༣༤༽ གསལ་བསྒྲགས་གལ་ཆེན་ཞིག།

zazzle ཟེར་བའི་བཟོ་གྲྭ་དེས། ནང་པའི་ཆོས་ལུགས་ཀྱི་སྟོན་པ་དང་
དབུ་ཁྲིད་ཀྱིས་གཙོས་པའི་ལྷ་དང་གཟུངས་སྔགས་མང་པོའི་
པར་རིས་བཀོད་པའི་ལྷམ་གོག་འགྲེམ་སྤེལ་བྱས་འདུག

དེ་ཡང་ zazzle ཟེར་བའི་བཟོ་གྲྭ་དེས། ནང་བ་སངས་རྒྱས་པའི་ཆོས་ལུགས་ཀྱི་སྟོན་པ་ཤཀྱ་ཐུབ་པ་དང་། ཤེས་རབ་ཀྱི་ལྷ་རྗེ་བཙུན་འཇམ་དཔལ་དབྱངས་ཀྱི་པར་རིས། སྙིང་རྗེའི་ལྷ་འཕགས་པ་སྤྱན་རས་གཟིགས་ཀྱི་གཟུངས་སྔགས། ནང་པའི་དབུ་ཁྲིད་༧གོང་ས་ཏཱ་ལའི་བླ་མའི་སྐུ་པར་བཅས། ལྷམ་གོག་གི་ཕྱི་ངོས་ལ་བཀོད་ནས་བཟོ་སྐྲུན་བྱས་པའི་ལྷམ་མང་པོ་ཞིག་རྒྱལ་སྤྱིའི་ཚོང་ར་ལ་འགྲེམ་སྤེལ་བྱས་ཡོད།

དེ་ནི་ནང་པ་སངས་རྒྱས་པ་ཡོངས་ལ་ཁྱད་གསོད་དང་། མཐོང་ཆུང་། དམའ་འབེབས། རྡོག་རོལ། མནར་གཅོད་བཅས་བཟོད་དཀའ་བ་ཞིག་ཡིན་པར་བརྟེན། ང་ཚོ་རྡ་སའི་དབྱིན་ཡིག་སློབ་ཕྲུག་ཚོགས་པས་དང་བླངས་གིས་ངོ་རྒོལ་ཞིག་བྱ་འཆར་ཡོད་ལ། ཚོགས་པ་དེ་ནི་ཧི་མ་ལ་ཡའི་མི་རིགས་དང་། སོག་པོ། བྷ་མ་སོགས་ནང་པ་མང་པོ་ཞིག་ལས་གྲུབ་པ་ཞིག་ཡིན།

ལས་འགུལ་ལྟེ་བ་སྤེལ་ཡུལ། བཙན་བྱོལ་བོད་ཀྱི་རྒྱལ་ས་མེ་ལོག་ཏུ་ཡིན་ལ། ཡན་ལག་ལས་འགུལ་རྣམས་ས་གནས་མང་པོའི་ནང་སྤེལ་འཆར་ཡོད་པས། རྒྱལ་ཡོངས་ནང་པ་ཡོངས་ཀྱིས་གཙོས། དྲང་བདེན་དང་། བཟང་སྤྱོད་ལ་བརྩི་ཞིང་དུང་བའི་ཕྱོགས་ཡོངས་ཀྱི་མི་མང་རྣམས་ལྷན་ཞུགས་གནང་རོགས་ཞུ་ཞུ།།

ལས་འགུལ་དེའང་གསལ་འགྱུར་བརྒྱུད་ལམ་ཁག་བརྒྱུད་འཛམ་གླིང་ཁྱོན་ཡངས་ལ་སྤེལ་ཐབས་བྱེད་ཀྱིན་ཡོད། ལས་འགུལ་གྱི་ངོ་བོ་ཆབ་སྲིད་དང་འབྲེལ་བ་མེད་པ་ཞིག་ཡིན།

ལས་འགུལ་དེ་ཉིད་ཕྱི་ཟླ་ ༦་པའི་ཚེས་ ༡༩ རེས་གཟའ་སྤེན་པའི་ཉིན་སྤེལ་འཆར་ཡོད་ལ། དུས་ཚོད་གང་གི་ཐོག་ལས་འགུལ་དབུ་འཛུགས་རྒྱུ་དང་། ལས་རིམ་སོགས་ཞིབ་ཕྲའི་གནས་ཚུལ་ཁག་ཡང་སྐྱར་གསལ་བསྒྲགས་སྤེལ་ངེས་ཡིན་པས་དེ་དོན་ཐུགས་འཇག་འཚལ། བཟོ་གྲྭ་དེའི་གནས་ཚུལ་མཁྱེན་འདོད་ན་འདིར་ཡོད།

ང་ཚོ་ལ་གནས་སྐབས་རིང་འདིའི་ཐོག་འབྲེལ་བ་བྱས་ཀྱང་མཐུས། ༩༨༨༢༤༢༣༥༥༩
This e-mail address is being protected from spambots, you need JavaScript enabled to view it རྡ་སའི་དབྱིན་ཡིག་སློབ་ཕྲུག་ཚོགས་པ་ནས་ཕྱི་ཟླ་ ༦ ཚེས་ ༡༤ ཉིན།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:
བསམ་ཚུལ། (1)
འཛམ་གླིང་སྤྱི་ལ་དབང་བའི་ཆོས་ལུགས་འདི་འཛམ་གླིང་གི་མི་སྣ་སུ་རུང་གིས་ཤེས་དགོས་ཀྱི་ཡོད་པ་རེད། དེར་བརྟེན་སྟོན་པའི་སྐུ་བརྙན་སོགས་ཁྱབ་སྤེལ་དེའི་བརྒྱུད་ལམ་ཡག་ཉེས་མེད་པར་གང་ཞིག་བཟུང་ཡང་འགྲིག་གི་ཡོད་པ་རེད། འདིར་དམིགས་བསལ་ཤེས་འདོད་པ་དེ་འདྲའི་ཡོད་ན་ཕེབས་དང་གསལ་བཤད་བྱེད་ཆོག་གི་རེད། དེ་རིང་ང་ལ་དུས་ཚོད་མེད་དགོངས་དག།



བརྗོད་གཞི་གཞན་ཁག་ལ་གཟིགས།