ཕ་ཡུལ་དྲན

ཕཡུལ་དྲན་པའི་གླུ་ཆུང་། ༡༽ རབ་དཀར་ཁ་བའི་ལྷིན་པོས་མཐའ་དབུས་སྐོར།། སྔོན་ལྗང་གཡུ་མཚོའི་རླབས་ཕྲེང་དགོང་དུ་འཕྱོ།། རྩེ་བཅུད་འབྲུ་དྲུག་སྙེ་མའི་མགོ་ལྕོག་ལྡེམ།། ང་ཡིས་སྐྱིད་པའི་ཕ་ཡུལ་གངས་ལྗོངས་དྲན།། ༢༽ མཛེས་སྡུག་པ་དྨའི་འདབ་ཕྲེང་གཡོ་བའི་རྩེར།། དགྱེས་འཛུམ་གར་གྱི་ཉམས་ལྡན་དབྱང་ཅན་མ།། ཉམ་ཆུང་བུ་བླངས་པའི་གླུ་ཆུང་འདིར།། སྙིང་རྗེ་གཟིགས་པ་མ་ཆུང་རམ་འདོགས་མཛོད།། ༣༽ མཛེས་པའི་རྩྭ་ཐང་གཡང་དཀར་ལུག་གིས་ཁྱབ།། ཤྭ་ཡུ་མོ་ནགས་རིའིསུལ་ན་རྩེན།། རྐང་དྲུག་བུང་བ་དགའ་བའི་སྐོར་བྲོ་རྩེ།།ང་ཡིས་སྐྱིད་པའི་ཕ་ཡུལ་གངས་ལྗོངས་དྲན།། ༤༽ མཁྱེན་དཔྱོད་འཇུག་སྒོ་ཀུན་གསལ་མཐོངས་ལས་ཡངས།།བཅོས་མིན་བྱམས་བརྩེ་འོ་མཚོ་སྙིང་ནས་འཁྱིལ།། འབུམ་ཕྲག་སློབ་བུའི་རྨོངས་བློ་གསལ་འབྱེད་པའི།། ང་ལ་བརྩེ་བའི་བཤེས་གཉེན་བཀའ་དྲིན་དྲན།། ༥༽ མི་འགྱུར་མཛའ་གཅུགས་སྐུད་པ་དམ་དུ་བཅིང་།།སྤྱོད་གཤིས་ཡ་རབས་ལས་ལ་ངང་ཞུགས་པའི།། རྩེད་མཚར་སྤྲོད་དགེའི་སྣང་བ་རབ་སྟེར་བའི།། ང་ལ་བརྩེ་བའི་སྙིང་གི་གྲོགས་པོ་དྲན།། སྤྱི་ལོ་ཉིས་སྟོང་དགུའི་ལོ་ཝར་ཎ་ནས་བྲིས་ཟླ་ཚེས་ཉིན།། ༠༩་་་༧་་་༢༥་་་་
འདི་ནི་བསམ་ཚུལ་སྒོ་ཕྱེས་པ་ཞིག་རེད། "ཤི་གསོན་གཉིས་ཀྱི་རེ་བ། ཚན་པ། ༡"



བརྗོད་གཞི་གཞན་ཁག་ལ་གཟིགས།