དཀར་མཛེས་བདེ་མཆོག་ཆུ་འཐག་རྩམ་པའི་ངོ་སྤྲོད་མདོར་བསྡུས།

རྩམ་པའི་རྒྱུ་ཆ་ནི་ནས་ཡིན་ཞིང༌། ནས་ནི་བོད་ཀྱི་འབྲུ་རིགས་གཙོ་བོའང་ཡིན། དེ་ནི་ཆར་ཆུ་སྔོན་མོའི་བདུད་རྩི་འཐུང་ཞིང༌། དྭངས་མོའི་ས་ཡི་སྙིང་བཅུད་གཞིབས་ལ། དྲོ་འཇམ་ཉི་མའི་འོད་ཟེར་གྱིས་བསྐྱངས་པ་དང༌། མཁའ་རླུང་གཙང་མའི་ཁྲོད་འབྲས་བུ་སྨིན་པའི་མཐོ་སྒང་བོད་ཀྱི་འབྲུ་རིགས་ནང་གི་བྱམས་སྐྱོང་ཅན་གྱི་དྲིན་ཅན་ཨ་མ་ལྟ་བུ་རེད། ནས་དེ་དྭངས་གཙང་ཆུ་ཡིས་ལེགས་པར་བཀྲུས་ཤིང་དྲོན་མོའི་ཆུ་ཡིས་སྦངས་རྗེས་ཡོས་ལ་བརྔོས་ཏེ་ཞིབ་མོར་འཐག་དགོས། དེ་ལ་དེང་རབས་གློག་གི་འཐག་ཚུལ་དང་སྲོལ་རྒྱུན་ཆུ་ཡིས་འཐག་ཚུལ་གཉིས་ཡོད་པ་ལས། འདི་ནི་སྲོལ་རྒྱུན་ལྟར་ཆུ་མཆིག་གིས་བཏགས་པའི་ཆུ་གཤེར་རྩམ་པ་ཡིན་སྟབས། རྩམ་པའི་བྲོ་བ་ཞིམ་པོ་དང་མངར་མོ་མི་འགྱུར་བ་དང༌། ལུས་ཟུངས་ལ་ཕན་པའི་འཚོ་བཅུད་བཟང་པོ་མི་ཉམས་པའི་ཁྱད་ཆོས་ལྡན་ཞིང༌། རང་ཉིད་ཀྱི་གསོལ་རྫས་སམ་མཐུན་པའི་གྲོགས་ལ་འབུལ་རྒྱུའི་ལེགས་སྐྱེས་ནོར་བུ་ཞིག་དང་མཚུངས། གསོ་རིག་མཁས་ཅན་དང་ཚན་རིག་པས་གསུངས་པ་ལྟར་ན། རྩམ་པ་ལ་ལུས་ཟུངས་གསོ་བའི་གྲུབ་ཆ་ཧ་ཅང་མང་བས་ཁྲག་རླུང་དང་བཅུད་ཤོར་སོགས་ནད་གཞི་མང་པོ་བཅོས་པ་དང༌། སྔོན་འགོག་བྱེད་པའི་ནུས་པ་ལྡན་ལ། ལུས་པོ་བདེ་ཐང་དང་ལུས་སྟོབས་གསོ་བྱེད་ལ་ནུས་པ་ཆེན་པོར་ཡོད། རྩམ་པ་ནི་སྤྱོད་བདེ་ཞིང་འཚོ་བཅུད་བཟང་བས་བོད་ཀྱི་ཟས་རིགས་གཙོ་བོ་ཡིན་ཞིང༌། མར་དང་ཆུར་བ། ཀ་ར་སོགས་ཀྱིས་བརྫིས་ཏེ་གསོལ་ན་ཞིམ་མངར་གྱི་བྲོ་བ་ཕུན་སུམ་ཚོགས་པའི་ཞལ་ཟས་ལ་འགྱུར། ཆུ་མཆིག་འདི་ནི་སི་ཁྲོན་དཀར་མཛེས་རྫོང་གི་བདེ་མཆོག་ཕོ་བྲང་ལས་བྱུང་བའི་གངས་ཆུ་བསིལ་མའི་འདབས་སུ་ཆགས་ཤིང་ཁྲོན་བོད་གཞུང་ལམ་གྱི་འགྲམ་དུ་ཡོད་པས་རྒྱ་ཆེ་སྐུ་མགྲོན་རྣམས་ཀྱིས་མངགས་ཉོ་དགོས་ཚེ། ཚོང་དཔོན་འོ་བཟང་བ་བཀྲ་ཤིས་རྒྱ་མཚོའི་ཁ་པར་འདི་ཐོག་འབྲེལ་བར་བྱེད་ཆོག་པ་རེད།
འདི་ནི་བསམ་ཚུལ་སྒོ་ཕྱེས་པ་ཞིག་རེད། "ཕ་སྐད་ལགས་། དགོངས་དག་ཞུ་།"



བརྗོད་གཞི་གཞན་ཁག་ལ་གཟིགས།