དབོན་ཞང་འདུམ་པའི་བཀའ་གཙིགས་ཀྱི་རྡོ་རིང་གི་ཡི་གེ་དངོས།

 

༼ནུབ་ངོས་གཡོན་དུ།༽

༡ ༄། །བོད་ཀྱི་རྒྱལ་པོ་ཆེན་པོ།

༢ འཕྲུལ་གྱྀ་ལྷ་བཙན་པོ་དང༌། །

༣ རྒྱའྀ་རྒྱལ་པོ་ཆེན་པོ་རྒྱ་རྗེ་ཧྭང་ཏེ།

༤ དབོན་ཞང་གཉྀས། །ཆབ་སྲིད་

༥ གཅྀག་ཏུ་མོལ་ནས། །མཇལ་དུམ་

༦ ཆེན་པོ་མཛད་དེ་གཙྀགས་བཅས་

༧ པ། །ནམ་ཞར་ཡང་མྱྀ་འགྱུར་པར།

༨ ལྷ་མྱྀ་ཀུན་གྱྀས་ཤེས་ཤིང་དཔང་བྱས་

༩ ཏེ་ཚེ་ཚེ་རབས་རབས་སུ་གཏམ་བརྗོད་

༡༠ དུ་ཡོད་པའྀ་ཕྱིར། །མཇལ་དུམ་གྱི་གཙིགས་

༡༡ ཀྱྀ་མདོ་རྡོ་རིངས་ལ་བྲིས་པའོ་

༡༢ ༄། །འཕྲུལ་གྱྀ་ལྷ་བཙན་པོ་ཁྲི་གཙུག་

༡༣ ལྡེ་བརྩན་གྱྀ་ཞ་སྔ་ནས་རྒྱ་རྗེ་

༡༤ བཱུན་བཱུ་ཧེའུ་ཏིག་ཧྭང་ཏེ་དང༌། དབོན་

༡༥ ཞང་གཉིས། །སྒམ་དཀྱེལ་ཆེན་པོས་

༡༦ ནི། །འཕྲལ་ཡུན་ཡུལ་གྱྀ་ལེགས་

༡༧ ཉེས་ཅྀ་ཡང་བསྲུང་སྟེ། །ཐུགས་རྗེ་ཆེན་

༡༨ པོས་ནྀ། །བཀའ་དྲྀན་གྱིས་དགབ་པ་

༡༩ ལ་ཕྱྀ་ནང་མྱེད་པར། །མང་པོ་ཀུན་བདེ་

༢༠ སྐྱིད་པར་བྱ་བ་ནྀ་དགོངས་པ་གཅྀག

༢༡ ཡུན་རྀང་པོར་ལེགས་པའྀ་དོན་ཆེན་པོ་

༢༢ ལ་ནི་བཀའ་གྲོས་མཐུན་ཏེ། །གཉེན་

༢༣ རྙིང་པའྀ་སྲི་ཞུ་ནྀ་དང་སྔའི་ཁྱྀམ་ཚེས་

༢༤ དགྱེས་པའི་ཚུལ་སླར་དུ་བརྩེགས་པར་

༢༥ མོལ་ནས། །མཇལ་དུམ་ཆེན་པོ་ནི་

༢༦ མཛད་དེ། །བོད་རྒྱ་གཉིས། །ད་ལྟར་

༢༧ དུ་མངའ་བའྀ་ཡུལ་དང་མཚམས་སྲུང་

༢༨ ཞིང༌། །དེའི་ཤར་ཕྱོགས་ཐམས་ཅད་ནྀ་

༢༩ རྒྱ་ཆེན་པོའི་ཡུལ། །ནུབ་ཕྱོགས་ཐམས་

༣༠ ཅད་ནྀ་ཡང་དག་པར་བོད་ཆེན་པོའི་

༣༡ ཡུལ་ཏེ། །དེ་ལས་ཕན་ཚུན་དགྲར་མྱྀ་

༣༢ འཐབ། །དམག་མྱྀ་དྲང༌། །ཡུལ་མྱྀ་

༣༣ མརྣམ། །ཡྀད་མ་ཆེས་པ་ཞྀག་ཡོད་

༣༤ ན། །མྱྀ་བཟུང་ཞིང་གཏམ་དྲྀས་ཏེ། །

༣༥ བརྫངས་ནས་ཕྱྀར་གཏང་ངོ༌། །

༣༦ ད་ཆབ་སྲྀད་གཅིག་ཅྀང༌། །མཇལ་

༣༧ དུམ་ཆེན་པོ་འདྀ་ལྟར་མཛད་པས། །

༣༨ དབོན་ཞང་དགྱེས་པའི་བཀའ་ཕྲིནད་

༣༩ སྙན་པས་ཀྱང་འདྲུལ་དགོས་ཏེ། །

༤༠ ཕན་ཚུན་གྱྀ་ཕོ་ཉ་འདོང་བ་ཡང༌། །ལམ་

༤༡ རྙིང་པར་བྱུང་ནས། །སྔ་ལུགས་བཞིན་

༤༢ བོད་རྒྱ་གཉིས་ཀྱྀ་བར། །ཙང་ཀུན་

༤༣ ཡོག་ཏུ་རྟ་བརྗེས་ལ། །སྩེ་ཞུང་ཆེག་དུ་

༤༤ རྒྱ་དང་ཕྲད་པ་མན་ཅད་ནྀ་ཕུ་དུད་

༤༥ བྱ། །ཙེང་ཤུ་ཧྱྭན་དུ་བོད་དང་ཕྲད་པ་

༤༦ ཡན་ཅད་ནྀ་བོད་ཀྱིས་ཕུ་དུད་བྱ་སྟེ། །

༤༧ དབོན་ཞང་ཉེ་ཞྀང་གཉེན་བའྀ་ཚུལ་བཞིན་

༤༨ དུ། །སྲྀ་ཞུ་དང་བཀུར་སྟྀའི་ལུགས་

༤༩ ཡོད་པར་སྦྱར་ཏེ། །ཡུལ་གཉིས་ཀྱི་

༥༠ བར་ན་དུད་རྡུལ་ནྀ་མྱི་སྣང༌། །གློ་བུར་

༥༡ དུ་སྡང་བ་དང་དགྲའི་མྱྀང་ནྀ་མྱི་གྲག་སྟེ་

༥༢ ས་མཚམས་སྲུང་བའྀ་མྱི་ཡན་ཅད་

༥༣ ཀྱང་དོགས་ཤིང་འཇིགས་པ་མྱེད་པར་

༥༤ ས་ས་མལ་མལ་ན་བག་བརྐྱང་སྟེ། །བདེ་

༥༥ བར་འཁོད་ཅྀང༌། །སྐྱིད་པའྀ་དྲྀན་

༥༦ ནི་རབས་ཁྲྀའི་བར་དུ་ཐོབ། །སྙན་པའྀ་

༥༧ སྒྲ་སྐད་ནྀ་གཉི་ཟླས་སླེབས་སོ་ཆོག་ཏུ་

༥༨ ཁྱབ་སྟེ། །བོད་བོད་ཡུལ་ན་སྐྱིད་

༥༩ རྒྱ་རྒྱ་ཡུལ་ན་སྐྱིད་པའྀ་སྲིད་ཆེན་པོ་

༦༠ སྦྱར་ནས་གཙིགས་བཅས་པ་འདྀ། །

༦༡ ནམ་ཞར་མྱྀ་འགྱུར་བར། །དཀོན་མཆོག་

༦༢ གསུམ་དང༌། །འཕགས་པའྀ་རྣམས་དང་

༦༣ གཉྀ་ཟླ་དང་གཟའ་སྐར་ལ་ཡང་དཔང་དུ་

༦༤ གསོལ་ཏེ། །ཐ་ཚྀག་གྀ་རྣམས་པས་ཀྱང་

༦༥ བཤད། །སྲོག་ཆགས་བསད་དེ་མནའ་

༦༦ ཡང་བོར་ནས། །གཙིགས་བཅས་སོ། །

༦༧ གཙིགས་འདྀ་བཞིན་དུ་མ་བྱས་སམ། །

༦༨ བཤྀག་ན། །བོད་རྒྱ་གཉིས་གང་གིས་སྔར་ཉེས་

༦༩ པ་ལ་སྡྀག་ཅིང༌། །ལན་དུ་དཀུ་སྒྱུ་ཅྀ་བྱས་ཀྱང་

༧༠ གཙིགས་བཤྀག་པ་ལ་མ་གཏོགས་སོ། །

༧༡ འདྀ་ལྟར་བོད་རྒྱ་གཉྀས་གྱྀ་རྗེ་བློན་གྱིས་ཞལ་

༧༢ གྱྀས་བཤགས་མནའ་བོར་ཏེ། །གཙྀགས་

༧༣ ཀྱྀ་ཡྀ་གེ་ཞྀབ་མོར་བྲིས་ནས། །རྒྱལ་པོ་ཆེན་

༧༤ པོ་གཉྀས་གྱྀ་ནི་ཕྱག་རྒྱས་བཏབ། །བློན་པོ་

༧༥ གཙྀགས་འཛིན་པ་ལ་གཏོགས་པ་རྣམས་

༧༦ ཀྱྀ་ནི་ལག་ཡྀག་ཏུ་བྲིས་ཏེ། གཙྀགས་ཀྱི་

༧༧ ཡྀ་གེ་ཡང་སོ་སོའྀ་ཕྱག་སྦལ་དུ་བཞག་གོ། །

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།