དབྱངས་གསོན་པོ་ཞིག་བཞུད་ཤུལ་དུ།

—ངའི་རྣ་བའི་བུ་རམ་ཞིག་གི་སྐུ་ཚེ་མ་ཟིན་པའི་དུས་དེ་ཙ་ན།

རྣ་བའི་བུ་རམ་ལ་སིམ་པ

བརྩེ་བའི་སེམས་ཁམས་སུ་འཕྱོ་བ

འགྱུར་ཁུག་གིས་ཁྲིད་པའི་ངའི་རྣམ་ཤེས་སུ

ཁྱེད་ཀྱི་ངག་གི་གྲེ་འགྱུར་འཁོར་ནས་ལོབ་ཡོད

དབྱངས་ཀྱི་འདེགས་འཇོག་འཐིམས་ནས་གསོན་ཡོད

ང་འཚོ་སའི་རི་ལུང་ན་ཁྱོད་གྲགས་ཤིང

ཁུ་བྱུག་མེད་དུས་ཀྱང

ཁྱོད་རང་སྔར་བཞིན་ངའི་ཁོར་ཡུག་གི་དབྱངས་གསོན་པོ་ཡིན


ང་རང་རྟ་ཐོག་ན་ཡོད་དུས

དུས་རབས་ཀྱི་གོམ་འགྲོས་སུ་འགྲོགས་དུས

ས་མཐའི་སྡེ་འདབས་སུ་སླེབས་དུས

ངའི་རྣ་བའི་བུ་ག་ཁྱེད་ལ་འཐམས་ཏེ

ས་མཐའི་ཉི་མ་ཕུད་ཐབས་བྱས་མྱོང


ཁུ་བྱུག་ལགས

དབྱངས་ཀྱི་གོམ་པས་སྔར་བཞིན་འཇིག་རྟེན་འགྲིམས་པར་ངེས


༢༠༡༦།༠༢།༢༨ཉིན།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།