བསམ་གཞིགས་མེད་པའི་སྐད་ཆ།

མཁྱེན་ཡངས་སྐལ་བཟང་ཆོས་ལྡན་ལགས། ཁྱེད་ནས་མེ་འཁོར་ལྕགས་ལམ་འཛུགས་ན་ལེགས་ཞེས་གསུངས་པ་ལས། དེ་ལྟར་ལེགས་པའི་རྒྱུ་མཚན་མ་གསུངས་པ་ནི་ཡ་མཚན་ཆེ། རྒྱ་གཞུང་ནས་བོད་ནང་མེ་འཁོར་ལྕགས་ལམ་གཅིག་མཇུག་གཉིས་མཐུད་དུ་བཟོས་པ་དེ་དགེ་ལས་སྡིག་ཆེ་བ་དང་། ཕན་ལས་གནོད་ཆེ་བ་སོགས་ཀྱི་དགེ་སྐྱོན་གཉིས་གཤིབ་བསྡུར་བྱས་ནས་གླེང་དགོས་པ་གལ་གནད་ཆེ། དཔེར་ན། རྒྱ་གཞུང་ནས་མཚོ་བོད་ལྕགས་ལམ་ཞེས་པའི་མེ་འཁོར་ལྕགས་ལམ་གསར་བཟོ་བྱས་རྗེས་ཉིན་རེའི་རྒྱ་ནག་ནས་བོད་དུ་མེ་འཁོར་བརྒྱུད་རྒྱ་རིགས་དྲུག་སྟོང་ལྷག་བོད་དུ་འོར་འདྲེན་བྱེད་པ་དང་། དེ་དག་ལས་རྒྱ་རིགས་ཉིས་སྟོང་ཙམ་མ་་གཏོགས་ཕྱིར་ལོག་མི་བྱེད་པར་བཞི་སྟོང་བོད་དུ་གཏན་སྡོད་བྱས་ཏེ་བོད་མི་རྣམས་རང་ཡུལ་དུ་གྲངས་ཉུང་མི་རིགས་ཆགས་ཏེ་རིམ་ཡལ་དུ་གཏོང་བའི་འཆར་གཞི་ལྡན་པའི་སྲིད་ཇུས་ལག་བསྟར་བྱེད་བཞིན་པ་མ་ཟད། མེ་འཁོར་ནང་བོད་ཀྱི་གསེར་དངུལ་ཟངས་ལྕགས་སོགས་ཀྱི་རིན་ཆེན་གྱི་གཏེར་ཁའི་རིགས་འོར་འདྲེན་དང་། དེ་བས་བོད་ཀྱི་ཁོར་ཡུག་གཏོར་བཤིག་གི་འབྱུང་རྐྱེན་སོགས་ལ་ང་ཚོས་ངེས་ཞིབ་དཔྱད་དང་། བསམ་གཞིགས་ནན་ཏན་གནང་སྟེ་བཀའ་མོལ་གནང་བ་དང་། རྩོམ་བྲིས་གནང་དགོས།
འདི་ནི་བསམ་ཚུལ་སྒོ་ཕྱེས་པ་ཞིག་རེད། "ལྷ་ས་ནས་གཞིས་རྩེ་བར་མེ་འཁོར་ལྕགས་ལམ་འཛུགས་སྐྲུན། "



བརྗོད་གཞི་གཞན་ཁག་ལ་གཟིགས།