གསལ་བསྒྲགས།

གལ་ཆེའི་རྩོམ་ཡིག་བསྡུ་བའི་གསལ་བསྒྲགས།


༅༅།། མཁྱེན་དཔྱོད་དང་ལྷག་བསམ་ཟུང་གིས་རབ་ཏུ་ཕྱུག་པའི་བོད་ཀྱི་རྩོམ་པ་བོ་རྒན་གཞོན་ཕོ་མོ་ཡོངས་ཀྱི་སྙན་ལམ་དུ།

ཆེད་དུ་ཞུ་སྙིང་།

རང་རེ་བོད་མི་རིགས་ཀྱི་རྒྱལ་གཅེས་སྙིང་སྟོབས་ཀྱིས་རབ་ཏུ་ཕྱུག་པའི་རླབས་ཆེན་དཔའ་བོ་དཔའ་མོ་གང་མང་ཞིག་གིས་འདི་ལྟར་འགྲོ་བ་མིའི་རིགས་སྤྱི་ལ་ཐུན་མོང་དུ་དབང་བའི་རང་དབང་དང་ཐོབ་ཐང་འཐབ་རྩོད་སླད་དུ།
རང་ཉིད་ཀྱི་གཅེས་བའི་མི་ལུས་རིན་པོ་ཆེའང་ཕངས་སེམས་མེད་པར་སྙིང་སྟོབས་ཀྱི་མེ་རུ་བསྒྲོན་དང་སྒྲོན་བཞིན་ཡོད།
གནད་དོན་འདི་ནི་འཛམ་གླིང་རང་དབང་འཐབ་རྩོད་ཀྱི་ལོ་རྒྱུས་ཁྲོད་དུ་གཟི་འོད་འཚེར་བའི་རླབས་ཆེན་གྱི་ཞབས་རྗེས་རེ་རེ་ཡིན་ཨང་།
དེའི་ཕྱིར།
ང་ཚོ་གཞོན་སྐྱེས་ཁ་ཤས་ཀྱིས་མཉམ་འབྲེལ་གྱིས་མི་རིང་བར་༼འབར་གྱིན་པའི་བོད་༽ཅེས་པའི་དཔྱད་རྩོམ་ཕྱོགས་བསྒྲིགས་ཀྱི་དམིགས་བསལ་ཆེད་དེབ་ཅིག་འདོན་སྤེལ་བྱེད་རྒྱུ་ཡིན་ལ།
ཆེད་དེབ་དེའི་འདིའི་དམིགས་ཡུལ་གཙོ་བོ་འཛམ་གླིང་འཐབ་རྩོད་ལོ་རྒྱུས་ཁྲོད་ཀྱི་རང་ལུས་མཆོད་འབུལ་གྱི་འཐབ་རྩོད་སྤྱི་དང་།
བྱེ་བྲག་རང་རེ་བོད་ཀྱི་སྤུན་ཟླ་མང་བོ་ཞིག་གིས་རླབས་ཆེན་འཐབ་རྩོད་འདི་ལག་ལེན་དུ་བསྟར་བའི་གནད་དོན་ལ་ཕྱོགས་ཡོངས་ནས་ཞིབ་འཇུག་འཚོལ་ཞིབ་བྱས་པའི་དཔྱད་རྩོམ་སྤུས་ལེགས་གང་མང་ཕྱོགས་བསྒྲིགས་བྱེད་རྒྱུ་དེ་ཡིན།

དཔྱད་རྩོམ་འདི་དག་མ་འོངས་པར་རླབས་ཆེན་འཐབ་རྩོད་འདི་ལ་བསྐྱར་དུ་ཞིབ་འཇུག་དང་ལོ་རྒྱུས་འཚོལ་བསྡུ་བྱེད་མཁན་དག་གི་ཁུངས་འཕེར་ཚད་ལྡན་དཔྱད་གཞིའི་ཡིག་རིགས་ཤིག་ཆགས་ཐུབ་པ་བྱེད་རྒྱུ་དེ་ཡིན།
མི་རབས་སྔོན་མའི་འཐབ་རྩོད་ལོ་རྒྱུས་ཀྱི་བརྒྱུད་རིམ་ཁག་མི་རབས་ཕྱི་མར་རྩིས་སྤྲོད་དང་ཉར་ཚགས་བྱེད་རྒྱུ་ནི་མི་རིགས་འཐབ་རྩོད་ཀྱི་ལོ་རྒྱུས་ཁྲོད་ཀྱི་གཏན་ནས་འདོར་ཐབས་མེད་པའི་གནད་དོན་གལ་ཆེན་ཞིག་ཡིན་པ་བཞིན།
མཆོག་ཉིད་ཀྱིས་ཀྱང་ཕུགས་རྒྱང་རིང་བོའི་དགོས་མཁོ་དང་གལ་གནད་ལ་དམིགས་ནས་གོང་གསལ་གནད་དོན་དེ་དག་གི་ཐོག་རྣམ་དཔྱོད་ཀྱིས་ཞུན་མར་བརྡར་བའི་ཕྱག་རྩོམ་སྤུས་ལེགས་ཞིག་འབུལ་གནང་ཡོངས་པའི་གསོལ་འདེབས་སྐྱབས་འཇུག་གྲངས་མེད་ཞུ་བ་ལགས།

( ཕྱི་ལོ་༢༠༡༢ཟླ་༠༢ཚེས༥ཉིན་བར་རྩོམ་བསྡུའི་དུས་ཚོད་ཐ་མ་ཡིན།)


ཕྱག་རྩོམ་བསྐུར་ཡུལ།
གཙོ་སྒྲིག་པ: གངས་རིའི་ཉི་མ།
གློག་འཕྲིན། This e-mail address is being protected from spambots, you need JavaScript enabled to view it
ཁ་པར། ༠༨༧༤༥༩༤༧༥༡༦