ཟིན་བྲིས་པའི་འདྲ་པར།

ཕ་སྐད་གཙང་མའི་གླུ་གར།

གངས་དཀར་སེམས།



04.09.2015 06:30:15

རྩོམ་པ་པོ། དབྱི་ཧྥིས།
རང་ལོ་ཉི་ཤུར་ཟིན་པའི་ཨ་རིའི་གཞོན་ནུ་མ་ནཱ་ཐ་ཞ། ཁ་རུ་ཨ་ན་ Natasha Caruana
གཞན་གྱི་ཟུར་ཉར་དགའ་རོགས་ཤིག་ཏུ་ཆགས། སྐྱེས་པ་དེ་ནི་མོ་ལས་ལོ་མང་པོ་ཆེ་ཞིང་ཆང་ས་བརྒྱབས་ཟིན་པའི་སྤྱང་གྲུང་དང་ནུས་ཤུགས་ལྡན་པ་ཞིག་རེད།
རིན་གོང་མཐོ་བའི་ལག་རྟགས་དང་གྲ་རྒྱས་པོའི་ཟས། གཟའ་མཇུག་གི་སྤྲོ་འཆམ་བཅས་གཅིག་རྗེས་གཉིས་མཐུད་ཀྱིས་ནཱ་ཐ་ཞ་སྤྲིན་ཕུང་ལྟར་གནམ་ལ་འཕུར་བསྡད་པ་དང་མཚུངས། ཉམས་མྱོང་དེ་ནི་མོ་ལ་མཚོན་ན་ཤུགས་རྐྱེན་གཏིང་བཟ་བཞག་ཡོད། འོན་ཀྱང་མོ་རང་གིས་དེར་གདིང་འཇོག་དེ་ཙམ་བྱེད་ཀྱི་མེད། མོས་ང་ནི་བཟའ་ཚང་ལ་གུས་བརྩི་མེད་མཁན་ཞིག་མིན། ཞེས་བཤད།


  གངས་དཀར་སེམས།
བསམ་ཚུལ། 0 བཀླཌ་ཐེངས།: 2271  

01.09.2015 02:03:49

སྔོན་གླེང་།སྐྱེས་པ་ཞིག་ཡིན་པའི་ངོས་ནས་ཁྱོད་རང་ལ་དགའ་བཞིན་པའི་བུད་མེད་དེའི་ལེགས་སྐྱེས་ཕུལ་བའི་འདུ་ཤེས་ལ་དོགས་པ་མ་བྱེད་རོགས། མོས་ཁྱོད་ཀྱི་ཆེད་དུ་སྡུག་ངལ་ལ་བཟོད་ཐུབ་ཅིང་། ཁྱོད་ཀྱི་ཆེད་དུ་ཚེ་སྲོག་ཀྱང་དོར་ཕོད། དེ་བས་ཁྱོད་ཀྱི་ཆེད་དུ་མོའི་ཕ་མར་ངོའང་ལོག་སྲིད། འོན་ཀྱང་བུད་མེད་ཀྱང་སེམས་སྐྱོ་བར་བཟོད་མི་ཐུབ། མོ་རང་ལ་ཁྱོད་མཁོ་བའི་དུས་མོའི་འཁྲིས་སུ་སླེབས་ཐུབ་དགོས། གལ་ཏེ་མོ་ལ་རེ་བ་སྟོང་ཟད་མང་པོ་སྤྲད་ན་མོ་རང་ཐེ་ཚོམ་ཙམ་མེད་པར་ཁྱོད་དང་ཁ་བྲལ་སྲིད། གཤམ་གྱི་དུས་དྲུག་སྐྱེས་པ་ཚོས་ཡིད་ལ་ཟུངས་ཤིག


  གངས་དཀར་སེམས།
བསམ་ཚུལ། 4 བཀླཌ་ཐེངས།: 3338  

18.08.2015 03:19:08

འཁྲུག་ཆ་ཆེ་ཞིང་བླུན་རྨོངས་ནི་འགྲོ་བ་མིའི་རིགས་ཀྱི་མཐུན་མོང་གི་ནད་རྟགས་རེད།
དེ་རིང་(ང་ཚོས།)ཨཱིན་ཇིའི་མཚན་ཉིད་རིག་པའི་མཁས་དབང་ལཱོ་སུའུ་ཡི་རྩོམ་ལ་མཉམ་དུ་ལྟ། ལཱོ་སུའུ་ནི་དུས་རབས་སྔོན་མའི་ནུབ་ཕྱོགས་པའི་ཆེས་སྐད་གྲགས་དང་ཤུགས་རྐྱེན་སྤྲོད་མཁན་གྱི་མཁས་པ་དང་ཞི་བདེ་རིང་ལུགས་པའི་སྤྱི་ཚོགས་ལས་འགུལ་བ་ཆེད་མཁས་གྲལ་ཞིག་རེད།


  གངས་དཀར་སེམས།
བསམ་ཚུལ། 0 བཀླཌ་ཐེངས།: 1972  

13.08.2015 05:15:11

གཉིད་མ་ཁུག་ན་གང་འདྲ་བྱེད་དགོས་སམ།  what should I do if I can’t sleep ?   失眠怎麼辦?
༡། སྐྱུར་ཁུ་ Vinegar (འདི་ལ་རྒྱ་སྐད་ནང་ཚུའུ་ 食醋 ཟེར། ) འཐུང་དགོས།

མི་འགའ་རེ་རྒྱང་ཐག་རིང་པོར་སྤྲོ་འཆམ་སོང་རྗེས་དཀའ་ལས་ཆེན་པོ་ཁག་སྟེ་མཚན་ལ་གཉིད་ཁུག་ཁག་པོ་ཆགས་ཀྱི་ཡོད། སྐབས་དེར་ཁྱོད་ཀྱིས་ང་ཚོས་རྒྱུན་དུ་ཟས་ནང་བེད་སྤྱོད་བྱེད་པའི་སྐྱུར་ཁུ་ Vinegar དང་ཆུ་ཁོལ་མ་དྲོད་གྲང་སྙོམས་པ་གཉིས་བསྲེས་ཏེ་ག་ལེར་འཐུང་རྗེས་སེམས་ལྷོད་ལ་ཕོབས་དང་དུས་ཡུན་རྗེས་སུ་གཉིད་ཁུག་ཐུབ།


  གངས་དཀར་སེམས།
བསམ་ཚུལ། 0 བཀླཌ་ཐེངས།: 3127  

04.08.2015 06:10:13

མཐུ་ཆེན་སྒོག་པའི་ནུས་པར་མཐོང་ཆུང་བྱེད་མི་ཉེན།
(མགོ་བརྗོད་འདི་སྒྱུར་པ་པོས་བཏགས།)

དེང་སང་ཆམ་པའི་རྐྱེན་གྱིས་གློ་རྒྱག་པའི་ནད་པ་མང་ཞིང་། གློ་འཇགས་ཐབས་མེད་པའི་ཁྱད་ཆོས་གཅིག་ནི་མིད་པར་ཟ་འཁྲུག་ལངས་པ་ཙམ་གྱིས་གློ་རྒྱག་པ་དེ་རེད། མིད་པར་ཟ་འཁྲུག་ལངས་ཏེ་གློ་རྒྱག་པ་ནི་རྒྱུན་གཏན་གྱི་གནས་སྟངས་ཤིག་ཡིན། ཆམ་པ་མ་ན་སྔོན་ཙམ་མམ་ཡང་ན་རྒྱུན་རིང་ན་རྗེས་མཇུག་ཙམ་དུ་ནད་རྟགས་དེ་མངོན་མཚན་ཆེན་པོ་མེད་ཀྱང་མིད་པ་ཟ་འཁྲུག་ལང་བ་དེ་མངོན་གསལ་ཡིན། དེའང་མིད་པར་ཟ་འཁྲུག་ལང་བ་ཙམ་གྱིས་གློ་རྒྱག་པ་དེ་རེད།


  གངས་དཀར་སེམས།
བསམ་ཚུལ། 0 བཀླཌ་ཐེངས།: 2219  

29.07.2015 04:00:34

གལ་ཏེ་བཟའ་ཚང་ཕན་ཚུན་དབར་གུ་ཡངས་མ་སྤྲོད་པར་གཉིས་ཀས་སྤྱང་མདོག་ཁོ་ནར་འཁྲབ་ཅིང་། དོན་ག་རེ་ཡིན་ཡང་གསལ་པོ་ཞིག་བཟོ་འདོད་ཚེ་དེ་ནས་བཟུང་ཕན་ཚུན་ཁ་བྲལ་རྒྱུ་གྲ་བསྒྲིག་སྔ་ཙམ་བྱ་ན་དགའ།
བཟའ་ཚང་དབར་ཕ་རོལ་པོ་བཅུན་ཐབས་བྱ་འདོད་ནི་གནད་དོན་གཙོ་བོ་དང་། རྒྱུན་དུ་འབྱུང་བཞིན་པའི་གནས་སྟངས་ཤིག་ཀྱང་རེད། ཕན་ཚུན་དབར་སུ་འགྲིག་མིན་དང་སུ་ནོར་མིན། སུས་ཕ་རོལ་པོའི་སེམས་པ་སྐྱོ་བཅུག་ཡོད་མེད་བཅས་བཤད་སྡོད་པ་དེ་ནི་འཛེམ་ཟོན་ཆེན་པོ་དགོས་པའི་ཕྱོགས་རེད།


  གངས་དཀར་སེམས།
བསམ་ཚུལ། 1 བཀླཌ་ཐེངས།: 2301  

22.07.2015 00:22:13

སེམས་བཟང་ཅན་ནུས་མེད་ལ་ངོས་འཛིན་མ་བྱེད་ཅིག
不要把別人的善良,認為是軟弱
——ལོག་ལམ་ལྡོག་བཤེར།
༡། སེམས་བཟང་ཅན་དེ་ནུས་མེད་ལ་ངོས་འཛིན་མ་བྱེད། གང་ཡིན་ཟེར་ན། སེམས་བཟང་ཅན་གྱིས་བཟང་པོ་ནི་འགྲོ་བ་མིའི་རིགས་ཀྱི་རྩ་བའི་རང་གཤིས་ཡིན་ལ། འགྲོ་བ་མི་ཞིག་ཡིན་ཚུན་ཆད་ནས་བྱ་ངན་སྤེལ་ན་མི་འགྲིག་པ་ཤེས་ཀྱི་ཡོད་པ་རེད།

  གངས་དཀར་སེམས།
བསམ་ཚུལ། 7 བཀླཌ་ཐེངས།: 1687  

14.07.2015 07:20:57

སེམས་ཁམས་ཀྱིས་མི་ཞིག་གི་གནས་སྟངས་དེ་མཚོན་གྱི་ཡོད། སེམས་བཟང་པོ་ཡོད་པ་ཙམ་གྱིས་ཁྱོད་ཉིན་ལྟར་བག་སྤྲོ་པོ་ཞིག་ཡོང་ཐུབ། སེམས་ཁམས་ལེགས་པོ་ཡོད་ན་དེའི་ཚོད་ཀྱིས་རང་བཞིན་གྱིས་ལམ་འགྲོའང་ཡོང་གི་ཡོད་པ་རེད། བྱ་བ་གང་ཞིག་བྱེད་ཀྱང་ཧུར་བརྩོན་གྱི་སེམས་ཁམས་ཤིག་དགོས་པ་དེ་བརྗེད་མི་ཉེན། སེམས་ཁམས་ཡག་པོ་དེ་བརླག་སྐབས་གནས་སྟངས་ངན་པའི་སེམས་ལ་ལེགས་བཅོས་གཏོང་དགོས། སེམས་ཁམས་ཡག་པོ་ཞིག་ཡོད་ན་བྱ་བ་བྱེད་པ་ལའང་ཁ་ཕྱོགས་ཡོད་ལ། ཁ་ཕྱོགས་མ་བོར་ན་ཁྱོད་ཀྱིས་སོ་སོའང་བརླགས་མི་སྲིད།

  གངས་དཀར་སེམས།
བསམ་ཚུལ། 0 བཀླཌ་ཐེངས།: 2659  

04.07.2015 05:35:26

པུས་མོ་ས་ལ་བཙུགས་སྟངས་འདི་ནི་ཟུངས་ཁྲག་ལུས་སྨད་ལ་འདྲེན་ཐབས་ཡག་ཤོས་རེད། སྤྱིར་ན་རླུང་དང་ཁྲག་རྐང་མཐིལ་དུ་འདྲེན་རྒྱུ་ཁག་པོ་ཡིན་པར་བརྟེན། ཐོག་མར་ཁྲག་པུས་མོར་འདྲེན་ཏེ་ཁྲག་མདང་བ་བཟོས་ན་རྐང་མཐིལ་དང་ཐག་ཉེ་རུ་སོང་བ་ཡིན། འབོལ་པོ་དེ་ཙམ་མེད་པའི་ཉལ་ཁྲིའམ་ས་གདན་ཐོག་པུས་མོ་སར་བཙུགས་ནས་སོང་ན་རླུང་དང་ཁྲག་གཉིས་རིམ་གྱིས་པུས་མོར་འཁོར་རྒྱུག་ཐུབ་སྟེ་གཟུགས་པོའི་གྲང་རླུང་ཡལ་ཞིང་ཆུ་སེར་མེད་པ་ཆགས་འགྲོ་ལ་སྐྲང་སྦོས་ཀྱིས་ན་ཚ་བཟོས་པའང་མེད་པ་གྱུར་འགྲོ འོན་ཀྱང་ལ་ལར་པུས་མོ་ན་བཞིན་ཡོད་སྟབས་ཐོག་མར་ཅུང་འབོལ་པོའི་ཉལ་ཁྲི་དང་ས་གདན་ཐོག་ཚོད་ལྟ་བྱས་རྗེས་སུ་རིམ་གྱིས་འགུལ་སྤྱོད་ཀྱིས་དེ་མུར་གོམ་འདྲིས་ཡོང་ཐུབ་ཅིང་པུས་མོ་ལའང་ན་ཚ་མེད་པ་ཆགས་ཐུབ།

  གངས་དཀར་སེམས།
བསམ་ཚུལ། 0 བཀླཌ་ཐེངས།: 1815  

22.06.2015 05:04:11

སྐྱེས་པ་ཚང་མ་མཛེས་མ་ལ་དགའ་བ་བདེན། བུད་མེད་ཚང་མ་ཕྱུག་བདག་ལ་དགའ་བའང་བདེན། འོན་ཀྱང་དེར་དགའ་བ་ཙམ་གྱིས་དེ་བདེན་པར་འཛིན་མིན་ཤེས་དཀའ། སྐྱེས་པ་མཛེས་མ་ལ་དགའ་ནའང་མཐའ་མཇུག་དེར་ཁོ་ཚོས་སོ་སོར་འཚམ་པའི་མནའ་མ་རེ་ལེན་ནས་བུད་འགྲོ བུད་མེད་དངུལ་ལ་དགའ་ནའང་ངེས་པར་དུ་ཕྱུག་བདག་གི་མནའ་མར་འགྲོ་བ་མི་ཁྱབ། མཐའ་མཇུག་དེར་བུད་མེད་སོ་སོར་ཡག་པོ་བྱེད་མཁན་ཞིག་གི་མནའ་མར་འགྲོ་ཡི་རེད། དེར་བརྟེན། མཐའ་མཇུག་དེར་སླེབས་དུས་ཚང་མས་བརྩོན་ལེན་བྱེད་པ་དེ་འབྱོར་ཕྱུག་དང་མཛེས་སྡུག་མིན་པར་མི་གཤིས་ཀྱི་ཀུན་སྤྱོད་རེད།

  གངས་དཀར་སེམས།
བསམ་ཚུལ། 0 བཀླཌ་ཐེངས།: 2095  

24.05.2015 22:46:25

ཆང་ས་བརྒྱབ་ནས་ལོ་བཅུ་རེར་སོང་བའི་སྐྱེས་པ་གཉིས་སོ་སོའི་བཟའ་ཟླ་མོ་འཁྲིད་དེ་འདུ་འཛོམས་ཤིག་ལ་སོང༌། འདུ་འཛོམས་ཀྱི་ལེའུ་འགའ་རྫོགས་རྗེས་ཚང་མ་དཀའ་ལས་ཁག་ནས་བསྡད། བུད་མེད་ཚོ་མཉམ་འདུས་ཀྱིས་ཁྱིམ་ཚང་དང་ཁྱོ་བོའི་སྐོར་གླེང་ཞིང༌། སྐྱེས་པ་ཚོས་ཟུར་ཞིག་ལ་ཐ་མག་རྔུབ་ནས་བསྡད། སྐྱེས་པ་ཀ་པས་ཁ་པ་ལ།  ཁྱོད་ཀྱི་བཟའ་ཟླ་མོ་སྙིང་རྗེ་མོ་འདུག ཅེས་བཤད། ཁ་པས་མིག་ཕྱེད་བཙུམ་གྱིས་ཟུར་དུ་ཡོད་པའི་ཁོའི་བཟའ་ཟླ་མོ་ལ་ལྟ་ཙམ་གྱིས་འཛུམ་དང་བཅས་རེད་རེད་ཅེས་ལན་འདེབས།

  གངས་དཀར་སེམས།
བསམ་ཚུལ། 1 བཀླཌ་ཐེངས།: 6135  

19.05.2015 06:09:53

ལཱིང་ཀྲོའི་མིང་དངོས་ལ་ཧྥིན་ལིང་ཀྲོ་ 彭令昭 ཟེར། རྒྱ་ནག་སུའུ་ཀྲོ་蘇州ནས་ཡིན། ༡༩༥༤ ལོར་མོ་རང་པཱེ་ཅིང་སློབ་ཆེན་གསར་འགྱུར་ཚན་པར་སློབ་གཉེར་བྱས། ༡༩༥༧ ལོར་རྒྱ་ནག་གི་གཡས་ཐལ་ལ་ངོ་རྒོལ་གྱི་ལས་འགུལ་ནང་པེ་ཅིང་སློབ་ཆེན་གྱི་སློབ་མ་ཀྲཱང་ཡོན་ཞུན་張元勛གྱིས་སྦྱར་ཡིག་དུས་ལ་སླེབས་ཡོད།


  གངས་དཀར་སེམས།
བསམ་ཚུལ། 0 བཀླཌ་ཐེངས།: 6336  

11.05.2015 02:30:27

ཤོད་སྲོལ་ལྟར་ན།

ཨ་མས་སྡུག་ངལ་ལ་བཟོད་པ་ཆེ།

གསོ་རིག་ཐོག་ནས་འགྲོ་བ་མིའི་རིགས་ལ་སྡུག་ངལ་རིམ་པ་བཅུ་ཕྱེས་སྐད།

དེའང་ཨ་མས་ཕྲུ་གུ་བཙས་པ་དེ་རིམ་པ་བཅུ་པའམ་སྡུག་ངལ་ཆེས་ཆེར་དེ་རེད་འདུག

ཨ་མས་སྡུག་ངལ་ཆེས་ཆེར་དེ་མྱོང་ནས་མཛེས་སྡུག་ལྡན་པའི་ཚེ་སྲོག་རེ་རེ་བཞིན།

འཇིག་རྟེན་འདིར་འཁྲིད་ཡོང་པ་རེད།


  གངས་དཀར་སེམས།
བསམ་ཚུལ། 0 བཀླཌ་ཐེངས།: 6229  

22.04.2015 22:19:54

༼བུད་མེད་ཅིག་ལ་ཁྱོ་བོ་ཇི་ཙམ་ཡོད་ཆོག་གམ།༽
ཤར་ཕྱོགས་ཀྱི་བུད་མེད་རྒྱལ་ཁབ་ཟེར་བ་དེ་གནའ་རྒྱུན་ནང་གི་བུད་མེད་རྒྱལ་ཁབ་ཅེས་པ་དེ་ཡིན་ནམ། འདིའི་སྐོར་ལོ་རྒྱུས་ཀྱི་རྒྱུ་ཆའི་ནང་ཤར་ཕྱོགས་ཀྱི་བུད་མེད་རྒྱལ་ཁབ་ཅེས་པའི་ཁྱད་ཆོས་གཙོ་ཆེ་ཤོས་ནི་བུད་མེད་ལ་མཐོང་ཆེན་དང༌། སྐྱེས་པ་ལ་མཐོང་ཆུང་བྱེད་པ་དེ་རེད། རྒྱལ་ཁབ་དེའི་རྒྱལ་པོ་དང་དཔོན་བློན་ཡོངས་རྫོགས་བུད་མེད་ཡིན། སྐྱེས་པ་ཚོ་ཕོ་བྲང་དུ་དཔོན་གནས་བཟུང་མི་ཆོག་པར་ཕྱི་ལོག་ཏུ་དཀྱུས་དམག་བྱེད་དེ་བསྡད་དགོས།

  གངས་དཀར་སེམས།
བསམ་ཚུལ། 0 བཀླཌ་ཐེངས།: 6105  

20.04.2015 05:49:06

བུད་མེད་མཚན་མཐུན་དགའ་རོགས་འདིའི་རིགས་ཀྱི་ཁྱོ་བོ་དེ་ལ་མཚོན་ན་ཁོ་པ་ནི་བུད་མེད་དེ་ཚོའི་འཚོ་བར་འགན་སྲུང་བྱེད་མཁན་གྱི་ཡོ་བྱད་ལྟ་བུ་རེད། དེའང་བུད་མེད་འདི་དག་གིས་ཁྱོ་བོར་དུས་མཚུངས་ཁེ་བཟང་ལྟ་བུ་གཉིས་རག་ཐབས་ཀྱིས་བུད་མེད་རག་པ་དུས་མཚུངས་ཕོ་ཁྱོ་གའི་གཟི་རྔམ་ལ་ཉེན་ཁ་འཕྲད་སྐབས་ཀྱི་ཁོང་ཁྲོ་དེ་དག་ཞི་ཐབས་བྱེད་ཀྱི་ཡོད།

  གངས་དཀར་སེམས།
བསམ་ཚུལ། 0 བཀླཌ་ཐེངས།: 6919  

07.04.2015 23:17:18

ཉིན་ཞིག་གྲོགས་པོ་ཞིག་གིས་ང་ཆང་རག་འཐུང་བར་འབོད་བྱུང༌། ཨར་ཁང་ནང་གསལ་ལ་མི་གསལ་བའི་གློག་འོད་འོག་གྲོགས་པོས་ཨ་རག་ཕོར་པ་གཅིག་རྗེས་གཉིས་མཐུད་ཀྱིས་འཐུང་སོང༌། གང་ཡིན་ཟེར་ན་ཁོ་རང་བཟའ་འཐོར་སོང་བའི་རྐྱེན་གྱིས་འདིར་ང་དང་ཆང་རག་འཐུང་བ་ཡོང་བ་རེད། ངས་ཁྱོད་ཀྱི་བཟའ་ཟླ་ད་ཆ་བདེ་མོ་རེད་དམ། ཞེས་དྲིས། ཁོས་མོ་རང་ང་དང་ཁ་བྲལ་རྗེས་སླར་ཆང་ས་བརྒྱབ་འདུག འཚོ་བ་བདེ་སྐྱིད་ལྡན་པ་ཞིག་རེད་ཅེས་བཤད་བྱུང༌།


  གངས་དཀར་སེམས།
བསམ་ཚུལ། 3 བཀླཌ་ཐེངས།: 6779  

28.03.2015 02:37:40

རྩོམ་པ་མོ་འདི་ནི་འཛམ་གླིང་ཐོག་ནཱོ་བྷེ་རྩོམ་རིག་ཐོབ་མཁན་བུད་མེད་ཨང་དྲུག་པ་དེ་ཡིན། དེའང་ནཱེ་ལེ་ས་ཁི་ཟི་ནི་ ༡༨༩༡ ལོའི་ཟླ་ ༡༢ ཚེས་ ༡༠ ནས་ ༡༩༧༠ ཟླ་ ༥ ཚེས་ ༡༢ བར་འཚོ། ཁོ་མོ་ནི་འཇཱའ་མན་གྱི་ཅུའུ་ཞི་ Jewish རིགས་རྒྱུད་ཀྱི་སྙན་ངག་པ་དང་ཟློ་གར་རྩོམ་པ་པོ་ཞིག་ཡིན། ༡༩༦༦ ལོར་ནཱེ་ལེ་ས་ཟ་ཁི་ཟི་ Sax དང་ཨི་སི་རེ་ Israel ཡི་རྩོམ་པ་པོ་སཱམ་ཡུ་ཇོ་ཟོ་ཧྥུན་ཨ་ནོན་ Samuel Jose phA gnon  དང་མཉམ་དུ་ནཱོ་བྷེ་རྩོམ་རིག་བྱ་དགའ་ཐོབ།


  གངས་དཀར་སེམས།
བསམ་ཚུལ། 3 བཀླཌ་ཐེངས།: 4763  

12.03.2015 06:08:07

གྷ་པུར་ལ་མ་སར་ནི་ཆཱི་ལི་Chileརྒྱལ་ཁབ་ཀྱི་རྩོམ་པ་པོ་དང་སྙན་ངག་མ་ཞིག་རེད། དེ་སྔོན་མོའི་མིང་ལ་ལུའུ་སི་Lucila de María del Perpetuo Socorro Godoy Alcayagaཟེར་ཞིང༌། གྷ་པུར་ལ་མ་སར་ཟེར་བའི་མིང་དེ་ནི་འཇིག་རྟེན་ཐོག་གྲགས་པའི་མོའི་སྨྱུག་མིང་ཡིན། སྨྱུག་མིང་དང་རུས་མིང་གཉིས་ཀ་ཁོ་མོས་དགའ་དད་བྱེད་ཡུལ་དབྱི་ཊ་ལིའི་ Italy རྩོམ་པ་པོ་གྷ་པུར་ལ་མ་སར་དང་།

  གངས་དཀར་སེམས།
བསམ་ཚུལ། 2 བཀླཌ་ཐེངས།: 4958  

17.02.2015 05:30:14

མཱ་རི་ཡ་གྷིར་ཙི་ཁི་སི་མ་ཊི་ལེ་ཏ། Maria Grazia Cosima Deledda 格拉齊亞·黛萊達
མཱ་རི་ཡ་༼ གཤམ་དུ་མིང་འདིས་འཐུས་པ་བྱས་ཡོད། ༽ ནི་ ༡༨༧༡ ཟླ་༩ ཚེས་༢༧ ནས་༡༩༣༦ ཟླ་༨ ཚེས་༡༥ བར་འཚོ། དབྱི་ཊ་ལི་ཟ་ཏིང་མཚོ་འགག་གི་རང་བྱུང་རིང་ལུགས་པའི་རྩོམ་པ་པོ་ཞིག་རེད།


  གངས་དཀར་སེམས།
བསམ་ཚུལ། 0 བཀླཌ་ཐེངས།: 3608  

01.02.2015 23:08:46

གྷི་རི་ཟིའི་སྙན་ངག་མ་ཟཱ་ཧྥུའུ་Sapphoམཚན་མཐུན་དགའ་རོགས་ཀྱི་མེས་མོ་རེད་ཟེར་དོན་གང་ཡིན་ནམ།


ནུབ་ཕྱོགས་པའི་རིག་གཞུང་ཁ་ཕྱེས་ཏེ་བུད་མེད་སྐོར་གླེང་ཡོང་དུས། ཚང་མས་ཟཱ་ཧྥུའུ་ཡི་ཤུགས་རྐྱེན་དང་འབྲེལ་བ་ཡོད་པ་ཤེས་ཐུབ། ཟཱ་ཧྥུའུ་ཡིས་བག་ཡོད་ཀྱིས་བརྩེ་ཚོར་མཚོན་སྟངས་དང༌། རྩོམ་འགྲོས་དབྱངས་དང་ལྡན་པའི་ལུགས་ཀྱིས་ཟཱ་ཧྥུའུ་ཡི་ལུགས་ Sapphism ཅེས་པ་གསར་གཏོད་བྱས་ཏེ་གནའ་བོའི་གྷི་རི་ཟིའི་བརྩེ་ཚོར་མཚོན་པའི་སྙན་ངག་ལུགས་དེ་མཐོ་རླབས་གསར་པ་ཞིག་ཏུ་བཏེགས་ནས། རྗེས་རབས་པ་ཚོར་ཤུགས་རྐྱེན་གཏིང་ཟབ་བཞག་ཡོད།


  གངས་དཀར་སེམས།
བསམ་ཚུལ། 2 བཀླཌ་ཐེངས།: 3901  

ཤོག་ངོས། 8 ནས། 13
| -