འཇིག་རྟེན་བཀོད་པ་པོ་དང་ཡང་ན་ལས་དབང།

གསལ་ཟེར་རྒྱས་པའི་རྟ་བདུན་དབང་པོ་མཁའ་དབྱིངས་དག་པར་འཆར་བ་ན།

འཛིན་མའི་དབུས་ནས་པད་མོ་ཚོགས་ཀྱིས་ཟེའུ་འབྲུ་གེ་སར་ཁྱེད་ལ་ཕྱོགས།

ལྷོ་སྤྲིན་ནག་པོ་རླུང་བུས་དེད་དེ་གློ་བུར་མུན་པས་སྒྲིབ་པར་བྱེད།

ཀྱེ་མའོ་གསུང་དང་ངང་ཚུལ་འདི་ནི་དཀོན་མཆོག་ལས་དབང་གང་གིས་བྱས།

Tongue out

 

གཤོག་ཟུང་རྒྱས་པའི་མཁའ་ལྡིང་དབང་པོ་མཁའ་ལམ་བར་མའི་བགྲོད་ཡུལ་ན།

འདབ་ཆག་ཁྲོད་ནས་འཁྲུང་འཁྲུང་ཚོགས་ཀྱིས་བྱ་རྒྱལ་རྒོད་པོར་ངང་སྒུག་བྱེད།

ཉིན་མོར་ལོང་བའི་སྲིན་བྱ་རྣམས་ནི་མཚན་མོར་མཁའ་དབྱིངས་མུ་ཅོར་སྒྲོག

ཀྱེ་མའོ་གསུང་དང་ངང་ཚུལ་འདི་ནི་དཀོན་མཆོག་ལས་དབང་གང་གིས་བྱས།

Tongue out

ལྷ་བྱ་ཁུ་བྱུག་ལྷོ་མོན་ཡུལ་ནས་གསུང་སྙན་དབྱངས་ཀྱི་འགྱུར་ཁུགས་ན།

འཇོལ་མོ་བྱིའུ་ཚོགས་ཁྱུ་དང་ཁྱུ་བྱས་ཁྱེད་ཀྱི་མགྲིན་དབྱངས་སྐྱོབ་ཡ་བྱེད།

ཁྭ་ཏ་ནག་པོས་ཚང་ནས་ལངས་སྟེ་ཀག་ཀག་ཟེར་ཞིང་སྐད་ངན་སྒྲོག

ཀྱེ་མའོ་གསུང་དང་ངང་ཚུལ་འདི་ནི་དཀོན་མཆོག་ལས་དབང་གང་གིས་བྱས།

Tongue out

གནའ་དེང་ཟུང་ལ་དཔྱོད་པ་ཕྲ་བའི་རིགས་ལམ་ཟབ་མོའི་བགྲོད་ཡུལ་ན།

གཟུར་གནས་སྟོང་གིས་མགོ་བོ་བཏེགས་སྟེ་བློ་གྲོས་འབྱེད་ལ་ངང་སྒུག་བྱེད།

ཕྱོགས་རེས་ཅན་རྣམས་ཉོན་མོངས་གདོན་གྱིས་ཡིད་ནི་ཚེར་མའི་མལ་ན་ལྷུང།

ཀྱེ་མའོ་གསུང་དང་ངང་ཚུལ་འདི་ནི་དཀོན་མཆོག་ལས་དབང་གང་གིས་བྱས།

Tongue out

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།