བཀའ་ཁྲིའི་འོས་མི་གཉིས།

བཀའ་ཟུར་བཀྲིས་དབང་འདུས་ནི་བཙན་བྱོལ་བོད་གཞུང་གི་ས་རྒྱུས་ཆུ་རྒྱུས་ཡོད་པའི་ལོ་ན་དྲུག་ཅུ་རེ་གྲངས་ལ་དམའ་མཐར་སླེབས་ཟིན་པའི་བགྲེས་སོང་ཞིག་རེད། ད་ཆ་ཁོང་གི་དགོངས་ཞུ་ཕུལ་ཡོད་ན་དོན་དངོས་ཐོག་བསམ་བློ་སྤྱི་ཕན་ཞིག་གཏོང་ཡོད་ངེས་རེད། སྤྱི་ཚོགས་ནང་མི་འགས་ཁོང་ནི་མི་གཞན་གྱི་བཀོད་བསྒྲིགས་བྱས་པ་དང་ཁོང་དང་འདྲ་བའི་སྔོན་འགྲོའི་འོས་གཞིའི་ནང་འཕེབས་མཁན་མང་པོ་ཞིག་ལ་མ་ཉེས་ཁ་གཡོགས་བྱེད་ཀྱི་ཡོད་སྲོལ་འདུག ད་ཆ་ས་གཞི་རྡུལ་དག་དང་ནམ་མཁའ་གཡའ་དག་ཟེར་བའི་དཔེ་ལྟར་སྤྱི་ཚོགས་ཁྲོད་མི་དེ་ཚོར་ལན་ཞིག་གནང་སོང་ཡིད་རང་ཞུ་འོས་པ་ཞིག་འདུག མ་གཞི་བྱས་ན་བཀའ་ཤག་ལྷན་ཁང་ནང་ལོ་བཅོ་བརྒྱད་ལྷག་ཕྱག་ལས་གནང་མཁན་ཁོང་ལྟ་བུ་ཧ་ཅང་དཀོན་པ་དང་གཅིག་བྱས་ན་མེད་ཞེས་ཚིག་མཚམས་གཅོད་ནའང་མ་སྒྲིག་པ་མེད། ད་ཆ་དངོས་གཞིར་སླེབས་པའི་མི་གཉིས་ནི་ཕྱིར་འཐེན་ཟེར་བའི་ཐ་སྙད་གྲུབ་མེད་པ་རེད་གལ་སྲིད་གཅིག་དགོངས་པ་ཞུས་ན་གཅིག་བེད་མེད་དུ་གཏོང་རྒྱུ་ཡིན་པ་ཐག་གཅོད། དེར་བརྟེན་དགོངས་ཞུ་ཟེར་བའི་མིང་དེ་མེད་པར་འགྱུར་ཡོད། སྟབས་ལེགས་པ་ཞིག་ལ་ཁོང་གཉིས་སུ་ཡིནའང་བོད་དོན་ཐོག་ཉམས་མྱོང་ཡོད་ཟེར་མཁན་ཞིག་དང་ཡང་བོད་དོན་ཐད་མི་ཤེས་པའི་སྣ་མེད་ཟེར་བའི་མི་གཉིས་པོ་དེ་གཉིས་རེད། གང་ལྟར་ཁོང་གཉིས་ནས་གཅིག་ནི་བཀའ་ཁྲིར་འཁོར་རྒྱུ་ཕལ་ཆེར་ངེས་ཟིན་ཡོད། དེར་བརྟེན་ང་རང་ཚོའི་ངོས་ནས་ཐོག་མཐའ་བར་གསུམ་དུ་བསམ་བློ་སྔ་བལྟས་ཕྱི་བལྟས་གཏོང་དགོས་པ་རེད། ད་ཆ་དེ་སྔ་དང་མི་འདྲ་བར་བསམ་བློ་རྙོགས་འཛིངས་ཚ་བོ་མེད་གང་ལ་ཟེར་ན། འོས་མི་མཁས་དབང་བློ་བཟང་སེངྒེ་དང་བཀའ་ཟུར་བསྟན་འཛིན་རྣམ་རྒྱལ་གཉིས་རེད། ཁོང་གཉིས་ཀྱི་ལོ་རྒྱུས་ལ་བསམ་བློ་གཏོང་རྒྱུ་དང་མཐའ་མའི་འོས་ཤོག་བླུགས་རྒྱུའི་ཉི་མོ་དེ་ངང་འགུགས་བྱེད་རྒྱུ་དེ་རེད། ཐུགས་རྗེ་ཆེ་བོད་རྒྱལ་ལོ།
འདི་ནི་བསམ་ཚུལ་སྒོ་ཕྱེས་པ་ཞིག་རེད། "བཀྲས་མཐོང་ཁྱབ་བསྒྲགས་ཆེད་ལས་ཁུངས་གསར་འཛུགས་བྱས་པ།"



བརྗོད་གཞི་གཞན་ཁག་ལ་གཟིགས།