ཐེ་ཚོམ་དང་བསམ་འཆར

ལོ་རྒྱུས་ནི་ལོ་རྒྱུས་རེད་ལ་དེ་མཐའ་གཅིག་ཏུ་བདེན་པའི་ངེས་པ་མེད་ལ་མི་བདེན་པ་ཡང་མ་རེད།།  འོན་ཀྱང་མཐའ་གཅིག་ཏུ་གཟབ་དགོས་པ་དང་དོ་སྣང་བྱེད་དགོས་པ་ནི་སྐབས་འཚོལ་རིང་ལུགས་ཀྱི་སྐབས་སུ་བབ་པའི་སྐད་ཆ་དག་རེད།། གོང་དུ་བཤད་པའི་སྐད་ཆ་དག་ཀྱང་བདེན་དང་མི་བདེན་མི་ཤེས་ལ་ཁ་ནས་བཤད་པ་དང་ཁོག་ནས་བསམ་པ་གཉིས་མཚུངས་མིན་དེ་བས་ཀྱང་མི་ཤེས།ལོ་ངོ་ལྔ་ཡི་ཡར་སྔོན་དུ་གོ་མེད་ཚོར་མེད་ཀྱི་མི་བུ་ཞིག་ལ་ད་ལྟ་ཐོད་བརྒལ་རང་བཞིན་གྱི་བསམ་བློ་ཡ་མཚན་ཞིག་སྐྱེས་པ་ནི་དོགས་པ་དང་དྲན་རྒྱུ་རྒོད་པའི་ཁོ་བོ་ལྟ་བུ་ལ་མཚོན་ན་ཐེ་ཚོམ་འདྲེན་བྱེད་ཅིག་རེད།།  དེ་ལས་རྒྱལ་སྤྱི་རང་བཞིན་གྱི་ཆབ་སྲིད་དང་མཐོང་རྒྱ།། དེང་དུས་ཀྱི་སྐད་དང་ཡི་གེ། ཕྱི་ནང་མི་རིགས་ལ་འབྲེལ་འཐུད་ཀྱི་ཐབས་ལམ་སོགས་ལ་རྨོངས་པ་དང་།། ཆོས་པའི་གྲལ་དུ་ཡོད་ཀྱང་དམ་ཆོས་རྣལ་མ་ཞིག་ཉམས་སུ་ལེན་པའི་གོ་སྐབས་མེད་པ།། དེ་སྔོན་ཤི་འཐམ་རོ་འཐམ་བྱེད་མྱོང་བའི་དཔེ་ཆ་དག་ཀྱང་བརྗེད་ལ་ཉེ་བ་སོགས་ཀྱིས་སྤྱི་འཐུས་འོས་གཞི་ནས་དགོངས་པ་ཞུས་ཡོད་ཅེས་ཤོད་དང་ཕལ་ཆེར་བདེན་སྲིད་པ་རེད།། 


བརྗོད་གཞི་གཞན་ཁག་ལ་གཟིགས།