ལྷ་རམ་པའི་བྱ་སྤྱོད་ལ་སྤྲེངས་པ།

མཁས་རློམ་ལུང་རིགས་ཅ་ཅོ་ཡིས།། གཞན་སེམས་དཀྲུགས་པའི་ཐུར་མ་བྱེད།། ཉོག་ཚིག་ལོ་མ་བཙན་བསྒྲིགས་ཀྱིས།། གཞན་ལ་འཁུ་བའི་ལས་སུ་རློམ།། བླང་དོར་གནས་ལུགས་ཟབ་ས་ནས།། ཕ་རོལ་གཞན་ལ་སྟོན་འདོད་ན།། རང་མིང་དགེ་བཤེས་སྨྲེང་བ་ཡང་།། དོན་གྱིས་དབྱིངས་སུ་དབབ་པར་མཛོད།། དོན་མེད་ཚིག་རྩུབ་མཚོན་ཆ་ཡིས།། གཞན་གྱི་སྙིང་ལ་མ་འཕེན་ཅིག། ཉག་ཉོག་ཚིག་གི་ལོ་མ་ཡིས།། རིན་ཆེན་དྲ་ངོས་མ་བཀང་ཅིག། རིན་ཆེན་མི་ཡི་ལུས་རྟེན་ལ།། གང་བྱུང་དམོད་པའི་ལྟོ་མ་འཕེན།། རང་གཞན་སེམས་དག་འཁྲུག་གྱུར་ན།། ལས་ངན་སྟོ་ཀའི་ལྷུན་པོ་འགྲུབ།། ཆགས་སོགས་ཉོན་མོངས་ན་བུན་གྱིས།། རང་སེམས་ཨརྒམ་བཏུམ་པ་ཡི།། དེ་ཉིད་ཕྱི་རུ་ངོམ་པ་ཡང་།། ཁྱེད་ཀྱི་མིང་དང་འགལ་ཁུར་ཆེ།། མཁས་བརྒྱ་འགྲན་གླེང་དྲ་ངོས་སུ།། རྩོམ་པའི་ཤོག་རྩལ་ངོམ་སྙམ་ཡང་།། དྲི་མེད་རིགས་པའི་རྣམ་དཔྱོད་ཀྱིས།། བརྩམས་པའི་ཁྱད་ཆོས་ཁྱེད་ལ་མེད།། ཉག་ཉོག་ཚིག་གི་ལོ་མའི་ནང་།། གྲོང་སྐད་དང་ནི་ཕལ་སྐད་སོགས།། རྡོ་ཆག་བཙན་བསྒྲིགས་བྱས་པ་ཡང་།། མཁས་རྒུའི་མདུན་སར་ངོ་རེ་ཚ།།
འདི་ནི་བསམ་ཚུལ་སྒོ་ཕྱེས་པ་ཞིག་རེད། "བློ་སེང་བཀའ་ཁྲིར་འོས་ན་ཧུ་ཅིང་ཐོ་ཡང་འོས།"



བརྗོད་གཞི་གཞན་ཁག་ལ་གཟིགས།