ཤམ་བྷ་ལའི་ཕོ་ཉ། ཕྱི་ལོ་༢༠༡༠ཟླ་༣ཚེས་༢ཉིན། ཕྱི་ལོ་༢༠༠༩ཟླ་༣ཚེས་༡༠ནས་ཕྱི་ལོ་༢༠༡༠ཟླ་༣ཚེས་༡༠བར་བོད་མིའི་ཞི་བའི་གྱེན་ལངས་དང་བོད་གཞུང་མང་བཙན་བྱོལ་དུ་འབྱོར་ནས་ལོ་ངོ་ལྔ་བཅུ་འཁོར་བའི་དུས་དྲན་སྲུང་བརྩི་དང་འབྲེལ་བའི་ལས་རིམ་ནང་གསལ་ལྟར། དེ་རིང་ཞོགས་པར་ཐེག་ཆེན་ཆོས་གླིང་གཙུག་ལག་ཁང་དུ་ཕྱག་ཚོད་༦ཐོག་དབུ་འཛུགས་ཀྱིས་༧གོང་ས་མཆོག་ལ་བརྟན་བཞུགས་ཟབ་རྒྱས་ཤིག་ཕུལ་སོང༌།
ཤམ་བྷ་ལའི་ཕོ་ཉ། ཕྱི་ལོ་༢༠༡༠ཟླ་༣ཚེས་༢ཉིན། བདུན་ཕྲག་སྔོན་མའི་རེས་གཟའ་སྤེན་པ་ཉིན། རྒྱ་གར་ལྷོ་ཕྱོགས་བྷེ་ཀོ་གཞིས་གྲོང་སུ་བོད་རྒྱལ་ཡོངས་མང་གཙོ་ཚོགས་པའི་གོ་སྒྲིག་འོག༼༢༠༡༡ལོའི་བཀའ་བློན་ཁྲི་པའི་གལ་གནད་དང་ང་ཚོའི་མང་གཙོ་༽ཞེས་པའི་བརྗོད་གཞི་ཐོག་བགྲོ་གླེང་ཐེངས་གཉིས་པ་དེ་ཚོགས་ཡོད་འདུག་པ་དང་། སྐབས་དེར་བགྲོ་གླེང་ཐོག་ཁྱོན་མི་གྲངས་༨༠༠ཙམ་ངོ་ཕེབས་གནང་ཡོད་འདུག
