མོན་གྷོ་ས་གནས་དང་གདན་སར་མཚན་རྟཌ་བསྡུ་རུབ་བྱེད་བཞིན་པ།

ཤམ་བྷ་ལའི་ཕོ་ཉ། ཕྱི་ལོ་༢༠༡༠ཟླ་༨ཚེས་༢༨ཉིན། སྒེར་བཙུགས་ཚོགས་པ་ཞིག་གིས་ད་འཆར་མོན་གྷོ་ས་གནས་དང་གདན་ས་ཁག་གཉིས་སུ་བཀའ་ཟམ་གདོང་རིན་པོ་ཆེ་སླར་ཡང་བཀའ་ཁྲིར་བཞེངས་ཆེད་བོད་བཙན་བྱོལ་གཞུང་གི་བཅའ་ཁྲིམས་ལ་བསྒྱུར་བཅོས་དགོས་ལུགས་བརྗོད་དེ་མཚན་རྟགས་བསྡུ་རུབ་བྱེད་བཞིན་པར་ཕྲན་གྱིས་ཤེས་ཚོར་བྱུང༌།
གཞིས་གྲོང་ཁག་དག་ན་ཅི་ཞིག་བསྒྱུར་ཐུབ་མིན་གང་ཤེས་ཏེ་གདན་ས་ཁག་ཏུ་དྲ་གྲོགས་ཕུན་བཀྲས་བཤད་པ་བཞིན་རང་མེད་ཚོད་འདུག རྒྱུ་མཚན་ནི་དེར་ཡོད་གྲྭ་མང་ཚོས་བཅའ་ཁྲིམས་བསྐྱར་བཅོས་བྱ་ན་དེ་ནི་བོད་མང་གཙོའི་ལུགས་སྲོལ་དེ་ཏག་ཏག་ཅིག་མི་སྡོད་པར་ཁྲིམས་ཀྱིས་དབང་བསྒྱུར་ལས་གང་ཟག་གིས་དབང་བསྒྱུར་ཞིག་ཏུ་འགྱུར་འགྲོ་བ་བརྩི་བཞིན་འདུག འོན་ཀྱང་ཕུན་བཀྲ་ཁོང་ཚོའི་ཁམས་ཚན་དུ་དེ་ལྟ་བུའི་ལན་སྐྱེལ་མཁན་དང་མཚན་རྟགས་རྒྱག་མཁན་དེ་འདྲའང་བྱུང་ཡོད་སྲིད། དེ་དག་ནི་གནས་ལུགས་མི་ཤེས་པའི་དབང་ལས་ནོར་འཁྲུལ་ཞིག་ཏུ་ངོས་འཛིན་རྒྱུ་མེད་སྙམ།

དེས་ན་ཡིད་རྨོངས་ཅན་གྱི་ཆུ་སྣ་གང་འཁྲིད་འགའ་ཞིག་མ་གཏོགས་ཁོ་ཚོའི་བཏོན་པའི་གྲོས་གཞིར་མཚན་རྟགས་རྒྱག་མི་སྲིད་སྙམ། དེའི་སྐོར་ཕྲན་གྱིས་ཀྱང་བསམ་ཚུལ་འགའ་ཤས་གླེང་ན་འདོད། ངས་བལྟས་ན་གྲོགས་ཕུན་བཀྲ་ལགས་ཀྱིས་གསུང་པ་བཞིན་རང་མིན་ཚོད་འདུག གང་ལགས་ཤེ་ན་ཁོ་ཚོ་བཅར་སའི་ཁམས་ཚན་དགེ་རྒན་དག་གིས་ཕུན་བཀྲས་བཤད་པ་ལྟར་བཤད་མི་འདུག་ལ་མཚན་རྟགས་ཀྱང་རྒྱག་མཁན་ཡང་གཅིག་ཀྱང་མི་འདུག་ཅེས་མགྲིན་གཅིག་ཏུ་བསྒྲགས། འོན་ཀྱང་ཁམས་ཚན་དགེ་རྒན་དག་གིས་མཚན་རྟགས་རྒྱག་སའི་འགེངས་ཤོག་ལེན་པར་བདེན་པའི་གནས་ཚུལ་ཞིག་རེད།

མཚན་རྟགས་མ་རྒྱག་པའི་རྒྱུ་མཚན་ནི་གྲྭ་བ་རྣམས་སྔ་མ་ལྟར་ཆབ་སྲིད་ཀྱི་གོ་རྟོགས་མེད་མཁན་ཞིག་གཏན་མིན་པར་དེང་སང་གཉིད་ལས་སད་རྟགས་མཚན་ངོ་མ་ཞིག་ལ་ངོས་འཛིན་བྱེད་ཆོག ང་ཚོས་ངེས་པར་དུ་ཟམ་གདོང་རིན་པོ་ཆེའང་མིའི་ཤ་ཚུགས་སུ་བྱོན་ཙམ་དགུང་ལོའི་བབ་དང་བསྟུན་དགོས་སྙམ། དེ་ལྟར་བྱེད་ན་ང་ཚོའི་དགྲ་བོ་རྒྱ་གཞུང་གིས་ཀྱང་བཙན་བྱོལ་བོད་གཞུང་གི་བཀའ་ཁྲིར་ལོང་མཁན་གྱི་མི་བུ་རྙིང་པ་དག་རྫོགས་ནས་ད་འཆར་གཞོན་སྐྱེས་དེང་རབས་ཅན་མེད་པའང་དྲན་སྲིད་མདོར་ན་ད་ལྟའི་འཆར་བཀའ་ཁྲི་ཟམ་གདོང་རིན་པོ་ཆེའི་འཇོན་མིན་གྱི་ཐད་བསམ་ཚུལ་མེད་མོད། ཁོང་ལ་ཨུ་ཚུགས་ཀྱིས་བཀའ་ཁྲི་བཞེངས་བཅུག་པའི་དགོས་པ་གང་ཡང་མ་མཐོང༌།

དེང་གི་དུས་ང་ཚོར་དགོས་ངེས་ཀྱི་བཀའ་ཁྲི་ན་གཞུང་སེམས་དྲང་ལ་དེ་སྔོན་སྤྱི་ཚོགས་ན་རྙོག་གླེང་མེད་མཁན་གྱི་གཞོན་སྐྱེས་ཤིག་འོས་འཚམས་ཡིན། དེ་ཡང་འཛམ་བུ་གླིང་སྤྱིའི་འགྲོ་ལུགས་དང་རྒྱལ་ཕྱིར་ནང་གི་གནས་ཚུལ་དེ་བཞིན་རྒྱལ་སྤྱིའི་ཁྲིམས་ལུགས་ཤེས་མཁན་ཞིག་ངེས་པར་དགོས་སྙམ།

༡༽ བཙན་བྱོལ་བོད་གཞུང་འདི་ཁྲིམས་མཐུན་མང་གཙོའི་རང་བཞིན་ཅན་ཞིག་ཡིན་ནམ།

༢༽ བཙན་བྱོལ་གྱི་ཁྲིམས་སྲོལ་འདི་གང་ཟག་ལ་ལྟོས་ནས་བསྐྱར་བཅོས་བྱ་ན་འགྲིག་གམ།

༣༽ད་ལྟའི་འཆར་བཙན་བྱོལ་གཞུང་གི་བཀའ་ཁྲིའི་འོས་མི་མ་རེག་པའི་དཀའ་ཚིགས་དེ་འདྲ་འདུག་གམ།

དཔལ་ལྡན་རྡོ་རྗེ་

ལགས་ཀྱིས་འདི་ག་ཤམ་བྷ་ལའི་ཕོ་ཉའི་ཟིན་བྲིས་སུ་བཀོད་པ་ནས་བཏུས།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:



བརྗོད་གཞི་གཞན་ཁག་ལ་གཟིགས།