ནུབ་ཕྱོགས་རྩོམ་རིག་ལ་ཤུགས་རྐྱེན་བཞག་མཁན་གལ་ཆེན་གྱི་རྩོམ་པ་མོ།

images/stories/women .jpg
ནུབ་ཕྱོགས་རྩོམ་རིག་ལ་ཤུགས་རྐྱེན་བཞག་མཁན་གལ་ཆེན་གྱི་རྩོམ་པ་མོ།

Western literature influential famous female writer

對西方文學有影響力的著名女作家

 

 

( དྲ་རྩོམ་ཕྱོགས་བསྒྲིགས་བོད་འགྱུར་མ། )

 མཱ་རི་ཞེ་ལི་ Mary Shelley ནི་མཚན་ཉིད་རིག་པའི་མཁས་དབང་དང་བུད་མེད་རིང་ལུགས་པ་མཱ་རི་ཨཱོ་སི་ཐོང་Mary Wollstonecraft གི་བུ་མོ་རེད། གཅིག་བྱས་ན་འཇིག་རྟེན་འདིར་མི་རྣམས་ཀྱིས་མོའི་སྐོར་ཤེས་ཆེ་བ་ནི་མོའི་གྷོ་ཐི་ཁི་Gothic ལུགས་ཀྱི་བརྩམས་སྒྲུང་ཧྥུའུ་རན་ཁཱིན་སི་ཐིན། (Frankenstein)

 ཞེས་པ་དེ་ཡིན་སྲིད།

འོན་ཀྱང་མཱ་རི་ཞེ་ལིའི་ལེགས་སྐྱེས་དེ་ཙམ་གྱི་མི་ཚད། མོས་ད་དུང་དུས་རབས་ ༡༨ པའི་ཨཱིན་གྷི་ལན་ཊི་ England སྲོལ་རྒྱུན་འཆར་ཡན་རིང་ལུགས་པའི་ས་མཚམས་བརྒལ་ཐུབ་སྟེ་གྷོ་ཐི་ཁིའི་ལུགས་ཀྱི་བརྩམས་སྒྲུང་འཕེལ་རྒྱས་ལ་བསྐུལ་འདེགས་བཏང་ཡོད་པ་རེད། མོས་རྩོམ་འབྲིའི་ལམ་ནས་མུན་སེལ་ལས་འགུལ་ Enlightenment གྱི་ལྟ་བར་དགག་པ་རྒྱག་པ་དང་། ད་དུང་མི་རྣམས་ལ་སྲོལ་རྒྱུན་གྱི་ཕོ་མོའི་འབྲེལ་བ་ཐད་ལ་དོགས་སློང་བྱས་ཡོད་པ་རེད། དེང་བར་བུད་མེད་རིང་ལུགས་པའི་རྩོམ་རིག་གི་དགག་རྩོམ་དང་རྩོམ་རིག་ཞིབ་འཇུག་ཚང་མ་ད་དུང་ཡང་མོའི་བརྩམས་ཆོས་ཀྱི་ནང་དོན་དག་བསྐོར་ནས་འཕེལ་རྒྱས་འགྲོ་བཞིན་ཡོད།

 

 

 

ཨཱེ་མི་ལི་ཊི་གྷི་སོན་ Emily Dickinson ནི་ཨ་རིའི་ཆེས་རླབས་ཆེན་དང་མི་རྣམས་ཀྱིས་དགའ་བསུ་ཐོབ་པའི་སྙན་ངག་པ་གྲལ་ཞིག་རེད། མོས་བརྩམས་པའི་སྙན་ངག་ཕྱོགས་བསྒྲིགས།The Complete Poems ཅེས་པ་ཞིག་ཡོད། མོའི་མི་ཚེའི་ནང་ཕལ་ཆེར་སྙན་ངག་བསྡོམས་ ༢༠༠༠ བྲིས་ཡོད་པ་རེད། མོ་རང་རྒྱུན་དུ་ནས་ཁེར་རྐྱང་ཁུ་སིམ་མེར་གཞན་ལ་ཡིབ་སྡོད་པའི་འཚོ་བ་བསྐྱེལ་གྱི་ཡོད་པར་བརྟེན། མོའི་སྙན་རྩོམ་མང་ཆེར་མོ་རང་འདས་གྲོངས་སོང་རྗེས་གཞི་ནས་འགྲེམས་སྤེལ་ཐུབ་པ་བྱུང་། སྙན་ངག་དེ་དག་སྤྱི་ཚོགས་སུ་སྤེལ་བ་ཙམ་གྱིས་མོའི་རྩོམ་འབྲིའི་བློ་རྒྱ་ཆེན་པོ་དང་ཡ་མཚན་དངོས་བྱུང་ལྟ་བུའི་ལུགས་ཀྱིས་རྩོམ་རིག་སྡེ་ཚོགས་ནས་བསྟོད་བསྔགས་ཐོབ་པར་བྱས། མོས་མོ་དང་དུས་རབས་གཅིག་མཚུངས་ཀྱི་སྙན་ངག་པ་དང་ཁྱོན་ནས་མི་འདྲ་བའི་ལུགས་ཀྱིས་སྤྱི་ཁྱབ་ཀྱི་བརྗོད་གཞིར་འཚོལ་སྙེགས་བྱས། དཔེར་ན་ཚེ་སྲོག་དང་བརྩེ་དུང་། ཕམ་ཁ་ལྟ་བུར་འཚོལ་སྙེགས་བྱས། དེ་རྗེས་སྙན་ངག་པའི་མི་རབས་རིམ་བརྒྱུད་ཀྱིས་མོའི་སྙན་ངག་ནས་སོ་སོར་བསྐུལ་སློང་རེ་རག་ཐབས་བྱེད་སྲོལ་ཡོད་པ་རེད།

 

 

 

མཱ་རི་ཝོ་སི་ཐོམ་ཁིར་ཧྥུ་ཐི་ Mary Wollstonecraft ནི་སྤྱི་བཏང་མི་རྣམས་ཀྱིས་བུད་མེད་རིང་ལུགས་པ་གསར་གཏོད་ཀྱི་ཡུམ་ཆེན་ལ་ངོས་འཛིན་དང་། ཡང་ན་བུད་མེད་རིང་ལུགས་ཀྱི་ལས་འགུལ་གསར་གཏོད་ཀྱི་མི་སྣ་ཐོག་མ་ལ་ངོས་འཛིན་བྱེད་ཀྱི་ཡོད་པ་རེད། མོས་བརྩམས་ཆོས་བུད་མེད་ཀྱི་ཐོབ་ཐང་ལ་སྲུང་སྐྱོབ།A Vindication of the Rights of Woman ཅེས་པའི་ནང་བུད་མེད་བཅིང་འགྲོལ་དང་བུད་མེད་ཀྱི་ཤེས་བྱ་སློབ་གསོའི་ཐོབ་དབང་ཐོག་ལ་ཧ་ཅང་ནུས་ལྡན་གྱི་རྟོགས་ཞིབ་བྱས་ཡོད་པ་རེད། དེང་སྐབས་སུ་མི་རྣམས་ནས་མོ་ལ་དེང་རབས་ཀྱི་བུད་མེད་དཔའ་བོ་ཟེར་བའི་མཚན་སྙན་བཏགས་ཡོད་པ་དང་། མོས་བུད་མེད་ཀྱི་ཐོབ་ཐང་འཐབ་རྩོད་ཐད་ལེགས་སྐྱེས་ཧ་ཅང་ཆེན་པོ་བཞག་ཡོད་པ་རེད།

 

 

 

བྷོ་རང་ཐི་བུ་མོ་སྤུན་གསུམ། The three Bronte sisters

བྷོ་རང་ཐི་བུ་མོ་སྤུན་གསུམ་གྱི་ཚབ་མཚོན་བརྩམས་ཆོས་ནི། སྡུག་གི་རྩེ་མོ།Wuthering Heights དང་། ཅཱན་ཨེ།Jane Eyre བུད་མེད་སྐུ་མགྲོན།The Tenant of Wildfell Hall གསུམ་ཡོད་པ་རེད།

 

བུ་མོ་སྤུན་གསུམ་ནང་རེ་རེ་བཞིན་གྱིས་རྩོམ་རིག་གི་ས་མཚམས་སུ་གལ་ཆེན་གྱི་གོ་གནས་རེ་འཛིན་ཡོད་ཅིང་། ཨཱེ་མི་ལིའི་ Emily མི་ཚེ་ཐུང་ཐུང་དེའི་ནང་མོས་སྤྲོ་ཁང་གི་ངུ་སྒྲ་ཅེས་པ་བརྩམས་ཆོས་གཅིག་ཁོ་ན་ལས་མེད་པ་རེད། འོན་ཀྱང་མོས་དེར་སྤྱི་ཚོགས་སུ་གོ་རིམ་སྣ་ཚོགས་ཀྱི་ཟང་ཟིང་ལང་ལོང་དང་བུད་མེད་རྣམས་ཀྱི་གཡོ་འགུལ་མེད་པའི་ལས་དབང་ཉམས་དམན་པའི་གནས་སྟངས་ལ་འགྲེལ་བརྗོད་བྱས་པ་དེས་ཨིན་ཇིའི་རྩོམ་རིག་སྤྱི་ཡོངས་ཀྱི་བཀོད་པ་དེར་བཅོས་བསྒྱུར་བཏང་ཐུབ་ཡོད་པ་རེད། མོའི་གཅེན་མོ་ཆཱ་རོ་ཐི་ Charlotte ནི་གཅིག་བྱས་ན་ཀྱཱན་ཨེ་ Jane Eyre ཞེས་པའི་བརྩམས་སྒྲུང་དེ་བྲིས་པའི་རྐྱེན་གྱིས་མི་རྣམས་ཀྱིས་ཤེས་རྟོགས་བྱུང་བ་ཡིན་སྲིད། བརྩམས་སྒྲུང་དེས་མངོན་གསལ་དོད་པའི་སྒོ་ནས་གཉའ་གནོན་མྱོང་བཞིན་པའི་བུད་མེད་ནས་རྒྱུན་གཏན་འཚོ་བ་ནང་གི་འཐབ་རྩོད་སྐོར་འགྲེལ་བརྗོད་བྱས་ཡོད། བུ་མོ་སྤུན་གསུམ་ནང་གི་ཆུང་ཤོས་ཨཱན་ནི་ Annie ཡི་རྩོམ་ལུགས་ནི་ཧ་ཅང་བློ་རྒྱ་ཆེན་པོ་ཡིན། མོས་བརྩམས་ཆོས་ནང་དུས་རབས་ ༡༩ སྐབས་ཀྱི་སྤྱི་ཚོགས་ཀྱི་རྣམ་པ་འབྲི་བཀོད་བྱས་ཤིང་། མོའི་རྩོམ་གྱིས་སྐབས་དེའི་སྤྱི་ཚོགས་དང་ཁྲིམས་ཀྱི་སྒྲོམ་གཞིར་ཤུགས་རྐྱེན་ཐེབས་ཡོད་པ་རེད།

 

 

 

 

ཅཱན་ཨོ་སི་ཐིང་ Jane Austin གི་གྲགས་ཅན་གྱི་བརྩམས་ཆོས་ཁེངས་དྲེགས་དང་ལོག་ལྟ།Pride and Prejudiceཞེས་པ་དེ་ཡིན།

དུས་རབས་འདིར། ང་ཚོ་མང་ཆེར་གྱིས་ཉུང་མཐའ་ཡང་ཅཱན་ཨོ་སི་ཐིང་གི་བརྩམས་སྒྲུང་རེ་བཀླགས་མྱོང་ཡོད། བུད་མེད་བརྩམས་སྒྲུང་རྩོམ་པ་པོ་ཞིག་ཡིན་པའི་ངོས་ནས་ཅཱན་ཨོ་སི་ཐིང་གི་བརྩམས་སྒྲུང་གིས་མོ་རང་འཚོ་བ་བསྐྱེལ་སའི་དུས་རབས་དེའི་བུད་མེད་ཀྱི་དཔལ་འབྱོར་དང་སྤྱི་ཚོགས་ཀྱི་གོ་གནས་ལ་རྟོགས་དཔྱོད་བྱས་ཡོད། མོ་ནི་འཇིགས་ཞུམ་བྲལ་ཞིང་བརྩེ་ཚོར་དང་ལྡན་པའི་སྒོ་ནས་སོ་སོའི་ལྟ་བ་གསལ་སྟོན་བྱེད་མཁན་ཞིག་ཡིན་ལ། ད་དུང་ཁྱད་མཚར་བའི་ཟུར་ཟའི་རྩོམ་ལུགས་ཀྱི་ཐད་ལ་སྐད་གྲགས་ཆེན་པོ་ཡིན། མོས་རྩོམ་འབྲི་བྱེད་པའི་དུས་སྐབས་དེར་སྤྱི་ཚོགས་ནས་བུད་མེད་རྩོམ་པ་པོ་ལ་ཁ་གཉེར་སྣ་གཉེར་ཚུལ་གྱིས་མི་འདོད་པའི་རྣམ་འགྱུར་སྟོན་གྱི་ཡོད། འོན་ཀྱང་མོས་གནས་སྟངས་དེ་འདྲའི་འོག་ཏུ་ད་དུང་ཡང་རྩོམ་ཡོན་གྱིས་ཁྱིམ་ཚང་སྐྱོང་ཐབས་བྱས་ཡོད་པ་རེད། མོས་དེང་དུས་ཀྱི་རྩོམ་པ་མོ་ཚོར་མདུན་ལམ་སྐྲུན་ཟིན་ཡོད་པ་མ་ཟད། མོའི་བརྩམས་སྒྲུང་ཀློག་མཁན་ད་དུང་ཡང་ཧ་ཅང་མང་པོ་རེད། མོའི་མགོ་པར་གྱིས་ཏཱ་ཨར་ཝུན་Charles Darwin གྱི་མགོ་པར་ཚབ་བྱས་ཏེ་ཨིན་གྷི་ལན་ཊིའི་ England དངུལ་ཁང་གིས་སྤེལ་བའི་སྒོར་མོ་ཨིན་བྷང་ Pound ཤོག་སྒོར་ ༡༠ ཅན་ཐོག་པར་ཡོད་པ་རེད།

 

 

 

ཟཱེ་མོང་ཊི་བྷོ་ཝོལ་Simone de Beauvoir གྱི་བརྩམས་ཆོས་ནི་རྟགས་མཚན་མ་ཨང་གཉིས་པ།The Second Sex ཞེས་པ་དེ་རེད། ཟཱེ་མོང་ཊི་བྷོ་ཝོལ་ནི་དུས་རབས་ ༢༠ པའི་ནང་དངོས་དོན་རིང་ལུགས་པའི་མཚན་ཉིད་མཁས་དབང་གི་གྲལ་གཙོ་བོ་ཞིག་ཡིན། དེས་མི་སེམས་སྒུལ་ཤུགས་ཆེ་བའི་གསར་བརྗེའི་རང་བཞིན་གྱི་བརྩམས་ཆོས་རྟགས་མཚན་མ་ཨང་གཉིས་པ། ཞེས་པའི་ནང་སྤྱི་ཚོགས་ཀྱི་གང་སར་ལོ་རྒྱུས་འགྱུར་ལྡོག་གི་འཕེལ་རིམ་ནང་བུད་མེད་ལ་དམིགས་པའི་ཕོ་མོའི་དབར་གྱི་མཐོང་ཆུང་གི་སྲོལ་རྒྱུན་ལམ་ལུགས་རྣམས་འབྲི་བཀོད་བྱས་ཡོད་པ་རེད། བརྩམས་ཆོས་འདི་ནི་བུད་མེད་དབང་ཤུགས་རིང་ལུགས་པར་མཚོན་ན་ཧ་ཅང་གལ་འགངས་ཆེ་བ་ཞིག་ཆག་ཡོད་པ་དང་། དེ་ནི་དུས་རབས་ ༢༠ ཡི་མཚན་ཉིད་ཀྱི་གལ་ཆེ་བའི་ཆ་ཤས་གྲལ་ཞིག་ཀྱང་ཡིན་པར་ངོས་འཛིན་བྱེད། དེང་བར་ཁོང་མོས་བུད་མེད་ཀྱི་སྤྱི་ཚོགས་གོ་གནས་དེ་འགྱུར་ལྡོག་གཏོང་ཐབས་ལ་ད་དུང་ཡང་རླབས་ཆེན་གྱི་ཤུགས་རྐྱེན་ཐེབས་བཞིན་ཡོད་ཅིང་། དེའང་རྩོམ་རིག་སྡེངས་ཆའི་ཐོག་ནས་ཞིབ་འཇུག་གི་ཁ་ཕྱོགས་གཅིག་ཏུ་གྱུར་ཡོད་པ་རེད།

 

 

 

 

ཝཱེ་ཀི་ཉི་ཡ་ཝོ་ཧྥུའུ་Virginia Woolf ཡི་བརྩམས་ཆོས་ནི་སྒེར་གྱི་ཁང་མིག་གཅིག (A Room of One’s Own ཅེས་པ་དེ་ཡིན། ཝཱེ་ཀི་ཉི་ཡ་ཝོ་ཧྥུའུ་ནི་དེང་རབས་རིང་ལུགས་ཀྱི་ལས་འགུལ་པའི་རྨང་གཞི་བཙུགས་མཁན་གྲལ་ཞིག་རེད། མོ་ནི་རྩོམ་རིག་ལ་ཁྱད་དུ་འཕགས་པ་ཞིག་ཡིན། མོའི་བརྩམས་ཆོས་ཀྱིས་རྩོམ་རིག་གི་ཁོར་ཡུག་ཡོངས་སུ་ཧ་ཅང་རླབས་ཆེན་གྱི་ཤུགས་རྐྱེན་བཞག་ཡོད། མོས་ཚོད་ལྟའི་རང་བཞིན་གྱི་ལྷུག་རྩོམ་དང་ནུས་ཤུགས་ལྡན་པའི་རྩོམ་ཐུང་ཞོར་བྲིས་ཀྱིས་སྐད་གྲགས་ཁྱབ་ཅིང་། རྩོམ་འབྲིའི་བརྗོད་གཞི་གཙོ་བོ་སྤྱི་ཚོགས་དང་ཆབ་སྲིད་དོན་རྐྱེན། ད་དུང་བུད་མེད་ཀྱི་སྤྱི་ཚོགས་གོ་གནས་བཅས་ཚུད་ཡོད་པ་རེད། ཝཱེ་ཀི་ཉི་ཡ་ཝོ་ཧྥུའུ་ཡི་བརྩམས་ཆོས་ཀྱི་ཤུགས་རྐྱེན་ཆེ་གྲལ་གཅིག་ནི་བརྩམས་ཆོས་དེ་དག་བརྒྱུད་ཁོང་མོས་བུད་མེད་རྣམས་སྤྱི་ཁྱབ་ཀྱི་ཁོར་ཡུག་གཅིག་ཏུ་འཁྲིད་བཞིན་ཡོད། རྙིང་ལུགས་ཀྱི་ཕོ་མོའི་རྟགས་མཚན་མ་ལ་དོགས་སློང་གི་སྒོ་ནས་མོས་བུད་མེད་རང་དབང་གི་གོ་གནས་ཆེད་དུ་གསལ་བརྗོད་བྱེད་ཀྱི་ཡོད། དེང་མོའི་བརྩམས་ཆོས་དེ་དག་གིས་ད་དུང་ཡང་ཀློག་པ་པོ་དང་རྩོམ་པ་པོ་རྣམས། དེ་བཞིན་མཁས་པ་རྣམས་ལ་ཤུགས་རྐྱེན་སྟེར་བཞིན་ཡོད་པ་རེད།

 

 

 

 

མཱ་རི་ཨན་ཅི་ལོ་Maya Angelo ཡི་བརྩམས་ཆོས། ངས་ལྕགས་ཁྲ་ནང་གི་བྱིའུ་ཡིས་གླུ་གཞས་ལེན་དོན་ཅི་ཡིན་ཤེས།I Know Why The Caged Bird Sings ཅེས་པ་དེ་རེད། མཱ་རི་ཨན་ཅི་ལོ་ནི་ལོ་རྒྱུས་ཐོག་ཨ་རི་བ་མིན་པའི་རྩོམ་པ་པོ་ཧ་ཅང་གྲགས་ཅན་ཞིག་རེད་ཅེས་བཤད་ཆོག མོས་སྲོལ་རྒྱུན་མིན་པའི་སྒྲོམ་གཞི་ཡིས་རང་རྣམ་ལུགས་ཀྱི་བརྩམས་ཆོས་བདུན་གསར་རྩོམ་བྱས། རྩོམ་ལུགས་དེས་རྗེས་རབས་ཀྱི་རྩོམ་རིག་ལམ་ལུགས་ལ་ཤུགས་རྐྱེན་ཧ་ཅང་ཆེན་པོ་བཞག་ཡོད་པ་རེད། འོན་ཀྱང་མོས་ཀྱང་བརྩམས་ཆོས་བདུན་དེར་བརྟེན་ནས་རྩོམ་རིག་གི་རྣམ་པ་དེར་བཅོས་བསྒྱུར་བཏང་ཡོད་པ་རེད། མོས་ཀློག་པ་པོ་ཚོ་རིགས་རུས་ཀྱི་ས་མཚམས་ནས་བརྒལ་ཐབས་ལ་རོགས་འདེགས་བྱས་པ་དེ་ནི་དེང་རབས་རྩོམ་རིག་ཐོག་ཧ་ཅང་རླབས་ཆེན་གྱི་སྐད་སྒྲའི་གྲལ་ཞིག་ཡིན། མོས་གུ་ཡངས་ཀྱི་སྒོ་ནས་ཐད་ཀར་རྩོམ་འབྲི་བྱེད་པའི་རྩོམ་རིག་གི་ལམ་ལུགས་དེས་བུད་མེད་རྩོམ་པ་པོ་ཡོངས་ལ་སྔར་བའི་ཡངས་ཤིང་རྒྱ་ཆེ་བའི་ས་ཤིག་བསྐྲུན་ཡོད་པ་རེད།

 

 

 

 

 

ཐཱོ་ཉི་མོ་རིས་ཟིན་Toni Morrison གྱི་ཚབ་མཚོན་བརྩམས་ཆོས་ནི་གཅེས་ཕྲུག་Belovedཅེས་པ་དེ་ཡིན། ནཱོ་བྷེལ་ Nobel

རྩོམ་རིག་བྱ་དགའ་དང་ཧྥོ་ལི་ཙི་ Pulitzer Prize བྱ་དགའ་གཉིས་ཀ་ཐོབ་མྱོང་མཁན་མོ་ནི་རྩོམ་པ་པོ་ཞིག་ཡིན་པ་མ་ཚད། ད་དུང་སློབ་དཔོན་ཆེན་པོ་ཞིག་ཀྱང་རེད། མོའི་བརྩམས་ཆོས་མིག་སྔོན་མོ་ (The Bluest Eyeདང་། སཱོ་ལོ་མོན་གྱི་གླུ་གཞས། (Song of Solomon གཅེས་ཕྲུག (Be loved བཅས་ནི་མི་ཚང་མས་ཤེས་རྟོགས་ཡོད་པའི་བརྩམས་ཆོས་ཤ་སྟག་རེད། མོས་དེང་རབས་རིག་གནས་ཐོག་གསར་བརྗེའི་རང་བཞིན་ལྡན་པའི་ཤུགས་རྐྱེན་བཞག་ཡོད། མོའི་བརྩམས་སྒྲུང་ནང་སྲ་བརྟན་འགྱུར་མེད་ཀྱི་སྒོ་ནས་མི་ནག་ཚོའི་ཉམས་མྱོང་འགྲེལ་བརྗོད་བྱས་ཡོད་པ་དང་། ལོ་རྒྱུས་སམ་སྒྲུང་དེ་དག་གིས་མི་རྣམས་ལ་གཡོ་འགུལ་རང་བཞིན་ཅན་གྱི་ཤུགས་རྐྱེན་སྤྲད་ཐུབ་པ་བྱུང་བ་མ་ཟད། དེས་མི་དཀར་པོ་ཚོའི་སྒེར་གཅོད་ཀྱི་དབང་ཤུགས་ལ་འཐབ་རྩོད་ཀྱང་བྱས་ཡོད་པ་རེད།

 

 

 

 

ཅཱེ་ཁི་རོ་ལིང་ JK Rowling གི་ཚབ་མཚོན་བརྩམས་ཆོས་ནི་ཧཱ་རི་པཱོ་ཐེ་སེ་རི་སཱི་Harry Potter Seriesཟེར་བ་དེ་རེད། དེ་ནི་མི་རྣམས་ཀྱིས་ཧ་ཅང་དགའ་བསུ་ཐོབ་པའི་ཧཱ་རི་པཱོ་ཐེའི་འཆར་ཡན་གྱི་ལེའུ་ལྡན་པ་ཞིག་ཡིན་ལ། མོ་ནི་བརྩམས་ཆོས་དེའི་རྩོམ་པ་པོ་རེད། ཅཱེ་ཁི་རོ་ལིང་ནི་ལོ་རྒྱུས་ཐོག་ཀློག་པ་པོ་མང་ཤོས་ཡོད་པའི་རྩོམ་པ་པོའི་གྲལ་ཞིག་རེད། མོས་རྩོམ་ནང་ཡ་མཚན་དངོས་བྱུང་གི་འཆར་ཡན་གྱི་བསམ་བློ་སྦྲེལ་ཏེ་འཚར་ལོང་བྱུང་བ་དང་། ཉེན་མཆོང་ཕོད་པ། འཆར་ཡན་བཅས་ཀྱི་ཕྱོགས་ཚུད་ཡོད། ཧཱ་རི་པཱོ་ཐེའེ་ནི་ལོ་རྒྱུས་ཐོག་ཆེས་འགྲེམས་ཆེ་བའི་དཔེ་དེབ་ཅིག་ཆག་ཡོད་པ་མ་ཟད། དེས་དུས་རབས་གསར་པའི་གཞོན་སྐྱེས་རྣམས་ལ་ཀློག་སྤྲོ་བའི་བསྐུལ་བཅག་ཀྱང་ཆེན་པོ་སྟེར་བཞིན་པ་ཡིན།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།