ཟས་བཅད་དུ་ཞུགས་པའི་ཚོར་སྣང་ཕྲན་བུ་ཞིག

བདག་ནི་མེག་ལོ་གྷན་ཇི་ནས་ཀེ་ལོ་མི་ཊར་ཅུ་ཙམ་གྱི་ས་གནས་སུ་འཚོ་སྡོད་བྱེད་བཞིན་ཡོད། བོད་ཚེས་ཉི་ཤུ་བརྒྱད་ཉིན་ང་ཚོའི་ས་གནས་སུ་ལོ་གསར་ཚེས་གཅིག་ཉིན་ལྷ་སྡེ་གཙུག་ལག་ཁང་དུ་ཟས་བཅད་ཡིན་སྐོར་གྱི་བརྡ་ཁྱབ་མཐོང་སོང། ལོ་གསར་ཚེས་གཅིག་གི་ཞོགས་པའི་ཆུ་ཚོད་དགུ་པ་ཡས་མས་སུ་གཙུག་ལག་ཁང་དུ་ཟས་བཅད་ལ་སླེབས་སོང་། སྐབས་དེར་ཚོད་དཔག་བྱས་ན་སེར་སྐྱ་མི་མང་སྟོང་ཕྲག་བརྒལ་བར་འདུ་འཛོམས་གནང་འདུག །དེ་ནས་རིམ་བཞིན་བོད་མི་མང་གྲོས་ཚོགས་ཀྱི་ཚོགས་གཙོ་མཆོག་གིས་བཀའ་སློབ་རིང་པོ་ཞིག་གནང་སོང། དེ་ནས་ཆུ་ཚོད་བཅུ་པ་ཡས་མས་སུ་ཟིན་དུས། ཟས་བཅད་རང་དུ་བཞུགས་གནང་མཁན་མཐོ་བརྩིས་བྱས་ན་མི་གྲངས་སུམ་བརྒྱ་བཞི་བརྒྱ་ཡས་མས་ལས་ཚང་མ་ཕྱིར་ལོག་ཕྱིན་སོང། བཞུགས་པ་ཚོའི་གྲངས་འབོར་མང་བ་གྲྭ་བཙུན་བཅོས་མ་དེ་ཚོ་རེད་འདུག །ངའི་སེམས་སུ་འཐབ་རྩོད་འདི་མི་རིགས་ཤིག་གམ་རྒྱལ་ཁབ་གཅིག་གི་འཐབ་རྩོད་ལས། གྲྭ་བཙུན་ཁོ་ནའི་འཐབ་རྩོད་ཅིག་གཏན་ནས་མིན་པས་ཁྱིམ་པ་མི་མང་ཚོས་ཅིའི་ཕྱིར་ལས་དོན་ཕྲན་བུ་འདི་འདྲ་ཞིག་ཏུའང་མཉམ་ཞུགས་ཐུབ་ཀྱི་ཡོད་མ་རེད་བསམས་ཏེ་ཚོར་ཤུགས་དྲག་པོ་ཞིག་ངང་གིས་བསྐྱེད་པའི་ལྷན་དུ། བཙན་བྱོལ་བོད་གཞུང་ལ་ཁ་སྤུ་སྣ་སྤུ་འདྲ་ཏོག་ཙམ་ཡོད་པ་ཐམས་ཅད། གཡོ་སྒྱུ་ཁྲམ་གསུམ་དང་ས་འཁྲབ་གནམ་འཁྲབ་བྱས་ཏེ་འཐོག་འགྲོ་མཁན་མང་ཆེ་བ་ནི་ཁྱིམ་པ་མི་མང་ཚོ་ཡིན་པ་ལས་གྲྭ་བཙུན་བཅོས་མ་དེ་ཚོ་གཏན་ནས་མིན། རྟག་ཏུ་འོས་འགན་ཕྲན་བུ་འདི་འདྲ་ཞིག་ཏུའང་མཉམ་ཞུགས་བྱེད་མི་ཐུབ་པའི་དྷ་རམ་ཤཱ་ལཱའི་ཁྱིམ་པ་མི་མང་དེ་ཚོའི་སེམས་སུ་ག་རེ་འདྲ་ཞིག་འཛུལ་བ་ཡིན་ན་བསམས་བྱུང།་་་་་་་་་་་་་ཀློ་པ་པོ་ཚོས་བསམ་ཚུལ་ལམ་ཚོར་སྣང་འདི་འབྲི་མཁན་མི་སྐྱ་སྐྱ་རྐྱང་ཞིག་ཡིན་པས། གྲྭ་བཙུན་ཞིག་གིས་བྲིས་པར་གཏན་ནས་བསམ་མི་རུང་།
འདི་ནི་བསམ་ཚུལ་སྒོ་ཕྱེས་པ་ཞིག་རེད། "ལོ་གསར་ཚེས་༡ཉིན་བོད་མི་རྣམས་ཀྱིས་ཟས་བཅད་ངོ་རྒོལ།"



བརྗོད་གཞི་གཞན་ཁག་ལ་གཟིགས།