་བབ་ལ་ལྟ་བ། དེ་ཡང་རྒྱ་གར་གཞུང་འཛིན་དབྱིན་ཇིས་བོད་ཐོག་དམག་མ་དྲངས་གོང་ཙམ་ན་བོད་སྤྱིའི་གནས་བབ་ནི་ཧ་ཅང་ཉག་ཕྲ་ཞིང། ཆབ་སྲིད། རིག་གནས། དཔལ་འབྱོར་སོགས་གང་ཅིའི་ཐད་གནས་སྟངས་ཛ་དྲག་ཅིག་ཏུ་གྱུར་ཡོད། སྐབས་དེའི་སྤྱི་ཚོགས་ནང་རྨོངས་དད་དང། མཁྲེགས་འཛིན་གྱི་བསམ་བློས་ལེགས་ཉེས་དབྱེ་འབྱེད་ཀྱི་ཤེས་རབ་དེ་བསྒྲིབས་ནས་ཡོད་པ་སོང་། དུས་རབས་དང་མཐུན་པའི་གོམ་པ་རྒྱག་རྒྱུ་ཕར་བཞག་རྒྱལ་ཁབ་གཞན་དང་འབྲེལ་བ་གཏན་ནས་བྱེད་ཀྱི་མེད་པས་རང་གི་རིག་གནས་རྒྱལ་ཁབ་གཞན་ལ་སྤེལ་རྒྱུ་དང།


  
བསམ་ཚུལ། 0 བཀླཌ་ཐེངས།: 2323  

14.09.2011 04:23:12

《 ཐོག་མའི་གཏམ། 》
དེང་གི་དུས་སུ་རྒྱལ་ཁབ་ཆེ་ཆུང་ལ་མ་ལྟོས་པར་ཕལ་ཆེ་བར་སོ་སོར་ལོ་རྒྱུས་རེ་ཡོད་ཅིང། ལོ་རྒྱུས་ཞེས་པ་ནི་སྒྲ་ཡང་བའི་བཏང་ན་མིའི་རིགས་ཀྱི་སྤྱི་ཚོགས་དང་རང་བྱུང་ཁམས་ཀྱི་འདས་ཟིན་པའི་སྔོན་བྱུང་གྱི་བྱ་བ་ཞིག་ངག་ནས་བརྗོད་པའམ་དེབ་ནང་བྲིས་པ་གང་རུང་ཞིག་ལ་གོ་ན་འགྲིགས་སྙམ། རང་ཅག་བོད་ཁ་བའི་ལྗོངས་ཀྱི་ལོ་རྒྱུས་གླེང་ན་ལོ་རྒྱུས་སྨྲ་བའི་དབང་ཕྱུག་ཆེན་མོ་འགོས་ལོ་ཙཱ་བ་གཞོན་ནུ་དཔལ་དང་། བུ་སྟོན་ཐམས་ཅད་མཁྱེན་པ། སྟག་ཚང་ལོ་ཙཱ་བ་སོགས་མཁས་པ་དུ་མས་བོད་ཀྱི་ཡུལ་འདི་ཡང་རྒྱ་གར་དང་འདྲ་བ་ཡུལ་དང།


  
བསམ་ཚུལ། 0 བཀླཌ་ཐེངས།: 2280  

30.07.2011 05:55:46

༸གོང་ས་མཆོག་གི་ཊི་ཝི་ཊར་ཞལ་བྱུང་ཐོག་ཏུ་རྗེས་འབྲང་པ་མི་ས་ཡ་གཉིས་ལྷག་འདུག་ཟེར། རྒྱ་གར་གྱི་གསར་གནས་ནང་འཁོད་གསལ། ༸གོང་ས་༸སྐྱབས་མགོན་ཆེན་པོའི་ཊི་ཝི་ཊར་དྲྭ་ཏོག་ཏུ་འཛམ་གླིང་ས་ཕྱོགས་ཁག་ནས་ཆོས་ཀྱི་རྗེས་འབྲང་པ་ས་ཡ་གཉིས་ལྷག་ཟིན་ཡོད་པ་དང་དེ་ནི་སྔར་བྱུང་མྱོང་མེད་པ་ཞིག་རེད།


  གངས་དཀར་སེམས།
བསམ་ཚུལ། 0 བཀླཌ་ཐེངས།: 2506  

26.07.2011 23:57:07

གནས་ཚུལ་ཐོན་གསལ་ལྟར་ན། ཕྱི་ཚེས་༡༩ རེས་གཟའ་མིག་དམར་ཉིན་རྒྱ་ནག་གི་སྲིད་འཛིན་གཞོན་པ་ཞིས་ཅིན་ཕིང་གིས་ཏཱ་ལའི་ཁ་བྲལ་རིང་ལུགས་ཀྱི་བྱ་སྤྱོད་ལ་མཐའ་གཅིག་ཏུ་དྲག་གནོན་བྱེད་རྒྱུ་ཡིན་ཚུལ་བཤད་ཡོད་པ་རེད། དབྱེ་ཞིབ་པ་ཚོས་ཞིས་ཅིན་ཕན་ནི་༢༠༡༣ ལོར་རྒྱ་ནག་གི་སྲིད་འཛིན་ཆགས་རྒྱུ་ཡིན་པ་ཚོད་དཔག་བྱེད་བཞིན་ཡོད་པ་དང་། ད་ཐེངས་ཀྱི་གཏམ་བཤད་དེས་མ་འོངས་པར་རྒྱ་ནག་གི་བོད་ལ་མཁྲེགས་འཛིན་གྱི་སྲིད་བྱུས་དེ་མུ་མཐུད་ལག་བསྟར་བྱ་རྒྱུ་ཡིན་པ་མངོན་གསལ་དོད་དུ་ཕྱིན་ཡོད་པ་རེད།

  
བསམ་ཚུལ། 1 བཀླཌ་ཐེངས།: 2199  

11.07.2011 05:36:04

ཐེ་ལན་ཌའི་སྲིད་བློན་ཕྱིར་འབུད་དང་ལྷོ་ཤར་ཨེ་ཤ་ཡའི་བུད་མེད་ཀྱི་སྲིད་བློན་ཐོག་མ། རྒྱལ་སྤྱིའི་གསར་ལམ་ཁག་ནས་གནས་ཚུལ་སྤེལ་བ་ལྟར་ན། བདུན་ཕྲག་སྔོན་མའི་རེས་གཟའ་ཉིན་མའི་ཉིན་ཐེ་ལན་ཌའི་སྲིད་བློན་ཟུར་པ་། ཐག་སན་ཤི་ན་ཝ་ཏི་རའི་(Thaksin Shinawatra)སྲིང་མོ་མཆོག་ལ་སྲིད་བློན་གྱི་ཚད་མཐོའི་འོས་ཤོག་གི་རྒྱལ་ཁ་ཐོབ་ཡོད་པ་དང་། དེ་ནི་བྲོལ་བྱོལ་དུ་འགྲོ་བཞིན་པའི་སྲིད་བློན་ཐེར་འབུམ་གྱི་བདག་པོ་ཐག་སན་ཤི་ན་ཝ་ཏི་ར་མགོ་རྟིང་སློག་སྟེ། ཐེ་ལན་ཌའི་ནང་གི་རྙོག་ཟིང་ཆེ་བའི་ལོ་ལྔའི་རྗེས་ཀྱི་བཟང་ཕྱོགས་ཀྱི་འགྱུར་བ་ཞིག་ཡིན་པ་རེད།


  
བསམ་ཚུལ། 2 བཀླཌ་ཐེངས།: 2490  

26.05.2011 05:20:59

ཡིག་རྒྱུགས་བཏང་སྐབས་དྲིས་ལན་རྒྱས་བསྡུས་འཚམ་པ་ཞིག་ཇི་ལྟར་འབྲི་དགོས་སམ། ༡༽ སྡེ་པ་བསོད་ནམས་ཆོས་འཕེལ་ངོ་སྤྲོད་ཞིབ་གསལ་གྱིས། སྡེ་སྲིད་བསོད་ནམས་ཆོས་འཕེལ་ལམ་མཚན་གཞན་བསོད་ནམས་རབ་བརྟན་དང་རྒྱ་ལེ་ཆོས་མཛད་ཀྱང་ཟེར ཞིང་ཁོང་ནི་༡༥༩༥ སྟོད་ལུང་དུ་འཁྲུངས། ནར་སོན་སྐབས་འབྲས་སྤུངས་དགའ་ལྡན་ཕོ་བྲང་པའི་ལས་སྣེར་ཞུགས་ཏེ་རིམ་པའི་ཕྱག་མཛོད་ཀྱི་ཐུགས་འགན་བཞེས་ཤིང་རྒྱལ་དབང་སྐུ་ཕྲེང་ལྔ་པ་དགུང་ལོ་དྲུག་གི་སྟེང་འབྲས་སྤུངས་སུ་གདན་ཞུས་གནང༌། སྐབས་དེར་གཙང་སྡེ་པ་ཡབ་སྲས་ཀྱིས་དགེ་ལུགས་པར་སྡང་ཟུག་ཆེ་བ་མ་ཟད་ཧལ་ཧའི་ཆོག་ཐུ་རྒྱལ་པོ་དང༌།


  
བསམ་ཚུལ། 3 བཀླཌ་ཐེངས།: 2838  

07.01.2011 10:28:19

སྐབས་ལྔ་པའི་བོད་རིགས་མཐོ་རིམ་སློབ་མའི་ཚོགས་ཆེན་དེ་ཕྱི་ལོ་ ༢༠༡༡། ཟླ་༡། ༦། ནས་ཚེས་༡༠བར་ས་རཱ་བོད་ཀྱི་མཐོ་རིམ་སློབ་གཉེར་ཁང་དུ་དབུ་འཛུགས་གནང་ཡོད་པ་རེད། དེ་ཡང་ཕྱི་ཚེ་༧ཉིན་གྱི་ཞོགས་པ་ཆུ་ཚོད་བརྒྱད་དང་ཕྱེད་ཀའི་ཐོག བསྒྲུབ་བརྒྱུད་བསྟན་པའི་མངའ་བདག་ྋདཔལ་རྒྱལ་དབང་ཀརྨ་པ་དབུ་རྒྱན་འཕྲིན་ལས་རྡོ་རྗེ་མཆོག་ཚོགས་ཆེན་དུ་ཞབས་སོར་འཁོད་པ་དང༌།

  
བསམ་ཚུལ། 1 བཀླཌ་ཐེངས།: 2978  

20.10.2010 09:58:41

ཉིན་གུང་ཁ་ལག་བཟས་ནས་ཚུར་ལོག་ཡོང་སྐབས་མཚམས་སྦྱོར་འཛིན་གྲྭའི་བུ་མོ་ཞིག་ནས། སྐུ་མཁྱེན་ཟུང་ལྡན་གྱི་ལམ་ནས་སྙན་ངག་ཚིག་ཁ་ཤས་ཤིག་འབྲི་རོགས་གྱིས་དང་ད་ལྟ་རང་དགོས། དགེན་ལགས་ཀྱིས་ནང་སྦྱོང་ངེས་པར་བྲིས་གསུངས་སོང་ཡིནའང་འབྲི་ཤིས་ཀྱི་མི་འདུག་ཟེར་ནས། སྨྱུག་གུ་དང་ཤོག་བུ་གཉིས་ངའི་ལག་ཏུ་བཞག་བྱུང་། ངས་སྙན་ངག་འབྲི་མི་ཤེས་ནའང་ཅི་བྱེད་འདི་བྱེད་མ་བྱུང་བས་འདི་འདྲ་ཞིག་བྲིས་པ་ཡིན།
  
བསམ་ཚུལ། 4 བཀླཌ་ཐེངས།: 6029  

12.10.2010 11:48:30

ངའི་པོ་ཏཱ་ལ།
གཞས་ཚིག།
མཐོ་སྒང་གི་རྩེ་མོ་ན་ལྷ་ངེར་འགྱིངས།།
མེས་པོའི་མཚན་སྙན་ལ་བསྟོད་གླུ་ལེན།།
གནའ་བོའི་དཔལ་ཡོན་གྱི་གཟི་བྱིན་འབར།།

  
བསམ་ཚུལ། 2 བཀླཌ་ཐེངས།: 6262  


| -