བོད་ཀྱི་ཆོས་དང་རིག་གཞུང༌།

བོད་བརྒྱུད་ནང་བསྟན་གྱི་གྲུབ་མཐའ་ཁག་ངོ་སྤྲོད་མདོར་བསྡུས།

མཐའ་མའི་བསྐྱར་བཅོས། (༣༠༡༩༩༩༠༥༣༠) ༢༣༢༠༠༩༢༣༣༥

རྙིང་མའི་གྲུབ་མཐའ་ནི་ཐེག་པ་རིམ་དགུར་གྲགས་པ་གསང་སྔགས་སྔ་འགྱུར་པའི་ཆོས་ལུགས་ཞེས་ཆོས་རྒྱལ་ཁྲི་སྲོང་ལྡེའུ་བཙན་སྐུ་དུས་སུ་བོད་སྐད་དུ་ཐོག་མར་འགྱུར་ཞིང༌།སློབ་དཔོན་པད་མ་འབྱུང་གནས་ཀྱིས་དར་རྒྱས་སུ་སྤེལ་པའི་རང་ལུགས་འཛིན་མཁན་རྗེས་འབྲང་དང་བཅས་པ་ཟེར།དེ་ལ་དབྱེ་ན།རིང་བརྒྱུད་བཀའ་མ།ཉེ་བརྒྱུད་གཏེར་མ།ཟབ་མོ་དག་སྣང་གི་བརྒྱུད་པ་སོགས་ཡོད།གསང་སྔགས་རྙིང་མ་བ་རྣམས་ཀྱིས་སྣང་སྟོང་དབྱེར་མེད་ཀྱི་ཆ་ནང་གསལ་གཞོན་ནུ་བུམ་སྐུ་ཀ་དག་སྐྱོན་རྣམས་ཡེ་ནས་དག་ཅིང༌།ཡོན་ཏན་ཡེ་ནས་རྫོགས་པའི་ལྷུན་གྲུབ་རང་གི་རིག་པ་ཆོས་སྐུ་ཀུན་དུ་བཟང་བོའི་རང་ཞལ་དེ་གནས་ལུགས་མཐར་ཐུག་ཏུ་བཞེད་དོ།

 

རྒྱན་དྲུག་མཆོག་གཉིས་ཀྱི་བསྟོད་པ་མཁའ་མཉམ་མ།

མཐའ་མའི་བསྐྱར་བཅོས། (༡༡༢༠༠༩༢༠༣༤) འབྲི་མཁན། རྣམ་གླིང་བ་ཚིང་དོན། ༡༡༢༠༠༩༢༠༢༦

ཤམ་བྷ་ལའི་ཕོ་དྲ་བས་ཟླ་༠༢་ཚེས་༡༡ཉིན་སྤེལ། ༄༅།།མཁའ་མཉམ་འགྲོ་ལ་མཁྱེན་བརྩེས་རབ་དགོངས་ནས། །གྲངས་མེད་གསུམ་དུ་ཚོགས་གཉིས་རབ་རྫོགས་ཏེ། །སྟོང་གསུམ་མི་མཇེད་ཞིང་གི་ད་པལ་གྱུར་པ། །འདྲེན་མཆོག་ཤཱཀྱའི་ཏོག་ལ་ཕྱག་འཚལ་ལོ། །ཤེས་རབ་ཆེན་པོས་དེ་ཉིད་ལེགས་རྟོགས་ནས། །བརྩོན་པ་ཆེན་པོས་གོ་འཕང་མཆོག་བརྙེས་པ། །བསྟན་པ་འདི་ལ་སྟོན་པ་གཉིས་པར་གྲགས། ། འཕགས་མཆོག ཀླུ་སྒྲུབ་ཞབས་ལ་ཕྱག་འཚལ་ལོ། །དེ་སྲས་ཐུ་བོ་དགེ་ལེགས་དཔལ་ཡོན་ཅན། །

   

འཁྲུངས་རབས་གསུང་ཆོས་སྐབས་སུ་བསྩལ་བའི་བཀའ་ཆོས།

མཐའ་མའི་བསྐྱར་བཅོས། (༣༠༡༩༩༩༠༥༣༠) འབྲི་མཁན། རྣམ་གྲ་ཐུབ་བསྟན་ཡར་འཕེལ། ༢༦༢༠༠༩༡༨༠༢

   ༄༅། །ཕྱི་ལོ་ ༢༠༠༦ ལོའི་ཆོ་འཕྲུལ་དུས་ཆེན་གྱི་འཁྲུངས་རབས་གསུང་ཆོས་སྐབས་སུ་བསྩལ་བའི་བཀའ་ཆོས།

ཤམ་བླ་ལའི་ཕོ་དྲ་བས་ཟླ་༠༡་ཚེས་༢༦ཉིན་སྤེལ། དེ་རིང་འདིར་བོད་ཟླ་དང་པོའི་ཚེས་བཅོ་ལྔ་ཉིན། ནམ་རྒྱུན་ཆོ་འཕྲུལ་ཟླ་བའི་སྐབས་འདིར་ལྷ་ས་གཙོ་བོར་གྱུར་པའི་བོད་ཀྱི་ས་ཁུལ་མང་པོར་སྨོན་ལམ་ཆེན་མོའི་དུས་མཆོད་ཚུགས་ཀྱི་ཡོད་ལ། ང་རང་ཚོ་འདིར་བཙན་བྱོལ་བ་ཆགས་ཏེ་གནས་པའི་རིང་ལའང་སྨོན་ལམ་ཆེན་མོ་ལོ་བསྟར་ཆགས་སུ་འདི་ལྟར་ཚུགས་ཀྱི་ཡོད། དེ་རིང་ཆོ་འཕྲུལ་སྨོན་ལམ་ཆེན་མོའི་དུས་ཚིགས་ཁྱད་པར་ཅན་ཡིན་པས། ནམ་རྒྱུན་སྔོན་གྱི་ཕྱག་སྲོལ་ལ་སྟོན་པའི་བཀའ་དྲིན་དྲན་པ་དང༌། སྟོན་པའི་སྐུ་གསུང་ཐུགས་ཀྱི་ཡོན་ཏན་དྲན་རྒྱུར་སྐྱེ་རབས་འཆད་ཉན་བྱེད་པའི་ཕྱག་སྲོལ་ཡོད་པ་རེད།

   

༄༅། །རྟེན་འབྲེལ་བསྟོད་པའི་འགྲེལ་པ་བཞུགས་སོ།།

མཐའ་མའི་བསྐྱར་བཅོས། (༢༦༢༠༠༩༡༥༡༩) ༢༥༢༠༠༨༡༧༤༢

ཤམ་བྷ་ལའི་ཕོ་དྲ་བས་ཟླ་༡༢་ཚེས་༢༥ཉིན་སྤེལ། དེ་རིང་ང་ཚོས་ཆོས་འབྲེལ་བྱ་རྒྱུ་ནི། རྗེ་རིན་པོ་ཆེའི་གསུང་རྟེན་འབྲེལ་བསྟོད་པའི་བཤད་པ་ཅུང་ཟད་རེ་བྱ་རྒྱུ་དང༌། དེའི་རྒྱུ་མཚན་ནི་རྟེན་འབྲེལ་བསྟོད་པའི་ཐོག་ནས་སངས་རྒྱས་བཅོམ་ལྡན་འདས་ཀྱི་ཆོས་ངོ་འཕྲོད་པ་ཞིག་དང༌། སངས་རྒྱས་པའི་ཆོས་ཀྱི་ཐུན་མོང་མ་ཡིན་པའི་ཁྱད་ཆོས་སམ། ཟབ་གནད་ཇི་འདྲ་ཞིག་ཡོད་པ་དེ་དག་རྟེན་འབྲེལ་བསྟོད་པའི་ནང་ནས་ཤེས་ཐུབ་པ་ཞིག་རེད། དེར་བརྟེན་སངས་རྒྱས་བཅོམ་ལྡན་འདས་དེ་སྟོན་འདྲ་འདྲའི་ནང་ནས་མི་འདྲ་བ་ཞིག་ཡིན་པ་དེ་རྟེན་འབྲེལ་བསྟོད་པའི་ནང་ནས་གསལ་པོར་ཐོན་ཡོང་བས་ན། རྟེན་འབྲེལ་བསྟོད་པའི་བཤད་པའི་ཐོག་ནས་སངས་རྒྱས་ཀྱི་ཆོས་ངོ་སྤྲོད་ལྟ་བུ་ཞིག་ཡོང་གི་འདུག

   

༄༅། །རྟོགས་བརྗོད་མདུན་ལེགས་མ་བཞུགས་སོ།།

མཐའ་མའི་བསྐྱར་བཅོས། (༢༦༢༠༠༩༡༥༢༢) ༢༥༢༠༠༨༡༦༥༦

ཤམ་བྷ་ལའི་ཕོ་དྲ་བས་ཟླ་༡༢་ཚེས་༢༥ཉིན་སྤེལ། རྟོགས་བརྗོད་མདུན་ལེགས་མ་འདིས་བོད་གངས་ཅན་ལྗོངས་ཀྱི་ཐེག་པ་ཆེ་ཆུང་སྔགས་དང་བཅས་པའི་སངས་རྒྱས་ཀྱི་བསྟན་པ་འདི། ཉམས་ལེན་ཇི་ལྟར་བྱེད་དགོས་མིན་དང༌། ཉམས་ལེན་བྱེད་སྟངས་ཞེས་བརྗོད་སྐབས། ཐོས་བསམ་སྒོམ་གསུམ་ལས་སྒོམ་བྱུང་གི་ཐོག་ནས་རྟོགས་པའམ་ཉམས་མྱོང་སྐྱེས་དགོས་པ་ཞིག་ཡིན་སྟབས། དེར་ཐོས་བསམ་སྔོན་དུ་འགྲོ་དགོས་ཤིང༌། ཐོས་པའི་ཡུལ་གཞུང་ཇི་འདྲ་ཞིག་ལ་སྦྱང་དགོས་མིན་དང༌། དེ་ཡང་རྩ་བ་མདོ་སྔགས་ཡོངས་རྫོགས་ལ་རྗེ་རིན་པོ་རང་ཉིད་ཀྱིས་སློབ་གཉེར་སྐྱོན་སྟངས་དེ་དག་གསུངས་ཀྱི་ཡོད།

བསམ་ཚུལ། (2)
   

ཤོག་ངོས། 4 ནས། 5