ལྷག་བསམ།

ལྷག་བསམ་རྣམ་པར་དག་པའི་ཁ་བརྡ་དེ།། རྩོམ་མཁན་ཁྱོད་ཀྱི་སྙན་དུ་སོང་བ་འདིས།། ང་དང་ཁྱོད་ཅེས་འཐབ་པའི་གཡུལ་ས་རུ།། ཁྱོད་ལ་ཞི་དུལ་བག་ཙམ་ཡོད་པ་མཐོང་།། འོན་ཀྱང་ཡི་གེ་འབྲི་བའི་སྙན་རྩོམ་མཁན།། ཐབས་ཆག་ཙམ་གྱིས་ཡོང་པ་མི་འགྱུར་བས།། ལེགས་བཤད་གཏམ་གྱིས་སྙན་དབང་འཕྲོག་ནུས་ན།། ད་གཟོད་སྙན་རྩོམ་མཁན་གྱི་གྲལ་མཐར་ཟིན།། དེར་བརྟེན་སང་གི་ཉིན་པར་འཆི་ངེས་ཀྱང་།། ད་ལྟ་འབད་པའི་ཁུར་པོ་ཁུར་བ་ཡིས།། དོ་དགོང་སྙན་ངག་མཁན་ཞིག་འགྱུར་སོང་ན།། མི་ཚེ་འདི་ལ་དོན་ཞིག་ཐོན་པ་ཡིན།། དྲ་གྲོགས་ལགས་རྕེད་མོ་ཡིན་དགོངས་འགལ་མེད་པར་ཞུ།
འདི་ནི་བསམ་ཚུལ་སྒོ་ཕྱེས་པ་ཞིག་རེད། "QQརྒྱུད་ཀྱི་གླེང་མོལ།"



བརྗོད་གཞི་གཞན་ཁག་ལ་གཟིགས།