དགུ་བཅུ་གསུམ་གྱི་སློབ་ཐོན་མཛད་སྒོ་ལས་འཕྲོས་པའི་གཏམ་གླེང་ཐུང་ངུ་།

དགུ་བཅུ་གསུམ་གྱི་སློབ་ཐོན་མཛད་སྒོ་ཚོགས་དང་། སློབ་མ་གསོ་སྐྱོང་གནང་བར་རྗེས་སུ་ཡི་རང་ཡོད། ལྷག་པར་དུ་རྒྱལ་གཅེས་དཔའ་བོ་དང་དཔའ་མོ་ཤ་སྟག་ཡིན་སྲིད། དེས་ཁོང་ཚོར་སློབ་སྦྱོང་གི་གོ་སྐབས་སྤྲད་པ་འདི་ཧ་ཅང་གི་དགའ་སྤོབས་བྱེད་འོས་པ་ཞིག་རེད། འོན་ཀྱང་སྤྱི་འཐུས་ཚོགས་གཞོན་ཕེབས་པ་དེ་ལ་དགའ་སྤྲོའི་ཐལ་མོ་རྡེབ་འདོད་མ་བྱང་། གང་ཡིན་ཞེ་ན་དགུ་བཅུ་གསུམ་གྱི་ཚོགས་གཞོན་ཀླུ་མཁར་བྱམས་ཀྱིས་བོད་མིའི་སྒྲིག་འཛུགས་དང་རང་གཞུང་གི་མཛད་གཙོ་རྣམ་པར་མཚན་སྨད་ཇི་ཙམ་ཞུས་པ་ཀུན་གྱིས་མཁྱེན་གསལ་རེད། ད་དུང་དེ་ལས་ཚབ་ཆེན་ཞིག་ལ་ཀླུ་བྱམས་ཀྱིས་༧གོང་ས་མཆོག་ལའང་ཁོམ་ལོང་དང་སྟབས་བདེ་ཚད་ལ་མཚན་སྨད་ཅི་ཙམ་ཞུས་པའང་ཀུན་ལ་རླུང་ལྟར་གྲགས། དེས་ན་བོད་མའི་སྒྲིག་འཛུགས་ཀྱི་མཛད་གཙོ་རྣམ་པས་ཀྱང་གདན་འདྲེན་ཞུས་ཚད་ལ་ཕེབས་རྐྱང་གནང་ན་དེ་མི་ལེགས་པར་སེམས། དེ་སྔོན་བཀའ་ཁྲི་ཟམ་གདོང་རིན་པོ་ཆེ་མཆོག་གི་ཨེ་ཤེ་ཡ་རང་དབང་རླུང་འཕྲིན་ཁང་གི་བཅར་འདྲི་དང་ལེན་མ་གནང་བ་ནང་བཞིན་རང་ཚུགས་བཟུང་ན་དགེ་མཚན་ཆེ་བར་སེམས།
འདི་ནི་བསམ་ཚུལ་སྒོ་ཕྱེས་པ་ཞིག་རེད། "དགུ་བཅུ་གསུམ་ཚོགས་པའི་སྐབས་༡༡པའི་སློབ་ཐོན་མཛད་སྒོ།"



བརྗོད་གཞི་གཞན་ཁག་ལ་གཟིགས།