དགེ་ལྡན་ལེགས་བཤད་པདྨ་དཀར་པོའི་ཆུན་པོ།

དགེ་ལྡན་ལེགས་བཤད་པདྨ་དཀར་པོའི་ཆུན་པོ།
པཎ་ཆེན་བསོད་ནམས་གྲགས་པ། (༡༤༠༨ - ༡༥༥༤)
མཁས་པ་ཡོན་ཏན་ཀུན་ལྡན་པས། །གང་དུ་ཕྱིན་པ་དེ་རུ་བྲིན། །
རྟ་ཕོ་བཟང་དང་རྒྱན་བཟང་པོ། །ཚོང་དུས་དག་ཏུ་བྲིན་པ་བཞིན། །
བླུན་པོ་ཉེས་པ་ཀུན་ལྡན་པས། །གང་དུ་ཕྱིན་པ་དེ་ལས་ལྡོག །
བོང་ཤ་ཡིན་པར་ངོ་ཤེས་ན། །སུས་ཀྱང་ཉོ་བ་མེད་ལ་ལྟོས། །
མཁས་པ་ཤིན་ཏུ་རྒུད་ན་ཡང༌། །ཟླ་བ་བཞིན་དུ་ཡར་ངོ་འབྱུང༌། །
བཙོན་རར་འཁོད་པའི་བློན་པོ་མགར། །རྗེས་སུ་ཀུན་ལས་རྒྱལ་ལ་ལྟོས། །
བླུན་པོས་རྟོག་དཔྱོད་མི་གཏོང་བར། །དགྲ་ལ་རྩོད་པ་བླུན་རྟགས་ཏེ། །
མར་མེའི་འོད་ལ་འཐབ་པ་ཡི། །ཕྱེ་མ་ལེབ་ཀྱི་ངང་ཚུལ་ལྟོས། །
མཁས་པས་ལྟོ་གོས་ཁྱད་བསད་ནས། །བཟང་པོའི་གཏམ་ལ་ངོ་སོར་བྱེད། །
དཔའ་བོ་གང་ལའང་མི་ལྟ་བར། །གཡུལ་ལས་རྒྱལ་བར་བྱེད་ལ་ལྟོས། །
མཁས་པས་སྔར་སྲོལ་བཟང་པོ་སྐྱོང༌། །དེ་ཡིས་བདེ་བ་བརྟན་པོ་འཐོབ། །
ཡེ་དབང་རྒྱལ་པོས་ཡབ་མེས་བཞིན། །རྒྱལ་བའི་བསྟན་པ་མཆོད་ལ་ལྟོས། །
བླུན་པོས་སྔར་སྲོལ་བཟང་པོ་སྣུབ། །དེ་ཡིས་སྡུག་བསྔལ་དྲག་ཏུ་འཐོབ། །
རྒྱལ་པོ་འུ་དུམ་བཙན་གྱིས་ནི། །བསྟན་པ་བསྣུབས་པའི་ཉེས་དམིགས་ལྟོས། །

པཎ་ཆེན་བསོད་ནམས་གྲགས་པ། (༡༤༠༨ - ༡༥༥༤)

མཁས་པ་ཡོན་ཏན་ཀུན་ལྡན་པས། །གང་དུ་ཕྱིན་པ་དེ་རུ་བྲིན། །

རྟ་ཕོ་བཟང་དང་རྒྱན་བཟང་པོ། །ཚོང་དུས་དག་ཏུ་བྲིན་པ་བཞིན། །

བླུན་པོ་ཉེས་པ་ཀུན་ལྡན་པས། །གང་དུ་ཕྱིན་པ་དེ་ལས་ལྡོག །

བོང་ཤ་ཡིན་པར་ངོ་ཤེས་ན། །སུས་ཀྱང་ཉོ་བ་མེད་ལ་ལྟོས། །

མཁས་པ་ཤིན་ཏུ་རྒུད་ན་ཡང༌། །ཟླ་བ་བཞིན་དུ་ཡར་ངོ་འབྱུང༌། །

བཙོན་རར་འཁོད་པའི་བློན་པོ་མགར། །རྗེས་སུ་ཀུན་ལས་རྒྱལ་ལ་ལྟོས། །

བླུན་པོས་རྟོག་དཔྱོད་མི་གཏོང་བར། །དགྲ་ལ་རྩོད་པ་བླུན་རྟགས་ཏེ། །

མར་མེའི་འོད་ལ་འཐབ་པ་ཡི། །ཕྱེ་མ་ལེབ་ཀྱི་ངང་ཚུལ་ལྟོས། །

མཁས་པས་ལྟོ་གོས་ཁྱད་བསད་ནས། །བཟང་པོའི་གཏམ་ལ་ངོ་སོར་བྱེད། །

དཔའ་བོ་གང་ལའང་མི་ལྟ་བར། །གཡུལ་ལས་རྒྱལ་བར་བྱེད་ལ་ལྟོས། །

མཁས་པས་སྔར་སྲོལ་བཟང་པོ་སྐྱོང༌། །དེ་ཡིས་བདེ་བ་བརྟན་པོ་འཐོབ། །

ཡེ་དབང་རྒྱལ་པོས་ཡབ་མེས་བཞིན། །རྒྱལ་བའི་བསྟན་པ་མཆོད་ལ་ལྟོས། །

བླུན་པོས་སྔར་སྲོལ་བཟང་པོ་སྣུབ། །དེ་ཡིས་སྡུག་བསྔལ་དྲག་ཏུ་འཐོབ། །

རྒྱལ་པོ་འུ་དུམ་བཙན་གྱིས་ནི། །བསྟན་པ་བསྣུབས་པའི་ཉེས་དམིགས་ལྟོས། །

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།