བོད་ཀྱི་སྐད་ཡིག

སི་ཏུའི་ཞལ་ལུང་རྟགས་འཇུག

མཐའ་མའི་བསྐྱར་བཅོས། (༠༥༢༠༡༤༡༥༤༥) འབྲི་མཁན། ཐུབ་བསྟན་ཡར་འཕེལ་ལགས། ཤམ་བྷ་ལ་ཕོ་ཉའི་སློབ་སྟོན་པ། ༠༥༢༠༠༩༢༢༥༤

༡༽ དྲི་བ། བོད་ཀྱི་སྒྲ་རིག་པའམ་བརྡ་སྤྲོད་པའི་བསྟན་བཅོས་གསུམ་གང་དག་ཡིན་དང༌། བརྡ་སྤྲོད་གཞུང་དེ་དག་སོ་སོའི་བརྗོད་བྱ་གང་ཡིན་ནམ།

ལན། སུམ་རྟགས་དག་གསུམ་མམ་མིང་གི་ཚོགས་དང༌། ཕྲད་དང་རྣམ་དབྱེའི་ཚོགས། བྱ་བའི་ཚིག་གི་ཚོགས་ཏེ་ཚོགས་གསུམ་མམ་མིང་དང་ཚིག་ལ་མི་རྨོངས་པར་བྱེད་པ་དག་ཡིག་གི་གཞུང་དང༌། ཕྲད་དང་རྣམ་དབྱེ་ལ་མི་རྨོངས་པར་བྱེད་པ་སུམ་ཅུ་པའི་གཞུང༌། ངག་གི་སྒྲ་གདངས་དང་བྱ་ཚིག་ལ་མི་རྨོངས་པར་བྱེད་པ་རྟགས་འཇུག་གི་གཞུང་གསུམ་ལ་བོད་ཀྱི་སྒྲ་རིག་པའམ་བརྡ་སྤྲོད་པའི་གཞུང་ཞེས་བྱའོ། ༢༽ དྲི་བ། རྟགས་འཇུག་ཅེས་པའི་གོ་དོན་ནམ་མཚན་ཉིད་གང་ཡིན་དང༌། རྟགས་དང༌། འཇུག་ཅེས་ཚིག་འབྲུ་སོ་སོས་དོན་གང་སྟོན་ནམ།

ལན། དབྱངས་གསལ་སྔོན་རྗེས་རྣམས་སྒྲའི་སྐྱེ་གནས་དང༌། བྱེད་རྩོལ་དྲག་ཞན་ལ་བརྟེན་ནས་ཕོ་མོ་མ་ནིང་སོགས་ཀྱི་རྟགས་སུ་དབྱེ་ནས་སྒྲ་དོན་གཉིས་ཀྱི་འཇུག་ཚུལ་སྟོན་པའི་གཞུང་ཡིན་པས་ན་རྟགས་འཇུག་ཅེས་དང༌། རྟགས་ཞེས་པའི་ཡིག་འབྲུས་ཡི་གེ་སོ་སོའི་བརྗོད་པའི་སྒྲ་གདངས་དྲག་ཞན་སོ་སོར་སྟོན་ཅིང༌། འཇུག་ཅེས་པའི་ཡིག་འབྲུས་དེ་དག་གི་སྒྲ་དང་དོན་གྱི་འཇུག་པ་བསྟན་པ་ཡིན་ནོ།།

དེ་ལས་མང༌།: སི་ཏུའི་ཞལ་ལུང་རྟགས་འཇུག

བསམ་ཚུལ། (7)
 

བརྡ་སྤྲོད་ཉེར་མཁོ་ལྷན་ཐབས།

མཐའ་མའི་བསྐྱར་བཅོས། (༠༥༢༠༡༤༡༥༤༥) འབྲི་མཁན། ཐུབ་བསྟན་ཡར་འཕེལ་ལགས། ཤམ་བྷ་ལ་ཕོ་ཉའི་སློབ་སྟོན་པ། ༠༥༢༠༠༩༢༢༢༣

༡༽ དྲི་བ། བོད་ཡིག་འདི་བཞིན་རྒྱལ་པོ་གང་གི་དུས་སུ་བྱུང་བ་དང༌། རྒྱལ་པོ་དེ་རྒྱལ་རབས་གང་དང༌། འཁྲུངས་ཡུལ་དང་འཁྲུངས་ལོ་གང༌།

ལན། ད་ལྟ་ང་ཚོས་བཀོལ་སྤྱོད་བྱེད་བཞིན་པའི་བོད་ཡིག་འདི་རྒྱལ་རབས་སོ་གསུམ་པ་ཆོས་རྒྱལ་སྲོང་བཙན་སྒམ་པོའི་སྐུ་དུས་སུ་གསར་དུ་བྱུང་ཞིང༌། ཆོས་རྒྱལ་སྲོང་བཙན་སྒམ་པོ་ནི་མལ་གྲོ་རྒྱ་མ་ཁྲི་སྒང་དུ་འཁྲུངས་ཤིང༌། ནམ་འཁྲུངས་ལ་བཞེད་པ་གཉིས་ལས་མེ་གླང་ལོ་སྟེ་སྤྱི་ལོ་ ༦༡༧ ལོར་འཁྲུངས་པར་བཞེད་པ་དང༌། ས་གླང་ལོ་སྟེ་སྤྱི་ལོ་ ༦༢༩ ལོར་འཁྲུངས་པར་བཞེད་པའི་བཞེད་ཚུལ་གཉིས་སོ།།

དེ་ལས་མང༌།: བརྡ་སྤྲོད་ཉེར་མཁོ་ལྷན་ཐབས།

 

ཐ་སྙད་གཏན་འབེབས་ལས་འཆར།

མཐའ་མའི་བསྐྱར་བཅོས། (༣༠༡༩༩༩༠༥༣༠) ༠༦༢༠༠༩༢༡༢༦

ཤམ་བྷ་ལའི་ཕོ་ཉའི་དྲ་བས་ཕྱི་ལོ༢༠༠༩ལོའི་ཟླ༤པའི་ཚེས༦ཉིན་དྷ་རམ་ཤ་ལ་ནས་སྤེལ། ༄༅། །བོད་གཞུང་ཤེས་རིག་ལས་ཁུངས་ནས་ལོ་རྒྱུས་ཡུན་རིང་ལྡན་པའི་བོད་ཀྱི་སྐད་ཡིག་སྲུང་སྐྱོབ་དང་གོང་སྤེལ་ཡོང་སླད་རྒྱུན་སྤྱོད་བྱེད་བཞིན་པའི་དེང་དུས་ཀྱི་རིག་ཚན་དུ་མའི་ཐ་སྙད་གཅིག་གྱུར་གཏན་འབེབས་དགོས་ངེས་ཆེ་བར་བརྟེན། བཙན་བྱོལ་བོད་གཞུང་བཀའ་ཤག་གི་གཙོ་སྐྱོང་འོག་བོད་ཀྱི་དཔེ་མཛོད་ཁང་དང༌། བོད་གཞུང་ཟློས་གར། བོད་གཞུང་སྨན་རྩིས་ཁང༌།

དེ་ལས་མང༌།: ཐ་སྙད་གཏན་འབེབས་ལས་འཆར།

བསམ་ཚུལ། (1)
 

སུམ་ཅུ་པའི་སྙིང་པོ་ལེགས་བཤད་ལྗོན་པའི་དབང་པོ་ཞེས་བྱ་བ་བཞུགས་སོ། །

མཐའ་མའི་བསྐྱར་བཅོས། (༣༠༡༩༩༩༠༥༣༠) འབྲི་མཁན། ཡེ་ཤེས་ཆོས་བཟང་། ༡༧༢༠༠༩༢༠༢༥

༅། །སུམ་ཅུ་པའི་སྙིང་པོ་ལེགས་བཤད་ལྗོན་པའི་དབང་པོ་ཞེས་བྱ་བ་བཞུགས་སོ། །

དབྱངས་ཅན་གྲུབ་པའི་རྡོ་རྗེས་མཛད།

༄༅། །ན་མོ་གུ་རུ་མཉྫུ་གྷོ་ཥཱ་ཡ། །བླ་མ་མཆོག་དང་དབྱེར་མེད་པའི། །འཇམ་པའི་དབྱངས་ལ་གུས་བཏུད་ནས། །ཐོན་མིའི་ལེགས་བཤད་སུམ་ཅུ་པའི། །སྙིང་པོ་མདོར་བསྡུས་བཤད་པར་བྱ། །དབྱངས་ཀྱི་བྱ་བ་གསལ་པོ་རུ། །བྱེད་པ་ཨི་ཨུ་ཨེ་ཨོ་བཞི། །གསལ་བྱེད་ཀ་སོགས་སུམ་ཅུ་ཡིན། །ག་ང་ད་ན་བ་མ་འ། །ར་ལ་ས་རྣམས་རྗེས་འཇུག་བཅུ། །ད་དང་ས་གཉིས་ཡང་འཇུག་སྟེ། །ད་ནི་ན་ར་ལ་གསུམ་དང་། །ས་ནི་ག་ང་བ་མར་འཐོབ། །ག་ད་བ་མ་འ་སྔོན་འཇུག །གོ་ངོ་དོ་ནོ་བོ་མོ་འོ།

དེ་ལས་མང༌།: སུམ་ཅུ་པའི་སྙིང་པོ་ལེགས་བཤད་ལྗོན་པའི་དབང་པོ་ཞེས་བྱ་བ་བཞུགས་སོ། །

བསམ་ཚུལ། (2)
 

དཀའ་གནད་གསལ་བའི་མེ་ལོང་ཞེས་བྱ་བ་བཞུགས་སོ།

མཐའ་མའི་བསྐྱར་བཅོས། (༡༧༢༠༠༩༢༠༢༥) འབྲི་མཁན། ཡེ་ཤེས་ཆོས་བཟང་། ༡༧༢༠༠༩༢༠༢༠

༅།།རྟགས་ཀྱི་འཇུག་པའི་སྙིང་པོའི་དཀའ་གནད་གསལ་བའི་མེ་ལོང་ཞེས་བྱ་བ་བཞུགས་སོ། 
           དབྱངས་ཅན་གྲུབ་པའི་རྡོ་རྗེས་མཛད།

   ༄༅།།ན་མོ་མཉྫུ་ཤྲཱི་ཡེ།།རྒྱལ་ཀུན་མཁྱེན་པའི་ཡེ་ཤེས་དཔྱིད།།གཞོན་ནུའི་གཟུགས་ཀྱིས་རྣམ་རོལ་བ།།རྗེ་བཙུན་བརྟན་པའི་འཁོར་ལོ་དང་།།དབྱེར་མེད་བླ་མའི་ཞབས་བཏུད་ནས།།མཁས་མཆོག་ཐོན་མིའི་ཐུགས་མཚོ་ལས། །བྱུང་བའི་བརྡ་སྤྲོད་ཕྱི་མོ་མཆོག །རྟགས་ཀྱི་འཇུག་པའི་སྙིང་པོའི་དོན། །མདོར་བསྡུས་ཚིག་གིས་གསལ་བར་བྱ།

དེ་ལས་མང༌།: དཀའ་གནད་གསལ་བའི་མེ་ལོང་ཞེས་བྱ་བ་བཞུགས་སོ།

བསམ་ཚུལ། (1)
 

ཤོག་ངོས། 3 ནས། 3