ཤི་དམྱལ་བར་འགྲོ་བསམ་ཞེ་ལ་མེད།།

དངོས་གནས་ཉམས་མགུར་ཚད་ལྡན་ཞིག་ཐོལ་བྱུང་དུ་གྱེར་འདུག འོན་ཀྱང་། བློ་ཐར་པའི་ལམ་སྣ་མ་ཟིན་ཀྱང་།། ཤི་དམྱལ་བར་འགྲོ་བསམ་ཞེ་ལ་མེད།། ཅེས་པའི་ཚིག་འདིས་སྙིང་གི་མུན་པ་འཇོམས་པ་ཕར་ཞོག བསམས་ཤིང་བསམ་ན་སྙིང་དཀྱིལ་ནས་སྐྱོ་བའི་མུན་པ་འདྲེན་བྱེད་ཀྱི་ཉམས་མགུར་ཞིག་ནི་ཏན་ཏན་རེད་འདུག ཧེ་ཧེ། འདི་འདྲ་ཞིག་ཡིན་ན་ཀླུ་སྒྲུབ་ཡབ་སྲས་ཀྱི་གཞུང་ལུགས་སུ་གཏན་ལ་ཕབ་པའི་ལྟ་དགོངས་ཟབ་མོ་ལ་ཐོས་བསམ་གནང་སྟེ་ལྷ་རམས་པའི་ཆོ་ལོ་བླངས་མ་བླངས་ལ་ཁྱད་པ་ཞིག་ཅི་ཡོད། བློ་ཐར་པའི་ལམ་སྣ་མ་ཟིན་ཀྱང་། ཤི་དམྱལ་བར་འགྲོ་བསམ་ཞེ་ལ་མེད་ན། ད་དུང་ཐོས་བསམ་གྱིས་ཤེས་རབ་ལ་བརྟེན་ནས་ཐག་བཅད་པའི་ལྟ་བའི་དོན་ཐོག་ལ་སྒོམ་པ་རྒྱུན་སྲིང་གནང་དགོས་རྒྱུ་གལ་ཆེ། གལ་སྲིད་ཉམས་རྟོགས་ཀྱི་འབོགས་རེ་ཐོན་ན་ དེ་དུས་ལྕང་སྐྱ་རིན་པོ་ཆེ་དང་རྗེ་བཙུན་མི་ལའི་མགུར་འདྲ་བོ་ཞིག་མ་བསླབས་ཀྱང་ཐོལ་བྱུང་དུ་ཤེས་ཡོང་།
འདི་ནི་བསམ་ཚུལ་སྒོ་ཕྱེས་པ་ཞིག་རེད། "མགུར་གླུ་སྙིང་གི་མུན་འཇོམ།"



བརྗོད་གཞི་གཞན་ཁག་ལ་གཟིགས།