འབོད་སྒྲ་ཚིག་གསུམ

གྲུབ་མཐའི་ཕྱོགས་ཞེན་ཆེ་བའི་གྲྭ་བཙུན་ཚོའི།།
རང་སེམས་གྱོང་པོ་འདུལ་ན་མི་དགའ་འམ།།
དོན་མེད་རྙོག་གླེང་དོར་ནས་ལེགས་པར་བཞུགས།།
ཐམས་ཅད་སྟོན་པ་གཅིག་གི་སློབ་མ་ཡིན།།
ཆོལ་ཁ་མཆོག་འཛིན་ཆེ་བའི་སྤུན་ཟླ་ཚོའི།།
ཕན་ཚུན་གྲོགས་པོར་གྱུར་ན་དགའ་བ་ལ།།
མཐུན་ལམ་རྡོག་རྩ་ཆིག་སྒྲིལ་ལམ་སྣ་སྟོན།།
ཐམས་ཅད་ཕ་མ་གཅིག་གི་བུ་རྒྱུད་ཡིན།།

གྲོས་ཚོགས་དབྱེན་དཀྲུག་གནང་བའི་སྤྱི་འཐུས་ཚོའི།།
ནར་ནར་ལྕེ་ལ་བདག་པོ་བརྒྱབ་ན་དགའ།།
དགྲ་དགའ་གཉེན་སྡུག་འཁོན་རྩོད་བྱེད་པ་ནོར།།
ཐམས་ཅད་རྩ་དོན་གཅིག་གི་འགན་འཁུར་ཡིན།།

དྲ་གྲོགས་ཚོ་བཀྲ་ཤིས་བདེ་ལེགས་ཞུ་བ་ཆབས་ཅིག་གུས་པས་ཟིན་བྲིས་ནང་རྙོག་གླེང་དང་ཕྱོགས་ཞེན་ཆེ་བའི་གདོང་རེས་དངོས་མེད་ཀྱི་རིགས་མི་ཡོངས་བའི་སྨོན་འདུན་ཞུ་།་ གལ་དེ་བགྲོ་གླེང་སོགས་བྱེད་འདོད་ན་གདོང་དངོས་སྟོན་ནས་ཕེབས་དང་དགའ་བསུ་ཞུ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།