ནུབ་ལུགས་གསོ་རིག་བོད་ཡིག་ཅན་དུ་གཏོང་བའི་རེ་འདུན།

ལྷག་བསམ་ཟོལ་མེད་ཀྱིས་མི་རིག་ལས་དོན་གཉེར་བའི་བོད་མི་རྣམས་ལ་གུས་པས་ཕུལ་བ། སྤྱི་ཚོགས་འཕེལ་རྒྱས་ཀྱི་རླབས་རྒྱུན་གྱིས་དེད་དེ་དེང་གི་ང་ཚོ་བོད་པའི་ཁྲོམ་ར་དང་ཁྱིམ་ཚང་རེ་རེ་ནའང་ཕྱི་སྨན་མི་མཐོང་བའི་གནས་མེད། སྨན་ཁང་ཆེ་ཆུང་ཚང་མར་ཕྱི་སྨན་ཡོད་ཅིང་བོད་རིགས་རྣམས་ཀྱིས་ཀྱང་ནུབ་ལུགས་གསོ་རིག་གི་ཤེས་བྱ་འམ་ངོས་འཛིན་ཇེ་མང་ཇེ་ཟབ་ཏུ་འགྱུར་གྱིན་ཡོད། ཡིན་ནའང་ནུབ་ལུགས་གསོ་རིག་གི་སྐོར་ལ་རྒྱ་ཡིག་དང་དབྱིན་ཡིག་ལས་མ་འདསཔས། ང་ཚོས་ཀྱང་ནུབ་ལུགས་གསོ་རིག་གི་རིག་གཞུང་འདི་བོད་ཡིག་ཏུ་བསྒྱུར་ནས་རང་རིགས་ལ་སྟབས་བདེ་གང་ལེགས་བསྐྲུན་རྒྱུ་དང་གཙོ་བོ་རང་གི་རིག་གནས་ཤིག་ཏུ་བསྒྱུར་རྒྱུ་དེ་རེད། གལ་ཏེ་ང་ཚོའི་ཤེས་ལྡན་མི་རྣ་དང་ཆེད་མཁས་པ། ཁེ་ལས་པ། སྨན་ཁང་དང་སྨན་གི་སློབ་གྲྭ་སྨན་མཁས་པ་སོགས་ནས་མཐུན་སྒྲིལ་དང་འབུད་འབུངས་ཀྱིས་གསོ་རིག་ལོ་ཙྰའི་ཕྱོགས་འདིར་སྟོབས་ཤུགས་ངེས་ཅན་ཞིག་ཕུལ་ཐུབ་ཚེ་དེ་ལས་དོན་སྙིང་ཆེན་པོ་ཞིག་ཡོད་པར་འདོད། དེ་ནི་བོད་མི་ས་ཡ་དྲུག་གི་མི་རབས་ནས་མི་རབས་ཀྱི་ལས་དོན་ཡིན་ལ་སྐད་ཡིག་ཡར་རྒྱས་ཟེར་བ་ཁ་སྟོང་ནང་གི་ཚིག་སྟོང་མ་ཡིན་འདོད།
འདི་ནི་བསམ་ཚུལ་སྒོ་ཕྱེས་པ་ཞིག་རེད། "བོད་དང་བོད་མིར་གཅེས་པའི་གཏམ་གླེང་བསམ་ཚུལ་ཟིན་བྲིས།"



བརྗོད་གཞི་གཞན་ཁག་ལ་གཟིགས།