བོད་ཀྱི་རྒྱལ་དར།

མི་འོས་པའི་བློ་བཟང་སེང་གེའི་དྲིལ་བསྒྲགས། བོད་རྒྱལ་ཁབ་ཆེན་པོའི་རྒྱལ་དར་གྱི་མཚོན་དོན་ལས། གངས་རིའི་རྩེ་ནས་ཉི་མ་ཤར་བའི་འོད་ཟེར་རྒྱ་ཁྱབ་ཏུ་འཕྲོ་བས་བོད་ལྗོངས་སྐྱེ་འགྲོ་ཡོངས་ཀྱིས་རང་དབང་ཆོས་འབྱོར་བདེ་སྐྱིད་ཀྱི་སྣང་བར་ཀུན་སྙོམས་སུ་ལོངས་སྤྱོད་པ་མཚོན་པ་བསུབ་སྟེ་དེའི་ཚབ་ཏུ་བློ་བཟང་སེང་གེའི་མགོ་སྦྱར་ཏེ་བཀའ་ཁྲིའི་དྲིལ་བསྒྲགས་བྱེད་པ་དང་། གངས་རིའི་ངོགས་སུ་མི་འཇིགས་གདོང་ལྔ་འབར་བའི་སེང་གེ་ཟུང་རྣམ་པར་འགྱིངས་པས་ཆོས་སྲིད་ཟུང་དུ་འབྲེལ་བའི་རྒྱལ་ཐབས་ལ་ཆབ་སྲིད་ཀྱི་འཕྲིན་ལས་ཀུན་ལས་རྣམ་པར་རྒྱལ་བ་མཚོན་པ་དེ་ཡང་དོན་མེད་རང་གར་དོར་བ་སོགས་བོད་རྒྱལ་ཁབ་ཆེན་པོའི་རྒྱལ་དར་ལ་གུས་བརྩི་གཏན་ནས་མེད་པར་གང་བྱུང་བྲིས་བསུབ་དང་བེད་ལོག་ཏུ་བཏང་བ་མ་ཟད། ད་དུང་ངོམས་སོ་དང་བཅས་སྲང་ལམ་དུ་ཁྱབ་བསྒྲགས་བྱེད་པ་ནི་འབྲོང་བསད་པས་མ་ཚད་རྔ་མའི་དར་ལྕོག་གི་དཔེ་ལྟར་དུ་སོང་བ་དང་། ནོར་གླིང་དང་། སྨན་རྩིས་ཁང་། ས་རཱ་མཐོ་སློབ་བཅས་ནི་མ་འོངས་པའི་མི་སྣའི་འབྱུང་རྩ་དང་། ད་ལྟའི་མིག་རྒྱན་དུ་གྱུར་པའི་མཐོ་སློབ། མ་འོངས་པའི་རེ་བཅོལ་བྱེད་སའི་མི་རབས་སྐྱེད་སྲིང་བྱེད་ཡུལ་གྱི་སློབ་མ་རྣམས་ནས་ཀྱིས་ད་ལྟ་ནས་རྒྱལ་དར་ལ་བརྩིས་མེད་ཀྱིས་བེད་ལོག་ཏུ་གཏོང་བ་ནི་ཆེས་བློ་ཕམ་གྱི་གནས་སུ་གྱུར། འོ་ན་བློ་བཟང་སེང་གེ་བཀའ་བློན་དུ་འཁོད་ན་བོད་རྒྱལ་ཁབ་ཆེན་པོའི་རྒྱལ་དར་གྱི་ཉི་མའི་འོད་ཟེར་དང་། སེང་གེ་རྣམ་གཉིས་ཀྱི་མཚོན་དོན་རྣམས་མེད་པར་འགྱུར་རྒྱུ་ཡིན་ནམ།
འདི་ནི་བསམ་ཚུལ་སྒོ་ཕྱེས་པ་ཞིག་རེད། "བློ་བཟང་སེངྒེར་རྒྱབ་སྐྱོར་ཡོད།"



བརྗོད་གཞི་གཞན་ཁག་ལ་གཟིགས།