ཕུ་གསུམ་ཕུ་ན་བཞུགས་པའ་མཛའ་གཞས།

མཛའ་གཞས། ཕུ་གསུམ་ཕུ་ན་བཞུགས་པའི།། ཕུ་ཡི་མཚམས་པ་རྒན་པོ།། ང་དང་ཆུང་འདྲེས་བྱམས་པ།། ལས་འཕྲོ་ཨེ་འདུག་གཟིགས་རོགས།། ཁ་འབྲས་གཞན་ལས་མཚར་བའི།། སྙིང་ཐུབ་བུ་མོའི་རྣམ་པ།། མིག་གིས་རྒྱང་ནས་མཇལ་བའི།། ཤེལ་སྒོ་ནང་གི་མོག་མོག། བཅོ་ལྔའི་དུང་ཟླ་དཀར་པོ།། ནམ་མཁའི་དབྱིངས་ནས་གཤེགས་ཀྱང༌།། ལྷོད་མེད་བརྩེ་བའི་འོད་ཟེར།། ས་ལ་འཆར་བ་གནང་དང༌།། ཤིང་སྡོང་རླུང་གིས་སྒུལ་བས།། སྡོང་ལོ་ས་ལ་ལྷུང་སོང༌།། ང་དང་ཆུང་འདྲེས་བྱམས་པའི།། ལས་འཕྲོ་རྫོགས་པ་ཡིན་འགྲོ། ལྷ་ཁང་ཟླུམ་པོའི་ནང་དུ།། གསང་དང་མ་གསང་མི་འདུག། སྐོར་ལམ་གྲུ་བཞིའི་ནང་དུ།། རྒྱ་གྲགས་བོད་གྲགས་ཆགས་འདུག། ལྕང་གླིང་གྲུ་བཞིའི་ནང་གི། གསུང་སྙན་བྱེ་འུ་མཇོལ་མོ།། ང་དང་ཆུང་འདྲིས་བྱམས་པའི།། གསང་གཏམ་གཞན་ལ་བ་གསུང༌།། 

༡ གཟུགས་པོ་བོད་ལ་སྡོད་དུས།། སེམས་པ་ཁྱོད་ལ་ཤོར་སོང༌།། ཐུགས་སེམས་གཞན་གཏད་དུས།། ཞེན་པ་གཏིང་ནས་ལོག་སོང༌།། ཞལ་རས་ཟླ་བ་འདྲ་དུས།། སེམས་པ་ཁྱོད་ལ་ཤོར་སོང༌།། གསུང་སྐད་དབྱིན་ཇི་སྐྱོན་དུས།། ཞེན་པ་གཏིང་ནས་ལོག་སོང༌།། སྐུ་གཟུགས་སྨྱུག་མ་འདྲ་དུས།། སེམས་པ་ཁྱོད་ལ་ཤོར་སོང༌།། སྐུ་སྨད་ཚོང་རྫས་བྱེད་དུ།། ཞེན་པ་གཏིང་ནས་ལོག་སོང༌།། ཟླུམ་རྒྱས་ནུ་མ་འབུར་དུས།། སེམས་པ་ཁྱོད་ལ་ཤོར་སོང༌།། བུ་གསོད་སྨན་ཁབ་གཟེད་དུས།། ཞེན་པ་གཏིང་ནས་ལོག་སོང༌།། རྣམ་པ་ལྷ་ལས་མཛེས་དུས།། སེམས་པ་ཁྱོད་ལ་ཤོར་སོང༌།། སྤྱོད་པ་འདྲེ་ལས་ངན་དུས།། ཞེན་པ་གཏིང་ནས་ལོག་སོང༌།། ༢ ཀུན་དང་གྲོགས་པོ་བྱེད་དུས།། སེམས་པ་ཁྱོད་ལ་ཤོར་སོང༌།། མི་ཚེ་རིན་ཐང་བརླག་དུས།། ཞེན་པ་གཏིང་ནས་ལོག་སོང༌།། ཀྲོག་ཀྲོག་གཞན་ལས་ཚ་དུས།། སེམས་པ་ཁྱོད་ལ་ཤོར་སོང༌།། དབྱིན་ཇི་སྤོ་ཏོས་ཁྲིད་དུས།། ཞེན་པ་གཏིང་ནས་ལོག་སོང༌།། ཁ་ལ་ལིབ་སི་བྱུག་དུས།། སེམས་པ་ཁྱོད་ལ་ཤོར་སོང༌།། ཕྱི་གླིང་མཇེ་མགོ་ནུ་དུས།། ཞེན་པ་གཏིང་ནས་ལོག་སོང༌།། སྐུ་གཟུགས་རྨ་བྱ་འདྲ་དུས།། སེམས་པ་ཁྱོད་ལ་ཤོར་སོང༌།།། སྟུ་ཤ་ཚོང་རྫས་བྱེད་དུས།། ཞེན་པ་གཏིང་ནས་ལོག་སོང༌།། 

ཕྱིར་དྲན་ཤོར་བའི་འཚམས་འཕྲིན། མ་མཇལ་ཟླ་ཤས་ཀྱི་རིང་ལ།། སེམས་ཉིད་སྟོང་གསལ་དུ་ཐིམ་ཡང༌།། ཁ་རྩང་ཞལ་པར་ཞིག་འབྱོར་བས།། དྲན་པའི་སྐུལ་འདེད་ཅིག་བཏང་བྱུང༌།། སྙིང་གི་ཁོག་སྲུབ་ནས་ཤོར་བའི།། གསང་གཏམ་ཁ་པར་ནས་བརྒྱུད་དེ།། ཟུང་ལྡན་ཐོས་འཛིན་གྱི་འདབ་མར།། དུས་ཐོག་ཆར་པ་བཞིན་འབབ་བྱུང༌།། འདང་དགུང་ཐུན་གསུམ་གྱི་རྨི་ལམ།། དབྱར་གྱི་མཚོ་མོ་བཞིན་འཁྲུགས་སོང༌།། ད་ནང་ཞོགས་ཇ་ཡང་བརྗེད་ནས།། གོམ་ཁ་ལས་ཁུངས་ལ་སྤོས་འདུག། ཁྱོད་ཞལ་ཟླ་གཞོན་གྱི་འཛུམ་རླབས།། བརྩེ་མདངས་འོད་རིས་ཀྱིས་ཁྱུད་ནས།། བདག་སེམས་དྭངས་གཙང་གི་མཁའ་དབྱིངས།། བཅོ་ལྔའི་དུང་ཟླ་བཞིན་ཚེས་བྱུང༌།། མ་བཅོས་སེམས་ཁམས་ཀྱི་རི་མོ།། སེམས་ལ་སྦས་ཐབས་ཤིག་མི་འདུག། རང་དབང་སྨྲ་བརྗོད་ཀྱི་བརྡ་དོན།། ནག་ཆུང་ཨང་ཡིག་ཐོག་ཕབ་ཡོད།། ངུར་སྨྲིག་བླ་གོས་ཀྱི་གསེབ་ནས།། གསང་རྒྱའི་དབུ་ཁྱུད་ཀྱི་བརྡ་ཡིག། ཞོགས་པའི་བསིལ་རླུང་ལ་བསྐུར་ན།། བྱམས་བརྩེའི་སྤྱན་ཞགས་ཤིག་འཕེན་རོགས།། ༢༠༠༥་༧་༢༨་ཉིན་བྲིས། བེ་རི་འཇིགས་མེད་ཀྱིས།

ཀྱེ་ཨ་ཅག་ལགས།  མཐོ་རིམ་སློབ་གྲྭ་ཐོན་པའི།། ཨ་ཅག་ཤེས་ཡོན་ཆེན་པོ།། ཤེས་བྱ་ཡོན་ཏན་ཡོད་ན།། བོད་སྐད་གཙང་མ་རྒྱག་ཤོག། དབུ་སྐྲ་སིལ་ལི་བཞག་མཁན།། ཨ་ཅག་རྣམ་པ་ཡག་པོ།། གཟུགས་དང་རྣམ་པ་ཡོད་ན།། ཁྱོ་ག་བོད་པ་ལེན་ཤོག། རྟིང་ཀ་ཙོག་ཙོག་གོན་མཁན།། ཨ་ཅག་སྐུ་གཟུགས་བདེ་པོ།། ཉམས་དང་སྒྱུ་རྩལ་ཡོད་ན།། བོད་པའི་ཞབས་བྲོ་འཁྲབ་ཤོག། ཁ་ལ་དམར་རྩི་བྱུག་མཁན།། ཨ་ཅག་དང་འདོད་ཚ་བོ།། གསུང་སྐད་སྙན་པོ་ཡོད་ན།། བོད་གཞས་གཙང་མ་ཐོང་ཤོག། ནུ་འབུར་ཟུར་ནས་བཏོན་མཁན།། ཨ་ཅག་ཀྲོག་ཀྲོག་ཚ་བོ།། མི་རིགས་ལ་རྒྱ་ཡོད་ན།། ཕྱི་རྒྱལ་ཕེབས་རྒྱུ་གཡུགས་ཤོག། སྨད་གཡོག་ཐུང་ཐུང་གོན་མཁན།། ཨ་ཅག་མཛེས་ལྡན་ལྷ་མོ།། ཁྲེལ་དང་ངོ་ཚ་ཡོད་ན།། སྐུ་སྨད་བཙོང་རྒྱུ་གཡུགས་ཤོག། གོས་ཐུང་ཁྲ་ཁྲ་གོན་མཁན།། ཨ་ཅག་ཁྲ་ཆིལ་དགུ་ཆིལ།། སྐྱེས་པ་ཕོ་དང་འདྲ་ན།། གཅིན་པ་ལངས་ནས་ཐོང་ཤོག།   ༡༩༩༩ ལོར་བྲིས། འདིར་ཐད་ཀ་འབྲེལ་བ་མེད་ནའང་། ཀློག་པ་པོ་ཁག་གཅིག་ལ་སྤྲོ་བ་སྐྱེད་རེས་འགོད་ཁུལ་བྱས་པ་ཡིན། བེ་རི་འཇིགས་མེད་ཀྱིས། 

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:
བསམ་ཚུལ། (4)
4 ༢༠༢༠༠༩༡༣༠༢
བསམ་ཚུལ་ཟེར་བ་རང་དབང་ཡིན་ན་ཡང་ཅི་བཤད་མིན་ལ་ངེས་པར་འགན་ཁུར་ཞིག་ཁུར་དགོས་པ་ཡིན།དྲ་གྲོགས་མགོན་པོ་ལགས་ཀྱིས་ཚིག་མཚོན་འདེབས་པ་ཙམ་ལས་དོན་གྱི་མཚོན་ཆ་ཕྱར་བའི་གདེངས་སྤོབས་མེད་པ་འདྲ།བེ་རི་ལགས་ཀྱི་རྩོམ་རིག་བསམ་བློའི་སྒྱུ་རྕལ་མཚོན་ཐབས་ཀྱི་སྣང་བརྙན་ཅི་ལྟར་བཞེངས་སྐྲུྱན་བྱེད་མིན་ནི་རྕོམ་རིགས་གཞུང་ལུགས་ཀྱི་མ་ལགས་གལ་ཆེན་ཞིག་ཡིན་དགོས་པས་སུས་ཀྱང་བཀོད་འདོམས་བྱེད་མི་འོས།ང་ཚོས་རྒྱུ་མཚན་དང་གནས་ལུགས་ཀྱི་ལམ་ནས་བདེན་པ་བརྡར་རྒྱུ་ལས་ལྷ་ཆོས་དང་མི་ཆོས་ཀྱི་རྒྱ་ལས་འདས་བའི་ཚིག་ངན་དམར་རྗེན་མ་འདི་རིགས་ནམ་ཡང་སྒྲོག་འོས་མིན་པར་སེམས།
09-03-06http://www.tibetcm.com/html/list_22/3a24e93e474f69dd2097910f91c4479b/
2 ༡༡༢༠༠༩༡༡༣༧
བེ་རི་ཁ་བདེ་ལུས་རྒས་སེམས་ཉོན་མོངས་ཆོས་བརྒྱད་ཀྱི་གྲུབ་པ་ཐོབ་མཁས་དབང་མཇེ
1 ༡༡༢༠༠༩༡༡༢༨
བེ་རི་འདོད་ཆགས་གི་སྨྱོན་པ



བརྗོད་གཞི་གཞན་ཁག་ལ་གཟིགས།