ང་ཁྱེད་ཚོ་དང་མཉམ་དུ་ཡོད།

༡༽ སྡུག་བསྔལ་གྱི་གྲང་ངར་ཆེ་སར། རྐྱེན་ངན་གྱི་བུ་ཡུག་འཚུབ་པའི། ངའི་ཕ་ཡུལ། སྐྱེ་དགུ་མདོ། སྔོན་མའི་ལས་དབང་གཅིག་ལ། ད་ལྟའི་ཤ་ཁྲག་གཅིག་པའི། ངའི་ཕ་མ་སྤུན་ཟླ། སེམས་པ་མ་སྐྱོ། ཤི་བོ་ཡི་རྣམ་ཤེས་འདྲེན་པའི། མུན་སེལ་གྱི་མཆོད་མེ་ལྷམ་ལྷམ། ང་ཚོས་མཉམ་དུ་སྦར་ཡོད། དཀོན་མཆོག་མཁྱེན། སྤྱན་རས་གཟིགས། ཨོ྆་མ་ཎི་པདྨེ་ཧཱུྃ། ཤི་བོ་ཡི་རྣམ་ཤེས་འཁྱམ་པོ། ཁྱེད་ཉིད་ཀྱིས་འདྲེན་ཤོག ༢༽ བཙན་གནོན་གྱི་མུན་པ་མཐུག་སར། གོད་ཆག་གི་བར་ཆད་བྱུང་བའི། ངའི་ཕ་ཡུལ། སྐྱེ་དགུ་མདོ། ཞི་བདེ་ཡི་ལྟ་གྲུབ་གཅིག་ལ། གདོང་དམར་གྱི་ཤ་མདངས་གཅིག་པའི། ངའི་ཕ་མ་སྤུན་ཟླ། སེམས་པ་མ་སྐྱོ། དྭ་ཕྲུག་དང་རྨས་མའི་ཆེད་དུ། གདུང་སེམས་ཀྱི་སྐྱིད་སྡུག་མཉམ་མྱོང་། ང་ཚོས་མཉམ་དུ་བྱེད་ཡོད། དཀོན་མཆོག་མཁྱེན། སྤྱན་རས་གཟིགས། ཨོ྆་མ་ཎི་པདྨེ་ཧཱུྃ། སེམས་གདུང་གི་རྨ་ཁ་ཡོད་ཚད། ཁྱེད་ཉིད་ཀྱིས་གསོས་ཤོག
འདི་ནི་བསམ་ཚུལ་སྒོ་ཕྱེས་པ་ཞིག་རེད། "གདུང་སེམས་ཀྱི་མ་ཎི་དབྱངས་རྟ།"



བརྗོད་གཞི་གཞན་ཁག་ལ་གཟིགས།