མཁས་པའི་དབང་པོ་ཟམ་གདོང་རིན་པོ་ཆེ།

བཅུ་ཕྲག་ཟམ་ཆེན་བརྒལ་བའི་ཕ་རོལ་ན། །
གནའ་དེང་གཙུག་ལག་ནགས་ལ་དབང་བསྒྱུར་ཅིང་། །
ཆོས་སྲིད་ཁུ་ཆེན་འདེགས་པའི་གདོང་ལྔ་པ། །
གསང་གསུམ་མཛད་བཟང་བོད་ལ་དབང་བར་མཛད། །
བློ་གྲོས་ཁྱོན་ཡངས་ཆུ་གཏེར་ཆེ་ལས་འགོངས། །
བཟང་པོའི་གསུང་གིས་འདོམས་ཚུལ་ཀུན་ལས་འཕགས། །
བསྟན་པའི་གནད་ལ་མཁྱེན་རྩལ་ཀུན་རྫོགས་པའི། །
འཛིན་མའི་མཛེས་རྒྱན་བླ་མར་གུས་ཤིང་བསྔགས། །
ཡང་ན།
གནའ་དེང་གཙུག་ལག་ཟམ་པར་སྟེགས་འཆའ་ཞིང་། །
ཆོས་སྲིད་ཁུར་ཆེན་དགུང་དུ་འདེགས་མཁས་པའི། །
གདོང་ལྔའི་དབང་པོ་ཁྱེད་ཀྱིས་གངས་ཅན་པར། །
ཕུལ་བྱུང་ཞབས་རྗེས་བཞག་པ་ཟུབ་ཏུ་མེད། །
བློ་གྲོས་ཆེན་པོས་བདེན་མཐའ་གསལ་སླད་དུ། །
བཟང་པོའི་ཐབས་ཇུས་སྣ་ཚོགས་འགྲེལ་བཤད་བཅས། །
བསྟན་ཏེ་རང་དབང་སླར་གསོ་ཆོས་སྲིད་གཉིས། །
འཛིན་སྐྱོང་སྤེལ་བའི་རྩ་བ་བརྟན་པར་མཛད། །
ཅེས་པ་འདི་ནི་འཕགས་ཡུལ་ལྷོ་ཕྱོགས་གཞིས་ཆགས་ཁག་ལྔའི་མི་མང་སྤྱི་མགྲིན་གྱིས་བཀའ་བློན་ཁྲི་ཟུར་ཟམ་གདོང་མཆོག་སྤྲུལ་རིན་པོ་ཆེ་མཆོག་གང་ཉིད་ལ་བཀའ་དྲིན་མཛད་རྗེས་བླ་ན་མེད་པ་དྲན་རྟེན་དུ་གུས་པ་ཆེན་པོས་ཕུལ་བ་ལགས་སོ། །
༼ཞེས་པ་འདིའང་གོ་སྒྲིག་པས་སྐུལ་མ་གནང་བ་ལྟར་གུས་པ་མཁར་སྒང་བསོད་ནམས་དབང་ལྡན་གྱིས་བྲིས་པའོ།།༽

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།