༼ ཕྱོགས་རིས་ཀྱིས་སྨྱོན་པའི་ཀླད་སྟོང་ཚོ།༽

༼ དྲ་གྲོགས་ཚོ་དེ་རིང་ཡང་སྐྱར་མཇལ་བ་མཚམས་འདྲི་ཞུ། ༽ ཁ་སང་དེ་རིང་ཕྱོགས་རིས་ཀྱིས་སྨྱོན་པའི་ཀླད་སྟོང་སྐུ་དྲག་དང་དཔོན་ངན་འབྱོར་ལྡན་ཚོའི་། སློབ་དཔོན་ཆེན་པོ་མཁས་དབང་བློ་བཟང་སེང་གེ་མཆོག་ལ་སྔོན་འགྲོའི་འོས་བསྡུའི་གྲུབ་འབྲས་རྒྱལ་ཁ་ཆེན་པོ་ཐོབ་པ་བརྟེན། ཉེས་མེད་ཉེས་འདོགས་སོགས་མང་དག་བྱེད་ཀྱི་ཡོད། ༡༽གཟིགས་དང་ཁ་སང་དེ་རིང་ཚགས་པར་དང་དུས་དེབ་དྲ་རྒྱ་སོགས་ནང་། མཁས་དབང་བློ་་བཟང་སེང་གེ་མཆོག་ལ་ཉེས་མེད་ཉེས་འདོགས་བྱེད་མཁན་རྒྱ་དམར་ཀླ་ཀློའི་དཔོན་ངན་འགའ་དང་བཙལ་འབྱོར་གཞུང་གིས་ཀླད་སྟོང་སྐུ་དྲག་དང་འབྱོར་ལྡན་དཔོན་ངན་ཚོ་ལས་གཞན་ཕལ་ཆེར་མེད་ཟེར་ཆོག

རྒྱ་དམག་ཀླ་ཀློའི་དཔོན་ངན་ཚོའི་སྔར་ནས་གོང་༸ས་མཆོག་དང་དེའི་ཕྱོགས་ཏོག་མི་རྒན་རེ་གཟུང་རྫོགས་ན་རྩལ་འབྱོར་གཞུང་ལ་གང་ཡང་མེད་བསམ་གྱི་ཡོད། ཡིན་ན་ད་ལྟར་གཞོན་སྐྱེས་ཤེས་འཇོན་གཉིས་ལྡན་གྱི་མཁས་དབང་བློ་སེང་སྔོན་འགྲོའི་བཀའ་ཁྲིའི་འོས་བསྡུའི་གྲུབ་འབྲས་རྒྱལ་ཁ་ཆེན་པོ་ཐོབ་པ་ལ་འཇིགས་སྣང་དང་རྔམ་སྐྲ་བྱས་ནས། ཉེས་མེད་ཉེས་འདོགས་སོགས་བྱེད་ཀྱིས་ཡོད།

སྐུ་དྲག་དང་འབྱོར་ལྡན་དཔོན་ངན་ཚོའི། ཆང་རང་གི་འཐུང་དུས་ར་གཟི། གཞན་གྱིས་འཐུང་དུས་མིག་མཚར་ནས་ཁོ་ཚོའི་ཐབས་ཐང་དབང་ཤུགས་སོགས་སྤྲང་ཕྲུག་ཞིག་ལ་ཤོར་ཉེན་འཇིགས་སྣང་གྱིས། མ་ཉེས་བསྐྱོན་འཛུགས་སོགས་མང་དག་བྱེད་ཀྱི་ཡོད་པས། ཆོལ་གསུམ་སྤུན་ཟླ་སེར་སྐྱ་རྒན་གཞོན་ཚང་མས་སྔར་བཞིན་རྒྱབ་སྐྱོར་དང་ཡིད་གཟབ་གནང་གལ་ཆེ་བ་མཐོང་།

བོད་འདི་ཤི་གསོན་གྱི་དུས་ངན་འདི་ལ་རང་རྒྱལ་གཞན་ཕམ་སོགས་ཀྱིས་རྩོད་གླེང་བྱས་པ་དགོས་དོན་མེད་།གུས་པ་ནི་སྐུ་དྲག་དང་དཔོན་ངན་འབྱོར་ལྡན་ཚོའི་བྱེད་སྟངས་ལ་ཞེན་པ་གཏིང་ནས་ལོག་སོང་།

༢༽ང་ཚོའི་མ་འོང་བཀའ་ཁྲི་གསར་པའི་སྔོན་འགྲོའི་རྩེ་ཏོག་མཁས་དབང་བློ་བཟང་སེང་གེ་མཆོག་ལ་རྒྱལ་ཁ་ཆེན་པོ་འདི་འདྲ་ཞིག་ཐབས་པ་ནི་། ཕྱོགས་རིས་དང་ཐེན་འཁྱེར་སོགས་དོར་ནས་ཆོལ་གསུམ་ཆིལ་བསྒྲིགས་ཀྱིས་ནུས་པ་གསལ་སྟོན་བྱེད་པ་དང་།གཞིས་བྱེས་གཉིས་ཀའི་བློ་མཐུན་གྱིས་གསལ་ཁ་དངོན་པ་རང་ལས་མ་ཏོག་འབར་མ་དང་རྒྱ་ནག་ལྟར་བུའི་འཇིགས་བསྐུལ་དབང་ཤུགས་སོགས་ཀྱིས་ག་ལ་ཡིན། ཨ་མའི་བུ་ལ་ཡོན་ཏན་ཡོད་ན་བཀའ་ཁྲིའི་གསེར་ཁྲི་བདག་པོ་མེད། ཨ་མའི་བུ་ལ་ཡོན་ཏན་མེད་ན་རང་མགོ་རང་འཐོན་སྡོད་ན་དགའ།

༣ ༽གཟིགས་དང་སྐབས་གཉིས་པའི་བཀའ་ཁྲིའི་གྲུབ་འབྲས་གསལ་བསྒྲགས་བྱས་རྗེས། གོང་༸ས་མཆོག་གིས་གསར་འགོད་པ་ཞིག་གི་དྲིས་ལན་དུ་། ངས་བཀའ་ཁྲི་གསར་པ་དེ་གཞོན་སྐྱེས་ཤེས་འཇོན་གཉིས་ལྡན་ཤིག་ལ་རེ་བ་བྱས་ཀྱང་། སྟབས་མ་ལེགས་པ་ཤིག་ལ་བླ་རྒན་མགོ་དཀར་དེ་ཡང་བསྐྱར་འདེབས་འདུག་ཅེས། གོང་༸ས་མཆོག་གིས་དེ་དུས་ནས་གཞོན་སྐྱེས་ཤིག་ལ་ཐུགས་རེ་གནང་བའི་གསལ་ཁ་དེ་སྐུ་དྲག་དང་འབྱོར་ལྡན་དཔོན་ངན་ཚོའི་ཤོ་བག་རྒྱན་རྩད་ལ་མགོ་ཁོར་ནས་ཤེས་མེད་པ་འདྲ།

མ་ཚད་ཡང་དེའི་རྗེས་སུ་གོང་ས་མཆོག་གིས་འདི་ལྟར་གསུང་ཡོད་། ངས་མ་འོང་བཀའ་ཁྲི་དེ་གཞོན་སྐྱེས་ཤིག་ལ་རེ་བ་བྱས་པ་མ་ཚད་བུ་མེད་ཤེས་འཇོན་གཉིས་ལྡན་ཞིག་ལ་ཡང་རེ་བ་བྱས་ཀྱི་ཡོད་ཅེས་གསུངས་མྱོང་།

འདི་ངན་པར་དུ་སྐུ་དྲག་དང་འབྱོར་ལྡན་དཔོན་ངན་ཚོའི་ཤེས་གལ་ཆེ་བ་མ་ཏོག སྟག་འཆམས་ས་ཝ་འཆམས་ན་ཝ་མོའི་རྐད་ཚིག་རྙལ་བ་ལས་གཞན་ཕན་ཐོག་གང་ཡང་མེད། མ་ཚད་དགྲ་དགའ་གཉེན་སྡུག་སོགས་ལས་ངན་གྱིས་བྱ་བ་མང་དག་བསྒྲུབས་ན་ཧ་ཅང་ཡིད་སེམས་སྐྱོ།   དགེའོ།། ༼ འོག་དུ་གདོང་རིས་དངོན་མེད་ཀྱི་རིགས་ལ་དགག་བསྒྲུབས་གང་ཡང་མི་བྱེད།༽

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།