དག་ཡིག་གསར་བསྒྲིཊ་རྩོམ་སྒྲིག་མཛད་མཁན་གྱི་ལོ་རྒྱུས།

༢༠༡༦།༠༦།༣༠ཉིན་སྤེལ། དག་ཡིག་གསར་བསྒྲིགས་ཀྱི་པར་གྲངས་འབུམ་བདུན་ལས་བརྒལ་ཞིང་། བོད་དུ་ཚོང་རྒྱུགས་ཆེ་བའི་དཔེ་དེབ་ཨང་དང་པོ་རུ་གྱུར་ཡོད།


དག་ཡིག་གསར་བསྒྲིགས་རྩོམ་སྒྲིག་མཛད་མཁན་ཤེ་བཞིན་བསམ་གཏན་རྒྱ་མཚོ་ལགས་ནི་སྤྱི་ལོ1921ལོར་བོད་ཨ་མདོ་མཚོ་སྔོན་དཔའ་ལུང་རྫོང་བཱ་ཡན་མཚེའུ་མགུར་ཞེས་པའི་ཡུལ་དུ་སྐུ་འཁྲུངས།དགུང་ལོ10བར་མདོ་སྨད་དྷཱིཿཚ་དགོན་པར་རབ་ཏུ་བྱུང་སྟེ་དགོན་དེའི་ཆོས་སྒོར་ཞུགས། དེ་ནས་རིམ་བཞིན་ཡི་གེ་སྦྱོར་ཀློག་དང་བོད་ཀྱི་བརྡ་སྤྲོད་ཀྱི་གཞུང་ལ་སྦྱངས་བརྩོན་རྒྱ་ཆེར་མཛད། ཁྱད་པར་དུ་གཞུང་ཆེན་བཀའ་པོད་ལྔ་སོགས་ལ་གསན་སྦྱངས་ཡུན་རིང་མཛད་ཅིང་དགུང་ལོ30བར་དྷཱིཿཚ་དགོན་པའི་དགེ་བཤེས་ཀྱི་མཚན་བཏགས་ལེགས་པར་བཞེས།སྤྱི་ལོ1953ལོར་མཚོ་སྔོན་ཞིང་ཆེན་སློབ་གསོ་སྡེ་ཁག་གིས་གདན་ཞུས་ལྟར་ཕེབས་ཏེ་ལས་ཁུངས་དེར་ཕྱག་ལས་གནང་།

སྤྱི་ལོ1957ལོར་མཚོ་སྔོན་ཞིང་ཆེན་སློབ་གསོ་སྡེ་ཁག་མི་རིགས་སློབ་གསོ་སྡེ་ཁག་གི་འགོ་གཙོ་གཞོན་པའི་འགན་བཞེས།སྤྱི་ལོ1962ལོར།མཚོ་སྔོན་མི་རིགས་དཔེ་སྐྲུན་ཁང་དུ་ལས་གནས་སྤར་ནས་འགོ་གཙོ་གཞོན་པའི་འགན་བཞེས་ཤིང་། བོད་ཡིག་རྩོམ་སྒྱུར་ཁང་གི་གཙོ་བདག་གི་འགན་ཡང་ཁུར། སྤྱི་ལོ1973ལོ་ནས་བཟུང་སྟེ་དག་ཡིག་གསར་བསྒྲིགས་རྩོམ་སྒྲིག་གི་མགོ་བརྩམས་ཏེ་ལོ་ངོ6རིང་ལ་འབད་བརྩོན་ནན་ཏན་བྱས་མཐར་སྤྱི་ལོ1979ལོའི་ལོ་སྟོད་དུ་དཔར་དུ་བསྐྲུན། གཞན་ད་དུང་ཁོང་གིས་མཚོ་སྔོན་ཞིང་ཆེན་གྱི་སློབ་གྲྭ་ཆུང་འབྲིང་གི་བོད་ཡིག་སློབ་དེབ་སྐོར་ཐེངས་དང་པོ་རྩོམ་སྒྲིག་ལོ་ཙཱ་གནང་པ་དང་། ༼ཝང་རའོ་ཧྥེ་བཙོན་ཁང་དུ་ཡོད་པ་༽ཞེས་པ་བོད་དུ་བསྒྱུར། ༼མི་རོ་རྩེ་སྒྲུང་༽ འཚོལ་སྡུད་ལེགས་སྒྲིག་གནང་བ་དང་། ༼མའོ་ཙེ་ཏུང་གི་གསུང་བཏུས་༽ཆེན་མོ་པར་སྐྲུན་གྱི་ཞུས་ཆེན་པ་མཛད་པ་སོགས་བོད་ཀྱི་རིག་གནས་ཉག་ཕྲ་བའི་སྐབས་སུ་བོད་ཀྱི་སྐད་ཡིག་སློབ་གསོ་འཕེལ་རྒྱས་ཀྱི་ཕྱོགས་ལ་བྱས་རྗེས་བླ་ན་མེད་པ་བཞག་ཡོད།

དགོང་ལོ59བཞེས་པ་སྤྱི་ལོ1979ལོའི་ལོ་སྨད་དུ་སྐུ་གཤེགས།ད་ལྟ་༼དག་ཡིག་གསར་བསྒྲིགས་༽ཀྱི་པར་གྲངས་འབུམ་བདུན་ལས་བརྒལ་ཞིང་། བོད་དུ་ཚོང་རྒྱུགས་ཆེ་བའི་དཔེ་དེབ་ཨང་དང་པོ་རུ་གྱུར་ཡོད།

Shareསྤྱི་ཚོགས་དྲ་གནས་ཁག་ཏུ་ཁྱབ་སྤེལ།

ཁྱེད་ཀྱི་བསམ་ཚུལ་བྲིས།

ཁྱེད་ཀྱི་མིང༌།:
བརྗོད་གཞི།:
བསམ་ཚུལ།:
བསམ་ཚུལ། (1)
1 ༢༧༢༠༡༦༡༤༤༡
ཤེ་བཞིན་བསམ་གཏན་རྒྱ་མཚོ་ལགས་ཀྱིས་བྲིས་པའི་དག་ཡིག་འདིས་ང་ཚོའི་དགོས་མཁོ་ཆེན་པོ་བསྐངས་ཐུབ་ཡོད། ཁོང་ཉིད་ནམ་ཡང་དྲན་པར་འོས།



བརྗོད་གཞི་གཞན་ཁག་ལ་གཟིགས།