ས་ཡོམ་ཤུགས་ཆེན་རྒྱབ་པ།

ཟླ་འདིའི་ཚེས་༡༥ཉིན་ནམ་ཡེ་ཤུལ་ས་འགུལ་གྱི་ཉིན་གཉིས་པ། ཕྱི་དྲོའི་དུས་ལྔ་ཕྱེད་ཙམ་གྱི་སྟེང་། ཐེངས་འདིར་ས་འགུལ་སྐབས་རྨས་སྐྱོན་ཚབས་ཆེན་བྱུང་བའི་རྨས་མ་ཁ་ཤས་མཚོ་སྔོན་ཞིང་ཆེན་གྱི་ཟི་ལིང་གྲོང་ཁྱེར་དང་། སི་ཁྲོན་ཞིང་ཆེན་གྱི་ཁྲིན་ཏུའུ་གྲོང་ཁྱེར་རུ་གནམ་གྲུར་ཁྱེར་ཡོད་ཞིང་། མིག་སྔར་རྨས་མ་དེ་དག་ལ་འབྱུང་བཞིན་པའི་བཀའ་ངལ་ཆེ་ཤོས་ནི། སྐད་རིགས་མ་གཅིག་པའི་དབང་གིས་སྨན་པ་དང་ནད་པའི་བར་ལ་གོ་བརྡ་མ་འཕྲོད་པར་གྱུར་འདུག གནས་ཚུལ་དེ་དག་ཤེས་གསལ་བྱུང་མ་ཐག་སྡེ་དགེ་རྫོགས་ཆེན་དགོན་ཁྲིན་ཏུའུ་གཞུང་སྒྲུབ་ཁང་གི་སྐད་གཉིས་སྨྲ་ཤེས་ཀྱི་བཙུན་པ་དང་བཙུན་མ་རྣམས་གཙོ་བོར་བྱས་པའི་མི་གྲངས་བཅུ་ཕྲག་ལྷག་ཁག་གཉིས་སུ་བགོས་ནས། ཁྲིན་ཏུའུ་ཧྭ་ཤས་སྨན་ཁང་དང་། ཁྲིན་ཏུའུ་ཞིང་ཆེན་སྨན་ཁང་དུ་ཕྱིན། སྨན་ཁང་དུ་སླེབས་སྐབས་སི་ཁྲོན་ལྷོ་ནུབ་མི་རིགས་སློབ་གྲྭའི་བོད་རིགས་སློབ་མ་བཅུ་ཕྲག་ལྷག་ཀྱང་དེར་སྐད་བསྒྱུར་སོགས་ཀྱི་རོགས་སྐྱོར་བྱེད་པར་འབྱོར་འདུག་པ་དང་། ཡིན་ན་ཡང་ད་དུང་རྨས་མ་མང་པོ་འབྱོར་མུས་སུ་འདུག་ལ་ང་ཚོ་བོད་རིགས་ཡོངས་སྐྱིད་སྡུག་གཅིག་པ་ཡིན་པ་ཚང་མ་སྟོབས་ཤུགས་ནུས་པ་ཕྱོགས་ཏུ་བསྡོམས་པའི་འབོད་བསྐུལ་ཞུ་བ་ཡིན།
འདི་ནི་བསམ་ཚུལ་སྒོ་ཕྱེས་པ་ཞིག་རེད། "ཡུལ་ཤུལ་ཁུལ་ཏུ་མི་༣༠༠ལྷག་རྐྱེན་ལམ་ཏུ་ཕྱིན་འདུག"



བརྗོད་གཞི་གཞན་ཁག་ལ་གཟིགས།