བསམ་ཚུལ།

གོང་གི་གནས་ཚུལ་དེའི་སྐོར་བོད་ཀྱི་དུས་བབ་ཚང་གི་གསར་འགྱུར་འདི་ལྟར་བཀོད་འདུག ཐེངས་འདིའི་རྒྱ་གར་གྱི་ཨ་ཤོ་ཀཱ་ཆོས་ལུགས་ལྷན་ཚོགས་ཀྱི་གོ་སྒྲིག་གནང་བའི་འཛམ་གླིང་ནང་པའི་དབུ་ཁྲིད་ཀྱི་ཚོགས་འདུ་དེ་ཟླ་འདིའི་ཕྱི་ཚེས་ ༢༧ ཉིན་རྒྱ་ས་ལྡི་ལིའི་མགྲོན་ཁང་ཞིག་ཏུ་དབུ་འཛུགས་གནང་ཡོད་ཅིང་། དེའི་སྟེང་རྒྱ་གར་དང་འབར་མ། ཤི་རི་ལིང་ཀཱ མཱ་ལེ་ཤི་ཡཱ། སོག་པོ། ཉི་ཧོང་། ཐེ་ཝན། ལྷོ་ཀོ་རི་ཡ། འབྲུག ལོའོ་སི། ཁཱན་པོ་ཊི་ཡཱ་བཅས་རྒྱལ་ཁབ་ ༤༢ ལྷག་གི་ནང་པའི་ཐེག་པ་ཆེ་ཆུང་གི་ཆོས་ལུགས་དབུ་འཁྲིད་དང་འཐུས་ཚབ། སྐུ་མགྲོན་བཅས་མི་ ༨༠༠ ལྷག་འདུ་འཛོམས་བྱུང་ཡོད་ཅིང་། ཚོགས་འདུ་དབུ་འཛུགས་ཀྱི་ཉིན་དང་པོར་ས་སྐྱ་བདག་ཁྲི་རིན་པོ་ཆེ་དང་ཡོངས་འཛིན་གླིང་རིན་པོ་ཆེ། དགའ་ལྡན་ཁྲི་པ། བཀའ་བློན་ཁྲི་ཟུར་ཟམ་གདོང་རིན་པོ་ཆེ། ཨ་ཀྱཱ་རིན་པོ་ཆེ། ཆོས་རིག་བཀའ་བློན་པདྨ་ཆོས་འབྱོར། ལྡི་ལི་དོན་སྐུ་ཚབ་དོན་གཅོད་བཀའ་ཟུར་བསྟན་པ་ཚེ་རིང་བཅས་ཀྱང་མཉམ་ཞུགས་གནང་ཡོད་པ་མ་ཟད། མཛད་སྒོའི་ཐོག་ས་སྐྱ་བདག་ཁྲི་རིན་པོ་ཆེ་མཆོག་གིས་གསུང་བཤད་ཀྱང་གནང་ཡོད་འདུག་ལ། ཐེངས་འདིའི་ལྷན་ཚོགས་ཐོག་ནང་པའི་ཆོས་ལུགས་དབུ་འཁྲིད་རྣམ་པས། ཆོས་ལུགས་ཕན་ཚུན་གྱི་མཐུན་སྒྲིལ་དང་སྤྱི་ཚོགས་ནང་ཞི་བདེ་དང་འཆམ་མཐུན་བསྐྲུན་ཐབས། འཛམ་གླིང་གི་ཁོར་ཡུག་བདག་གཅེས་གནང་ཕྱོགས། ནང་པ་དང་ནུབ་ཕྱོགས་ཚན་རིག་པའི་བར་བགྲོ་གླེང་ཚོགས་རྒྱུ་སོགས་ཀྱི་ཐད་བགྲོ་གླེང་དང་གྲོས་ཆོད་གཏན་འབེབ་གནང་འཆར་ཡོད་འདུག་ལ། ཚོགས་འདུའི་མཇུག་སྡོམ་ཉིན་ཏེ་ཕྱི་ཚེས་ ༣༠ ཉིན་༸གོང་ས་མཆོག་ཆིབས་སྒྱུར་གྱིས་ལམ་སྟོན་བཀའ་སློབ་གནང་རྒྱུ་ཡིན་འདུག
འདི་ནི་བསམ་ཚུལ་སྒོ་ཕྱེས་པ་ཞིག་རེད། "རྒྱ་ནག་གི་བཀའ་རྒྱ་རྒྱ་གར་གཞུང་གིས་ངོས་ལེན་བྱས་མི་འདུག"



བརྗོད་གཞི་གཞན་ཁག་ལ་གཟིགས།