ཁམས་ཕྲུག་ཁྱེད་རང་བསམ་ཤེས་དང་བཤད་ཤེས་བྱས་ན་མི་ལེགས་བསམ།

གོང་དུ་བཀོད་པའི་དབུས་རྒྱུན་གྱི་ཡོངས་ཁྱབ་གསལ་བསྒྲགས་ལ་བལྟ་ལོང་མེད་པར་བོན་གྱི་བླ་རྒན་དེས་རང་འདོད་བྱས་པར་ཟེར་བའི་ཁམས་ཕྲུག་དེ་ད་འདུག་ཐུབ་ཀྱི་ཡོད་ས་མ་རེད། དང་པོ་ཁྱོད་རང་ལ་འཛུབ་འཁྲིད་ཀྱི་ཚུལ་དུ་གསལ་བཤད་ཅིག་བྱེད་ཡག་པོ་ཉོན་ཨ། བོན་གྱི་བླ་རྒན། བླ་རྒན་ཟེར་མང་པོ་བཤད་མ་བཤད་ཡོད་མ་རེད། དེ་ནི། མདོ་བསྟོད་རྒྱ་ཆེའི་མི་མང་གིས་འདེམས་ཐོན་དང་སྤྱི་མོས་ཐག་གཅོད་བྱུང་བའི་ད་ལྟ་ཆུ་སྒང་གི་ཚོགས་གཙོ་སྐུ་ངོ་ལགས་རེད། རྒྱུ་མཚན་དེ་འདྲ་ཡིན་དུས་ང་ཚོ་མདོ་བསྟོད་སྤུན་ཟླ་ཚོས་སྐུ་ངོ་ཁོང་གི་ཕྱག་རྗེས་དང་འཇོན་ཐང་། ཤེས་ཡོན་ལ་ཡིད་རངས་བྱས་ནས་ཚོགས་གཙོར་བསྐོས་པ་ཞིག་རེད། དེ་བཞིན་སྐུ་ངོ་མཆོག་ནས་ཀྱང་རྒྱལ་གཅེས་ལྷག་བསམ་དང་བཟོད་མེད་སྙིང་སྟོབས་བཅས་ཡིད་ལ་བཅང་ཏེ་༧སྐྱམགོན་རིན་པོ་ཆེའི་དགོངས་གཞི་དང་མ་གའལ་བར་ད་བར་བོན་སྤྱི་ཐེངས་གཉིས་གནང་བའི་ཐོག་ང་ཚོ་ཆུ་སྒང་གི་རྒྱུན་ལས་གནང་བཞིན་པ་ཞིག་ཡིན་པས། དོན་མེད་ལ་བཤད་ལོང་དང་བསམ་ལོང་མེད་པར་བོན་གྱི་བླ་རྒན་ཅེས་བཤད་ཆོག་ཆོག་བྱས་ན་ངོ་མ་དཀྲུགས་ཤིང་རང་ཡིན་པས་རྒྱ་ཆེའི་མདོ་བསྟོད་སྤུན་ཟླས་ཀྱང་མི་ཁྱོད་རང་ལྟ་བུའི་བཤད་ཡམ་ལ་ཡིད་ཆེས་ཡང་བྱེད་ཀྱི་མརེད་ལ། རྗེས་སུ་བསམ་ཤེས་དང་འབྲི་ཤེས་བྱས་ན་མི་དགའ་འམ། སྤྱིར་ཁྱོད་རང་ཁམས་ཕྲུག་ཅེས་པ་ལས་དངོས་མིང་བསྟན་མ་ཕོད་པ་དཀྲུགས་ཤིང་ངོ་མ་རེད།
འདི་ནི་བསམ་ཚུལ་སྒོ་ཕྱེས་པ་ཞིག་རེད། "དམ་བཅའི་ཚིག་དོན་ལྟར་འཇིགས་ཞུམ་ཆགས་སྡང་སྤང་དགོས།"



བརྗོད་གཞི་གཞན་ཁག་ལ་གཟིགས།