མདོ་ཁམས་ཆུ་བཞི་སྒང་དྲུག་གི་སློབ་ཡོན་གསལ་བསྒྲགས།

མདོ་ཁམས་ཆུ་བཞི་སྒང་དྲུག་དབུས་སྤྱི་ཁྱབ་རྒྱུན་ལས་ཁང་ནས་ཆུ་སྒང་ཚོགས་པའི་ན་གཞོན་སློབ་ཕྲུག་གྲངས་༢༠ལ་སློབ་ཡོན་འབུལ་རྒྱུ་དང་དོན་འགྲུབ་གླིང་གཞིས་ཆགས་ཀྱི་རྒས་གསོ་ཁང་དུ་རྒས་ཁོག་༦ས་མིག་སྟོང་པ་ཡོད་པའི་གསལ་བསྒྲགས་གནང་འདུག

དེ་ཡང་གསལ་བསྒྲགས་ནང་འཁོད་དོན། ༄༅།། །མཁྱེན་ཡངས་མདོ་ཁམས་ཆུ་བཞི་སྒང་དྲུག་ས་གནས་རྒྱུན་ལས་ཁག་གི་ཚོགས་གཙོ་དབུས་རྒྱུན་ལས་ལྷན་རྒྱས་མཆོག་གི་དྲུང་དུ།
ཆེད་ཞུ།
དགོངས་མངའ་བཞིན་༸གོང་ས་༸སྐྱབས་མགོན་ཆེན་པོ་མཆོག་གིས་བཀའ་སློབ་རིམ་པའི་ནང་ ཤེས་ཡོན་སྐོར་འཐུས་ཤོར་ཆེན་པོ་ཕྱིན་ཡོད་པ་སོགས་བཀའ་ནན་ཕེབས་པ་སོང་། མདོ་ཁམས་ཆུ་བཞི་སྒང་དྲུག་ཚོགས་པའི་ངོས་ནས་རང་རང་ནུས་པ་ལ་དཔག་པའི་བཀའ་ཡའི་ཆ་ ཤས་ཕྲ་མོ་ཙམ་སྒྲུབས་ཐུབ་པའི་རེ་བ་ཞུས་ཏེ་ཆུ་སྒང་ཚོགས་པའི་ན་གཞོན་སློབ་ཕྲུག་ གྲངས་ ༢༠ ལ་སློབ་ཡོན་འབུལ་རྒྱུ་ཐག་ཆོད་བྱུང་བ་ལྟར་སྔོན་དུ་གསལ་བསྒྲགས་ཞུས་ཟིན་འདུག་ ཀྱང་། ས་གནས་ཁག་འགའ་ཤས་ནང་ས་གནས་རྒྱུན་ལས་ཁག་གི་བརྒྱུད་ནས་གསལ་བསྒྲགས་འཐུས་གཙང་མ་ བྱུང་བ་སོགས་ལ་བརྟེན། ད་ལམ་དབུས་རྒྱུན་ཚོགས་ཐེངས་གཉིས་པའི་སྐབས་བཀའ་བསྡུར་ཐག་གཅོད་བྱུང་བ་ལྟར་ ༢༠༡༢ ཟླ་ ༡ ཚེས་ ༣༡ བར་མཐའ་མའི་འཚང་སྙན་འབུལ་རྒྱུའི་དུས་ཚད་ཕྱིར་འགྱངས་གནང་གཏན་འཁེལ་ཡོད།

མདོ་ཁམས་ཆུ་བཞི་སྒང་དྲུག་ཚོགས་པའི་དོན་འགྲུབ་གླིང་ གཞིས་ཆགས་སུ་རྒས་གསོ་ཁང་ཡོད་པ་དེའི་ནང་རྒས་ཁོག་མི་གྲངས་དྲུག་གསར་དུ་འཛུལ་ བཞུག་བྱ་ཡུལ་ས་མིག་སྟོང་པ་ཡོད་ན་ས་གནས་རྒྱུན་ལས་ཁག་གི་བརྒྱུད་ནས་རྒྱབ་གཉེར་ དང་ལོ་རྒྱུས་འདྲ་སྤར། ཆུ་སྒང་ལག་དེབ་ངོ་བཤུས་བཅས་ ༢༠༡༢ ཟླ་ ༡ ཚེས་ ༣༡ ནང་ཚུད་འབུལ་དགོས། གོང་གསལ་སློབ་ཡོན་དང་རྒས་གསོ་ཁང་དུ་གསར་ཞུགས་བཅས་ཀྱི་འཚང་སྙན་གོང་གི་དུས་ ཚད་ནང་མདོ་ཁམས་ཆུ་བཞི་སྒང་དྲུག་དབུས་སྤྱི་ཁྱབ་རྒྱུན་ལས་ཁང་དུ་འབུལ་འབྱོར་ ཐུབ་པ་དགོས། དེ་རྗེས་འཚང་སྙན་འབུལ་འབྱོར་བྱུང་རིག་ངོས་ལེན་ཞུ་རྒྱུ་མིན་པ་བཅས་ཀྱི་གསལ་ བསྒྲགས་སུ། མདོ་ཁམས་ཆུ་བཞི་སྒང་དྲུག་དབུས་སྤྱི་ཁྱབ་རྒྱུན་ལས་ཁང་ནས་ ༢༠༡༡ ཟླ་ ༡༡ ཚེས༢༥ཉིན།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།